ARYNews.tv | Urdu – Har Lamha Bakhabar

Tag: pakistan railway

  • تین سال کے دوران ریلوے حادثات میں 118 افراد جاں بحق ہوئے: رپورٹ

    تین سال کے دوران ریلوے حادثات میں 118 افراد جاں بحق ہوئے: رپورٹ

    اسلام آباد:وزارت ریلوے نے ریلوے حادثات کے حوالے سے مکمل تفصیل قومی اسمبلی کے اجلاس میں پیش کردی ہے.

    تفصیلات کے مطابق قومی اسمبلی کے اجلاس میں ریلوے حادثات کے حوالے سے مکمل تفصیل پیش کی گئی، وزارت ریلوے نے رپورٹ پیش کرتے ہوئے کہا کہ جنوری 2013 سے دسمبر2016 تک ریلوے کے 338 حادثات ہوئے تھے.

    2013سے 2016 تک ریلوے کے 149 بڑے جبکہ 189 چھوٹے حادثات ہوئے تھے, جس کے پیش نظر 118 افراد جاں بحق، جبکہ 467 زخمی ہوئے ہیں.

    وزارت ریلوے کا اعتراف کیا کہ 1875 ریلوے پھاٹکوں پرعملہ تعینات نہیں ہے۔

    انہوں نے کہا کہ 2013 کے سروے کے مطابق 550 پھاٹک غیر محفوظ ہیں،مارچ سے مئی کے دوران پھاٹکوں سے متعلق نیا سروے کرانے کا ارادہ ہے۔

    مزید پڑھیں:لودھراں حادثہ: جاں بحق افراد کی تعداد 9 ہوگئی، 6 بچوں‌ کی تدفین

    یاد رہے کہ رواں سال جنوری میں لودھراں میں اسکول کے بچوں سے بھرے دو چنگ چی رکشا اور ٹرین حادثے کی وجہ سے 9 افراد جاں بحق ہوگئے تھے.

    مزید پڑھیں:ریلوے کراسنگ کی تعمیر صوبائی حکومتوں کی ذمہ داری ہے، خواجہ سعد رفیق

    یہاں یہ بتانا ضروری ہے کہ ریلوے کراسنگ کےباعث حادثات کی خبریں بھی تیزی سے میڈیا کا حصہ بنتی رہی ہیں.

    مزید پڑھیں:گوجرہ:کارشالیمارایکسپریس کی زد میں آگئی،6افرادجاں بحق،پولیس

    دوسری جانب رواں سال ماہ جنوری میں ہی صوبہ پنجاب کے شہر ٹوبہ ٹیک سنگھ کی تحصیل گوجرہ میں کار شالیمار ایکسپریس کی زد میں آگئی،جس کے نتیجے میں 6 افراد جاں بحق ہوگئے تھے.

  • لینس ڈاؤن برج، ریلوے حکام نے وزیراعظم کے احکامات ہوا میں اڑادئیے

    لینس ڈاؤن برج، ریلوے حکام نے وزیراعظم کے احکامات ہوا میں اڑادئیے

    سکھر : وزیر اعظم کے واضح احکامات کے باوجود سندھ کا قومی ورثہ قرار دیئے جانے والے لینس ڈاؤن برج کو محکمہ ریلوے نے قبول کرنے سے انکار کردیا، حکام کا کہنا ہے کہ یہ برج کسی استعمال میں نہیں ہے دیکھ بھال نہیں کر سکتے۔

    تفصیلات کے مطابق وزیراعظم کے قریبی ساتھی اوروفاقی وزیر ریلوے خواجہ سعد رفیق اور ان کی وزارت نے وزیراعظم کے اعلان کی لاج نہ رکھی۔

    سکھرکے تاریخی لینس ڈاؤن برج کی مرمت سے انکار کردیا، یاد رہے کہ سکھر کے ایک سو چھبیس سال پرانے لینس ڈاؤن برج کو وزیراعظم نواز شریف نے قومی ورثہ قرار دیتے ہوئے اس کی مرمت کا حکم دیا تھا۔

    pull-02

    محکمہ ریلوے نے اٹھارہ سو نواسی میں تعمیر کیے جانے والے اس قومی ورثہ کی حفاظت کے بجائے حکومت کو خط لکھ کر یہ مؤقف دیا کہ لینس ڈاؤن برج ہمارے استعمال میں نہیں لہٰذا اس کی دیکھ بھال نہیں کی جائے گی۔

    pull-01

    ریلوے حکام نے سکھر کی ضلعی انتظامیہ اور محکمہ ورکس اینڈ سروسز سے دو ٹوک الفاظ میں کہہ دیا ہے کہ لینس ڈاؤن برج ہماری ذمہ داری نہیں اس کو خود سنبھالیں۔

    یاد رہے کہ یہ اس وقت کا بغیر ستونوں اورمکمل طور پر لوہے سے تعمیر کیا جانے والا سب سے بڑا پل تھا، اس کی تعمیر میں 3300 ٹن لوہا استعمال کیا گیا۔

  • پاکستان ریلویز کا عید پر خصوصی ٹرینیں چلانے کا فیصلہ

    پاکستان ریلویز کا عید پر خصوصی ٹرینیں چلانے کا فیصلہ

    اسلام آباد : پاکستان ریلویز نے عیدالفطر پر دس خصوصی ٹرینیں چلانے کا فیصلہ کرلیا ہے، مسافروں کیلئے تین جولائی سے اسپیشل ٹرینیں چلائی جائینگی۔

    پاکستان ریلویز بھی عید اسپیشل ٹرینیں چلانے کیلئے تیار ہوگئی، عید پر پاکستان ریلویزکی جانب سے مختلف شہروں سے دس خصوصی ٹرینیں چلائی جائیں گی، تین جولائی کو دو عید اسپیشل ٹرینیں کراچی سے پشاور اور ملکوال کیلئے روانہ ہوں گی۔

    تیسری اسپیشل ٹرین کوئٹہ سے راولپنڈی کیلئے جائے گی، چار جولائی کو چوتھی عید اسپیشل ٹرین کراچی سے لاہور کیلئے روانہ ہوگی، پانچ جولائی کو پانچویں عید اسپیشل ٹرین راولپنڈی سے ملتان کیلئے چلے گی۔

    نو جولائی کو چھٹی عیداسپیشل ٹرین ملتان سے راولپنڈی جائے گی، دس جولائی کو پشاور سے کراچی، ملکوال سے کراچی اور لاہور سے کراچی کیلئے جبکہ دسویں عید اسپیشل ٹرین راولپنڈی سے کوئٹہ کیلئے روانہ ہوگی۔

  • وزیرریلوے نے مخالفین پر ایک بار پھر ٹرین چڑھا دی

    وزیرریلوے نے مخالفین پر ایک بار پھر ٹرین چڑھا دی

    لاہور: وزیرریلوے خواجہ سعدرفیق نے سیاسی مخالفین پر ایک بار پھر ٹرین چڑھا دی،انہوں نے کہا کہ بلاول کرپشن پربات کرنے سے پہلےماضی میں جھانکیں، پیپلز پارٹی ریڈ لائن پار نہ کرے۔

    لاہور میں تقریب سے خطاب کرتے ہوئے وفاقی وزیر ریلوے نے آصف زرداری سے اپیل کی کہ وہ دور اندیش ہیں معاملے کو سنبھالیں، خواجہ سعد رفیق نے کہا کہ دھرنے اور راستے بند کرنیوالے پاکستان کے دوست نہیں دشمن ہیں ۔

    انکا کہنا تھا کہ اپوزیشن کا کام ہے تنقید کرنا، بات کر کے راستہ نکالنے والوں کیلئے ہمیشہ حاضر ہیں،انہوں نے پیپلز پارٹی کوریڈ لائن پار نہ کرنے کی وارننگ بھی دی۔

    کپتان پر تنقید کرتے ہوئے خواجہ سعد رفیق کا کہنا تھا کہ عمران خان کالا چشمہ اتار کے پختونخواہ سے چوہے اورپولیو ختم کریں۔

    دوسری جانب سعد رفیق کے بیان پر ردعمل ظاہر کرتے ہوئے پیپلز پارٹی کے رہنما قمر زمان کائرہ کا کہنا تھا کہ پاناما لیکس سے متعلق ہر شخص کے بارے میں تحقیقات ہونا چاہئیں جبکہ پی ٹی آئی کے نعیم الحق نے کہا کہ سعد رفیق جیسے لوگوں کا نام ٹی اوآرز کمیٹی میں نہیں آنا چاہیئے۔

  • ریلوے کا 15 نومبر سے 14 دسمبر تک کرایوں میں کمی کا اعلان

    ریلوے کا 15 نومبر سے 14 دسمبر تک کرایوں میں کمی کا اعلان

    لاہور: پاکستان ریلوے کی جانب سے پندرہ نومبر سے چودہ دسمبر تک بارہ ٹرینوں کے کرایوں میں کمی کردی گئی گئی۔

    وزیر ریلوے خواجہ سعد رفیق کی زیرصدارت اعلیٰ سطحی اجلاس میں لاہور راولپنڈی کے مابین چلنے والی ریل کاروں کے کرائے میں دی جانے والی سبسڈی میں پچیس فیصد کمی کا فیصلہ کیا گیا ۔

    اجلاس میں فیصلہ کیا گیا کہ کسی بھی ٹرین کی روانگی سے اڑتالیس گھنٹے سے کم وقت میں بُکنگ کروانے پر پانچ فیصد سرچارج وصول کیا جائے گا اور یہ فیصلے پندرہ نومبرسے نافذالعمل ہوں گے۔

    جن ٹرینوں کے کرایو ں میں دس فیصد کمی کی گئی ہے اُن میں بدر ایکسپریس، غوری ایکسپریس، راوی ایکسپریس، سرگودھاایکسپریس اور لاثانی ایکسپریس شامل ہیں ۔

    جبکہ مہر ایکسپریس ، چناب ایکسپریس ، لالہ موسیٰ ایکسپریس، ساندل ایکسپریس، سکھر ایکسپریس، سمن سرکار ایکسپریساوربدین ایکسپریسکے کرایوں میں بھی کمی کی گئی ہے۔

  • حکومت نے بزنس ٹرین کو اپنی تحویل میں لے لیا

    حکومت نے بزنس ٹرین کو اپنی تحویل میں لے لیا

    لاہور: نجی شعبے کے ذریعے کراچی سے درمیان چلنے والی بزنس ٹرین کو کثیر رقم واجب الادا ہونے پربالاخر حکومت نے اپنی تحویل میں لے لیا ہے۔

    تفصیلات کے مطابق بزنس ٹرین کو آپریٹ کرنے والی کمپنی نے منافع کمانے کے باوجود اپنے ذمہ واجب الادا کثیر رقم حکومت کو ادا نہیں کی۔

    بڑی رقم واجب الادا ہونےپرریلوے حکام نےکئی مرتبہ نوٹس بھیجے لیکن نجی کمپنی کے مالی معاملات قابومیں نہ آئے جس پرریلوے انتظامیہ نے بزنس ٹرین کے خسارے کو ’’آوٹ آف کنٹرول‘‘ ہونے سے بچانے کے لئے تحویل میں لینے کا فیصلہ کرلیا۔

    اس موقع پر وفاقی وزیر خواجہ سعد رفیق کا کہنا تھا بزنس ٹرین کے معاملے حکومتی موقف کی تائید پروہ عدالت کے شکرگزارہیں۔

    واضح رہے کہ وائی فائی اورٹی وی سمیت جدید سہولتوں سے آراستہ ٹرین پیپلزپارٹی دورمیں لاہورکی معروف کاروباری شخصیت کے ساتھ پارٹنر شپ میں شروع کی گئی تھی۔

  • عید الاضحی کے موقع پر دس عید اسپیشل ٹرینیں چلانے کا فیصلہ

    عید الاضحی کے موقع پر دس عید اسپیشل ٹرینیں چلانے کا فیصلہ

    لاہور: محکمہ ریلوے کی جانب سے عید الاضحی کے لیے دس عید سپیشل ٹرینیں چلائی جائیں گی جبکہ اسپیشل ٹرینوں کے کرایوں میں دس فیصد کمی کا بھی فیصلہ کیا گیا ہے۔

    ترجمان ریلوے کے مطابق عید الاضحی کے لیے مختلف شہروں میں دس اسپیشل ٹرینوں کا آغاز بائیس ستمبر کو ہوگا، اس روز تین اسپیشل ٹرینیں کراچی سے لاہور، پشاور اور راولپنڈی کے لیے روانہ ہوں گی جبکہ ایک سپیشل ٹرین کوئٹہ سے راولپنڈی کے لیے بھی روانہ ہوگی۔

     تئیس ستمبر کو ایک سپیشل ٹرین لاہور سے کراچی کے لیے جبکہ جمعرات چوبیس ستمبر کو دو سپیشل ٹرینیں راولپنڈی سے لاہور، دوسپیشل ٹرینیں لاہور سے راولپنڈی اور ایک سپیشل ٹرین راولپنڈی سے ملتان کے لیے روانہ ہوگی۔

    ترجمان ریلوے کے مطابق ٹرینوں کے کرایوں میں دس فیصد کمی کا فیصلہ بھی کیا گیا ہے۔

  • محکمہ ریلوے کی جانب سے عید پر چھ خصوصی ٹرینیں چلانے کااعلان

    محکمہ ریلوے کی جانب سے عید پر چھ خصوصی ٹرینیں چلانے کااعلان

    لاہور: محکمہ ریلوے کراچی نےاس عید پربھی چھ خصوصی ٹرینیں چلانے کااعلان کردیا، لیکن کینٹ اسٹیشن پرخراب صورتحال نے مسافروں کو گھنٹوں قطاروں میں کھڑارہنے پرمجبورکردیا۔

     لمبی لمبی قطاروں میں لگے یہ لوگ عید مناناچاہتےہیں اپنوں کےساتھ محکمہ ریلوے نےہرسال کی طرح اس سال بھی کیاعیدپرخصوصی ٹرینیں چلانےکا اہتمام اس بارایک، دونہیں مسافروں کےلیےکراچی سےچلائی جارہی ہیں۔

     چھ خصوصی ٹرینیں مگر کراچی کینٹ اسٹیشن بکنگ آفس پرسسٹم خرابی نےشہریوں کو اذیت میں مبتلا کردیا، ریزروزیشن کے لیے آئے مسافرشدید مشکلات سے دوچار ہوگئے۔

     مسافرگھنٹوں لائنوں میں لگےرہنےکے بعدبھی بغیر بلنگ کےلوٹ رہے ہیں، کراچی سےپہلی عیدٹرین گیارہ جولائی کوصبح گیارہ بجے لاہور روانہ ہوگی، خصوصی ٹرینوں کاسلسلہ سولہ جولائی تک جاری رہےگا۔

  • فوجیوں کو لے جانے والی ٹرین نہرمیں جاگری، 12 جاں بحق

    فوجیوں کو لے جانے والی ٹرین نہرمیں جاگری، 12 جاں بحق

    گجرانوالہ: پنوں عاقل سےکھاریاں جانے والی ٹرین گوجرانوالہ میں پل ٹوٹنے سے حادثے کاشکارہوگئی، تین بوگیاں اورانجن نہرمیں گرنے سے بارہ افرادجاں بحق اورسترسےزائد مسافرزخمی ہوگئے۔

    ڈی جی آئی ایس پی آر میجر جنرل عاصم سلیم باجوہ نے تصدیق کی ہے کہ ٹرین کی بوگیاں جمکے چھتہ میں نہر میں گر گئی اورامدادی کاروائیاں کاری ہیں۔

    انہوں نے اس بات کی بھی تصدیق کی ہے کہ حادثے میں لیفٹینٹ کرنل سمیت 12 افراد جاں بحق ہوگئے ہیں جن میں سے آٹھ کی میتیں مل چکی ہیں۔

    ٹرین میں130 کے قریب مسافرسوارتھے اورحادثے میں 82 سےزائد مسافرزخمی ہوئے ہیں جنہیں سی ایم ایچ منتقل کردیاگیا۔ ٹرین میں پاک فوج کے 200اہلکاربھی سوار تھے۔

    ریلوے ترجمان رؤف طاہرکا کہناہے کہ سانحے کی تحقیق کیلئےکمیٹی تشکیل دی جائےگی جو دہشت گردی سمیت دیگرپہلوؤں سے حادثے کا جائزہ لے کررپورٹ پیش کرے گی۔

    ان کا کہناتھا کہ حادثے میں بیرونی عوامل کو نظرانداز نہیں کیا جاسکتا کیونکہ چھ ماہ قبل ہی متاثرہ پل کاجائزہ لیا گیاتھا۔

  • مسافروں ٹرینوں کےکرائے میں 5فیصد کمی کا نوٹیفکیشن جاری

    مسافروں ٹرینوں کےکرائے میں 5فیصد کمی کا نوٹیفکیشن جاری

    لاہور: پاکستان ریلوے نے مسافر ٹرینوں کے کرایوں میں تین سے پانچ فیصد کمی کا نوٹیفکیشن جاری کردیا ہے۔

     مسافر ٹرینوں کے کرایوں میں کمی کا اطلاق لاہور سے کراچی چلنے والی قراقرم ایکسپریس پر نہیں ہوگا،جبکہ نجی شعبہ کے زیر انتظام چلنے والی شالیمار ایکسپریس اور بزنس ٹرین کے کرائے کم نہیں ہوں گے۔

    نوٹیفکیشن کے مطابق علامہ اقبال ایکسپریس، عوام ایکسپریس، کراچی ایکسپریس، ملت ایکسپریس اکبر بگٹی اور جعفر ایکسپریس کی تمام کلاسز پر تین فیصد کمی ہوگی۔

    جبکہ بولان میل ، بہاؤالدین ذکریا ایکسپریس، فرید ایکسپریس، سکھر ایکسپریس کی تمام کلاسز پر کرائے میں پانچ فیصد کمی ہوئی مسافر ٹرینوں کے کرایوں میں دس روپے سے ایک سو تیس روپے تک کمی ہوئی۔

    دوسری جانب مسافروں نے ٹرینوں کے کرائے میں معمولی کمی کو مسترد کرتے ہوئے بیس فیصد تک کرائے کم کرنے کا مطالبہ کیا ہے۔