ARYNews.tv | Urdu – Har Lamha Bakhabar

Tag: Pakistan Railways

  • پاکستان ریلوے کا بکنگ سسٹم اب تک بحال نہ ہوسکا

    پاکستان ریلوے کا بکنگ سسٹم اب تک بحال نہ ہوسکا

    کراچی: پاکستان ریلوے کا بکنگ سسٹم 24 گھنٹے سے زائد وقت گزرنے کے بعد بھی بحال نہ ہوسکا، ریلوے کے آئی ٹی ایکسپرٹ کی ناکامی کے بعد نجی شعبے کے آئی ٹی ایکسپرٹ کی خدمات حاصل کرنے کا فیصلہ کیا گیا ہے۔

    تفصیلات کے مطابق پاکستان ریلوے کا ریزرویشن سسٹم 24 گھنٹے سے زائد وقت گزرنے کے بعد بھی بحال نہ ہوسکا، ریلوے کا بکنگ سسٹم گزشتہ روز بیٹھ گیا تھا۔

    ریلوے کا شعبہ آئی ٹی اپنے ہی سسٹم کی خرابی گھنٹوں گزرنے کے بعد بھی تلاش نہ کرسکا، ذرائع کے مطابق بکنگ سسٹم بحال کرنے کے لیے نجی شعبے کے آئی ٹی ایکسپرٹ کی خدمات حاصل کرنے کا فیصلہ کیا گیا ہے۔

    دوسری جانب ٹکٹ کاؤنٹر اور آن لائن بکنگ بند ہونے سے ریلوے کو اب تک لاکھوں روپے کا نقصان ہوچکا ہے، آن لائن ٹکٹوں کا سسٹم بھی فعال نہ ہو سکا جس سے مسافروں کو شدید مشکلات کا سامنا ہے۔

    ذرائع کا کہنا ہے کہ مبینہ طور پر بکنگ سسٹم دینے والی کمپنیوں کو بروقت ادائیگی نہ کرنے پر نظام خراب ہوا۔ ڈرائیور کنٹرولڈ آپریشن (ڈی سی او) ناصر نذیر کا کہنا ہے کہ ریلوے ہیڈ کوارٹر میں ڈیٹا بیس کریش ہوا جو جلد ٹھیک ہوجائے گا۔

    یاد رہے کہ ریلوے کا بکنگ سسٹم گزشتہ روز 8 بجے سے بند ہے، گزشتہ روز ریلوے گارڈز ریزرویشن چارٹ کے بغیر ٹرینوں میں روانہ ہوئے۔

  • 3 مسافر ٹرینیں نجی شعبے کے حوالے کرنے کا فیصلہ

    3 مسافر ٹرینیں نجی شعبے کے حوالے کرنے کا فیصلہ

    لاہور: پاکستان ریلوے نے 3 مسافر ٹرینیں نجی شعبے کے حوالے کرنے کا فیصلہ کیا ہے، اٹک پسنجر ٹرین، ملتان ۔ راولپنڈی مہر ایکسپریس اور جنڈ ۔ اٹک پسنجر ٹرین نجی شعبے کے حوالے کردی جائیں گی۔

    تفصیلات کے مطابق ترجمان ریلوے کا کہنا ہے کہ پاکستان ریلوے نے 3 مسافر ٹرینیں نجی شعبے کے حوالے کرنے کا فیصلہ کیا ہے، سب سے پہلے 20 ستمبر سے اٹک پسنجر ٹرین نجی شعبے کو دی جائے گی۔

    ترجمان کا کہنا ہے کہ 27 ستمبر سے ملتان، راولپنڈی کے لیے مہر ایکسپریس بھی نجی شعبہ چلائے گا، جبکہ اسی روز جنڈ اور اٹک چلنے والی پسنجرٹرین کو بھی نجی شعبے کے حوالے کردیا جائے گا۔

    خیال رہے کہ گزشتہ روز سینیٹ میں 5 سال کے ریلوے خسارے کی تفصیلات پیش کی گئیں جس میں بتایا گیا کہ 5 سال کے دوران ریلوے 187 ارب سے زائد خسارے میں رہا۔

    رپورٹ کے مطابق مالی سال 20-2019 میں ریلوے کا خسارہ سب سے زیادہ رہا، اس عرصے میں ریلوے کا خسارہ 50 ارب 15 کروڑ رہا۔

    رپورٹ میں کہا گیا کہ مالی سال 19-2018 میں ریلوے کا خسارہ 32 ارب 76 کروڑ، مالی سال 18-2017 میں 36 ارب 62 کروڑ، مالی سال 17-2016 میں 40 ارب اور 16-2015 میں 26 ارب 99 کروڑ رہا۔

  • 5 سال کے دوران ریلوے میں کتنا خسارہ ہوا؟

    5 سال کے دوران ریلوے میں کتنا خسارہ ہوا؟

    اسلام آباد: محکمہ ریلوے کی گزشتہ 5 سال کے دوران خسارے کی رپورٹ سینیٹ میں پیش کردی گئی، سب سے زیادہ خسارہ مالی سال 20-2019 میں 50 ارب 15 کروڑ رہا۔

    تفصیلات کے مطابق سینیٹ اجلاس کے وقفہ سوالات کے دوران گزشتہ 5 سال کے ریلوے خسارے کی تفصیلات پیش کردی گئیں، رپورٹ کے مطابق 5 سال کے دوران ریلوے 187 ارب سے زائد خسارے میں رہا۔

    رپورٹ کے مطابق مالی سال 20-2019 میں ریلوے کا خسارہ سب سے زیادہ رہا، اس عرصے میں ریلوے کا خسارہ 50 ارب 15 کروڑ رہا۔

    رپورٹ میں کہا گیا کہ مالی سال 19-2018 میں ریلوے کا خسارہ 32 ارب 76 کروڑ جبکہ مالی سال 18-2017 میں یہ خسارہ 36 ارب 62 کروڑ رہا۔

    اسی طرح مالی سال 17-2016 میں ریلوے خسارہ 40 ارب اور 16-2015 میں 26 ارب 99 کروڑ رہا۔

    خیال رہے کہ ریلوے خسارہ ازخود نوٹس پر سپریم کورٹ نے ریلوے کی ری اسٹرکچرنگ کے لیے 4 ہفتے کی مہلت دی ہے۔

    چیف جسٹس، جسٹس گلزار احمد کا کہنا تھا کہ فنڈز موجود ہیں تو منصوبہ مکمل ہونے میں وقت نہیں لگنا چاہیئے، 18 سو کلو میٹر کا ٹریک بچھانا چین کے لیے کوئی مشکل نہیں۔

  • سپریم کورٹ کا رائل پام کلب پاکستان ریلوے کے حوالے کرنے کا حکم

    سپریم کورٹ کا رائل پام کلب پاکستان ریلوے کے حوالے کرنے کا حکم

    لاہور: سپریم کورٹ نے لاہور میں واقع رائل پام کلب پاکستان ریلوے کے حوالے کرتے ہوئے رائل پام انتظامیہ کا ریلوے کے ساتھ معاہدہ کالعدم قرار دے دیا جبکہ رائل پام کے لیے تین ماہ میں نیا ٹینڈر جاری کرنے کا حکم دیا۔

    تفصیلات کے مطابق سپریم کورٹ کے جسٹس عظمت سعید شیخ اور جسٹس اعجاز الاحسن پر مشتمل دو رکنی بنچ نے رائل پام سے متعلق کیس کی سماعت کی ، مقدمے میں ریلوےکی جانب سے ابوذر سلمان نیازی اورسلمان اکرم راجا ایڈووکیٹ پیش ہوئے جبکہ رائل پام کی طرف سے اعتزازاحسن ، علی ظفر اور مخدوم علی خان نے پیروی کی۔

    جسٹس عظمت سعید اورجسٹس اعجاز الاحسن نےسپریم کورٹ لاہور رجسٹری میں مقدمے کا فیصلہ سنایا ، فیصلے میں حکم دیا کہ رائل پام کنٹری کلب کے تمام معاملات ریلوے انتظامیہ کے ذمہ ہوں گے اور پاکستان ریلوے رائل پام کے تمام انتظامات کو بہترین طریقے سے چلائے گی۔

    عدالت نے حکم دیا کہ تین ماہ میں رائل پام کے انتظامات کے لیے قواعد و ضوابط طے کیے جائیں ۔

    عدالت نے قرار دیا کہ شیخ رشید نے بیان دیا کہ کئی غیر ملکی کمپنیاں رائل پام کا ٹھیکہ مہنگے داموں لینے میں دلچسپی لے رہی ہیں لہذا اس حوالے سے تین ماہ میں نیا ٹینڈر جاری کیا جائے اور اس میں غیر ملکی کمپنیوں کو قانون کے مطابق شامل کیا جائے ۔

    عدالت نے ٹینڈر کی نگرانی کے لیے جسٹس فیصل عرب اور جسٹس اعجاز الاحسن پر مشتمل عمل درآمد بنچ بھی تشکیل دے دیا جبکہ حکم دیا کہ اس دوران رائل پام میں ہونے والی تقریبات کو متاثر نہ کیا جائے ۔

    سپریم کورٹ نے ہدایت کی کہ احتساب عدالت اس معاملے پر قانون کے مطابق اپنی کارروائی جاری رکھے ۔

    خیال رہے 27 دسمبر 2018 کو سپریم کورٹ نے رائل پام انتظامیہ تحلیل کر دی تھی اور 11 اپریل کو معاہدہ غیر قانونی قرار دے کر فیصلہ محفوظ کر لیا تھا۔

    رائل پام سے متعلق نیب انکوائری نیب راولپنڈی میں زیر تفتیش ہے ، نیب کے مطابق 2001 میں تجارتی مقاصد کے لیے ریلوے گالف کلب کی 49 سالہ لیز اور  140 ایکڑ زمین غیر قانونی طور پر دے جس کی وجہ سے قومی خزانے کو2 ارب 20 کروڑ روپے کا نقصان پہنچا۔

  • پاکستان ریلوے کا نابینا افراد کو 50 فی صد رعایت دینے کا اعلان

    پاکستان ریلوے کا نابینا افراد کو 50 فی صد رعایت دینے کا اعلان

    اسلام آباد: حکومت نے ریل میں سفر کرنے والے نابینا افراد کو 50 فی صد رعایت دینے کا اعلان کر دیا۔

    تفصیلات کے مطابق اب نابینا افراد اور ان کے مددگار شخص کو کرایے میں 50 فیصد رعایت دی جائے گی۔

    سینیٹ میں تقریر کرتے ہوئے وزیر ریلوے شیخ رشید نے کہا کہ پاکستان ریلوے نے مخصوص عمر کی افرادکو رعایت دینے کا فیصلہ کیا ہے۔

    ان کا کہنا تھا کہ پاکستان ریلوے معمر افراد کو 50 فی صدرعایت دی گی، بزرگ شہری شناختی کارڈدکھاکرسہولت حاصل کرسکتےہیں۔

    وفاقی وزیر ریلوے شیخ رشید کا کہنا تھا کہ اکانومی کلاس میں غریبوں کے لئے کرایہ 150 کم کر دیں گے۔

    مزید پڑھیں: ریلوے کو بحران سے نکالنے کے لیے ہنگامی اقدامات کر رہے ہیں‘ شیخ رشید

    ان کا کہنا تھا کہ ریلوے ٹریک کی حالت بہت خراب ہے، ایم ایل ون اورایم ایل ٹوکو بہتر بنایا جائے گا۔

    انھوں نے صارفین کو خوش خبر سنائی کہ 100 دن مکمل ہونے تک ٹرینوں میں وائی فائی کی فراہمی شکر کر دیں گے۔

    شیخ رشید نے کہا کہ ہم نے ریلوےاسٹیشنز پرذیلی ویٹر لگانے کے لئے ٹینڈردیے ہیں، ریلوے اسٹیشنز پر پہلے وہیل چیئر کی فیس تھی، جوہم نےختم کردی۔

  • کراچی سے لاہور جانے والی شالیمار ایکسپریس میں پولیس گردی‘ سیٹوں پر قبضہ، مسافروں پر تشدد

    کراچی سے لاہور جانے والی شالیمار ایکسپریس میں پولیس گردی‘ سیٹوں پر قبضہ، مسافروں پر تشدد

    کراچی: روہڑی کے مقام پر کراچی سے لاہور جانے والی ٹرین شالیمار ایکسپریس میں  پولیس نے چڑھ کر سیٹوں پر ناجائز قبضہ جماتے ہوئے مسافروں پر تشدد کیا۔

    تفصیلات کے مطابق سندھ کے ضلع سکھر کے قصبے روہڑی میں پولیس نے شالیمار ایکسپریس پر دھاوا بولتے ہوئے پولیس گردی شروع کر دی، پولیس اہل کاروں نے بہاول پور جانے والے مسافروں پر تشدد کیا۔

    پولیس اہل کاروں نے شالیمار ایکسپریس کی سیٹ نمبر 64، 65، اور 66 پر زبردستی قبضہ کر کے ڈبے میں ڈیرا جما لیا، جس پر مسافروں نے شدید احتجاج کیا۔

    ذرائع کا کہنا ہے کہ پولیس اہل کاروں کی جانب سے مسافروں کو دھمکیاں دی گئیں، اہل کاروں نے مسافروں کو وارننگ دی کہ وہ اگر خاموش نہیں رہے تو انھیں اگلے اسٹیشن پر اتار دیا جائے گا۔

    پولیس کے دھاوا بولنے پر ٹرین مسافروں نے ٹرین کے اندر احتجاج کرتے ہوئے اربابِ اختیار سے مطالبہ کیا ہے کہ شالیمار ایکسپریس میں پولیس گردی کا نوٹس لیا جائے۔

    چیف جسٹس کا پاکستان ریلوے کا مکمل آڈٹ کروانے کا حکم

    مسافروں کا کہنا تھا کہ ٹرین کے ڈبے میں خواتین بھی سوار تھیں لیکن پولیس اہل کاروں نے کسی کا خیال نہیں کیا، مسافروں پر تشدد کرتے ہوئے سیٹوں پر قبضہ جمایا۔

    ٹرین میں احتجاج کے دوران مسافروں کا کہنا تھا کہ محکمہ پولیس عوام کے تحفظ کی بجاے عوام کے لیے مزید زحمت بن چکی ہے۔ دوسری طرف تازہ ترین اطلاعات کے مطابق تحریکِ انصاف نے اپنی حکومت کے اوّلین اقدامات میں پولیس اصلاحات کو بھی شامل کرلیا ہے۔

  • ادارے نہیں چل رہے تو سمجھ سے بالا ہے، ملک کیسے چل رہا ہے، چیف جسٹس

    ادارے نہیں چل رہے تو سمجھ سے بالا ہے، ملک کیسے چل رہا ہے، چیف جسٹس

    لاہور : ریلوے میں خسارے سے متعلق کیس میں  آڈٹ آفیسر نے بتایا ریلوے کا خسارہ 40 بلین روپے ہے، جس پر چیف جسٹس ثاقب نثار نے ریمارکس دیے کہ ادارے نہیں چل رہے تو سمجھ سے بالا ہے ملک کیسے چل رہا ہے، چنے والا کدھر ہے، اگلی تاریخ پر چنے والا بھی پیش ہو۔

    تٖفصیلات کے مطابق سپریم کورٹ لاہور رجسٹری میں چیف جسٹس ثاقب نثار کی سربراہی میں پاکستان ریلوے میں خسارے سے متعلق از خود نوٹس کی سماعت ہوئی، عدالتی حکم پر فرانزک آڈٹ رپورٹ عدالت میں پیش کی گئی۔

    آڈٹ آفیسر نے عدالت کو آگاہ کیا کہ ریلوے کا خسارہ 40 بلین روپے ہے، چیف جسٹس نے قرار دیا کہ رپورٹ ٹھوک کر اور کسی خوف کے بغیر دینی تھی۔

    چیف جسٹس نے آڈٹ آفیسر سے استفسار کیا کہ کیا ریلوے میں سب اچھا ہے، جس پر انہوں نے جواب دیا کہ رپورٹ اچھی نہیں ہے۔

    چیف جسٹس نے پھر پوچھا کہ کیا پچھلے پانچ سالوں میں سب سے زیادہ خرابی پیدا ہوئی تو آڈٹ آفیسر نے جواب دیا کہ خرابی 70 برسوں سے چل رہی ہے، گزشتہ 5 سالوں میں دور کرنے کی کوئی کوشش نہیں کی گئی۔

    آڈٹ آفیسر نے بتایا کہ ریلوے کے 500 میں سے صرف 50 اسٹیشنز کمپیوٹرائزڈ ہیں، خسارے کی بنیادی وجہ غیر ذمہ داری اور منصوبوں کی تکمیل میں تاخیر ہے، ریلوے کا 70 فیصد ریونیو پینشن کی مد میں جا رہا ہے۔ ڈبل ٹریک منصوبہ 4 برسوں سے تاخیر کا شکار ہے۔

    چیف جسٹس نے قرار دیا کہ رپورٹ میں دی گئی تجاویز کو شائع کیا جائے۔

    جسٹس ثاقب نثار نے فرانزک آڈٹ رپورٹ پر ریلوے کو نوٹس جاری کرتے ہوئے جواب طلب کرلیا اور کہا کہ چنے والا کدھر ہے، اگلی تاریخ پر چنے والا بھی پیش ہو، اگر ادارے نہیں چل رہے تو سمجھ سے بالا ہے کہ ملک کیسے چل رہا ہے۔

    بعد ازاں عدالت نے کیس کی سماعت دو ہفتوں کے لیے ملتوی کر دی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پاکستان ریلویز نےعیدالاضحی پرکرایوں میں کمی کردی

    پاکستان ریلویز نےعیدالاضحی پرکرایوں میں کمی کردی

    کراچی: پاکستان ریلویز نےعیدالاضحیٰ کےموقع پر مسافروں کے لیے ٹرینوں کے کرایوں میں 25 فیصد کمی کا اعلان کیا ہے۔

    تفصیلات کے مطابق ریلوے انتظامیہ کا کہنا ہے کہ عیدالاضحیٰ کے موقع پر مسافرٹرینوں کے کرایوں میں 25 فیصد کمی کی گئی ہے جس کا نوٹی فیکیشن جاری کردیا گیا ہے۔

    عید الاضحیٰ کے موقع پر آبائی علاقوں میں جانے والے پردیسیوں کے لیے کرایوں میں کمی کا اطلاق 2 ستمبر سے لے کر 4 ستمبر تک ہوگا تاہم کرایوں میں کمی ایڈوانس بکنگ پر ہوگی۔

    ریلوے حکام کا کہنا ہے کہ کراچی سے 2 عید اسپیشل ٹرینیں چلیں گی پہلی ٹرین 30 اگست صبح 11 بجے کراچی سے پشاور تک جائے گی جبکہ دوسری ٹرین 31 اگست صبح 11 لاہور کے لیے روانہ ہوگی۔

    پاکستان ریلوے کاعیدالاضحیٰ پرکرایوں میں 25 فیصد کمی کا اعلان

    یاد رہے کہ دو روز قبل وفاقی وزیرریولے خواجہ سعد رفیق نے سماجی رابطے کی ویب سائٹ ٹویٹر پراپنے پیغام میں عیدالاضحیٰ کے تینوں دنوں ریلوے کے کرایوں میں 25 فیصد کمی کا اعلان کیا تھا۔

    واضح رہے کہ خواجہ سعد رفیق کا کہنا تھا کہ عیدالاضحیٰ کے موقع پر معمول کی ٹرینوں میں بھی اضافی بوگیاں لگائی جائیں گی اور اسپیشل ٹرینوں میں آن لائن بکنگ کی سہولت بھی فراہم کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاکستان ریلوے کاعیدالاضحیٰ پرکرایوں میں 25 فیصد کمی کا اعلان

    پاکستان ریلوے کاعیدالاضحیٰ پرکرایوں میں 25 فیصد کمی کا اعلان

    کراچی : پاکستان ریلوے نے عیدالاضحیٰ کے موقع پر ریلوے کرایوں میں 25 فیصد کمی کا اعلان کیا ہے۔

    تفصیلات کے مطابق وفاقی وزیرریولے خواجہ سعد رفیق نے سماجی رابطے کی ویب سائٹ ٹویٹر پراپنے پیغام میں عیدالاضحیٰ کے تینوں دنوں ریلوے کے کرایوں میں 25 فیصد کمی کا اعلان کیا ہے۔

    وزیر ریلوے خواجہ سعد رفیق کا کہنا تھا کہ ریلوے کرایوں میں کمی تمام کلاسز کی ٹرینوں پر کی گئی ہے۔

    خواجہ سعد رفیق کا کہنا تھا کہ عیدالاضحیٰ کے موقع پر معمول کی ٹرینوں میں بھی اضافی بوگیاں لگائی جائیں گی اور اسپیشل ٹرینوں میں آن لائن بکنگ کی سہولت بھی فراہم کی جائے گی۔

    واضح رہے کہ وزیرریلوے خواجہ سعد رفیق کا کہنا تھا کہ عیدالاضحی کے پرمسرت موقع پراضافی رش کے پیشِ نظرملک کے مختلف شہروں سے پانچ اسپیشل ٹرینیں چلانے کی منظوری دی گئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی سے پہلی عید اسپیشل ٹرین پشاور کیلئے روانہ

    کراچی سے پہلی عید اسپیشل ٹرین پشاور کیلئے روانہ

    کراچی : پاکستان ریلویز کے عید اسپیشل ٹرینوں کا آپریشن کا آغاز ہوگیا ، خصوصی ٹرینیں28جون تک چلیں گی، جس میں جس میں مجموعی طور پر پانچ لاکھ سے زائد مسافروں کو سفری سہولتیں فراہم کی جائیں گی۔

    تفصیلات کے مطابق پہلی عید اسپیشل ٹرین آج کراچی سٹی سے روانہ ہوئی اور خانپور، فیصل آباد، جہلم سے ہوتی ہوئی کل ہفتے کی رات10بجکر30منٹ پر پشاور کینٹ پہنچے گی۔

    دوسری ٹرین کوئٹہ سے جمعہ کے دن 11بجکر30منٹ پر روانہ ہوکر جیکب آباد۔ خانیوال سے ہوتی ہوئی اگلے روز شام 6بجکر55منٹ پر راولپنڈی پہنچے گی، اتیسری سپیشل ٹرین کراچی کینٹ سے 24جون کو دن 11بجے روانہ ہوکر روہڑی۔ بہاولپور۔ سانگلہ ہل کے راستے اگلی صبح 10بجے لاہور پہنچے گی۔

    ڈی سی او ریلوے اسحاق بلوچ نے بتایا کہ عید اسپشیل ٹرین میں گیارہ سو مسافروں کی گنجائش ہے، روانگی سے قبل پولیس اہلکاروں نے عید ٹرین کی مکمل تلاشی لی گئی۔

    چوتھی ٹرین 25جون کو راولپنڈی سے صبح 7بجے روانہ ہوکر بوسال، میانوالی کے راستے رات 10بجے ملتان کینٹ پہنچے گی، پانچویں اسپیشل ٹرین 28جون کو ملتان کینٹ سے صبح 7بجے روانہ ہوکر کندیاں، میانوالی کے راستے رات 10بجے راولپنڈی پہنچے گی۔

    ریلوے حکام کے مطابق معمول کی ٹرینوں میں ایڈیشنل پسنجر کوچز لگانے کے علاوہ کراچی،کوئٹہ،راولپنڈی اور ملتان سے پانچ عید اسپیشل ٹرینیں بھی چلائی جارہی ہیں، ریلویز کا عید آپریشن بْدھ کی رات تک جاری رہے گا۔

    وزیر ریلویز خواجہ سعد رفیق نے عید آپریشن کے دوران ٹرینوں میں صفائی کو یقینی بنانے اور وقت کی پابندی کے ساتھ ساتھ ریلوے اسٹیشنوں پر گراں فروشی کی روک تھام کے لئے خصوصی اقدامات کی ہدایت کی ہے، آئی جی ریلویز پولیس منیر احمد چشتی نے ریلوے اسٹیشنوں اور ٹریک کی حفاظت کے لئے سکیورٹی پلان بھی جاری کر دیا ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔