کراچی: رینجرز نے شہر کے مختلف علاقوں میں متحرک کارروائیاں کی، جس کے نتیجے میں 6 ملزمان کو تحویل میں لے لیا گیا، ملزمان بھتہ خوری، اسلحے کی غیرقانونی ترسیل اور دیگر جرائم میں ملوث ہیں.
ترجمان پاکستان رینجرز(سندھ) کے مطابق رینجرز نے شہر کے مختلف علاقوں میں کارروائیاں کرتے ہوئے 6 ملزمان کو تحویل میں لے لیا گیا، ملزمان بھتہ خوری ، منشیات فروشی، اسلحے کی غیرقانونی ترسیل اور دیگرجرائم میں ملوث ہیں.
کارروائیوں کی تفصیلات دیتے ہوئے رینجرز کے ترجمان کا کہنا تھا کہ ماڑی پورسے کالعدم تنظیم سے تعلق رکھنے والاملزم ندیم کو گرفتار کیا، ملزم اسلحے کی غیرقانونی خرید و فروخت میں ملوث رہا ہے.
پریڈی سے ایم کیوایم لندن کا ملزم وقاراحمد کو حراست میں لیا گیا ہے، ملزم بھتہ خوری،ہوائی فائرنگ اورغیرقانونی اسلحے کی ذخیرہ اندوزی میں ملوث ہے، جبکہ ناظم آباد کے علاق ےسے ملزمان فرازعلی اورجہازیب کو تحویل میں لیا گیا ہے.
ملزمان موبائل فون چھیننے کی متعدد وارداتوں میں ملوث ہیں، اس کے علاوہ بولٹن مارکیٹ،سائٹ کے علاقے سے 2 منشیات فروشوں کو حراست میں لیا گیا۔
سندھرینجرز کے تابڑ توڑ چھاپے، دس ملزمان گرفتار، اسلحہ برآمد
واضح رہے کہ چند روز قبل رینجرز کی بھاری نفری نے کراچی میں مختلف علاقوں میں کارروائیاں کرتے ہوئے دس ملزمان کو حراست میں لے لیا تھا، ترجمان رینجرز کا کہنا تھا کہ ملزمان بھتہ خوری، منشیات فروشی، ڈکیتی ودیگر جرائم میں ملوث ہیں۔
