اسلام آباد : وزارت خزانہ کا کہنا ہے کہ پاکستان کو رواں ہفتے ترقیاتی شراکت داروں کی جانب سے 1.5 بلین ڈالر کی مالی امداد ملی ، مشکل صورتحال میں عالمی مالیاتی اداروں کےتعاون پر شکرگزار ہیں۔
تفصیلات کے مطابق وزارت خزانہ نے سماجی رابطے کی ویب سائٹ ٹوئٹر پر اپنے بیان میں کہا کہ رواں ہفتےپاکستان کوترقیاتی شراکت داروں کی جانب سے 1.5 بلین ڈالرکی مالی امداد ملی، ورلڈ بینک، ایشین ڈویلپمنٹ بینک،ایشین انفرااسٹرکچرانویسٹمنٹ بینک نےامداددی۔
1/2 During this week, Pakistan has received USD 1.5 billion in Covid 19 and development policy related assistance from the World Bank, Asian Development Bank and Asian Infrastructure Investment Bank. @pid_gov @appcsocialmedia @PTVNewsOfficial @PBC_Urdu
— Ministry of Finance (@FinMinistryPak) June 25, 2020
وزارت خزانہ کا کہنا تھا کہ حکومت پاکستان مشکل صورتحال میں عالمی مالیاتی اداروں کے تعاون پر شکرگزار ہیں۔
2/2 The Government of Pakistan is very grateful to its development partners for this critically needed support in such unprecedentedly difficult and uncertain time.@pid_gov @appcsocialmedia @PTVNewsOfficial @PBC_Urdu
— Ministry of Finance (@FinMinistryPak) June 25, 2020
گذشتہ روز پاکستان کوعالمی مالیاتی اداروں کی جانب سے ایک ارب ڈالرموصول ہوئے تھے، پچاس کروڑڈالرایشیائی ترقیاتی بینک اور پچاس کروڑڈالرعالمی بینک سے موصول ہوئے، جس سے کورونا وبا کے دوران لاک ڈاؤن سے معیشت کو پہنچنے والے نقصانات پر قابو پانے میں مدد ملے گی۔
یاد رہے ملک میں جاری کورونا وبا کے دوران لاک ڈاؤن سے معیشت کو پہنچنے والے نقصانات پر قابو پانے کے لیے عالمی بینک، ایشیائی ترقیاتی بینک اور ایشین انفرا اسٹرکچر ڈیولپمنٹ بینک نے پاکستان کوڈیڑھ ارب ڈالرفراہم کرنے کا معاہدہ کیا تھا ۔
خیال رہے اپریل میں بین الاقوامی مالیاتی فنڈ (آئی ایم ایف) کی جانب سے پاکستان کو ایک ارب 39 کروڑ ڈالر کی رقم موصول ہوئی تھی، رقم قسط ریپڈفنانس انسٹرومنٹ کےتحت موصول ہوئی۔
اعلامیے میں کہا گیا تھا کہ موجودہ غیریقینی صورتحال میں کوروناکےمعاشی اثرات سامنےآئیں گے، آئی ایم ایف کی مدد سے بین الاقوامی ذخائرمیں بہتری آئے گی اور عارضی اخراجات میں اضافےکیلئےبجٹ کومالی اعانت فراہم ہوگی۔
