لاہور : پاک افغان سیریز اور ایشیا کپ کیلئے پاکستان کرکٹ ٹیم میں شامل کھلاڑیوں کے ناموں کا اعلان کردیا گیا۔ طیب طاہر، سعود شکیل اور فہیم اشرف اسکواڈ میں شامل ہیں۔
تفصیلات کے مطابق قومی ٹیم کے چیف سلیکٹر انضمام الحق نے پاکستان اور سری لنکا کی مشترکہ میزبانی میں ہونے والے ایشیا کپ کیلئے 17 رکنی اور افغانستان کیخلاف ون ڈے سیریز کیلئے 18 رکنی قومی کرکٹ سکواڈ کا اعلان کردیا۔
سعود شکیل کو افغانستان کے خلاف سیریز کیلئے 18 رکنی اسکواڈ میں شامل کیا گیا ہے جبکہ وہ ایشیا کپ کے17 رکنی اسکواڈ میں شامل نہیں ہیں۔
قومی سلیکشن کمیٹی میں انضمام الحق کے علاوہ ٹیم ڈائریکٹر مکی آرتھر اور ہیڈ کوچ گرانٹ بریڈ برن شامل ہیں جنہوں نے کپتان بابراعظم کے ساتھ مشاورت کے بعد ٹیم کو حتمی شکل دی ہے۔
ایشیا کپ کیلئے 17 رکنی پاکستانی ٹیم میں اوپنرز عبد اللہ شفیق، فخر زمان، امام الحق، مڈل آرڈر میں بابر اعظم (کپتان)، سلمان علی آغا، افتخار احمد، وکٹ کیپرز محمد رضوان، محمد حارث اور طیب طاہر، اسپنرز شاداب خان (نائب کپتان)، محمد نواز، اسامہ میر، پیسرز میں حارث رؤف، محمد وسیم جونیئر، نسیم شاہ، شاہین آفریدی اور فہیم اشرف شامل ہیں جبکہ سعود شکیل ایشیا کپ اسکواڈ کا حصہ نہیں۔
🚨 Our squad for the Afghanistan series and Asia Cup 🚨
Read more: https://t.co/XtjcVAmDV7#AFGvPAK | #AsiaCup2023 pic.twitter.com/glpVWF6oWW
— Pakistan Cricket (@TheRealPCB) August 9, 2023
افغانستان کیخلاف سیریز کیلئے 18 رکنی اسکواڈ میں اوپنرز عبداللہ شفیق، فخر زمان، امام الحق، مڈل آرڈرز بابر اعظم (کپتان)، سلمان علی آغا، افتخار احمد، طیب طاہر اور سعود شکیل، وکٹ کیپرز محمد رضوان، محمد حارث، اسپنرز شاداب خان (نائب کپتان)، محمد نواز، اسامہ میر، پیسرز حارث رؤف، محمد وسیم جونیئر، نسیم شاہ، شاہین آفریدی اور فہیم اشرف شامل ہیں۔
اس موقع پر گفتگو کرتے ہوئے چیف سلیکٹر انضمام الحق نے کہا کہ فہیم اشرف اچھا کھلاڑی ہے ٹیم کو اس کی ضرورت ہے، شان مسعود اچھا کھلاڑی ہے اور وہ ہماری نظر میں ہے، جو کھلاڑی پر فارم کرے گا تو ٹیم کا حصہ ضرور بنے گا۔
Chief selector Inzamam-ul-Haq's press conference at Gaddafi Stadium.
Watch live ➡️ https://t.co/EoaGpE0G4m#AFGvPAK | #AsiaCup2023 pic.twitter.com/Lpi7S5gNfR
— Pakistan Cricket (@TheRealPCB) August 9, 2023
انہوں نے بتایا کہ قومی اسکواڈ بہترین کھلاڑیوں پر مشتمل ہے، مجھے پورا یقین ہے کہ ٹیم اچھا کھیل پیش کرے گی، میدان میں فیصلے کپتان اور کوچ کریں گے،
کپتانی کرنے سے آتی ہے، بابر اچھی کپتانی کر رہا ہے۔
چیف سلیکٹر کا کہنا تھاکہ تینوں فارمیٹ کا ایک ہی کپتان ہو تو زیادہ بہتر ہوتا ہے، کپتان ہوگا کون نہیں یہ طے کرنا میرا کام نہیں، ٹیم میں اچھے آل راؤنڈر بھی ہونے چاہئیں، فہیم اشرف نے ماضی میں اچھا کھیل پیش کیا ہے۔
