سری لنکا سےپہلےٹیسٹ میں شاندار فتح کےبعد شاہینوں نے سیریز میں وائٹ واش کرنے نظریں جمالی۔
پاکستان اور سری لنکا کے درمیان دوسرا ٹیسٹ میچ کل سےگال میں شروع ہونے جارہا ہے، سری لنکا کے خلاف دوسرے ٹیسٹ میچ سے قبل قومی کرکٹ ٹیم نے بھرپور ٹریننگ سیشن کیا،کھلاڑیوں نے بیٹنگ اور بولنگ کی مشقوں سے لہو گرمایا۔
قومی ٹیم کے کپتان بابر اعظم، سرفراز احمد، شان مسعود، سعود شکیل اور فہیم اشرف ٹریننگ سیشن میں حصہ لیا جبکہ فواد عالم، یاسر شاہ، نعمان علی اور حارث رؤف نے بھی ٹریننگ سیشن شریک ہوئے، ٹیسٹ اسکواڈ میں شامل دیگر کھلاڑیوں نے آرام کیا۔
یہ بھی پڑھیں: پاکستان کیخلاف دوسرے ٹیسٹ سے قبل سری لنکا کو دھچکا
واضح رہے کہ پہلے ٹیسٹ میچ میں عبداللہ شفیق اور بابراعظم کی شاندار کارکردگی کے باعث پاکستان نے سری لنکا کو 4 وکٹوں سے شکست دیکر سیریز میں 0-1 کی برتری حاصل کررکھی ہے۔
یاد رہے کہ قومی ٹیم آئی سی سی ورلڈ ٹیسٹ رینکنگ میں تیسرے نمبر پر موجود ہے جبکہ بھارت کی چوتھی پوزیشن ہے۔
