ARYNews.tv | Urdu – Har Lamha Bakhabar

Tag: pakistan stock exchange

  • پاکستان اسٹاک ایکسچینج: 100 انڈیکس 36 ہزار پوائنٹس کی حد عبور کر گیا

    پاکستان اسٹاک ایکسچینج: 100 انڈیکس 36 ہزار پوائنٹس کی حد عبور کر گیا

    کراچی: پاکستان اسٹاک ایکسچینج میں گزشتہ ہفتے تیزی کا رجحان رہا، 100 انڈیکس 36 ہزار پوائنٹس کی سطح عبور کر گیا۔

    تفصیلات کے مطابق 6 سے 10 جولائی 2020 کے دوران اسٹاک مارکیٹ میں تیزی کا رجحان دیکھا گیا۔ 100 انڈیکس میں 11 سو 39 پوائنٹس کا اضافہ ہوا جس کے بعد انڈیکس 36 ہزار 190 پوائنٹس تک پہنچ گیا۔

    گزشتہ ہفتے مارکیٹ میں 61 ارب کے 1.74 ارب شیئرز کے سودے ہوئے جبکہ کیپٹلائزیشن بھی 199 ارب بڑھ کر 6 ہزار 481 ارب پہ پہنچ گئی۔

    اس سے گزشتہ ہفتے کے دوران پاکستان اسٹاک ایکسچینج میں 100 انڈیکس 73 پوائنٹس اضافے سے 35 ہزار کی سطح عبور کرگیا۔

    29 جون سے 3 جولائی کے دوران مارکیٹ میں 6.74 ارب روپے مالیت کے 17.57 کروڑ شیئرز کا کاروبار کیا گیا تھا۔

    29 جون کو دہشت گردوں کا اسٹاک ایکسچینج پر حملہ بھی ناکام ہوا اور کاروباری سلسلہ پہلے کی طرح جاری و ساری ہے جبکہ انڈیکس میں مزید بہتری دیکھی جارہی ہے۔

  • پاکستان اسٹاک ایکسچینج: دہشت گرد حملے کے باوجود 100 انڈیکس میں اضافہ

    پاکستان اسٹاک ایکسچینج: دہشت گرد حملے کے باوجود 100 انڈیکس میں اضافہ

    کراچی: پاکستان اسٹاک ایکسچینج میں گزشتہ ہفتے دہشت گرد حملے کے باوجود کاروباری سرگرمیوں میں اضافہ دیکھا گیا، 100 انڈیکس میں 1 ہزار 111 پوائنٹس کا اضافہ ہوا۔

    تفصیلات کے مطابق پاکستان اسٹاک ایکسچینج میں گزشتہ ہفتے دہشت گرد حملے کے باوجود سرمایہ کاروں کا اعتماد بحال رہا، گزشتہ ہفتے کے دوران 100 انڈیکس 1 ہزار 111 پوائنٹس کا اضافہ ہوا۔

    ایک ہفتے کے دوران انٹر بینک مارکیٹ میں ڈالر کی قدر میں 1 روپے 45 پیسے کمی آئی جس کے بعد ڈالر 1 روپے 45 پیسے کمی سے 166 روپے 21 پیسے پر آگیا۔

    خیال رہے کہ گزشتہ ہفتے کاروباری روز کے پہلے دن سوموار کو دہشتگردوں نے پاکستان اسٹاک ایکسچینج پر حملہ کیا تھا، دستی بم حملے اور فائرنگ سے سب انسپکٹر سمیت 7 افراد شہید ہو گئے جبکہ 4 دہشت گرد مارے گئے تھے۔

    حملے کے دوران بھی مارکیٹ کے اندر کاروباری سرگرمیاں بغیر کسی نقصان کے جاری رہیں یوں ملک دشمن عناصر کی معاشی بازو پر وار کرنے کی کوشش ناکام رہی۔

    حملے کے اگلے روز سے 100 انڈیکس میں مسلسل اضافہ دیکھا جاتا رہا، کاروباری ہفتے کے آخری روز یعنی جمعے کو 100 انڈیکس 0.21 فیصد اضافے سے 35 ہزار 51 پوائنٹس پر بند ہوا۔

    گزشتہ روز 6.74 ارب روپے مالیت کے 17.57 کروڑ کے شیئرز کا کاروبار بھی کیا گیا۔

  • پاکستان اسٹاک مارکیٹ: 2 روز میں 100 انڈیکس میں 94 پوائنٹس کا اضافہ

    پاکستان اسٹاک مارکیٹ: 2 روز میں 100 انڈیکس میں 94 پوائنٹس کا اضافہ

    کراچی: پاکستان اسٹاک ایکسچینج میں گزشتہ ہفتے عید کی تعطیلات کے باعث 2 روز پر مشتمل ہفتے کے دوران تیزی دیکھی گئی، 100 انڈیکس میں 94 پوائنٹس کا اضافہ ہوا۔

    تفصیلات کے مطابق گزشتہ ہفتے کے دوران عید کی چھٹیوں کے بعد اسٹاک مارکیٹ میں 2 دن کاروبار ہوا، 2 دنوں میں 100 انڈیکس 94 پوائنٹس اضافے سے 33 ہزار 931 پوائنٹس پر بند ہوا۔

    گزشتہ ہفتے کے 2 دنوں میں اسٹاک ایکسچینج میں 17 ارب مالیت کے 42 کروڑ شیئرز کا کاروبار ہوا، ہفتے میں مارکیٹ کیپٹلائزیشن 13 ارب سے بڑھ کر 6 ہزار 848 ارب روپے ہوگئی۔

    دوسری جانب مہنگائی کی شرح میں بھی اضافہ دیکھا گیا، قومی ادارہ شماریات کے مطابق اپریل کے آخری ہفتے میں مہنگائی کی شرح میں 0.72 فیصد اضافہ ہوا اور مہنگائی کی شرح 9.84 فیصد رہی۔

    اپریل کے آخری ہفتے 13 اشیائے ضروریہ کی قیمتوں میں اضافہ اور 11 اشیا کی قیمتوں میں کمی ہوئی جبکہ 27 اشیا کی قیمتوں میں استحکام رہا۔

  • اسٹاک ایکسچینج میں تیزی،652 پوائنٹس کا اضافہ، ڈالر مزید مہنگا ہوگیا

    کراچی : پاکستان اسٹاک ایکسچینج میں ہنڈرڈ انڈیکس میں652 پوائنٹس کا اضافہ ریکارڈ کیا گیا ہے، ڈالر مزید92پیسے کے اضافے سے تاریخ کی بلند ترین سطح پر پہنچ گیا۔

    تفصیلات کے مطابق پاکستان اسٹاک مارکیٹ میں رواں ہفتے کے دوسرے کاروباری روز کے دوران تیزی کی واپسی ہوئی ہے، 100 انڈیکس 652.40پوائنٹس کی تیزی ریکارڈ کی گئی جبکہ 31 ہزار کی نفسیاتی حد ایک مرتبہ پھر بحال ہو گئی ہے۔

    گزشتہ روز اسٹاک مارکیٹ میں 1042 پوائنٹس کی مندی ریکارڈ کی گئی تھی جبکہ100 انڈیکس 30 ہزار 579 پوائنٹس کی سطح پر بند ہوا تھا، آج پورے کاروباری روز کے دوران ایک موقع پر 31303.13 پوائنٹس کی بلند ترین سطح پر دیکھا گیا۔

    کاروبار کے اختتام پر سٹاک مارکیٹ کا 100 انڈیکس 652.40 کی تیزی کے بعد 31231.55 پوائنٹس کی سطح پر پہنچ گیا۔

    علاوہ ازیں انٹربینک میں ڈالر کی قیمت میں 92 پیسے اضافہ ہو گیا ہے جس کے بعد ڈالر انٹر بینک مارکیٹ میں167 روپ90 پیسے پر فروخت ہو رہا ہے۔

    لاک ڈاﺅن کے باعث روپے پر دباﺅ بڑھ رہا ہے اور اب تک روپے کی قدر میں5.4 فیصد کمی واقع ہوچکی ہے، 17روز کے دوران20مارچ سے اب تک روپے کی قدر 9روپے23 پیسےکی کمی ریکارڈ کی گئی۔

    واضح رہے کہ پاکستان میں کورونا وائرس کے وار جاری ہیں جبکہ مریضوں کی تعداد 3 ہزار سے تجاوز کر چکی ہے اور ایسی صورتحال میں لاک ڈاﺅن کے باعث روپے کی قدر پر بھی دباﺅ بڑھ رہاہے اور ڈالر آئے روز مہنگا ہوتا چلا جارہا ہے۔

  • مندی کے بعد پاکستان اسٹاک مارکیٹ سنبھلنے لگی

    مندی کے بعد پاکستان اسٹاک مارکیٹ سنبھلنے لگی

    کراچی: پاکستان اسٹاک مارکیٹ ایک ماہ کی بدترین مندی کے بعد بالآخر سنبھالا لینے لگی، گزشتہ ہفتے 100 انڈیکس میں 512 پوائنٹس کا اضافہ ہوا۔

    تفصیلات کے مطابق گزشتہ ہفتے پاکستان اسٹاک ایکسچینج میں 100 انڈیکس میں 12.49 فیصد اضافہ ہوا، ایک ہفتے میں 100 انڈیکس 3 ہزار 512 پوائنٹس اضافے سے 31 ہزار 621 پر بند ہوا۔

    گزشتہ ہفتے کے دوران انڈیکس کی بلند ترین سطح 31 ہزار 816 اور کم ترین سطح 27 ہزار 461 رہی۔

    گزشتہ کاروباری ہفتے میں 1.13 ارب شیئرز کے سودے 37 ارب روپے میں طے پائے، سرمایہ کاروں کو کاروباری ہفتے میں 542 ارب کا فائدہ ہوا ہے۔

    مارکیٹ کیپٹلائزیشن کاروباری ہفتے کے اختتام پر 6016 ارب روپے ہوگئی۔

    یاد رہے کہ کرونا وائرس کے اسٹاک ایکسچینج سمیت پوری معیشت پر بدترین اثرات دیکھے جارہے ہیں، اسٹاک مارکیٹ گزشتہ ایک ماہ سے مسلسل مندی کا شکار تھی۔

    تاہم حکومتی کوششوں کے بعد بالآخر رواں ہفتے مارکیٹ نے سنبھالا لیا، اسٹاک مارکیٹ میں 3 روز قبل 100 انڈیکس میں 12 سو 8 پوائنٹس کی تیزی دیکھی گئی تھی۔

    2 روز قبل اسٹاک مارکیٹ کا 100 انڈیکس 273.94 پوائنٹس بڑھا تھا جبکہ گزشتہ کاروباری روز بھی انڈیکس میں 12 سو 77 پوائنٹس کا اضافہ دیکھا گیا تھا۔

    آخری کاروباری روز مارکیٹ کی سرمایہ کاری مالیت 1 کھرب 41 ارب 26 کروڑ 48 لاکھ روپے کے اضافے سے بڑھ کر 60 کھرب 16 ارب 39 کروڑ 91 لاکھ روپے ہوگئی۔

  • اسٹاک مارکیٹ میں شدید مندی، 100انڈیکس 35ہزار 956 پوائنٹس کی سطح پر آگیا

    اسٹاک مارکیٹ میں شدید مندی، 100انڈیکس 35ہزار 956 پوائنٹس کی سطح پر آگیا

    کراچی : پاکستان اسٹاک مارکیٹ میں 45منٹ کے ہالٹ کے بعد شدید مندی ریکارٖڈ کی گئی، 100انڈیکس 1700 سے زائد پوائنٹس کی کمی کے بعد 35ہزار956پوائنٹس پر بند ہوا۔

    تفصیلات کے مطابق پاکستان اسٹاک ایکسچینج میں ہفتے کے چوتھے روز کاروبار کے آغاز میں منفی رحجان دیکھا گیا اور  آغاز میں 100 انڈیکس میں 760 پوائنٹس کی کمی کے ساتھ ہی 37ہزار پوائنٹس کا لیول ٹوٹ گیا۔

    کاروبار کے دوران  100انڈیکس میں 1324 پوائنٹس کی کمی ریکارڈ کی گئی ، جس کے بعد 100 انڈیکس 36 ہزار 348 پوائنٹس پر پہنچ گیا۔

    پاکستان اسٹاک مارکیٹ میں شدید مندی کے باعث کاروبار45 منٹ کیلئے روک دیاگیا ، کے ایس ای 30انڈیکس میں 4فیصد سے زائد کی کمی ریکارڈ کی گئی۔

    پاکستان اسٹاک مارکیٹ میں 45منٹ کےہالٹ کے بعد مندی کا رجحان برقرار ہے ، 100انڈیکس میں 1716 پوائنٹس کی کمی ریکارڈ کی گئی، جس کے بعد انڈیکس میں 36 ہزارپوائنٹس کا لیول برقرار نہ رہ سکا اور 35ہزار956پوائنٹس پر بند ہوا۔

    اسٹاک مارکیٹ میں آج کی مندی 11جولائی 2017 سے اب تک کی سب سے بڑی ہے ، 11جولائی 2017 کواسٹاک مارکیٹ میں4.65فیصدکمی ہوئی تھی۔

    خیال رہے مارکیٹ ہالٹ ہفتے میں دوسری بارلگایاگیا ہے ، اس سے قبل 9 مارچ کو بھی اسٹاک مارکیٹ کے 100انڈیکس میں 2100 سے زائد پوائنٹس کی کمی کے بعد بینچ مارک انڈیکس 36ہزار 113پوائنٹس پر آگیا تھا اور کاروبار کے دوران 5 فیصد سے زائدکمی پر ٹریڈنگ 45منٹ کے لیے روک دی گئی تھی۔

    گذشتہ روز پاکستان اسٹاک مارکیٹ میں تیزی ریکارڈ کی گئی اور 100 انڈیکس 38ہزار 200پوائنٹس کی سطح عبورکرگیا تھا۔

    دوسری جانب ایشیائی حصص بازاروں میں مندی کا رحجان برقرار ہے ، جاپانی اسٹاک مارکیٹ میں883 پوائنٹس، ہانگ کانگ انڈیکس میں844 پوائنٹس کی کمی ریکارڈ کی گئی جبکہ  تمام چینی اسٹاک مارکیٹ میں مندی کی لپیٹ میں ہیں۔

    مزید پڑھیں : پاکستان اسٹاک ایکسچینج میں تیزی، 100 انڈیکس 38ہزار پوائنٹس کی سطح عبور کرگیا

    گزشتہ روز امریکی اسٹاک مارکیٹس کااختتام بھی زبردست مندی میں ہوا، ڈاؤجونزانڈیکس میں 1464پوائنٹس، نیسڈیک میں 392 پوائنٹس کی کمی ہوئی، اسی طرح تمام یورپی منڈیوں کا اختتام بھی مندی پر ہوا، برطانوی اسٹاک مارکیٹ میں 84 پوائنٹس کی کمی، فرانسیسی مارکیٹ میں 26 پوائنٹس کی کمی جبکہ جرمن مارکیٹ میں37 پوائنٹس کی کمی ریکارڈ کی گئی۔

  • پاکستان اسٹاک ایکسچینج میں تیزی، 100 انڈیکس 38ہزار پوائنٹس کی سطح عبور کرگیا

    پاکستان اسٹاک ایکسچینج میں تیزی، 100 انڈیکس 38ہزار پوائنٹس کی سطح عبور کرگیا

    کراچی : پاکستان اسٹاک مارکیٹ میں تیزی ریکارڈ کی گئی اور 100 انڈیکس 38ہزار 200پوائنٹس کی سطح عبورکرگیا جبکہ بیشتر ایشیائی حصص بازاروں میں مندی کا رجحان دیکھنے میں آیا۔

    تفصیلات کےمطابق کاروباری ہفتےکے تیسرے روز پاکستان اسٹاک ایکسچینج کا مثبت آغاز ہوا، دن کے آغاز پر 100 انڈیکس میں 462 پوائنٹس کا اضافہ دیکھا گیا، جس کے بعد 100انڈیکس38ہزار پوائنٹس کی سطح بحال ہوگیا۔

    کاروبار کے دوران 100 انڈیکس میں600پوائنٹس کااضافہ ریکارڈ کیا گیا اور انڈیکس 38 ہزار  200پوائنٹس کی سطح عبور کرگیا۔

    گذشتہ روز پاکستان اسٹاک ایکسچینج میں 100 انڈیکس 1.69 فیصد اضافے سے 37695 پر بند ہوا تھا ، شئیرز کی قیمت بڑھنے پر مارکیٹ  کپیٹلائزیشن میں 90 ارب سے زائد کا اضافہ ہوگیا تھا۔

    دوسری جانب ایشیائی اسٹاک مارکیٹس میں آج مندی کارجحان دیکھنےمیں آرہاہے، کروناوائرس کےمریضوں کی تعداد بڑھنے سے اسٹاک  مارکیٹ سرمایہ کار مزید محتاط ہوگئے ہیں۔

    آج ٹریڈنگ کے دوران بیشتر ایشیائی حصص بازاروں میں مندی ریکارڈ کی گئی، جاپانی اسٹاک مارکیٹ میں 451 پوائنٹس کی مندی ریکارڈ کی گئی اور چینی اسٹاک مارکیٹ میں ملاجلارجحان دیکھا گیا جبکہ ہانگ سینگ انڈیکس میں دوسو پچانوئے پوائنٹس کی کمی ریکارڈ کی گئی۔

    خیال رہے گذشتہ روز امریکی اسٹاک مارکیٹس کااختتام زبردست تیزی میں ہوا تھا ، ڈاؤجونزانڈیکس میں1167پوائنٹس کااضافہ، نیس ڈیک میں393پوائنٹس کا اضافہ جبکہ بیشتریورپی منڈیوں کا اختتام مندی پر ہوا تھا۔

    امریکی مرکزی بینک کی جانب سے اسٹاک مارکیٹ سپورٹ فنڈ بڑھانے اورامریکی حکومت جانب سے تیل کی پیداواری کمپنیوں کیلئےامدادی پیکج کااعلان متوقع ہے۔

  • پاکستان اسٹاک مارکیٹ میں تیزی، 100 انڈیکس39ہزار پوائنٹس کی سطح عبور کرگیا

    پاکستان اسٹاک مارکیٹ میں تیزی، 100 انڈیکس39ہزار پوائنٹس کی سطح عبور کرگیا

    کراچی : پاکستان اسٹاک  مارکیٹ میں زبردست تیزی ریکارڈ کی گئی، اور 100 انڈیکس 39  ہزار19پوائنٹس کی سطح عبور کرگیا۔

    تفصیلات کے مطابق کاروباری ہفتےکے پہلے دن پاکستان اسٹاک ایکسچینج کا مثبت آغاز ہوا،  جس سے سرمایہ کاروں کا اعتماد بحال ہوگیا، دن کے آغاز پر 100 انڈیکس میں 650 پوائنٹس کا اضافہ دیکھا گیا۔

    جس کے بعد  ہنڈرڈانڈیکس میں 1035پوائنٹس کا اضافہ ریکارڈ کیا گیا اور انڈیکس39ہزار19پوائنٹس کی سطح عبور کرگیا۔

    دوسری جانب چینی اسٹاک مارکیٹس میں  بھی تیزی ریکارڈکی گئی،  ہانگ کانگ اسٹاک مارکیٹ میں196 پوائنٹس ، کورین اسٹاک مارکیٹ میں19پوائنٹس اور جاپانی اسٹاک مارکیٹ میں230پوائنٹس کااضافہ ریکارڈ کیا گیا۔

    یاد رہے گذشتہ ہفتے پاکستان اسٹاک ایکسچینج کے 100 انڈیکس میں 2265 پوائنٹس کمی ریکارڈ کی گئی، جس کے باعث  100 انڈیکس 38 ہزار کی سطح برقرار نہ رک سکا  اور  100 انڈیکس 37983کی سطح پر بند ہوا۔

    ایک ہفتے میں37 ارب روپے مالیت کے 86 کروڑ شئیرز کا کاروبار کیا گیا اور  مارکیٹ کیپٹلائزیشن 436 ارب روپے گھٹ کر 7094 ارب روپے رہ گئی جبکہ کاروباری ہفتے میں 86 کروڑ شیئرز کے سودے ہوئے ۔

  • پاکستان اسٹاک مارکیٹ: 100 انڈیکس 43 ہزار پوائنٹس کی سطح سے گر گیا

    پاکستان اسٹاک مارکیٹ: 100 انڈیکس 43 ہزار پوائنٹس کی سطح سے گر گیا

    کراچی: کاروباری ہفتے کے تیسرے روز بدھ کو پاکستان اسٹاک ایکسچینج میں معمولی کمی ہوئی جس کے بعد 100 انڈیکس 43 ہزار پوائنٹس کی سطح سے نیچے آگیا۔

    تفصیلات کے مطابق پاکستان اسٹاک مارکیٹ میں کاروباری ہفتے کے تیسرے روز بروز بدھ 100 انڈیکس میں کمی دیکھنے میں آئی، دن کے آغاز پر انڈیکس میں 250 پوائنٹس کی کمی ہوئی جس کے بعد انڈیکس 43 ہزار پوائنٹس کی سطح سے نیچے آگیا۔

    دن کے اختتام تک 100 انڈیکس میں 214 پوائنٹس کی کمی ہوئی جس کے بعد انڈیکس 0.59 فیصد کمی سے 42 ہزار 993 پوائنٹس پر پہنچ گیا۔آج کے روز 6.12 ارب روپے مالیت کے 17.12 کروڑ شئیرز کا کاروبار بھی کیا گیا۔

    یاد رہے کہ پاکستان اسٹاک مارکیٹ میں سال گزشتہ کے آخری ماہ میں زبرست تیزی دیکھی گئی تھی۔ چند ہفتے قبل 100 انڈیکس میں 184 پوائنٹس کا اضافہ ہوا تھا جس کے بعد انڈیکس 40 ہزار 916 پوائنٹس پر بند ہوا تھا۔

    اس کے بعد 16 سے 20 دسمبر 2019 کے دوران 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ ہفتے کے پہلے روز انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

    23 سے 27 دسمبر 2019 کے دوران 100 انڈیکس میں صرف 16 پوائنٹس اضافہ ہوا تھا جس کے بعد انڈیکس 40 ہزار 848 پوائنٹس پر بند ہوا۔

    اس کے بعد 30 دسمبر 2019 سے 3 جنوری 2020 کے دوران 100 انڈیکس میں 14 سو 74 پوائنٹس کا اضافہ دیکھا گیا جس کے بعد 100 انڈیکس 42 ہزار 323 پوائنٹس پر پہنچ گیا۔

    6 سے 10 جنوری 2020 کے دوران 100 انڈیکس 883 پوائنٹس اضافے سے 43 ہزار کی سطح عبور کر کے 43 ہزار 207 پوائنٹس پر پہنچ گیا۔ انڈیکس کی  بلند ترین سطح 43 ہزار 237 جبکہ کم ترین سطح 41 ہزار 171 رہی۔

    گزشتہ ہفتہ ایران کے امریکی فوجی اڈوں پر حملوں کے بعد اسٹاک مارکیٹس میں شدید مندی، اور اگلے ہی روز امریکی صدر ٹرمپ کے فوجی طاقت استعمال نہ کرنے کے بیان کے بعد ریکارڈ تیزی کا حامل رہا تھا۔

  • پاکستان اسٹاک ایکسچینج میں 1.51ارب شیئرز کے سودے، ہفتہ وار رپورٹ

    پاکستان اسٹاک ایکسچینج میں 1.51ارب شیئرز کے سودے، ہفتہ وار رپورٹ

    کراچی : کاروباری ہفتے میں100 انڈیکس 883 پوائنٹس اضافے سے 43207پر بند ہوا، انڈیکس کی بلند ترین سطح 43237، کم ترین 41171رہی۔

    تفصیلات کے مطابق پاکستان اسٹاک مارکیٹ17ماہ کی بلند ترین سطح پر آگئی، مارکیٹ کیپٹلائزیشن میں1.1فیصد کا اضافہ ریکارڈ کیا گیا۔

    پاکستان اسٹاک ایکسچینج کی ہفتہ وار رپورٹ میں کہا گیا ہے کہ کاروباری ہفتے میں100 انڈیکس 883 پوائنٹس اضافے سے 43207پر بند ہوا، انڈیکس کی بلند ترین سطح43237، کم ترین 41171رہی۔

    رپورٹ کے مطابق شیئرز بازار میں ہفتے کے دوران 1.51ارب شیئرز کے سودے ہوئے، مارکیٹ کے ہفتہ وار کاروبار کی مالیت 60 ارب 59 کروڑ رہی، رپورٹ میں کہا گیا ہے کہ مارکیٹ کپیٹلائزیشن 52ارب30کروڑ ڈالر رہی۔

    غیرملکی سرمایہ کاروں نے70لاکھ ڈالر کی سرمایہ کاری کی، کاروباری ہفتے میں مارکیٹ کیپٹلائزیشن 86ارب روپے کا اضافہ ہوا، کاروبار کے اختتام پر مارکیٹ کیپٹلائزیشن8102 ارب روپے ہے۔

    دوسری جانب امریکہ اورایران میں جاری کشیدگی میں کمی کے بعد عالمی حصص بازاروں میں ملا جلا رجحان پائیا جارہا ہے، ایشیائی حصص بازار کاروباری ہفتے کے اختتام پر مثبت زون میں نظر آئے۔

    جاپانی اسٹاک مارکیٹ ایک سوگیارہ پوائنٹس کی تیزی دیکھی گئی جبکہ ہانگ کانگ اسٹاک مارکیٹ میں ستترپوائنٹس کااضافہ ہوا۔

    اس کے علاوہ امریکی حصص بازاروں میں مندی دیکھی گئی۔ ڈاو جونز میں ایک سو تینتیس پوائنٹس کی کمی ہعئی جبکہ یورپی حصص بازار بھی مندی کی لپیٹ میں رہے۔