Tag: pakistan stock exchange

کراچی: پاکستان اسٹاک ایکس چینج تاریخ کی بلند ترین سطح پر پہنچ گیا۔ دوران کاروبار 100 انڈیکس میں 900 پوائنٹس کا اضافہ دیکھا گیا۔

تفصیلات کے مطابق رواں کاروباری ہفتے کے آغاز پر پاکستان اسٹاک ایکس چینج میں زبردست تیزی دیکھی گئی۔

دن کے آغاز پر ہی 100 انڈیکس میں 900 پوائنٹس کا اضافہ دیکھا گیا جس کے بعد مارکیٹ 50 ہزار 500 پوائنٹس کی تاریخی سطح عبور کر گئی۔

دن کے وسط تک یہ شرح 50 ہزار 791 پوائنٹس تک جا پہنچی۔

اس دوران مجموعی طور پر 74 کروڑ 86 لاکھ شیئرز کی خرید و فروخت ہوئی اور 362 کمپنیوں کے شیئرز کا کاروبار ہوا جن میں سے 251 کی قدر میں اضافہ، 98 کی قدر میں کمی اور 13 کی قدر میں استحکام رہا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: پاناما کیس کے 20 اپریل کو متوقع فیصلے کے پیش نظر پاکستان اسٹاک ایکس چینج میں کاروبار کا آغاز منفی انداز میں ہوا اور 100 انڈیکس میں 800 پوائنٹس کی کمی واقع ہوگئی۔

تفصیلات کے مطابق اس وقت 100 ہنڈریڈ انڈیکس 46 ہزار 69 کی سطح پر ٹریڈ کر رہا ہے۔ تجارتی ماہرین کا کہنا ہے کہ پاناما کیس کے متوقع فیصلے کی خبریں اسٹاک مارکیٹ پر اثر انداز ہوئی ہیں۔

اسٹاک مارکیٹ میں مندی سے سرمایہ کار بھی پریشان ہیں۔

مزید پڑھیں: اسٹاک مارکیٹ کا نیا ریکارڈ

یاد رہے کہ اس سے قبل پاکستان اسٹاک مارکیٹ میں ٹریڈنگ میں اضافہ جاری تھا۔ سال نو کے آغاز پر 100 انڈیکس 48 ہزار سے بھی تجاوز کرگیا تھا۔

یہ اسٹاک مارکیٹ میں 100 انڈیکس کا نیا ریکارڈ تھا۔