Tag: pakistan stock exchange

کراچی: ہفتے کے پہلے دن پاکستان اسٹاک ایکسچینج میں کاروبار کا آغاز مثبت انداز میں ہوا اور افتتاح سے ہی 100 انڈیکس میں اضافہ دیکھا گیا، جس کے باعث اسٹاک ایکسچینج 39ہزار800 کی بلند ترین سطح پر پہنچ گیا۔

تفصیلات کے مطابق مانیٹری پالیسی کے اعلان اور آئی ایم ایف سے مذاکرات کی خبریں مارکیٹ کے لیے مثبت رہیں اور 100 انڈیکس 39800 پوائنٹس کی بلند ترین سطح پر پہنچ گیا، سیمنٹ اور بینکنگ سیکٹر کے بعض حصص کاروبار پر چھائے رہے جبکہ پی او ایل، پی پی ایل اور اوجی ڈی سی ایل کے شیئرزکی قیمتوں میں نمایاں کمی ریکارڈ کی گئی۔

کے ایس ای100 انڈیکس مجموعی طور پر377 پوائنٹس کے اضافے سے39800 پوائنٹس پر بند ہوا۔ گزشتہ ہفتے کاروباری سرگرمیوں کا یومیہ حجم 18 کروڑ 28 لاکھ شیئرز رہا۔

گزشتہ ہفتے خریداری کے باعث کاروباری تیزی کے ساتھ ٹریڈنگ کے دوران ایک موقع پر انڈیکس 39716 پوائنٹس کی بلندترین سطح پر بھی دیکھا گیا جبکہ مندی کے باعث ٹریڈنگ کے دوران انڈیکس 38996 کم ترین سطح پربھی آگیا تھا۔

ہفتہ واررپورٹ کے مطابق گزشتہ ہفتے انڈیکس 39400، 39300، 39200 اور 39500 پوائنٹس کی چار بالائی حدیں عبور کرنے میں کامیاب ہوا اور ایک ہفتے میں 100 انڈیکس میں 377.04 پوائنٹس کا اضافہ ریکارڈ کیا گیا جس سے کے ایس ای 100انڈیکس 39151.78 پوائنٹس کے بڑھ کر39529پوائنٹس پرجا پہنچا۔

یاد رہے کہ اسٹاک ایکسچینج میں کئی دنوں سے تیزی کا رجحان جاری ہے جس کے باعث سرمایہ کاری میں خاطر خواہ اضافہ دیکھا جارہا ہے اس کے ساتھ ساتھ غیرملکی سرمایہ کاروں کا اعتماد بھی بحال ہورہا ہے ۔

گزشتہ ہفتے کاروباری ہفتے کا اختتام بھی مثبت انداز میں ہوا تھا، جس کے نتیجے میں 100 انڈیکس 39500 کی سطح پر بند ہوا تھا۔