Tag: pakistan stock exchange

کراچی: پاکستان اسٹاک ایکسچینج میں کاروبار میں بدترین مندی دیکھی گئی، 100 انڈیکس 41 ہزار پوائنٹس کی حد سے بھی نیچے گر گیا۔

تفصیلات کے مطابق کاروباری ہفتے کے پہلے روز 13 جون 2022 سوموار کو پاکستان اسٹاک مارکیٹ میں بدترین مندی دیکھی گئی، مارکیٹ کا آغاز 100 انڈیکس میں 305 پوائنٹس کی کمی سے ہوا۔

دن کے آغاز پر انڈیکس 41 ہزار 708 پوائنٹس پر پہنچ گیا۔

اس کے بعد انڈیکس میں بتدریج 490، 525 اور 650 پوائنٹس کی کمی ہوئی۔ دوپہر 12 بجے سے قبل ہی 100 انڈیکس 41 ہزار 363 پوائنٹس پر پہنچ چکا تھا۔

دن کے اختتام تک انڈیکس میں 11 سو 34 پوائنٹس کی کمی ہوئی اور 100 انڈیکس 40 ہزار 879 پوائنٹس پر بند ہوا۔

اس سے قبل گزشتہ ہفتے 6 سے 10 جون 2022 کے دوران اسٹاک مارکیٹ میں ملا جلا رجحان رہا تھا، تاہم اس سے گزشتہ ہفتے 30 مئی سے 3 جون 2022 کے دوران مارکیٹ میں منفی رجحان دیکھا گیا تھا۔

30 مئی سے 3 جون کے دوران 100 انڈیکس میں 15 سو 46 پوائنٹس کی کمی ہوئی تھی، ہفتے کے آخری روز انڈیکس 3.6 فیصد کم ہو کر 41 ہزار 314 پوائنٹس پر بند ہوا تھا۔

کراچی: پاکستان اسٹاک ایکسچینج میں کاروبار میں مثبت رجحان دیکھا گیا، ابتدا میں 100 انڈیکس میں 141 پوائنٹس کی کمی کے بعد مارکیٹ ڈھائی سو سے زیادہ پوائنٹس کے اضافے پر بند ہوئی۔

تفصیلات کے مطابق کاروباری ہفتے کے پہلے روز 06 جون 2022 سوموار کو اسٹاک مارکیٹ میں ملا جلا رجحان دیکھا گیا، دن کے آغاز پر 100 انڈیکس میں 141 پوائنٹس کمی ہوئی اور انڈیکس 41 ہزار 173 پوائنٹس پر پہنچ گیا۔

دن کے وسط میں انڈیکس میں 267 پوائنٹس کی کمی ہوئی تاہم اس کے کچھ دیر بعد 298 پوائنٹس کا اضافہ ہوا اور انڈیکس 41 ہزار 613 پوائنٹس پر پہنچ گیا۔

دن کے اختتام تک انڈیکس میں مجموعی طور پر 262 پوائنٹس کا اضافہ ہوا اور 100 انڈیکس 41 ہزار 577 پوائنٹس پر بند ہوا۔

کراچی: پاکستان اسٹاک ایکسچینج میں کاروبار میں مثبت رجحان دیکھا گیا، 100 انڈیکس میں 300 سے زائد پوائنٹس کا اضافہ دیکھا گیا۔

تفصیلات کے مطابق کاروباری ہفتے کے پہلے روز 30 مئی 2022 سوموار کو اسٹاک مارکیٹ میں مثبت رجحان دیکھا گیا، دن کے آغاز پر 100 انڈیکس میں 62 پوائنٹس اضافہ ہوا اور انڈیکس 42 ہزار 923 پوائنٹس پر پہنچ گیا۔

دن کے وسط تک انڈیکس 284 پوائنٹس اضافے کے بعد 43 ہزار 146 پوائنٹس پر پہنچ گیا۔

دن کے اختتام تک انڈیکس میں 348 پوائنٹس کا اضافہ ہوا اور انڈیکس 43 ہزار 209 پوائنٹس پر پہنچ گیا۔

یاد رہے کہ گزشتہ ہفتے کے پہلے کاروباری روز سوموار کو مارکیٹ 43 ہزار پوائنٹس سے نیچے گر گئی تھی۔

کاروباری ہفتے کے پہلے روز ٹریڈنگ کے ابتدائی 30 منٹ میں ہی 100 انڈیکس میں 488 پوائنٹس کی کمی ریکارڈ کی گئی تھی۔

بعد ازاں ہفتے کے آخری روز جمعہ کو مارکیٹ کچھ سنبھلی اور انڈیکس ایک بار پھر 43 ہزار پوائنٹس کی حد عبور کر گیا۔

کراچی: پاکستان اسٹاک ایکسچینج میں کاروبار میں مثبت رجحان دیکھا گیا، 100 انڈیکس 41 ہزار پوائنٹس تک گرنے کے بعد دوبارہ 43 ہزار پر پہنچ گیا۔

تفصیلات کے مطابق کاروباری ہفتے کے آخری روز 27 مئی 2022 جمعہ کو پاکستان اسٹاک مارکیٹ میں کاروبار میں مثبت رجحان دیکھا گیا۔

دن کے آغاز پر 100 انڈیکس 942 پوائنٹس اضافے کے ساتھ 43 ہزار پوائنٹس کی حد عبور کر گیا۔

دن کے وسط تک انڈیکس 43 ہزار 382 پوائنٹس پر ٹریڈ کرنے لگا، دن کے اختتام تک انڈیکس 43 ہزار 484 پوائنٹس پر پہنچ گیا۔

یاد رہے کہ رواں ہفتے کے پہلے کاروباری روز سوموار کو مارکیٹ 43 ہزار پوائنٹس سے نیچے گر گئی تھی۔

کاروباری ہفتے کے پہلے روز ٹریڈنگ کے ابتدائی 30 منٹ میں ہی 100 انڈیکس میں 488 پوائنٹس کی کمی ریکارڈ کی گئی تھی۔

کراچی: عید الفطر کی تعطیلات کے بعد سے پاکستان اسٹاک ایکسچینج میں بدترین مندی کے بعد آج کاروبار میں معمولی طور پر مثبت رجحان دیکھا گیا، تاہم انڈیکس میں 44 ہزار پوائنٹس کی حد بحال نہ ہوسکی۔

تفصیلات کے مطابق کاروباری ہفتے کے آخری روز جمعہ کو پاکستان اسٹاک مارکیٹ میں مثبت رجحان دیکھا گیا، دن کے آغاز پر 100 انڈیکس میں 197 پوائنٹس کا اضافہ ہوا جس کے بعد انڈیکس 43 ہزار 95 پوائنٹس پر پہنچ گیا۔

بعد ازاں بڑھنے والی پوائنٹس کی تعداد 300 ہوگئی، دن کے وسط تک انڈیکس میں 335 پوائنٹس کا اضافہ ہوا اور انڈیکس 43 ہزار 254 پوائنٹس پر پہنچ گیا۔

دن کے اختتام پر مجموعی طور پر انڈیکس میں 468 پوائنٹس کا اضافہ ہوا جس کے بعد انڈیکس 43 ہزار 367 پوائنٹس پر بند ہوا۔

خیال رہے کہ عید الفطر کی تعطیلات کے بعد پاکستان اسٹاک مارکیٹ میں بدترین مندی ریکارڈ کی گئی تھی اور 100 انڈیکس 44 ہزار پوائنٹس کی سطح سے نیچے گر گیا تھا۔

کاروباری ہفتے کے پہلے روز 9 مئی سوموار کو 14 سو 20 پوائنٹس کی کمی ہوئی اور 100 انڈیکس 43 ہزار 420 پوائنٹس پر بند ہوا تھا۔