لاہور : قومی ٹیم کی سلیکشن کمیٹی نے انگلینڈ کے خلاف ٹی ٹوئنٹی سیریز کے لئے اسکواڈ کا اعلان کردیا، عمر اکمل ڈسپلن کی خلاف ورزی کے سبب ٹیم میں جگہ بنانے میں ناکام رہے۔
تین ٹی ٹوئنٹی میچز کی سیریز کے لئے سلیکشن کمیٹی نے سولہ رکنی اسکواڈ کا اعلان کیا۔ نیشنل ٹی ٹوئنٹی میں عمدہ پرفارم کرنے والے پشاور کے رفعت اللہ مہمند کو ٹیم میں شامل کرلیا گیا۔
عمر اکمل ضابطہ اخلاق کی خلاف وزری کے سبب ٹیم سے ڈراپ ہوگئے۔
ٹیم میں شاہد آفریدی کپتان، احمد شہزاد، محمد حفیظ، شعیب ملک،محمد رضوان ، سرفراز احمد، وہاب ریاض، محمد عرفان، انور علی، عامر یامین، سہیل تنویر، بلال آصف اور عمران خان جونیئر شامل ہیں.