اسلام آباد: حکومت نے پاکستان تحریک انصاف سے مذاکرات کا فیصلہ کرلیا۔ وزیر اعظم نواز شریف نے اسحق ڈار کو تحریک انصاف سے رابطے کی ذمہ داری سونپ دی۔
ذرائع کے مطابق پی ٹی آئی کے ساتھ مذاکرات کا سلسلہ جہاں سے ٹوٹا تھا وہیں سے آگے بڑھایا جائے گا اور جن نکات پر اتفاق کیا گیا تھا ان پر عملدرآمد سے متعلق حکمت عملی پر بات ہوگی۔ذرائع نے بتایا کہ اسحٰق ڈار نے وزیراعظم سے ہدایت ملنے کے بعد تحریک انصاف کی قیادت سے رابطہ کریں گے جس کے ایک دور وز بعد مذاکرات بحال ہوجائیں گے۔
لاہور: حکومت کی جانب سے پی ٹی آئی کا جلسہ ناکام بنانے کیلئے کارکنوں کی گرفتاری کا سلسلہ جاری ہیں۔ لاہور ہائيکورٹ ميں تحريک انصاف کے کارکنوں کی گرفتاريوں کو چیلنج کردیا گیا ہے۔
لاہور ہائيکورٹ ميں دائر پٹيشن ميں درخواست گزار تحريک انصاف پنجاب کے صدر اعجاز چوہدری نے کہا ہے کہ پنجاب حکومت نے تحريک انصاف کے کارکنوں کو تيس نومبر کے جلسے ميں شرکت سے روکنے کےليے گرفتاريوں کا سلسلہ شروع کر ديا ہے، جو آئين کے تحت بنيادی حقوق کی خلاف ورزی ہے۔
درخواست گزار نے مزید کہا ہے کہ حکومت نے اسلام آباد جانے والے راستوں پر کنٹينر بھی لگادیئے ہيں، انھوں نے عدالت سے استدعا کی کہ تمام کارکنوں کی رہائی کا حکام دیا جائے۔
اسلام آباد: حکمران جماعت پی ٹی آئی کے جلسوں سے ہو گئی ہے پریشان اور اسی لئے حکومت نے پی ٹی آئی کے آئندہ کے جلسوں کو ناکام بنانےکی حکمت عملی تیار کرلی ہے۔ چوہدری نثار کہتے ہیں تشدد کاجواب قانون کی طاقت سے دیاجائےگا۔
تفصیلات کے مطابق تحریک انصاف کا تیس نومبر کا جلسہ روکنے کے لئے حکومت کی جانب سے حکمت عملی تیار کر لی گئی ہے۔ پی ٹی آئی کے کارکنوں کی پکڑدھکڑ کیلئے پولیس نے چھاپے مارکارروائیاں بھی شروع کردیں ہے۔ ہفتہ اور اتوار کی درمیانی شب بھارہ کہو کے مختلف علاقوں میں پولیس نے پی ٹی آئی کےکارکنوں کے گھروں پر چھاپے مارے اور انہیں جلسے میں شرکت سے روکنے کیلئےگرفتاری کی دھمکی بھی دی ہے۔
وزیرداخلہ چوہدری نثارپہلے ہی کہہ چکے ہیں کہ شاہراہ دستور پرکسی کو جلسے کی اجازت نہیں ہو گی۔ ذرائع کے مطابق تیس نومبر کی غیر یقینی صورتحال سے نمٹنے کے لیے تیاریاں مکمل ہیں اور اسلام آباد پولیس کودو واٹر کینن اور بارہ ہزار آنسو گیس شیل فراہم کردیئے گئےہیں۔ قزیر داخلہ نے یہ بھی کہا کہ ریاست کو کمزور نہ سمجھا جائے، حکومت تشدد کا جواب قانون کی طاقت سے دے گی۔ چوہدری نثار کایہ بھی کہنا تھا تحریک انصاف کو جلسے کی اجازت ہے، دھاوا بولنے کی نہیں۔
ادھراسلام آبادپولیس نے ڈی چوک کی طرف جانے والے راستے سیل کرنا شروع کر دیئے ہیں اور نادرا چوک کر روکاوٹیں لگا کر بند کر دیا گیا ہے جبکہ ریڈ زون میں پولیس کی نفری بھی بڑھا دی گئی ہے۔
اسلام آباد: پو لیس نے پاکستان تحریک انصاف کو ایک خط لکھا ہے جس گاڑیوں کی پارکنگ کے حوالے سے ہدایات دی گئی ہیں۔
پو لیس کے جاری خط میں کہا گیا ہے کہ عمران خان کے کنٹینر کے قریب گاڑیاں لسٹ کے مطابق پارک کی جائیں ،پولیس نے سیکورٹی خدشات اور تخریب کاری کی ممکنہ کارروائی کے سبب تحریک انصاف کے سیکورٹی کے نگران افراد سے کہا ہے کہ ایسی گاڑیاں جس کا نام لسٹ میں مو جود نہیں ہے انہیں دھرنے کے کنٹینر سے دور رکھتے ہو ئے کنٹینر کے قریب نہ آنے دیا جائے۔
پشاور: وزیر اعلیٰ خیبر پختونخوا پرویز خٹک نے کہا ہے کہ صوبائی حکومت تحلیل نہیں ہو رہی اگر ہوگی تو ملک بھر کی اسمبلیاں ایک ساتھ تحلیل ہوں گے۔
پشاور لیڈی ریڈنگ ہسپتال میں حالیہ بارشوں اور سیلاب سے ذخمی ہونے والے افراد کی عیادت کے موقع پر میڈیا سے بات چیت کرتے ہوئے وزیر اعلیٰ خیبر پختونخوا پرویز خٹک نے کہا ہے میں دو دن کے لیے اسلام آباد کیا گیا مخالفین نے واہ ویلا ہی مچا دیا ملک کے وزیر اعظم توسال کے چھ ماہ ملک سے باہر ہوتے ہیں وہ کسی کو نظر نہیں آتا انکا کہنا تھا کہ اسلام آباد میں جاری دھرنے میں انکے کارکنان پیسوں پر نہیں بلکے جنون اور ملک میں چوروں کے خلاف دھرنا دے رہے ہیں ایک سوال کے جواب میں انکا کہنا تھا کہ اگر حلقوں کو کھول لیا جاتا تو اج یہ فساد نہ ہوتا آنے والے وقت کا اندازہ کرپٹ حکمران نہیں لگا سکتے۔
