اسلام آباد: حکومت نے تنظیمات مدارس دینیہ کے ساتھ اہم اجلاس تیس دسمبر کو اسلام آباد میں طلب کر لیا ہے۔
ذرائع کے مطابق اجلاس میں وزیر داخلہ چوہدری نثار ،وزیر مذہبی امور سردار محمد یوسف،سیکرٹری داخلہ،سیکرٹری مذہبی امور ،چاروں صوبوں کے ہومز سیکریٹریز اور محکمہ اوقاف کے حکام شرکت کریں گے۔ اجلاس میں دینی مدارس کی تمام تنظیمات کے ذمہ داروں کو بھی شرکت کی دعوت دی گئی ہے۔ ذرائع کے مطابق اجلاس میں دینی مدارس اصلاحات ،ملک میں دہشت گردی سے نمٹنے کیلئے حکومتی اقدامات پر تبادلہ خیال کیا جائے گا۔
لاہور:پاکستان علماء کونسل کے چیئرمین مولانا طاہر اشرفی نے کہا ہے کہ دہشت گردی کیخلاف جنگ کی آڑ میں مدارس اور مساجد کو بدنام کرنے کی مذموم سازش بند کی جائے۔
لاہور میں میڈیا سے گفتگو کرتے ہوئے پاکستان علماء کونسل کے چیئرمین مولانا طاہر اشرفی کا کہنا تھا کہ حکومت دہشت گردی میں ملوث مدارس اور مساجد کی تفصیلات منظر عام پر لائے۔
وزیر داخلہ نے 10 فیصد مدارس کو دہشت گردی میں ملوث قرار دیا، ان کی تفصیلات میڈیا کو مہیا کی جانی چاہیئیں۔ انہوں نے کہا کہ دہشت گردی کے خلاف جنگ کی آڑ میں مدارس اور مساجد کو بدنام کرنے کی مذموم سازش بند کی جائے۔
علماء اور عوام بھی اب دہشت گردی کیخلاف منہ بند نہ رکھیں۔انہوں نے کہا کہ وفاق المدارس سے منسلک 73 ہزار مساجد مدارس نے دہشت گردی کیخلاف فتوے دیئے ہیں۔
کراچی : ایم کیو ایم کےقائد الطاف حسین اور حافظ طاہراشرفی کے درمیان ٹیلیفونک رابطہ ہوا ہے، الطاف حسین کا کہناہے مشکل کی اس گھڑی میں متاثرین سیلاب حکومت اورسیاسی جماعتوں کی توجہ اور امداد کے مستحق ہیں۔
ایم کیو ایم کے قائد الطاف حسین کا کہنا ہے کہ متاثرین سیلاب حکومت اور تمام سیاسی جماعتوں کی توجہ اور امداد کے مستحق ہیں، تمام اختلافات بھلا کر قدرتی آفات سے پریشان عوام کی مدد کی جائے، انہوں نے یہ بات پاکستان علماء کونسل کےسربراہ حافظ طاہر اشرفی سے فون پر گفتگو کرتے ہوئے کی ۔
الطاف حسین کا کہنا تھا سیلاب سے تباہی کے پیش نظر اسلام آباد میں جاری دھرنے ملتوی کردینے چاہئے ہیں، حافظ طاہر اشرفی نے دھرنے ملتوی کرنے کی تجویز کی حمایت کرتے ہوئے سیاسی بحران کے حل کیلئے الطاف حسین کے کردار کو سراہا، حافظ طاہر اشرفی کا کہنا تھا مشکل کی اس گھڑی میں سب کو ملکر متاثرین سیلاب کی مدد کرنا چاہئیے۔
