ڈھاکہ :پاکستان اور بنگلہ دیش کے درمیان دوسرا ون ڈے کل ڈھاکا میں کھیلا جائے گا۔۔ قومی ٹیم کے پاس سیریز بچانے کا آخری موقع ہے۔
کپتان بدل گیا لیکن کھلاڑیوں کے لچھن نہیں بدلے، فیلڈرز نے کیچ چھوڑنے کی پرانی بیماری کا نئے کپتان کو بھی ٹریلر دکھادیا، اظہر علی کی قیادت کا پہلا دن مشفق الرحیم اور تمیم اقبال نے خراب کردیا۔
بنگلہ دیش نے پہلی ہی امتحان میں پاکستانی شاہینوں کے پر کاٹ دیئے اور اظہر علی ٹیم کی ہار پر وضاحتیں پیش کرتے رہے۔
بنگلہ دیش کے خلاف میچ میں پانچویں اسپیشلسٹ بولر کی کمی شدت سے محسوس ہوئی، سعید اجمل بھی مکمل فلاپ ہوئے۔
اب ڈھاکا میں ٹیم بقا کی جنگ لڑے گی، سیریز بچانے کا آخری موقع ہے اور غلطی کی کوئی گنجائش نہیں، ہار گئے تو پہلی بار بنگلہ دیش سے سیریز ہار جائیں گے۔
