Tag: pakistan vs ireland

ایڈلیڈ: پاکستانی شاہینوں نے آئرلینڈ کو سات وکٹوں سے شکست دیکر ورلڈ کپ دوہزار پندرہ کے کوارٹر فائنل مرحلے کے لئے رسائی حاصل کرلی۔

پاکستان نے آئرلینڈ کو سات وکٹ سے شکست دیکر کوارٹرفائنل کیلئے کوالیفائی کرلیا، ناک آؤٹ مرحلے میں شاہینوں کا مقابلہ آسٹریلیا سے ایڈیلیڈ میں ہی ہوگا، پاکستان کی جانب سے سرفراز احمد نے شاندار سنچری اسکور کرتے ہوئے پاکستان کی جانب سے رواں ورلڈ کپ کی پہلی سنچری اسکور کرلی۔اس سے قبل آئرلینڈ نےپاکستان کوفتح کیلئےدوسو اڑتیس رنز کا ہدف دیاتھا، کپتان پورٹرفیلڈ نے ایک سوسات رنزبنائے۔

 پاکستان کے وہاب ریاض نے تین وکٹیں حاصل کیں، آئرلینڈ کی پوری ٹیم آخری اوور پردوسوسینتس رنزبناکرآوٹ ہوگئی۔ پال اسٹرلنگ کوچاررنز پراحسان عادل نے ایل بی ڈبلیو کردیا۔ اس کے بعد کپتان پورٹرفیلڈ ایک اینڈ پرڈٹے رہے۔

 دوسری جانب  وقفے وقفے سے وکٹیں گرتی رہیں، گیری ولسن انتیس، بل برائن اٹھارہ،نیل اوبرائن اور اسٹورٹ تھامسن بارہ،بارہ، اورجان مونی تیرہ رنزبناکر پویلین لوٹے۔پورٹرفیلڈ نے ایک سواکتیس بالز پرایک سوسات رنز اسکور کئے، جس میں گیارہ چوکے اورایک چھکاشامل تھا۔

پورٹرفیلڈ کو شاہدآفریدی نے سہیل خان کی گیند پرکیچ کیا۔ پاکستان کے وہاب ریاض نے تین، راحت علی اورسہیل خان نے دو،دو کھلاڑیوں کوآوٹ کیا۔ایک ایک وکٹ حارث سہیل اوراحسان عادل کوملی۔ آئرلینڈ کے نو کھلاڑی کیچ ہوئے۔ ان میں سے چارکیچز عمراکمل نے لئے۔

ایڈیلیڈ: ورلڈ کپ کے اہم میچ میں آئرلینڈ نے پاکستان کو جیت کے لئے دو سو اڑتیس رنز کا ہدف دے دیا۔

ایڈیلیڈ میں کھیلے جانے والے میچ کا ٹاس آئرلینڈ نے جیت کر پہلے بیٹنگ کا فیصلہ کیا، گیارہ کے مجموعی اسکور پر احسان عادل نے ٹیم کو پہلی کامیابی دلائی، آئرلینڈ کی دوسری اہم وکٹ وہاب ریاض نے حاصل کی۔

آئرلینڈ کے تجربہ کار بیٹسمین نیل او برائن کو راحت علی نے ٹھکانے لگاکر حریف ٹیم کو مشکلات میں ڈال دیا، ایک اینڈ سے وکٹیں گرتی رہیں تو دوسری طرف سے کپتان پورٹرفیلڈ اسکور میں اضافہ کرتے رہے۔

 آئرش کپتان نے دس چوکوں اور ایک چھکے کی مدد سے ورلڈ کپ میں پہلی سینچری جڑدی، وہ ایک سو سات رنزبناکر سہیل خان کا شکار ہوئے، آئرلینڈ کی ٹیم دو سو سینتیس رنزبناکر آؤٹ ہوگئی۔

ایڈلیڈ : گروپ میچزز کے آخری میچ میں آئرلینڈ نے پاکستان کے خلاف ٹاس جیت کر بیٹینگ کا فیصلہ کیا ہے۔

آسٹریلیا کے شہر ایڈیلیڈ میں کھیلے جانے والے اہم میچ میں آئرلینڈ نے پاکستان کے خلاف ٹاس جیت کر بیٹنگ کا فیصلہ کیا ہے۔

قومی ٹیم کے کپتان مصباح الحق کا کہنا تھا کہ ہمیں اچھی بالنگ کرنا ہوگی، آئرلینڈ کو کم سے کم اسکور تک روکنا ہوگا۔

ان کا کہناتھا کہ پیچ بیٹینگ کے لئے سازگار ہے ، ٹیم کی پرفارمنس سے مطمعین ہوں۔

مصباح الحق نے بتایا کہ قومی ٹیم میں آج دو تبدیلیاں کی گئی ہیں ، جس میں یونس خان کی جگہ حارث سہیل  جبکہ فاسٹ بالر محمد عرفان کی احسان عادل ٹیم میں شامل ہیں۔