شارجہ : تیسرے کرکٹ ٹیسٹ میں پاکستان ٹیم کے کپتان مصباح الحق نے نیوزی لینڈ کے خلاف ٹاس جیت کر بیٹنگ کا فیصلہ کیا ہے۔سیریز میں شاہینوں کو ایک صفر کی سبقت حاصل ہے لیکن کیویز کے بھی ارادے خطرناک ہیں ۔
شارجہ کرکٹ اسٹیڈیم میں کھیلے جارہے سیریز کے تیسرے اور آخری ٹیسٹ کیلئے پاکستان نے ٹیم میں دو تبدیلیاں کی ہیں، توفیق عمر کی جگہ حفیظ کو ٹیم میں شامل کیا جائے گا جبکہ انجرڈ فاسٹ بولر احسان عادل کی جگہ محمد طلحہ ٹیم کا حصہ ہوں گے۔
دوسری جانب نیوزی لینڈ کی جانب سے نیشام کی جگہ ڈینیل ویٹوری نے ٹیم میں جگہ بنائی ہے تاکہ مقابلہ برابر کیا جاسکے، تین میچوں پر مشتمل سیریز میں پاکستان کو ایک صفر کی برتری حاصل ہے، پہلے ٹیسٹ میں پاکستان نے نیوزی لینڈ کیخلاف 248 رنز سے کامیابی حاصل کی تھی جبکہ دوسرا ٹیسٹ بغیر کسی نتیجے کے ختم ہوا تھا۔
کرکٹ لورز کو یقین ہے کہ شارجہ کرکٹ اسٹیڈیم میں گھمسان کا رن پڑنے والا ہے، جیت اسی کی ہوگی جو مکمل تیار ہوگا اور اپنی خامیوں کو دور کریگی۔
