ARYNews.tv | Urdu – Har Lamha Bakhabar

Tag: pakistan vs sri lanka

  • ورلڈ کپ 2019: پاکستان اورسری لنکا میچ کا ٹاس تاخیرکا شکار

    ورلڈ کپ 2019: پاکستان اورسری لنکا میچ کا ٹاس تاخیرکا شکار

    برسٹل: ورلڈ کپ 2019 میں پاکستان اور سری لنکا آج ایک دوسرے کے مدمقابل ہیں، تیز بارش کے سبب ٹاس تاخیر کا شکار ہوگیا، برطانوی محکمہ موسمیات کے مطابق آج برسٹل میں رات تک مسلسل بارش ہوگی۔

    تفصیلات کے مطابق برطانیہ کے شہری برسٹل کے برسٹل کاؤنٹی گراؤنڈ میں پاکستان اور سری لنکا کے درمیان میچ ہونے جارہا ہے ، دونوں ٹیمیں ٹورنامنٹ میں اپنے ابتدائی دو میں سے ایک ایک میچ جیت چکی ہیں۔

    پاکستان اور سری لنکاکرکٹ ورلڈکپ میچز میں اب تک 7 بارآمنےسامنےآئے ہیں اور پاکستان نےساتوں میچزمیں سری لنکاکوشکست دی ہے ، تاہم آج برسٹل میں تیز بارش کے سبب اگر میچ منسوخ ہوا تو دونوں ٹیموں کو ایک ایک پوائنٹ مل جانے کا امکان ہے۔

    ٹورنامنٹ میں اپنے پہلے میچ میں پاکستان نے ویسٹ انڈیز سے شکست کھائی لیکن ورلڈنمبرون ٹیم انگلینڈکوشکست سےدوچارکیا۔ دوسری جانب سری لنکانےافغانستان کوشکست دی ، لیکن نیوزی لینڈسےمیچ ہارگیا۔

    پاکستانی ٹیم کی قیادت سرفراز احمد کررہے ہیں جبکہ ڈمتھ کرونا رتنے کررہے ہیں ، کرکٹ کے ماہرین کا کہنا ہے کہ اگر بارش کے سبب میچ منسوخ نہ ہوا تو پاکستان کی جیت کے امکانات 71 فیصد جبکہ سری لنکا کی جیت کے امکانات 29 فیصد ہیں۔

    پاکستان ٹیم اپنا چوتھا میچ عالمی چمپئن آسٹریلیا کے خلاف ٹاؤنٹن میں کھیلے گی۔ پاکستان ٹیم پانچواں میچ 16 جون کو روایتی حریف بھارت کے خلاف مانچسٹر میں کھیلے گی۔

     چھٹا میچ 23 جون کو جنوبی افریقہ کے خلاف لارڈز میں کھیلے گی، ساتواں میچ 26 جون کو نیوزی لینڈ کے خلاف برمنگھم میں کھیلے گی۔

     آٹھواں میچ 29 جون کو افغانستان کے خلاف لیڈز کے مقام پر کھیلے گی جبکہ نواں میچ بنگلہ دیش کے خلاف 5 جولائی کو لارڈز کے مقام پر کھیلے گی۔

    یاد رہے کہ پہلے میچ میں پاکستان کوویسٹ  انڈیز سے شرمناک شکست ہوئی  تھی لیکن اس کے بعد گرین شرٹس نے انگلینڈ کے خلاف شاندارکم بیک کرتے ہوئے میزبان انگلینڈ کو 14رنز سے شکست دے دی۔

     

  • پاکستان کا کلین سوئپ، شاہینوں نے سری لنکن بلے بازوں کی لنکا ڈھا دی

    پاکستان کا کلین سوئپ، شاہینوں نے سری لنکن بلے بازوں کی لنکا ڈھا دی

    شارجہ: سری لنکا اور پاکستان کے خلاف آخری ون ڈے میچ میں پاکستان نے سری لنکا کو شکست دے کر ایک روزہ میچوں کی سیریز میں کلین واش کردیا۔

    تفصیلات کے مطابق پاکستان نے سری لنکا کو نو وکٹوں سے شکست دے کر ون ڈے سیریز پانچ صفر سے اپنے نام کرلی اس میچ کی خاص بات عثمان شینواری کی تباہ کن بولنگ اسپیل ہے جس میں نوجوان بولر نے پانچ سری لنکن بلے بازوں کو پویلین کی راہ دکھائی۔

    سری لنکا نے ٹاس جیت کر پہلے کھیلتے ہوئے 103 رنز پر پوری ٹیم پویلین واپس لوٹ گئی اور کوئی سری لنکن بلے باز خاطر خواہ کارکردگی دکھا سکا جب کہ میچ کے ہیرو عثمان شنواری نے 34 رنز کے عوض 5 کھلاڑیوں کو آؤٹ کر کے کیریئر بیسٹ پرفارمنس دی۔

    سری لنکا کے 104 رنز کے تعاقب میں پاکستان نے مطلوبہ ہدف ایک کھلاڑی کے نقصان پر محض 21 ویں اوور میں حاصل کر کے سیریز کو واش آؤٹ کردیا۔

    آخری ون ڈے میں سری لنکا نے پاکستان کے خلاف ٹاس جیت کر بیٹنگ کا فیصلہ کیا ہے لیکن پاکستانی بولر عثمان شنواری نے پچ پر آتے ہی تباہی مچا دی۔

    عثمان شنواری کی تباہ کن بالنگ کی وجہ سے صرف 27 رنز پر سری لنکا کے 5 کھلاڑی آؤٹ ہوگئے۔

     

    یاد رہے کہ سری لنکا کے ساتھ مذکورہ سیریز میں پاکستان اب تک تمام ون ڈے میچز جیت چکا ہے اور اسے سری لنکا پر 0-4 کی برتری حاصل ہے۔

    چیمپئنر ٹرافی کے پہلے میچ میں بھارت سے ہارنے کے بعد پاکستانی ٹیم اب تک لگا تار 8 ون ڈے انٹرنیشنل جیت چکی ہے۔

    اس سے قبل پاکستان اور سری لنکا کے درمیان شارجہ میں کھیلے جانے والے چوتھے ون ڈے انٹرنیشنل میں پاکستان نے سری لنکا کو 7 وکٹوں سے شکست دی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ابوظہبی ٹیسٹ: سری لنکا نے پاکستان کو شکست دے دی

    ابوظہبی ٹیسٹ: سری لنکا نے پاکستان کو شکست دے دی

    ابوظہبی: سری لنکا نے سنسنی خیز مقابلے کے بعد ابوظہبی ٹیسٹ میں پاکستان کو 21 رنز سے شکست دے دی، 136 رنز کے تعاقب میں پاکستان کے تمام کھلاڑی 114 رنز پر آؤٹ ہوگئے۔

    تفصیلات کے مطابق ابوظہبی میں کھیلے گئے ٹیسٹ میچ کے پانچویں اور آخری دن فتح سری لنکا کے حصے میں آئی، لنکنز نے پاکستان کو 21 رنز سے شکست دے کر پہلا ٹیسٹ میچ جیت لیا، پاکستان کو 21 رنز سے شکست کا سامنا کرنا پڑا۔

    بیٹنگ کرتے ہوئے پاکستان نے 136 رنز کے ہدف کا تعاقب کرنا چاہا لیکن وہ کامیاب نہ ہوسکا اور 114 پر ڈھیر ہوگیا۔

    رنگانا ہیراتھ نے 6 اور پریرا نے 3 وکٹیں حاصل کیں، پاکستان کے صرف 3 کھلاڑی ڈبل فگرز میں داخل ہوسکے

    ہدف آسان تھا، جیت جانا چاہیے تھے، پارٹنر شپ نہ ملنے پر میچ ہارے، سرفراز

    میچ ہارنے کے بعد گفتگو کرتے ہوئے قومی کرکٹ ٹیم کے کپتان سرفراز احمد نے کہا کہ آسان ہدف ملا، ہمیں میچ جیت  جانا چاہیے تھا لیکن ٹیم کو کچھ مسائل تھے جس کی وجہ سے میچ نہیں جیت سکے، اگلے میچ میں بھرپور کم بیک کرنے کی کوشش کریں گے، آخری دن بیٹنگ کرنا مشکل تھا، اگر کوئی پارٹنر شپ مل جاتی تو جیت سکتے تھے۔

    انہوں نے مزید کہا کہ حارث سہیل بہت اچھا کھیلے،امید ہےکہ حارث سہیل آئندہ بھی اچھا کھیل پیش کریں گے۔

    قبل ازیں ابوظہبی ٹیسٹ میں آخری روز سری لنکا نے دوسری نامکمل اننگز انہتر رنز چار کھلاڑی آؤٹ پر شروع کی تو محمد عباس نے پاکستان کو بریک تھرو دلادیا، مینڈس کو 18 اور لکمل 13 کے انفرادی سکور پر آؤٹ کر دیا۔

    تیہتر رنز پر سری لنکا کی آدھی ٹیم پویلین لوٹ گئی تھی۔

    سرنگا لکمل کو بھی محمد عباس نے اپنا نشانہ بنایا، پیس اٹیک کے بعد لیگ اسپنر یاسر شاہ کا جادو چل گیا اور ایک ہی اوور میں یاسر نے اوپر تلے دو وکٹیں لے کر سری لنکن بیٹنگ لائن کو تہس نہس کردیا۔

    یاسر شاہ نے پہلے پریرا کو پویلین کی راہ دکھائی اور اس کے بعد اگلی ہی گیند پر ہیراتھ کو صفر پر آؤٹ کر دیا، ٹیل اینڈرز زیادہ دیر تک مزاحمت نہ کرسکے۔

    حسن علی نے سری لنکا کی آخری وکٹ حاصل کرکے ایک سو اڑتیس رنز پر سری لنکا کا بوریا بستر گول کردیا۔

    یاسر شاہ نے اننگز میں پانچ اور میچ میں آٹھ وکٹیں حاصل کیں جبکہ محمد عباس نے دو اور حسن علی، حارث سہیل اور اسد شفیق نے ایک، ایک وکٹ حاصل کی۔

    مزید پڑھیں : ابوظہبی ٹیسٹ : پاکستان کے 422 اور سری لنکا کے4 وکٹ پر69 رنز

    اس سے قبل پاکستان کی ٹیم پہلی اننگز میں سری لنکا کے خلاف 422 رنز بنا کر پویلین لوٹ گئی تھی، انجری کے باوجود اوپنر اظہر علی سب سے زیادہ 85 رنز بناکر نمایاں رہے۔

    پاکستان کی پہلی اننگز میں اظہر علی 85 رنز کے ساتھ ٹاپ سکورر رہے جبکہ اپنا پہلا میچ کھیلنے والے حارث سہیل نے 76 رنز بنائے۔ دیگر بلے بازوں میں شان مسعود 59، سمیع اسلم 51، اسد شفیق 39، حسن علی 29 اور بابر اعظم 28 رنز بنائے۔

    سری لنکا کی جانب سے ہیراتھ نے پانچ کھلاڑیوں کو آؤٹ کیا۔ لکمل اور فرنینڈو نے دو، دو اور پریرا نے ایک وکٹ حاصل کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان بمقابلہ سری لنکا ہوم سیریز، شیڈول کا اعلان

    پاکستان بمقابلہ سری لنکا ہوم سیریز، شیڈول کا اعلان

    لاہور : پی سی بی نے پاکستان اور سری لنکا کے مابین کھیلی جانے والی ہوم سیریز کے شیڈول کا باقاعدہ اعلان کردیا، سیریز میں 2 ٹیسٹ 5 ون ڈے اور 3 ٹی ٹوئنٹی کھیلے جائیں گے۔

    تفصیلات کے مطابق متحدہ عرب امارات میں سری لنکا اور پاکستان کے درمیان کھیلی جانے والی ہوم سیریز کے شیڈول کا اعلان کردیا ہے، سیریز میں دو ٹیسٹ، پانچ ون ڈے اور تین ٹی ٹوئنٹی کھیلے جائیں گے۔

    سیریز کا آخری ٹی ٹوئنٹی 29 اکتوبر کو لاہور میں ہوگا، پاکستان اور سری لنکا متحد عرب امارت میں مدمقابل ہوں گے، دونوں ٹیموں کے درمیان پہلا ٹیسٹ 28 ستمبر سے 2 اکتوبر تک ابوظہبی میں کھیلا جائے گا۔

    دوسرا ٹیسٹ 6 سے 10 اکتوبر تک دبئی میں شیڈول ہے جو ڈے نائٹ ہوگا، تیرہ اکتوبر کو پہلا ون ڈے دبئی میں، دوسرا اور تیسرا ون ڈے سولہ اور اٹھارہ اکتوبرکو ابوظہبی میں چوتھا اور پانچواں ون ڈے بیس اور تئیس اکتوبر کو شارجہ میں شیڈول ہے۔

    مزید پڑھیں: سری لنکا پاکستان میں ٹی ٹوئنٹی میچ کھیلنے پر آمادہ

    شیڈول کے مطابق تین ٹی ٹوئنٹی کے ابتدائی دو میچز چھبیس اور ستائیس اکتوبر کو ابوظہبی میں جبکہ تیسرا اور آخری ٹی ٹوئنٹی میچ انتیس اکتوبر کو لاہور میں رکھا گیا ہے جو سیکیورٹی صورتحال سے مشروط ہے۔

    مزید پڑھیں: پاکستان بمقابلہ سری لنکا میچوں کی تاریخوں کا اعلان

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ہیمبینٹوٹا : پاکستان اور سری لنکا کے درمیان دوسرا ون ڈے آج ہوگا

    ہیمبینٹوٹا : پاکستان اور سری لنکا کے درمیان دوسرا ون ڈے آج ہوگا

    ہیمبینٹوٹا : پاکستان اور سری لنکا کے درمیان تین ون ڈے کی سیریز کا دوسرا میچ آج ہیمبینٹوٹا میں کھیلا جائے گا، قومی ٹیم کو سیریز میں ایک صفر کی برتری حاصل ہے۔

    کولمبو میں مسلسل بارش کے سبب سیریز کا دوسرا ون ڈے ہمبنٹوٹا منتقل کردیا گیا ہے، میچ بدھ کو شیڈول تھا لیکن اب دوسرا ون ڈے منگل کو ہونے کی وجہ سے ایک ریزرو ڈے رکھا گیا ہے، ڈے نائٹ میچ پاکستانی وقت کے مطابق دوپہر دو بجے شروع ہوگا۔

    پاکستان کو سیریز میں ایک صفر کی برتری حاصل ہے، ہمبنٹوٹا میں کھیلے جانے والے میچ میں گرین شرٹس نے سنسنی خیز مقابلے کے بعد چار وکٹوں سے کامیابی حاصل کی تھی، پہلے ون ڈے کے ہیرو صہیب مقصود اور فواد عالم رہے تھے، دونوں بیٹسمینوں نے مشکل وقت میں ریکارڈ شراکت قائم کی اور نصف سینچریاں بناتے ہوئے ٹیم کو اہم فتح دلائی۔

    پاکستان دوسرا ون ڈے جیت کر سیریز میں فیصلہ کن برتری حاصل کرنے کے ساتھ ٹیسٹ سیریز کی شکست کا بدلہ بھی لے سکتا ہے، آسٹریلیا میں بولنگ ایکشن ٹیسٹ دینے کی وجہ سے آف اسپنر سعید اجمل ٹیم کا حصہ نہیں ہوں گے۔

    قومی ٹیم کے کپتان مصباح الحق کا کہنا ہے کہ سری لنکن ٹیم کم بیک کرنے کی بھرپور صلاحیت رکھتی ہے، دوسرے میچ میں بھرپور تیاری کے ساتھ میدان میں اترنا ہوگا۔