ARYNews.tv | Urdu – Har Lamha Bakhabar

Tag: Pakistan Vs West Indies

  • قومی کرکٹ ٹیم کے کوچ کا شکست پر اہم بیان

    قومی کرکٹ ٹیم کے کوچ کا شکست پر اہم بیان

    قومی کرکٹ ٹیم کے کوچ مائیک ہیسن نے ویسٹ انڈیز کے خلاف سیریز میں شکست پر شدید مایوسی کا اظہار کیا ہے۔

    میچ کے بعد میڈیا سے گفتگو کرتے ہوئے مائیک ہیسن کا کہنا تھا کہ 3 میچوں کی سیریز ہارنے پر مایوسی ہے۔

    انہوں نے کہا کہ ہم نے آخری اوورز میں بہت زیادہ رنز دیئے، سیریز ہاری ہے لیکن کچھ مثبت چیزیں بھی حاصل کی ہیں۔

    قومی ٹیم کے کوچ کا کہنا تھا کہ ون ڈے ٹیم پر بہت زیادہ کام کرنے کی ضرورت ہے، ہماری اسپن بولنگ شاندار رہی ،حسن نواز سیریز میں بہت اچھا کھیلے۔

     مزید پڑھیں : تیسرے ون ڈے میچ ویسٹ انڈیز  نے پاکستان کو ہرا کر سیریز جیت لی

    واضح رہے کہ پاکستان اور ویسٹ انڈیز کے درمیان کھیلی جانے والی ون ڈے سیریز کالی آندھی نے اپنے نام کرلی۔

    ویسٹ انڈیز نے پاکستان کو تیسرے اور آخری میچ میں 202 رنز سے عبرتناک شکست دے کر 34 سال بعد پاکستان سے ایک روزہ سیریز جیت لی۔

    ٹاروبا میں کھیلے گئے میچ میں پوری قومی ٹیم 295 رنز کے تعاقب میں 92 رنز پر ڈھیر ہوگئی۔صرف پاکستان ٹیم کے نائب کپتان سلمان آغا49 گیندوں پر 30 رنز بنا کر نمایاں رہے جبکہ محمد نواز 23 رنز بنا کر ناٹ آؤٹ رہے۔

    میزبان ٹیم کی جانب سے جیڈن سلز نے 6 وکٹیں لے پاکستانی بیٹنگ لائن کے پرخچے اڑا دیے۔ گداکیش موتی نے 2 اور روسٹن چیز نے 1 وکٹ حاصل کی۔

  • تیسرا ون ڈے : میچ 40 اوور تک ہمارے ہاتھ میں تھا، کپتان محمد رضوان

    تیسرا ون ڈے : میچ 40 اوور تک ہمارے ہاتھ میں تھا، کپتان محمد رضوان

    ٹاروبا : (13 اگست 2025) قومی ٹیم کے کپتان محمد رضوان نے ویسٹ انڈیز سے ہونے والی عبرتناک شکست پر کہا ہے کہ میچ 40ویں اوور تک ہمارے ہاتھ میں تھا۔

    پاکستان اور ویسٹ انڈیز کے درمیان کھیلی جانے والی سیریز میں شکست کھانے والی ٹیم کے کپتان محمد رضوان نے میچ کے بعد میڈیا سے گفتگو کی۔

    ان کا کہنا تھا کہ ویسٹ انڈیز نے آخری 10اوور میں ہم سے مومنٹم چھین لیا، جانتے ہیں کہ ہمارے پاس 5 بولر پورے نہیں ہیں۔

    تیسرے ون ڈے میچ میں شکست کی وجہ بیان کرتے ہوئے ان کا کہنا تھا کہ ابتدائی 3وکٹیں گنوانا میچ میں ہماری ناکامی کی بنیادی وجہ بنا، البتہ شائے ہوپ نے زبردست اننگز کھیلی، انہیں اس جیت کا کریڈٹ جاتا ہے۔

     مزید پڑھیں : تیسرے ون ڈے میچ ویسٹ انڈیز  نے پاکستان کو ہرا کر سیریز جیت لی

    واضح رہے کہ پاکستان اور ویسٹ انڈیز کے درمیان کھیلی جانے والی ون ڈے سیریز کالی آندھی نے اپنے نام کرلی۔

    ویسٹ انڈیز نے پاکستان کو تیسرے اور آخری میچ میں 202 رنز سے عبرتناک شکست دے کر 34 سال بعد پاکستان سے ایک روزہ سیریز جیت لی۔

    ٹاروبا میں کھیلے گئے میچ میں پوری قومی ٹیم 295 رنز کے تعاقب میں 92 رنز پر ڈھیر ہوگئی۔صرف پاکستان ٹیم کے نائب کپتان سلمان آغا49 گیندوں پر 30 رنز بنا کر نمایاں رہے جبکہ محمد نواز 23 رنز بنا کر ناٹ آؤٹ رہے۔

    میزبان ٹیم کی جانب سے جیڈن سلز نے 6 وکٹیں لے پاکستانی بیٹنگ لائن کے پرخچے اڑا دیے۔ گداکیش موتی نے 2 اور روسٹن چیز نے 1 وکٹ حاصل کی۔

  • تیسرا ون ڈے : ویسٹ انڈیز نے پاکستان کو ہرا کر سیریز جیت لی

    تیسرا ون ڈے : ویسٹ انڈیز نے پاکستان کو ہرا کر سیریز جیت لی

    ٹاروبا : ویسٹ انڈیز  نے پاکستان کو 34 سال بعد 3میچوں کی ون ڈے سیریز میں شکست دے دی، تیسرا ون ڈے میچ مایوس کن رہا جس میں قومی ٹیم کی کارکردگی نے شائقین کو افسردہ کردیا۔

    ٹاروبا میں جاری سیریز کے فیصلہ کن میچ ویسٹ انڈیز نے مقررہ اوورز میں 6 وکٹوں کے نقصان پر 294 رنز بنائے اور پاکستان کو جیت کے لیے 295 رنز کا ہدف دیا تھا۔

    پاکستان ٹیم کو تیسرے ون ڈے میں 202 رنز سے عبرتناک شکست کا سامنا کرنا پڑا، قومی ٹیم295رنز کے تعاقب میں92رنز پر ہی ڈھیر ہوگئی، ٹاروبا میں پاکستان کے 5 بلے باز مکمل طور پر ناکام رہے۔

    کپتان محمد رضوان، صائم ایوب، عبداللہ شفیق نے کھاتہ بھی نہ کھولا اور واپس پویلین پہنچ گئے جبکہ بابر اعظم  9،حسن نواز 13اور حسین طلعت صرف ایک رن بنا سکے۔

    پاکستان کی جانب سے تیسرے ون ڈے میچ میں سب سے زیادہ رنز سلمان علی آغا نے بنائے انہوں نے49 گیندوں پر 30 رنز اسکور کیے اور شاٹ لگانے کی کوشش میں کیچ آؤٹ ہوگئے جبکہ محمد نواز 36 بالز پر 23 رنز بنا کر ناٹ آؤٹ رہے۔

    ویسٹ انڈیز کے جیڈن سیلز کی تباہ کن بولنگ نے پاکستانی بیٹرز کی ایک نہ چلنے دی انہوں نے شاندار 6 وکٹیں حاصل کیں، سیریز میں مجموعی طور پر 10 وکٹیں حاصل کرنے والے جیڈن سیلز پلیئر آف دی سیریز قرار پائے۔

    کپتان شے ہوپ نے 94 گیندوں پر شاندار 120 رنز کی اننگز کھیلی، ان کی اننگ میں 10 چوکے اور 5 چھکے شامل تھے، جسٹن گریوز نے 24 گیندوں پر 43 رنز کی جارحانہ اننگز کھیلی۔

    [Live Score: WI: 294/6 (50 Overs)]

    [Target: 295]

    [PAK =92/10 (29.2 Overs)]

    ویسٹ انڈیز کی اننگز

    قبل ازیں پاکستان کے خلاف ویسٹ انڈیز نے مقررہ 50 اوورز میں 6 وکٹوں کے نقصان پر 294 رن بنائے تھے، روسٹن چیس 36 رنز بنا کر نمایاں رہے، ایون لوئس نے 37 رنز بنائے، شیرفورن ردرفوڈ 15 رنز بنا کر پویلین لوٹ گئے۔ پاکستان کی جانب سے نسیم شاہ اور ابرار احمد نے دو، دو کھلاڑیوں کو آؤٹ کیا، صائم ایوب اور محمد نواز1،1وکٹ لےسکے۔

    اس سے قبل پاکستان کے کپتان محمد رضوان نے ٹاس جیت کر شے ہوپ الیون کو پہلے بیٹنگ کی دعوت دی تھی اس میچ میں پاکستان ٹیم میں ایک تبدیلی کی گئی، شاہین آفریدی کی جگہ نسیم شاہ کو پلیئنگ الیون کا حصہ بنایا گیا تھا۔

    واضح رہے کہ پاکستان اور ویسٹ انڈیز کے درمیان تین میچوں کی سیریز کے پہلے ون ڈے میچ میں پاکستان نے ویسٹ انڈیز کو 5 وکٹوں سے شکست دی تھی جبکہ میزبان ٹیم نے دوسرے میچ میں گرین شرٹس کو 5 وکٹوں سے ہرایا تھا۔

    مزید پڑھیں : دوسرے ون ڈے میں ویسٹ انڈیز نے پاکستان کو ہرا دیا

    یاد رہے کہ پاکستان اور ویسٹ انڈیز کے درمیان سیریز کے دوسرے ون ڈے میں ویسٹ انڈیز نے قومی ٹیم کو باآسانی 5 وکٹوں سے ہرا دیا تھا، ویسٹ انڈیز نے 181 رنز کا ہدف 33.2 اوور میں پورا کردیا۔ ویسٹ انڈیز نے مطلوبہ ہدف 10 گیندوں قبل ہی حاصل کرلیا۔

  • دوسرا ون ڈے : ویسٹ انڈیز نے پاکستان کو شکست دے دی

    دوسرا ون ڈے : ویسٹ انڈیز نے پاکستان کو شکست دے دی

    ٹاروبا : پاکستان بمقابلہ ویسٹ انڈیز کے دوسرے ون ڈے میں ویسٹ انڈیز نے قومی ٹیم کو باآسانی 5 وکٹوں سے ہرا دیا، ویسٹ انڈیز نے 181 رنز کا ہدف 33.2 اوور میں پورا کردیا۔

    تفصیلات کے مطابق ویسٹ انڈیز نے سیریز کے دوسرے ون ڈے میچ میں پاکستان کو 5 وکٹوں سے شکست دے کر سیریز 1-1 سے برابر کر دی ہے، ویسٹ انڈیز نے مطلوبہ ہدف 5 وکٹوں کے نقصان پر 10 گیندوں قبل ہی حاصل کرلیا۔

    تین ون ڈے میچز کی سیریز کا دوسرا میچ ٹاروبا میں کھیلا گیا جس میں میزبان ویسٹ انڈیز نے پاکستان کے خلاف ٹاس جیت کر فیلڈنگ کا فیصلہ کیا تھا۔

    LIVE SCORE – WI  184/5 (33.2/35)
    Target – 181

    PAK 171/7 (37/40)

    بارش رکنے بعد میچ دوبارہ شروع ہوا تو اسے 35 اوورز تک محدود کردیا گیا پاکستان نے پہلے کھیلتے ہوئے 37 اوور میں7وکٹوں کے نقصان پر171رنز بنائے۔ پاکستان کی اننگز مکمل ہونے کے بعد ڈرک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف دیا گیا تھا۔

    پاکستان کی جانب سے حسن نواز 30گیندوں پر 36 رنز بنا کر ٹاپ اسکورر رہے جبکہ حسین طلعت31، عبداللہ شفیق 26 اور صائم ایوب نے23 رنز بنائے۔

    محمد رضوان16 ،سلمان آغا9 ،محمد نواز5 اور بابر اعظم صفر پر آؤٹ ہوئے، شاہین شاہ آفریدی7گیندیں کھیل کر 11 رنز بنا کر ناٹ آؤٹ رہے۔

    جیڈن سیلز نے 7اوورز میں 23 رنز دے کر 3 وکٹیں حاصل کیں جبکہ روسٹن چیز، شمار جوزف، گڈا کیش موتی اور بلیڈز نے 1،1کھلاڑی کو آؤٹ کیا۔

    Cricket

    ویسٹ انڈیز اننگز :

    پاکستان بمقابلہ ویسٹ انڈیز کے دوسرے ون ڈے میں ویسٹ انڈیز کے کھلاڑیوں نے مجموعی طور پر شاندار کھیل کا مظاہرہ کیا پاکستان کیخلاف ویسٹ انڈیز کی پہلی وکٹ11رنز پر گری، برینڈن کنگ ایک رن بنا کر حسن علی کی بال پر آؤٹ ہوئے۔

    ویسٹ انڈیز کے دوسرے کھلاڑی ایون لوئس 7 رنز بناکر پویلین لوٹ گئے انہیں بھی علی حسن کی بال پر محمد رضوان نے کیچ آؤٹ کیا۔

    ویسٹ انڈیز کی تیسری وکٹ 63 رنز کے مجموعی اسکور پر گری، کیچے کیرٹی 42 بال پر 16 رنز بناکر ابرار احمد کی بال پر آؤٹ ہوکر واپس پویلین چلے گئے۔

    Shai Hope

    ویسٹ انڈیز کے کی چوتھی وکٹ 103 رنز کے مجموعی اسکور پر گری جب شائے ہوپ 35 بالز پر 32 رنز بنا کر آؤٹ ہوئے انہیں محمد نواز کی بال پر محمد رضوان نے اسٹیمپ آؤٹ کیا۔

    ویسٹ انڈیز کے پانچویں بیٹسمین شیرفین رودرفورڈ 33 بالز پر 45 رنز بناکر محمد نواز کی بال پر عبداللہ شفیق کے ہاتھوں کیچ آؤٹ ہوئے۔

    روسٹن چیز 49اور شرفین ردرفورڈ45رنز بنا کر نمایاں رہے۔ پاکستان کی جانب سے حسن علی اور محمد نواز نے 2،2 وکٹیں لیں جبکہ ابرار احمد نے ایک کھلاڑی کو آؤٹ کیا۔

    دونوں ٹیموں کے درمیان 3میچوں کی سیریز 1-1سے برابر ہوگئی ہے، سیریز کا تیسرا اور آخری میچ انتہائی اہمیت کا حامل ہوگا جو منگل کو کھیلا جائے گا۔

    واضح رہے کہ تین ایک روزہ میچوں کی سیریز میں پاکستان کو ایک صفر کی برتری حاصل تھی۔ پہلے میچ میں گرین شرٹس نے ویسٹ انڈیز کو پانچ وکٹوں سے ہرایا تھا۔

    یہ سیریز ویسٹ انڈیز کے لیے انتہائی اہمیت کی حامل ہے۔ میزبان ٹیم اگر سیریز ہاری تو اس کے 2027 کے ون ڈے ورلڈ کپ میں براہ راست رسائی اور میگا ایونٹ کھیلنے کی امیدوں کو دھچکا لگ سکتا ہے۔

  • پاکستان بمقابلہ ویسٹ انڈیز، پہلا ون ڈے آج ہوگا

    پاکستان بمقابلہ ویسٹ انڈیز، پہلا ون ڈے آج ہوگا

    ٹرینیڈاڈ میں پاکستان اور ویسٹ انڈیز کے درمیان پہلا ون ڈے انٹرنیشنل آج ہوگا، پاکستانی وقت کے مطابق میچ رات گیارہ بجے شروع ہوگا۔

    میچ سے قبل دونوں ٹیموں نے ٹرینیڈاڈ میں بھرپور پریکٹس کی، کپتان محمد رضوان کا کہنا ہے کہ ویسٹ انڈیز کے خلاف ون ڈے سیریز میں اسپنر ابرار احمد اور سفیان مقیم ٹرمپ کارڈ ثابت ہو سکتے ہیں۔

    تاروبا ٹرینیڈاڈ کے برائن لارا کرکٹ اسٹیڈیم میں پہلا ڈے اینڈ نائٹ ون ڈے انٹرنیشنل کھیلا جائے گا۔

    دو بار کی عالمی چیمپئن ویسٹ انڈیز ون ڈے ورلڈ کپ میں براہ راست کوالیفائی کرنے کیلئے سیریز کو اہم قرار دے رہی ہے۔

    کالی آندھی نے اس سے قبل 2023 میں تاریخ میں پہلی بار بھارت میں ہونے والے ورلڈ کپ کے لئے کوالیفائی نہیں کیا تھا۔

    پاکستانی قومی کرکٹ ٹیم کی ون ڈے میں کپتانی محمد رضوان کرینگے جبکہ بابر اعظم، عبداللّٰہ شفیق اور نسیم شاہ کی بھی ٹیم میں شمولیت ہوئی ہے۔

    واضح رہے کہ پاکستان نے فلوریڈا میں ٹی ٹوئنٹی سیریز میں ویسٹ انڈیز کو دو ایک سے شکست دی تھی۔

    حیدر علی کے خلاف مانچسٹر پولیس کی تحقیقات، پی سی بی نے معطل کردیا

    پاکستان ون ڈے ٹیم کے کپتان محمد رضوان کا کہنا ہے کہ فخر زمان کی انجری کا افسوس ہے ان کی کمی محسوس ہوگی۔

    ویسٹ انڈیز کے خلاف پہلے ایک روزہ میچ سے قبل محمد رضوان نے میڈیا سے گفتگو کرتے کہا کہ ٹیم میں موجود نوجوان کھلاڑی کافی باصلاحیت ہیں، کوشش ہوگی ٹی 20 کی طرح ون ڈے سیریز بھی جیتیں۔

  • تیسرا ٹی 20: پاکستان نے ویسٹ انڈیز کو شکست دے کر سیریز جیت لی

    تیسرا ٹی 20: پاکستان نے ویسٹ انڈیز کو شکست دے کر سیریز جیت لی

    لاؤڈر ہل(04 اگست 2025): امریکی ریاست فلوریڈا کے شہر لاؤڈر ہل میں کھیلی جانے والی کرکٹ سیریز کے تیسرے اور آخری ٹی 20 میں پاکستان نے ویسٹ انڈیز کو شکست دے کر سیریز جیت لی۔

    تفصیلات کے مطابق لاؤڈر ہل میں کھیلے گئے تیسرے ٹی 20 میچ میں پاکستان نے ویسٹ انڈیز کو 13 رنز سے شکست دے دی ، جس کے ساتھ ہی پاکستان ٹیم نے 3 میچوں کی سیریز دو ایک سے اپنے نام کر لی۔

    پاکستانی اوپنرز کی سنچری شراکت کی بدولت ٹیم نے 4 وکٹ کے نقصان پر 189 رنز بنائے تھے، ویسٹ انڈیز کی ٹیم ہدف کا تعاقب کرتے ہوئے 6 وکٹ پر 176 رنز بنا سکی، صاحبزادہ فرحان 74 اور صائم ایوب 66 رنز بنا کر نمایاں رہے۔

    خوشدل شاہ 11، فہیم اشرف 10 رنز بنا کر ناٹ آؤٹ رہے، پاکستانی کھلاڑیوں نے اننگز میں 11 چھکے اور 7 چوکے لگائے، حسن علی، حارث رؤف، صائم ایوب، سفیان مقیم اور محمد نواز نے ایک، ایک وکٹ حاصل کی۔

    مین آف دی میچ، مین آف دی سیریز

    صاحبزادہ فرحان کو پلیئر آف دی میچ قرار دیا گیا، جس نے 53 گیندوں پر سب سے زیادہ 74 رنز اسکور کیے، ان کی اننگز میں 5 چھکے اور 3 چوکے بھی شامل تھے، صاحبزادہ فرحان نے کہا کہ ان کی ہمیشہ کوشش ہوتی ہے کہ رنز ٹیم کے کام آئیں، اور صائم ایوب کے ساتھ بیٹنگ میں مزہ آتا ہے۔ پوری سیریز میں بہترین کارکردگی دکھانے پر پاکستانی کھلاڑی محمد نواز کو پلیئر آف دی سیریز کا ایوارڈ دیا گیا۔

    تیسرے اور آخری ٹی ٹوئنٹی کے لیے میچ سے قبل پاکستان ٹیم میں 2 تبدیلیاں کی گئی تھیں، قومی ٹیم میں شاہین آفریدی کی جگہ حارث رؤف اور فخر زمان کی جگہ خوشدل شاہ کو پلیئنگ الیون میں شامل کیا گیا تھا۔

    یاد رہے کہ 3 ٹی 20 میچز کی سیریز کے پہلے میچ میں پاکستان نے ویسٹ انڈیز کو 14 رنز سے شکست دی تھی، ویسٹ انڈیز کی ٹیم 179 رنز کے تعاقب میں 7 وکٹوں پر 164 رنز بنا سکی تھی، اس میچ میں پاکستان نے مقررہ اوورز میں 6 وکٹوں پر 178 رنز بنائے تھے۔

    سیریز کے دوسرے میچ میں ویسٹ انڈیز ٹیم نے حساب برابر کر دیا، ویسٹ انڈیز نے پاکستان کو 2 وکٹوں سے شکست دی، پاکستان نے پہلے کھیلتے ہوئے ویسٹ انڈیز کو جیت کے لیے 134 رنز کا ہدف دیا تھا۔ مخالف ٹیم نے 20 اوورز مکمل کھیل کر 8 وکٹوں پر 135 رنز بنا کر میچ جیت لیا۔

  • دوسرا ٹی 20، ویسٹ انڈیز نے پاکستان کو 2 وکٹوں سے شکست دے دی

    دوسرا ٹی 20، ویسٹ انڈیز نے پاکستان کو 2 وکٹوں سے شکست دے دی

    لاڈرہل (03 اگست 2025): دوسرے ٹی 20 میچ میں ویسٹ انڈیز نے پاکستان کو 2 وکٹوں سے شکست دے دی، پاکستان نے پہلے کھیلتے ہوئے ویسٹ انڈیز کو جیت کے لیے 134 رنز کا ہدف دیا تھا۔

    تفصیلات کے مطابق لاڈرہل، فلوریڈا میں کھیلے جانے والی 3میچوں کی سیریز 1-1 سے برابر ہو گئی ہے، پاکستان نے ٹاس جیت کر بیٹنگ کا فیصلہ کیا تھا لیکن وہ مقررہ اوورز میں 9 وکٹ پر 133 رنز بنا سکی تھی، مخالف ٹیم نے بیس اوورز مکمل کھیل کر 8 وکٹوں پر 135 رنز بنا کر میچ جیت لیا۔

    پاکستان کی جانب سے حسن نواز 40 رنز بنا کر نمایاں رہے، کپتان سلمان علی آغا 38، فخر زمان 20 رنز بنا سکے، حسن علی 8، صائم ایوب 7، محمد حارث 4 رنز بنا سکے، صاحبزادہ فرحان 3، محمد نواز اور شاہین آفریدی 2،2 رنز بنا سکے، جب کہ فہیم اشرف بغیر کوئی رن بنائے پویلین لوٹ گئے۔ ویسٹ انڈیز کی طرف سے جیسن ہولڈر نے شان دار کارکردگی دکھاتے ہوئے 4 کھلاڑی آؤٹ کیے۔

    پاکستان نے پہلے ٹی 20 میں ویسٹ انڈیز کو 14 رنز سے ہرادیا، صائم مین آف دی میچ قرار

    ویسٹ انڈیز نے ہدف کا تعاقب کرتے ہوئے، میچ آخری گیند پر جیتا، جب 4 وکٹیں لینے والے بولر جیسن ہولڈر نے آخری گیند پر چوکا لگا کر میچ کا پانسہ پلٹ دیا، گوداکیش موتی نے 28، کپتان شائی وپ نے 21 رنز بنائے، روسٹن چیز اور جیسن ہولڈر نے 16،16 رنز اسکور کیے۔

    خیال رہے کہ تین ٹی 20 میچز کی سیریز کے پہلے میچ میں پاکستان نے ویسٹ انڈیز کو 14 رنز سے شکست دی تھی، جب کہ ویسٹ انڈیز کی ٹیم 179 رنز کے تعاقب میں 7 وکٹوں پر 164 رنز بنا سکی تھی۔ اس میچ میں پاکستان نے مقررہ اوورز میں 6 وکٹوں پر 178 رنز بنائے، صائم ایوب نے 57 رنز کی عمدہ اننگز کھیلی، فخر زمان 28 اور حسن نواز 24 رنز بنا کر دوسرے نمایاں بیٹسمین رہے۔ ویسٹ انڈیز کی جانب سے جوزف نے 3 کھلاڑیوں کو آؤٹ کیا تھا۔

    پاک ویسٹ انڈیز ٹی 20 سیریز کا تیسرا اور آخری میچ کل کھیلا جائے گا۔

  • ویسٹ انڈیز مضبوط ٹیم ہے ہرانے کے لیے اپنا بہترین کھیل کھیلنا پڑے گا، سلمان علی آغا

    ویسٹ انڈیز مضبوط ٹیم ہے ہرانے کے لیے اپنا بہترین کھیل کھیلنا پڑے گا، سلمان علی آغا

    پاکستان کرکٹ ٹیم کے کپتان سلمان علی آغا نے کہا ہے کہ ویسٹ انڈیز مضبوط ٹیم ہے ہرانے کے لیے اپنا بہترین کھیل کھیلنا پڑے گا۔

    پاکستان ٹی ٹوئنٹی کرکٹ ٹیم کے کپتان سلمان علی آغا نے میڈیا سے گفتگو میں کہا کہ ویسٹ انڈیز کے خلاف سیریز آسان نہیں، کامیابی کے لیے ہر شعبے میں اچھی پرفارمنس دینا پڑے گی۔

     سلمان آغا کا کہنا تھاکہ ویسٹ انڈیز ٹی ٹوئنٹی کی ٹف ٹیم ہے، اس کے پلیئرز اس فارمیٹ میں خطرناک ثابت ہوتے ہیں اور ہمارے پاس اسکواڈ میں نوجوانوں اور تجربے کا عمدہ امتزاج ہے، ایک ٹیم کے طور پر میدان میں اترنے کے لیے بے صبری سے منتظر ہیں۔

    انہوں نے کہا کہ فلوریڈا میں موسم بہت گرم اور چیلنجنگ ہے لیکن ٹیم کی تیاری مکمل ہے، ہم ہر سیریز ایشیا کپ اور ورلڈ کپ کو مد نظر رکھتے کھیلتے ہیں۔

    واضح رہے کہ پاکستان اور ویسٹ انڈیز کے درمیان ٹی ٹوئنٹی سیریز کل صبح پانچ بجے فلوریڈا میں کھیلا جائے گا جبکہ اگلے دو میچز 3 اور 4 اگست کو شیڈول ہے اس کے بعد ویسٹ انڈیز میں 8، 10 اور 12 اگست کو ون ڈے میچز کھیلے جائیں گے۔

    پاکستان اور ویسٹ انڈیز کے درمیان اب تک 21 ٹی ٹوئنٹی میچز کھیلے جاچکے ہیں پاکستان نے 15 میں ویسٹ انڈیز نے 3 میں کامیابی حاصل اور اتنے ہی میچز بغیر نتیجہ ختم ہوئے۔

  • ملتان ٹیسٹ: ساجد خان کی شاندار بولنگ، پاکستان نے ویسٹ انڈیز کو پہلے ٹیسٹ میں 127 رنز سے شکست دیدی

    ملتان ٹیسٹ: ساجد خان کی شاندار بولنگ، پاکستان نے ویسٹ انڈیز کو پہلے ٹیسٹ میں 127 رنز سے شکست دیدی

    ملتان ٹیسٹ میں پاکستان  نے ویسٹ انڈیز کو 127 رنز سے شکست دیکر  دو میچوں کی سیزیز میں ایک صفر کی سبقت حاصل کر لی۔

    ملتان کرکٹ اسٹیڈیم میں کھیلے جانے والے میچ میں پاکستان  نے ویسٹ انڈیز کو پہلے ٹیسٹ میں 127 رنز سے شکست دیدی، 251 رنز کے جواب میں ویسٹ انڈیز ٹیم کی پوری ٹیم 123رنز ڈھگیر ہوگئی، پاکستانی اسپنر ساجد خان نے شاندار بولنگ کراتے ہوئے میچ میں 9 وکٹیں حاصل کیں۔

    اس کے علاوہ ابرار احمد نے 4، نعمان علی نے ایک وکٹ حاصل کی، ویسٹ انڈیز کے ایلک اتھانز 55 رنز بنا کر ٹاپ اسکورر رہے، دوسری اننگز میں کپتان شان مسعود 52 رنز بنا کر نمایاں رہے تھے، پہلی اننگز میں سعود شکیل نے 84، محمد رضوان نے 71 رنز کی اننگز کھیلی تھی۔

    اس سے قبل پاکستانی ٹیم دوسری اننگز میں 157 رنز پر آؤٹ ہوگئی تھی، پاکستان نے ملتان ٹیسٹ کے تیسرے روز اپنی دوسری اننگز کا آغاز 3 وکٹ کے نقصان پر 109 رنز سے کیا تھا، پہلی اننگز میں پاکستان کو 93 رنز کی برتری ملی تھی۔

    اس سے قبل ویسٹ انڈیز کی ٹیم پہلی اننگز میں 137 رنز بنا کر آؤٹ ہوئی تھی، پاکستان کی جانب سے اسپنر نعمان علی نے پانچ کھلاڑیوں کو پویلین کی راہ دکھائی تھی، ساجد خان نے چار اور ابرار احمد نے ایک کھلاڑی کو  آؤٹ کیا تھا۔

  • پاک ویسٹ انڈیز سیریز، ٹکٹوں کی فروخت کا آغاز

    پاک ویسٹ انڈیز سیریز، ٹکٹوں کی فروخت کا آغاز

    پاکستان ویسٹ انڈیز سیریز کے لیے ٹکٹوں کی فروخت کا آغاز ہو گیا ہے۔

    تفصیلات کے مطابق پاکستان بمقابلہ ویسٹ انڈیز کرکٹ سیریز کے لیے ٹکٹوں کی فروخت شروع ہو گئی ہے، ٹکٹ کی کم سے کم قیمت 300 روپے، اور زیادہ سے زیادہ 500 روپے مقرر کی گئی ہے۔

    سیریز کے تمام میچز آئی سی سی مینز کرکٹ ورلڈ کپ سپر لیگ میں شامل ہیں۔

    Image

    واضح رہے کہ ویسٹ انڈیز کی ٹیم رواں ماہ 3 ون ڈے میچوں کی سیریز کھیلنے کے لیے پاکستان آ رہی ہے اور دونوں ٹیموں کے درمیان میچ بالترتیب 8، 10 اور 12 جون کو کھیلے جائیں گے۔

    ویسٹ انڈیز کیخلاف ون ڈے سیریز، قومی ٹیم سے متعلق اہم خبر

    پی سی بی کی جانب سے ویسٹ انڈیز کے خلاف اعلان کردہ 16 رکنی قومی اسکواڈ میں 3 اوپنرز، 3 مڈل آرڈر بیٹرز، 2 وکٹ کیپرز، 3 اسپنرز کو شامل کیا گیا ہے جب کہ 5 فاسٹ بولرز کو بھی قومی اسکواڈ کا حصہ بنایا گیا ہے۔

    اعلان کردہ قومی اسکواڈ میں بابر اعظم (کپتان)، نائب کپتان شاداب خان، محمد رضوان، عبداللہ شفیق، فخر زمان، حارث رؤف، حسن علی، افتخار احمد اور امام الحق، خوشدل شاہ، محمدحارث، محمد نواز، محمد وسیم جونیئر، شاہین شاہ آفریدی، شاہنواز ڈاہانی اور زاہد محمود شامل ہیں۔