ہرارے : پاکستان اور زمبابوے کے درمیان ون ڈے سیریز کا تیسرا اور فیصلہ کن میچ پیر کو کھیلا جائیگا، سیریز ایک ایک سے برابر ہے.
زمبابوے نے امپائرز کے متنازعہ فیصلے کا فائدہ اٹھاتے ہوئے دوسرا میچ ڈک ورتھ لوئس قوانین کے تحت پانچ رنز سے جیت کر ون ڈے سیریز ایک ایک سے برابر کردی لیکن اب فائنل معرکہ ہوگا جسمیں دونوں ٹیمیں سر دھڑ کی بازی لگانے کو تیار ہیں۔
پاکستان ٹیم نے بیٹنگ کو بہتر بنانے کیلئے پریکٹس سیشن میں بھرپور محنت کی ہے۔
کپتان اظہر علی نے کہا کہ شعیب ملک، عامر یامین اور آخر میں یاسر شاہ نے ذمہ داری سے کھیلتے ہوئے کامیابی کے قریب پہنچا دیا تھا مگر خراب روشنی شکست کا سبب بنی۔
انکا کہنا تھا دورہ زمبابوے کا اختتام ون ڈے سیریز جیت کر کرنا چاہتے ہیں۔
