ARYNews.tv | Urdu – Har Lamha Bakhabar

Tag: pakistan win

  • گال ٹیسٹ میں شاندار فتح : پاکستان نے نئی تاریخ رقم کردی

    گال ٹیسٹ میں شاندار فتح : پاکستان نے نئی تاریخ رقم کردی

    گال : پاکستان نے سری لنکا کے خلاف گال ٹیسٹ جیت لیا، گال میں سری لنکا اپنا ریکارڈ نہ بچاسکا، پاکستانی ٹیم نے تاریخ بنادی۔

    تفصیلات کے مطابق پاکستان نے گال ٹیسٹ میں342رنزکا ریکارڈ ہدف حاصل کرکے سری لنکا کے خلاف گال ٹیسٹ4وکٹوں سے جیت لیا۔

    No description available.

    شاندار کارکردگی پر عبداللہ شفیق گال ٹیسٹ کے ہیرو ثابت ہوئے, عبداللہ شفیق 158رنز بنا کرناٹ آؤٹ رہے۔ اوپنر عبداللہ شفیق کی اننگز نےپاکستان کو فتح سے ہمکنار کیا، بابراعظم نے 55اور رضوان نے40رنز کی اننگز کھیلی۔

    کپتان بابراعظم 55، امام الحق 35 اور اظہرعلی 6 رنزبنا کر آؤٹ ہوگئے،سری لنکا کے پراباتھ جے سوریا نے 3 اور رمیش مینڈس نے ایک وکٹ حاصل کی۔

    کپتان بابر اعظم نے پچپن رنز کی اننگز کھیلی، میزبان ٹیم نے شاہینوں کو تین سو بیالیس رنز کا ہدف دیا تھا

    May be an image of 1 person and text that says "PAKISTAN TOUR OF 。 SRI LANKA 2022 BABAR 56 RCL 246 pepsi PAKISTAN REGISTERS HISTORY BY CHASING 342! (CRICKET PAKISTAN CRIC<CT"

    خیال رہے کہ سری لنکا نے مہمان ٹیم پاکستان کو جیت کے لیے 342 رنز کا ہدف دیا ہے، سری لنکن ٹیم پہلی اننگز میں 4 رنز کی سبقت حاصل کرنے کے بعد اپنی دوسری اننگز میں 337 رنز ہی بنا سکی۔

    میزبان ٹیم نے تیسرے دن کے اختتام پر 9 وکٹوں کے نقصان پر 329 رنز بنا لیے تھے جبکہ چوتھے روز محض 8 رنز کا اضافہ کر سکی۔

    سری لنکا کی جانب سے دنیش چندی مل 94 رنز بنا کر ناٹ آؤٹ رہے، جنہوں نے 5 چوکے اور 2 چھکے بھی لگائے۔

    اوشادہ فرنینڈو اور کوشال مینڈس نے بھی بہترین کھیل کا مظاہرہ کیا، جنہوں نے بالترتیب 64 اور 76 رنز کی اننگز کھیلی۔ پاکستان کی طرف سے محمد نواز نے 5، یاسر شاہ نے 3 جبکہ حسن علی اور نسیم شاہ نے ایک ایک کھلاڑی کو آؤٹ کیا۔

  • ورلڈ جونئیر اسکریبل چیمپئین شپ 13 سالہ پاکستانی عماد علی نے جیت لی

    ورلڈ جونئیر اسکریبل چیمپئین شپ 13 سالہ پاکستانی عماد علی نے جیت لی

    انگلینڈ : پاکستان نے ایک بار پھر ورلڈ جونئیر اسکریبل چیمپئین شپ جیت لی، پاکستان کے نوجوان کھلاڑی سید عماد علی نے اپنے وطن کا نام روشن کردیا۔

    تفصیلات کے مطابق پاکستان نے ایک بار پھر ورلڈ اسکریبل چیمپئین شپ میں کامیابیوں کے جھنڈے گاڑ دیے۔ انگلینڈ میں ہونے والی ورلڈ جونئیر اسکریبل چیمپئین شپ میں پاکستان کے نوجوان کھلاڑی سیدعماد علی نے میدان مار لیا۔

    عماد علی صرف تیرہ سال کی عمر میں ورلڈ جونئیر اسکریبل چیمپئین جیتنے والے دنیا کے کم عمرترین کھلاڑی بن گئے ہیں۔

    اس کے علاوہ جونئیر اسکریبل ایونٹ کی چھ کیٹگریز میں سے پانچ میں پاکستانی کھلاڑیوں نے کامیابی حاصل کرلیں۔

    پاکستانی کھلاڑيوں نے انڈر 18، انڈر 14، انڈر 12 اور انڈر 10 کيٹیگری ميں ٹائٹل اپنے نام کئے۔ جونئیر ایونٹ کی ٹاپ تھری پوزیشن پاکستانی کھلاڑیوں نےحاصل کی۔

    انڈر18 میں پاکستان کے طہٰ مرزا نے عالمی ٹائٹل حاصل کیا، انڈر14 ميں صائم وقار اور انڈر12 ميں مونس خان نے حريف کھلاڑيوں کو ہرايا۔

    یاد رہے کہ اس سے قبل سال 2018ء میں بھی پاکستان نے جونیئر اسکریبل ورلڈ کپ کی تمام 6 کیٹیگریز اپنے نام کی تھیں۔

  • برمنگھم میں سبز رنگ کی بہار، پاکستانی شائقین فتح پر جھوم اٹھے، والہانہ رقص

    برمنگھم میں سبز رنگ کی بہار، پاکستانی شائقین فتح پر جھوم اٹھے، والہانہ رقص

    برمنگھم : لارڈز کے بعد برمنگھم میں بھی پاکستانی شائقین کا جوش اور جذبہ عروج پر رہا۔ صورتحال دیکھ کر آئی سی سی نے پھر سے ٹوئٹ کردیا.

    تفصیلات کے مطابق کرکٹ ورلڈ کپ کے میچ میں نیوزی لینڈ کیخلاف شاندار کامیابی کے بعد ملک بھر میں جشن کا سماں ہے، لوگوں نے جیت کے بعد دل کھول کر خوشیاں منائیں۔

    برمنگھم میں شائقین پاکستان کی جیت پرخوشی سے نہال ہوگئے، پاکستان کے جھنڈے کے رنگ بکھیرتی ڈبل ڈیکر بس میں شائقین اسٹیڈیم پہنچے۔ لوگوں نے پاکستان ٹیم کے حق میں فلک شگاف نعرے لگائے۔

    کھیل کے دوران پرستاروں نے کھل کر پاکستانی ٹیم کو سپورٹ کیا۔ پاکستان کے شائقین کرکٹ کا جوش وجذبہ دیکھ کر آئی سی سی نے سماجی رابطے کی ویب سائٹ ٹوئٹر پر پھرٹوئٹ کردیا۔

    آئی سی سی کے ٹوئٹر پیغام میں کہا گیا ہے کہ ہرے سمندر میں نیوزی لینڈ کے فینز کو ڈھونڈیے۔ اس سے پہلے بھی جنوبی افریقہ کے خلاف میچ میں پرستاروں کا جوش وخروش دیکھ کر آئی سی سی نے ٹویٹ کیا تھا کہ یہ لارڈز ہے یا لاہور۔

    علاوہ ازیں پاکستان میں بھی پاکستان کی فتح کی خوشی میں مختلف شہروں میں مٹھائیاں تقسیم کی گئیں، لوگ ایک دوسرے کو مبارکباد دیتے رہے، کراچی میں بھی بچوں نے گرین شرٹس کی فتح پر خوب ہلہ گلہ کیا۔

    ڈھول کی تھاپ اور میوزک پر شائقین کرکٹ جھوم جھوم پاکستان کی کامیابی کا جشن مناتے رہے، کرکٹ لورز کا کہنا ہے کہ پاکستان ٹیم کے اصل ہیرو سرفراز احمد ہیں جنھوں نے شاندار کارکردگی دکھائی۔

  • پاکستان کی جیت: آرمی چیف کا قومی ٹیم کوعمرے پربھیجنے کا اعلان

    پاکستان کی جیت: آرمی چیف کا قومی ٹیم کوعمرے پربھیجنے کا اعلان

    اسلام آباد: آئی سی سی چپمپیئنز ٹرافی میں شاندار فتح پر وزیر اعظم نواز شریف، صدرممنون حسین، آرمی چیف جنرل قمرجاوید باجوہ اور سربراہ پاک بحریہ نے پاکستان ٹیم اورقوم کو مبارکباد دی ہے، آرمی چیف نے پوری ٹیم کو عمرے پر بھیجنے کا اعلان کردیا۔

    تفصیلات کے مطابق آئی سی سی چمپیئنز ٹرافی میں پاکستان کی شاندار فتح پر پورے ملک میں جشن کا سماں ہے، ملک کی سیاسی اور مذہبی جماعتوں کے رہنماؤں نے مسرت کا اظہار کرتے ہوئے قوم کو مبارکباد پیش کی ہے.

     وزیر اعظم نواز شریف، صدرممنون حسین، آرمی چیف جنرل قمرجاوید باجوہ، نیول چیف، چیئرمین پیپلز پارٹی بلاول بھٹو زرداری، سربراہ عوامی مسلم لیگ شیخ رشید احمد اور دیگر نے پاکستان ٹیم اور پوری قوم کو مبارکباد دی ہے۔

    پی ٹی آئی کے چیئرمین عمران خان نے میچ کے دسویں اوور میں ہی پاکستان کو میچ میں فتح کی ایڈوانس مبارکباد دے دی تھی۔

    نواز شریف کا کہنا ہے کہ قومی ٹیم نے بھارت کو بڑے فرق سے ہرایا جو بہت خوش آئند بات ہے، آرمی چیف جنرل قمرجاوید باجوہ نے پاکستان کی پوری ٹیم کو جیت کی خوشی اور سجدہ شکر ادا کرنے کیلئے عمرے پر بھیجنے کا اعلان کیا ہے۔

    آرمی چیف کا کہنا تھا کہ ٹیم ورک کو کوئی شکست نہیں دے سکتا، بھارت کے خلاف تاریخی فتح پر ہمیں پاکستان ٹیم پرفخر ہے۔

    قومی ٹیم کی آئی سی سی چمپیئنز ٹرافی میں شاندار فتح پر مبارکبادوں کا سلسلہ جاری ہے، گورنرسندھ محمد زبیر، صوبائی وزیر داخلہ سندھ سہیل انورسیال، وزیر بلدیات سندھ جام خان شورو چیف جسٹس لاہورہائیکورٹ اور دیگر نے بھی قومی ٹیم کوفتح پرمبارکباد پیش کی ہے۔

    گورنرسندھ محمد زبیر نے کہا کہ فائنل میں180رنز سےکامیابی پرٹیم مبارکبادکی مستحق ہے، سہیل انور سیال نے کہا کہ کھلاڑیوں نےشاندارکاکردگی سےقوم کاسرفخرسےبلندکردیا، جام خان شورو نے کہا کہ پاکستانی ٹیم نےقوم کوعید سےپہلے عیدی دیدی۔

     چیف جسٹس لاہورہائیکورٹ کا کہنا ہے کہ قومی ٹیم کی کامیابی بہترین ٹیم ورک کانتیجہ ہے، ٹیم نےقوم کا سر فخر سے بلند کردیا ہے،

  • مینز نیٹ بال چیمپئن شپ، پاکستان نے بھارت کو شکست دے دی

    مینز نیٹ بال چیمپئن شپ، پاکستان نے بھارت کو شکست دے دی

    کوالا لمپور: ایشین مینز نیٹ بال چیمپین شپ میں پاکستان نے بھارت کو شکست دے کر فائنل تک رسائی حاصل کرلی، فائنل میں پاکستان اور ملائشیا ایک دوسرے کے مدمقابل ہوں گے۔

    تفصیلات کے مطابق ملائشیا کے شہر کوالالمپور میں کھیلے جانے والے عالمی ایونٹ نیٹ بال چیمپئن شپ کے فائنل میں پاکستان نے بھارت کو سنسنی خیز مقابلے کے بعدایک گول سے شکست دے دی۔

    ایونٹ میں پاکستان کی جانب سے 27 گول کیے گئے جب کہ بھارت کی جانب سے 26 گول کیے گئے وقت کے اختتام پر فتح پاکستان کے حصے میں آئی۔

    قومی ٹیم کے کھلاڑیوں محمد اختر، علی رضا، زاہد اقبال اور خورشید احمد نے کامیابی میں اہم کردار ادا کیا، محمد اختر نے 17 اور زاہد اقبال نے 10 گول کیے۔

    بھارت کو سیمی فائنل میں شکست دینے کے بعد پاکستان نے ایشین نیٹ بال چیمپن شپ کے فائنل میں جگہ بنالی،نیٹ بال چیمپئن شپ کا فائنل پاکستان اور ملائشیا کے درمیان اتوار کو کھیلا جائے گا۔

     

  • پاکستان کی فتح ، ٹوئٹر پر مبارکباد کے ٹوئٹس

    پاکستان کی فتح ، ٹوئٹر پر مبارکباد کے ٹوئٹس

    کراچی: پاکستان کی شاندار فتح پر ثانیہ مرزا، وسیم اکرم سمیت کئی کھلاڑیوں نے ٹیم کو مبارک باد کے ٹوئٹس کیے ہیں۔

    پاکستان نےعماد وسیم کے شاندار چھکے کی بدولت کولمبو میں دوسرا ٹی ٹوئنٹی ایک سنسی خیز مقابلے کے بعد ایک وکٹ سےجیت لیا اور دو میچوں کی سیریز دو صفر سے جیت لی ، جس سوشل میڈیا پر مبارکباد دینے والوں کا تانتا بندھ گیا۔

    پاکستان کی بھابھی ثانیہ مرزا نے اپنے ٹوئیٹ میں فخریہ انداز میں تحریر کیا کہ’ ٹیم کی جیت کا تسلسل برقرار رہا ‘۔

     سوئنگ کے بادشاہ وسیم اکرم نے ٹیم کو فائٹنگ اسپرٹ دہکھانے پر مبارک باد دی انہوں نے ٹوئیٹ کیا کہ ’ یہ کرکٹ کا بہترین میچ تھا جس کو بھرپور انجوئے کیا‘۔

     

     گو کے جادوگر اسپنر سعید اجمل ان دنوں ٹیم کے ہمراہ نہیں ہیں لیکن اپنے ٹوئیٹر پیغام میں کہا کہ ’شاندار فتح پاکستانی ٹیم کے تمام مداحوں کو مبارک باد ہو‘۔
    انہوں نے خوشی کا اظہار کیا کہ ٹیم میں نوجوان پلئیرز جیت میں اپنا کردار ادا کر رہے ہیں۔

    کالی آندھی کے میدانوں میں ان دنوں کرئیبین لیگ کھیلنے والے وکٹ کیپر کامران اکمل نے آج کے میچ کی فتح کو کمال قرار دیا اور شاہد آفریدی، عماد وسیم اور انور علی کو مبارک باد پیش کی۔

     

    پاکستان ٹیم  ون ڈے کے کپتان اظہر علی نے بھی اپنے ٹوئٹ میں قومی ٹی ٹوئنٹی ٹیم کو مبارکباد دی۔

     

    ٹی ٹوئنٹی کے کپتان نے بھی بوم بوم شاہد آفریدی نے بھی ٹوئٹ میں کہا ٹیم کی جیت قوم کے لئے فخر ہے۔

    اس کے علاوہ وہاب ریاض ، محمد حفیظ ، شعیب ملک اور سیلفی بوئے احمد شہزاد نے بھی ٹوئٹس کئے۔

     

  • ورلڈکپ کی پہلی فتح : سلیفی کے شیرمیدان میں ایک بار پھر ڈھیر ہوگئے

    ورلڈکپ کی پہلی فتح : سلیفی کے شیرمیدان میں ایک بار پھر ڈھیر ہوگئے

    کراچی: پاکستانی اوپنرز نے زمبابوے کے خلاف بھی نہ چلنے کی روایت نہ توڑی، احمد شہزاد اور ناصر جمشید نے صرف وکٹ پر آنے کی زحمت کی۔

    شاہین ورلڈکپ کھیلنےنہیں بلکہ پاکستانی شہزادے تو آسٹریلیا اور نیوزی لینڈ میں ٹور کے مزے لوٹنے آئے تھے،میدان میں رنز نہیں بلکہ سوشل میڈیا پر سیلفیوں کے انبار لگا دیئے۔

    سلیفی کنگ احمد شہزاد وکٹ پر رہے زیرو کنگ، ویسٹ انڈیز کے خلاف دس گیندوں پرایک رن بنانے کا احسان کیا تو زمبابوے کے خلاف گیارہ گیندوں کا سامنا کر کے بھی رنز کا کھاتا نہ کھولا۔

    ناصر جمشید کو نہ جانے کس بات کی جلدی تھی،انہوں نے دونوں میچوں میں صرف دس بولز کھیلی اور جب بلا گھمانے کی کوشش کی تو آؤٹ ہی ہو گئے۔

    سیلفی کنگ احمد شہزاد کی بات ہو یا بوم بوم کی بات ہو میدان میں صفر بٹہ صفر میں بھی دونوں کا کوئی ثانی نہیں،دونوں کا میدان میں بلا چلا نہیں اور غلطی سے ایک کیچ لیا تو احمد شہزاد اپنی کارکرگی پر حواس باختہ ہوگئے۔

    بوم بوم نے بھی اپنی سالگرہ پر بھی عوام کو مایوس کردیا، بوم بوم نے شاندار پرفارمنس کا انتظار کرتے شائقین کو انڈے کا تحفہ دیا۔

  • پاکستان نے کینگروز کو 20سال بعد وائٹ واش کردیا

    پاکستان نے کینگروز کو 20سال بعد وائٹ واش کردیا

    ابوظہبی: ابوظہبی ٹیسٹ میں پاکستان کی تاریخی فتح حاصل کرلی ، کینگروز کو بیس سال بعد وائٹ واش کردیا ہے۔

    کپتان مصباح الحق کے عالمی ریکارڈز کے بعد مایوسی کی انتہا کو پہنچی ہوئی آسٹریلوی بیٹنگ لائن اب پاکستانی بولنگ کے رحم وکرم پر دکھائی دیتی ہے۔
    شیخ زید کرکٹ اسٹیڈیم میں کھیلے جارہے ٹیسٹ میں پاکستان کیخلاف آسٹریلوی ٹیم شدید مشکلات کا شکار رہی، چھ سو تین رنز کے پہاڑ اگلے کینگروز نے دن کے اختتام پر چار وکٹوں پر ایک سو تینتالیس رنز بنالئے تھے، اس طرح اسے ایک ناقابلِ یقین جیت کے لیے اب بھی 460 رنز درکار ہیں۔

    ٹیسٹ میچ آخری روز آسٹریلیا نے 143 رنز 4 رکٹوں کے نقصان پر اپنی دوسری نامکمل اننگز دوبارہ شروع کی۔ مچل مارش اور اسٹیو اسمتھ نے 5ویں وکٹ کی شراکت میں 107 رنز کا اضافہ کیا۔  208 رنز کے مجموعی اسکور پر مچل مارش 47 رنز بنانے کے بعد محمد حفیظ کی گیند پر اسد شفیق کو کیچ دے بیٹھے ۔

    اس موقع پر اسٹیو اسمتھ نے پاکستانی بولنگ لائن کے سامنے بھرپور مزاحمت کی کوشش کی لیکن 238 کے مجموعے پر وہ بھی 97 رنز بنانے کے بعد یاسر شاہ کی گیند پر ایل بی ڈبلیو آؤٹ ہوگئے، جس کے فوری بعد بریڈ ہیڈن بھی 13 رنز بنانے کے بعد ذوالفقار بابر کی گیند پر بولڈ ہوگئے۔

    بریڈ ہیڈن کے بعد مچل جانسن کو یاسر شاہ نے آؤٹ کیا، جس کے بعد مچل اسٹارک کو بھی یاسر شاہ نے پویلین کی راہ دکھائی، 246 رنز کے مجموعہ اسکور پر ناتھن لیون کی صورت میں آسٹریلیا کا آخری بلے باز بھی آؤٹ ہوگیا۔

    اظہر علی اور مصباح کی ریکارڈ ساز سنچریوں نے پاکستان کو بیس سال بعد کینگروز کو دھول چاٹا دی، بیس سال بعد آسٹریلیا کیخلاف کلین سوئپ کیلئے آخری روز پاکستان کو صرف چھ وکٹ درکار تھی۔

    گذشتہ روز شاہینوں نے دوسری نامکمل اننگز دو کھلاڑی آؤٹ اکسٹھ رنز شروع کی۔ ڈبل سنیچری بنانے والے یونس خان چھیالیس رنز بناکر آؤٹ ہوئے۔۔۔

    مصباح الحق کے وکٹ پر آتے ہی میچ کا رنگ بدل گیا، جس کو ٹک ٹک کو ٹیسٹ سے ٹی ٹوئنٹی میں تبدیل کردیا، تیز ترین سنچری داغ کر مصباح ایک ٹیسٹ کی دونوں اننگز میں سنچریاں بنانے والے آٹھویں پاکستانی بنے۔  اظہر علی نے بھی دیر نہ لگائی پہلی اننگز کے بعد دوسری اننگز میں بھی سنچری داغ کر دونوں اننگز میں سنچری جڑنے والے نویں پاکستان کا اعزاز حاصل کیا۔۔

    چھ سو تین رنز کا پہاڑکھڑاکرکے شاہینوں نے کینگروز کی رہی سہی اکڑ نکال دی۔ اور چوتھے روز کھیل کے اختتام پر تک آسٹریلیا کے چار بیٹسمینون کو پویلین پہنچا کر میچ کو پوری طرح اپنی گرفت میں لے لیا۔

  • ورلڈ ٹی ٹوئنٹی: پاکستان نے بنگلا دیش کو50 رنز سے شکست دے دی

    ورلڈ ٹی ٹوئنٹی: پاکستان نے بنگلا دیش کو50 رنز سے شکست دے دی

    pak

  • کون ہوگا ٹی ٹو ئنٹی کا نیا سلطانِِ؟؟

    کون ہوگا ٹی ٹو ئنٹی کا نیا سلطانِِ؟؟

    t25dd