Tag: pakistan

لاہور : لاہور ہائی کورٹ نے فرحت شہزادی کی جانب سے نیب نوٹسز کیخلاف درخواست پر نیب سے جواب طلب کر لیا۔

تفصیلات کے مطابق لاہور ہائی کورٹ میں فرحت شہزادی کی جانب سے نیب نوٹسز کیخلاف درخواست پر سماعت ہوئی۔

وکیل درخواست گزار نے عدالت کہ بتایا کہ نیب نے2019 میں ہاؤسنگ سوسائٹی کی انکوائری بند کر دی تھی م دوبارہ انکوائری کوبد نیتی کی بنیاد پرکھول دیا گیا ،نوٹس جاری کئے گئے۔

وکیل کا کہنا تھا کہ نیب ترمیمی آرڈیننس کے بعد نجی فردکیخلاف نیب انکوائری نہیں کر سکتی، نا تو کوئی دستاویزفراہم کی جا رہی ہیں نہ ہی وجوہات بتائی گئیں۔

درخواست گزار کے وکیل نے کہا کہ کاروباری امورکو نقصان پہنچانے کے لئےنوٹسز جاری کیے جا رہے ہیں، نیب کو اختیار نہیں کہ اس معاملے پر انکوائری کر سکے۔

وکیل نے استدعا کی کہ عدالت نیب کو ہدایات اورانکوائری کرنے سے روکنے کا حکم دے، جس پر لاہور ہائیکورٹ نے 14 دسمبر کو نیب سے جواب طلب کر لیا۔

عدالت نے کہا کہ نیب دائرہ اختیارسےمتعلق جواب جمع کرائے کہ انکوائری کس طرح شروع کی۔

ایبٹ آباد : ایبٹ آباد سے ٹھنڈیانی 25 کلومیٹر سڑک پر کام کا آغاز کر دیا گیا، وزیراعلیٰ خیبرپختونخوامحمودخان آج منصوبےکا باقاعدہ افتتاح کریں گے۔

تفصیلات کے مطابق پی ٹی آئی حکومت کا سیاحت کی ترقی کیلئے بڑا کارنامہ سامنے آیا ، ایبٹ آباد سے ٹھنڈیانی 25 کلومیٹر سڑک پر کام کا آغاز کر دیا گیا۔

ٹھنڈیانی روڈ سابق وزیراعظم عمران خان کی ٹورازم پروموشن کے وژن کا حصہ ہے ، وزیراعلیٰ خیبرپختونخوامحمودخان آج منصوبےکا باقاعدہ افتتاح کریں گے۔

ٹھنڈیانی سڑک پر 2 ارب 99 کروڑ 60 لاکھ روپے لاگت آئے گی اور یہ منصوبہ 2سال کی مدت میں مکمل کیا جائے گا۔

ریسٹ ایریا،مسجد،کیفےٹیریا،ٹائرشاپ، ٹک شاپ،ٹائلٹس بھی اسی منصوبےکا حصہ ہیں، ٹھنڈیانی سڑک کی تعمیر سے سیاحت کی صنعت کو فروغ ملے گا۔

اسلام آباد : وزیراعظم شہباز شریف کا کہنا ہے کہ پاکستان ایک پر امن افغانستان کا خواہاں ہے اور افغان بھائی بہنوں کی ہر ممکن مدد اور حمایت جاری رکھے گا۔

تفصیلات کے مطابق وزیراعظم شہباز شریف سے وزیر مملکت خارجہ امور حنا ربانی کھر نے وزیراعظم آفس میں ملاقات کی۔

ملاقات میں وزیر مملکت نے اپنے حالیہ دورہ افغانستان کے حوالے سے وزیراعظم کو بریف کیا، اس موقع پر وزیراعظم شہباز شریف نے کہا کہ پاکستان ایک پر امن افغانستان کا خواہاں ہے۔

شہباز شریف کا کہنا تھا کہ بین الاقوامی برادری افغانستان کی صورت حال میں بہتری کے لیے اپنا کردار ادا کرے، پاکستان افغان بھائی بہنوں کی ہر ممکن مدد اور حمایت جاری رکھے گا۔

یاد رہے وزیر مملکت برائے خارجہ امور حنا ربانی کھر نے افغانستان کا دورہ کیا تھا اور اعلیٰ قیادت سے اہم ملاقاتیں کیں تھیں۔

اس حوالے سے ترجمان دفتر خارجہ کا کہنا تھا کہ حنا ربانی کھر نے افغان عبوری نائب وزیراعظم عبدالسلام حنفی سے ملاقات کی جس میں افغان وزیر معدنیات اور پیٹرولیم شہاب الدین دلاور بھی موجود تھے۔

دفترخارجہ کے مطابق افغان وزیر تجارت حاجی نورالدین عزیزی سے بھی ملاقات ہوئی، ملاقاتوں میں تعلیم، صحت، زراعت اور تجارتی امور پر تبادلہ خیال کیا گیا۔

اس کے علاوہ سرمایہ کاری میں تعاون، علاقائی روابط، سماجی واقتصادی منصوبوں پر بھی گفتگو ہوئی حناربانی کھر نے پرامن، مستحکم، خوشحال افغانستان کیلئے پاکستان کے عزم کا اعادہ کیا۔

لندن : مسلم لیگ ن کے قائد نواز شریف اور ان کی صاحبزادی مریم نواز یورپ کا دورہ کرکے واپس لندن پہنچ گئے۔

تفصیلات کے مطابقمسلم لیگ ن کے قائد نواز شریف اور ان کی صاحبزادی مریم نواز لندن واپس پہنچ گئے شریف خاندان کے دیگر افراد بھی ان کے ہمراہ ہیں، شریف فیملی جنیوا سے ہیتھرو ایئرپورٹ واپس آئی۔

یاد رہے 21 نومبر کو قائد مسلم لیگ (ن) نواز شریف اپنی بیٹی مریم نواز اور فیملی کے ہمراہ یورپ روانہ ہوئے تھے، نواز شریف کا لندن میں تین سالہ قیام کے دوران برطانیہ سے پہلا انٹرنیشنل سفر ہے۔

ذرائع کا کہنا تھا کہ نوازشریف اور مریم یورپ کے مختلف ممالک میں جائیں گے وہ ایک ہفتے یورپ میں قیام کریں گے۔

دورے کے دوران سابق وزیراعظم نوازشریف کی اٹلی کے شہر میلان سے تصویر سامنے آئی تھی ، تصویر میں نواز شریف ایک کیفے میں بیٹھے ہیں حسین نواز بھی نواز شریف کے ہمراہ موجود تھے۔