ARYNews.tv | Urdu – Har Lamha Bakhabar

Tag: pakistan

  • امریکی خاتون دیر بالا کے رہائشی کی محبت میں پاکستان آگئی

    امریکی خاتون دیر بالا کے رہائشی کی محبت میں پاکستان آگئی

    امریکی خاتون خیبر پختونخواہ کے ملاکنڈ ڈویژن میں واقع دیربالاکے رہائشی ساجد کی محبت میں پاکستان آگئی۔

    تفصیلات کے مطابق امریکی خاتون کی سوشل میڈیا پر ساجد سے دوستی ہوئی تھی، امریکی خاتون پاکستانی نوجوان سے شادی کیلئےعشیرئ صدیقہ بانڈہ پہنچی ہے۔

    امریکی خاتون پاکستان پہنچ کر پاکستانکی خوبصورتی اور مہمان نوازی کے گن گانے لگی ہے۔

    اس سے قبل بھی پاکستانی نوجوان کی محبت میں ایک امریکی خاتون کراچی پہنچی تھیں، اونیجا اینڈریو رابنس نامی خاتون کو کراچی کے علاقے گارڈن کے رہائشی 19 سالہ ندال احمد میمن سے سوشل میڈیا کے ذریعے محبت ہوئی تھی۔

    جس کے بعد 2 بچوں کی ماں 11 اکتوبر 2024 کو کراچی پہنچی تھی، پاکستانی نوجوان نے امریکی خاتون سے شادی کے لیے راضی تھا تاہم گھر والوں نے شادی سے انکار کردیا تھا۔

    خاتون کئی ماہ کراچی میں دربدر رہی، وزٹ ویزے کی مدت ختم ہونے کے بعد اے ایس ایف نے امریکی خاتون کو ائیر پورٹ پولیس کے حوالے کر دیا تھا۔

    ایک این جی او نے خاتون کی امریکا واپسی کے لیے ٹکٹ بھی دیا اور مالی مدد بھی کی تھی تاہم اس نے واپسی سے انکار کردیا اور نوجوان کے گھر پہنچ کر بلڈنگ میں ڈیرے ڈال لیے تھے۔

    کراچی کے نوجوان سے شادی کی دعویدار امریکی خاتون کے بیٹے کے اہم انکشافات

  • ایشین یوتھ گرلز نیٹ بال چیمپئن شپ، پاکستان نے جنوبی کوریا کو بھی شکست دیدی

    ایشین یوتھ گرلز نیٹ بال چیمپئن شپ، پاکستان نے جنوبی کوریا کو بھی شکست دیدی

    ایشین یوتھ گرلزنیٹ بال چیمپئن شپ میں پاکستان نے فتوحات کی ہیٹ ٹرک کرلی، میزبان جنوبی کوریا کو بھی شکست دے دی۔

    تفصیلات کے مطابق جنوبی کوریا میں جاری چیمپئن شپ میں پاکستان نے ایشین یوتھ نیٹ بال چیمپیئن شپ میں میزبان جنوبی کوریا کو پچھاڑ کر مسلسل تیسری کامیابی حاصل کرلی۔

    پاکستانی ٹیم نے 6 کے مقابلے میں 91 اسکور کے شاندار فتح حاصل کی، قومی ٹیم کی گروپ میں چھے پوائنٹس کے ساتھ پہلی پوزیشن پر موجود ہیں۔

    میچ میں نمایاں کارکردگی دکھانے والی کھلاڑیوں میں لیا رضا شاہ، علیشہ نوید، حلیمہ، سرینا حسین، جاسمین فاروق، فرح رشید، امانی، پریسا، سمیہ احمد اور علینہ شامل تھیں، جنہیں بہترین کھلاڑی قرار دیا گیا۔

    ایشین یوتھ گرلز نیٹ بال چیمپئن شپ میں پاکستان ٹیم چھاگئی، چائنیز تائپے کو شکست

    پاکستان نیٹ بال فیڈریشن کے سینئر حکام نے ٹیم کو شاندار فتح پر مبارکباد دی ہے، پاکستان اب پیر کو جاپان کے خلاف اور منگل کو مالدیپ کے خلاف میدان میں اترے گا۔

    یاد رہے کہ پاکستان نے جمعہ کو سعودی عرب کے خلاف 71-15 سے فاتحانہ آغاز کیا تھا، جب کہ ہفتے کو چینی تائپے کو 56-32 سے شکست دی تھی۔

    27 جون کو شروع ہونے والی یہ چیمپیئن شپ 4 جولائی تک جنوبی کوریا کے جیونجو ہواسان جمنازیم میں جاری رہے گی۔

  • برطانوی شہری اپنے ائیر پوڈز کی تلاش میں پاکستان پہنچ گیا

    برطانوی شہری اپنے ائیر پوڈز کی تلاش میں پاکستان پہنچ گیا

    جہلم: انگلینڈ کا شہری اپنے ائیر پوڈز کی تلاش میں پاکستان پہنچ گیا، دبئی میں کلیننگ سروس عملے کے بھارتی رکن نے ایئرپوڈ چرائے تھے۔

    تفصیلات کے مطاق انگلینڈ کا شہری اپنے ائیر پوڈز کی تلاش میں پاکستان کے شہر جہلم پہنچ گیا، بھارتی عملے نے ائیرپوڈز چرا کر پاکستانی شہری کو فروخت کیے تھے۔

    دبئی میں کلیننگ سروس عملے کے بھارتی رکن نے ایئرپوڈز چرائے تھے، بعدازاں بھارتی شہری نے جہلم کے رہائشی کو ائیرپوڈز  فروخت کیے تھے۔

    ڈی پی او جہلم نے بتایا کہ انگلینڈ کے شہری مائلس نے ایکس پر میسج کیا کہ میرے ائیر پوڈز کی لوکیشن پاکستان آ رہی ہے، جہلم پولیس نے مائلس سے بذریعہ  رابطہ کرکے ائیر پوڈز تلاش کیے۔ ائیر پوڈز خریدار نے چوری شدہ ہونے کی اطلاع پر خود پولیس کے حوالے  کیے۔

    برطانوی شہری مائلس نے بتایا کہ ائیر پوڈز خریدنے والا پاکستانی بے قصور ہے قانونی کارروائی نہیں بنتی، ائیر پوڈز کی پاکستانی قیمت 60 ہزار روپے ہے، ائیر پوڈ موبائل سے کنیکٹ تھے اس لیے لوکیشن کا پتہ چلتا رہا۔

    واضح رہے کہ مائلس مشہور یوٹیوبر اور نایاب اشیا کا کاروبار کرتا ہے۔

  • پاکستان اگلے ماہ اقوام متحدہ کی سلامتی کونسل کی صدارت سنبھالنے کیلئے تیار

    پاکستان اگلے ماہ اقوام متحدہ کی سلامتی کونسل کی صدارت سنبھالنے کیلئے تیار

    پاکستان آئندہ ماہ اقوام متحدہ کی سلامتی کونسل کی صدارت سنبھالنے کیلئے تیار ہے۔

    تفصیلات کے مطابق پاکستانی مستقل مندوب عاصم افتخار نے اس حوالے سے سیکریٹری جنرل انتونیو گوتریس سے ملاقات کی جس میں انہوں نے سیکریٹری جنرل کو پروگرام آف ورک سے آگاہ کیا۔

    ملاقات میں سلامتی کونسل کے اہم عالمی امور پر تفصیلی تبادلہ خیال کیا اور اقوام متحدہ امن مشنز کے کردار، مشرق وسطیٰ، افریقہ، ایشیا اور لاطینی امریکا کی صورتحال پر گفتگو کی گئی۔

    ملاقات میں عالمی چیلنجوں سے نمٹنے کے لیے اجتماعی کوششوں پر زور دیا گیا۔

    پاکستانی مندوب نے کہا کہ پاکستان سلامتی کونسل کی صدارت شفاف اور مشاورتی انداز  میں نبھائے گا، انہوں نے اقوام متحدہ کے چارٹر پر مکمل عملدرآمد کے عزم کا اعادہ کیا۔

  • پاکستان کے معدنیات کے شعبے میں مواقع سے استفادے کا یہ صحیح وقت ہے، امریکی ناظم الامور

    پاکستان کے معدنیات کے شعبے میں مواقع سے استفادے کا یہ صحیح وقت ہے، امریکی ناظم الامور

    اسلام آباد: معدنیات کے شعبے میں پاکستان امریکا شراکت داری میں اہم پیش رفت ہوئی ہے، امریکی سرمایہ کاروں کو پاکستان میں کان کنی کے شعبے میں آگاہی کے لیے ویبنار کا انعقاد کیا گیا۔

    تفصیلات کے مطابق پٹرولیم ڈویژن نے امریکی سفارت خانے کے تعاون سے ایک اہم ویبنار کا انعقاد کیا، جس میں وزیر پٹرولیم علی پرویز ملک اور امریکی ناظم الامور نتالی بیکر نے ویبنار کی مشترکہ میزبانی کی، اس میں امریکی سفارتکاروں، پاکستانی منرل کمپنیوں سمیت متعدد امریکی کاروباری نمائندوں نے شرکت کی۔

    وزیر پٹرولیم علی پرویز ملک نے بتایا کہ وزیر اعظم شہباز شریف اور فیلڈ مارشل خود پاکستان میں کان کنی کے شعبے کی ترقی کی قیادت کر رہے ہیں۔ وزیر پٹرولیم نے امریکی کمپنیوں کو پبلک پرائیویٹ پارٹنرشپ اور مشترکہ منصوبوں میں سرمایہ کاری کی دعوت دی۔

    امریکی ناظم الامور نتالی بیکر نے پاک امریکا طویل المدتی معاشی شراکت داری کا اعادہ کیا، انھوں نے کہا امریکی سرمایہ کاروں کے لیے پاکستان کے معدنیات کے شعبے میں مواقع سے استفادہ کرنے کا یہ صحیح وقت ہے، امریکی سرمایہ کاروں کو پاکستان کے منرل شعبے میں سرمایہ کاری کے لیے سفارت خانہ سپورٹ فراہم کرے گا۔

    پاکستان اور امریکا کے درمیان تجارت، بڑی خبر آ گئی

    نتالی بیکر نے کہا امریکی سرمایہ کاروں نے طویل عرصے سے پاکستان کی ترقی میں اہم کردار ادا کیا ہے، منرلز کے شعبے میں شراکت داری کی بڑی امیدیں نظر آ رہی ہیں۔

    وزیر پٹرولیم کا کہنا تھا کہ حکومتی سطح پر کان کنی کو سپورٹ کر کے اور کاروبار میں آسانی کو ممکن بنا کر صاف توانائی پر منتقلی کو فروغ دیا جا رہا ہے، پاکستان سونا، تانبا، کوئلہ، کریٹیکل منرلز اور قابل تجدید توانائی کی ٹیکنالوجیز سے مالا مال ہے۔ انھوں نے کہا حکومت پاکستان اور ایس آئی ایف سی بین الاقوامی کمپنیوں کو مکمل سہولت فراہم کر رہی ہے۔

    دریں اثنا، ویبنار کے شرکا کو منرلز کے شعبے میں جاری ریگولیٹری اصلاحات کے بارے میں بھی بریفنگ دی گئی۔

  • پاکستان کا ایران اسرائیل جنگ بندی کا خیرمقدم

    پاکستان کا ایران اسرائیل جنگ بندی کا خیرمقدم

    سلامتی کونسل میں پاکستانی مندوب عاصم افتخار نے کہا کہ تنازعات کے حل کے لیے سفارتکاری کا راستہ اختیار کرنا چاہیے۔

    اقوام متحدہ کے اجلاس میں پاکستانی مندوب عاصم افتخار نے خطاب میں کہا کہ ایران اسرائیل جنگ بندی کا خیر مقدم کرتے ہیں، تنازعات کے حل کے لیے طاقت کی بجائے سفارتکاری کا راستہ اختیار کرنا چاہیے۔

    پاکستانی مندوب عاصم افتخار نے امید ظاہر کی کہ خطہ میں امن واستحکام ہوگا، تمام تنازعات کو یواین چارٹر کے مطابق ڈائیلاگ سے حل کیا جائے، فریقین مزید کشیدگی سے گریز کریں۔

    انہوں نے کہا کہ سفارت کاری سے پہلے بھی مسائل حل ہوئے آئندہ بھی ہونگے، ایران، امریکا کے مذاکرات کو اسرائیل کے ایرانی جوہری تنصیبات پر غیر قانونی حملوں نے متاثر کیا۔

    پاکستانی مندوب کا کہنا تھا کہ ایرانی جوہری پروگرام کے تنازع کا حل سفارتکاری سے چاہتے ہیں، آئی اےای اے اپنی ذمہ داریاں پوری کرے، پاکستان، چین، روس قرارداد کا بنیادی مطالبہ جنگ بندی تھا۔

  • کیا ایران پر امریکی حملے میں پاکستانی فضائی، زمینی، آبی حدود استعمال ہوئیں؟ اہم حقائق منظر عام پر

    کیا ایران پر امریکی حملے میں پاکستانی فضائی، زمینی، آبی حدود استعمال ہوئیں؟ اہم حقائق منظر عام پر

    اسلام آباد: ایران اسرائیل جنگ سے متعلق اہم حقائق منظر عام پر آ گئے ہیں، ایران پر امریکی حملے میں پاکستان کی حدود استعمال نہیں ہوئیں۔

    ذرائع کا کہان ہے کہ پاکستان نے امریکا، اسرائیل کے کسی بھی حملے میں تہران کے خلاف مدد نہیں کی ہے، اور ایران پر امریکی حملے میں پاکستانی فضائی، زمینی یا آبی حدود استعمال نہیں کی گئیں۔

    پاکستان نے ایرانی جوہری تنصیبات پر امریکی حملے کی شدید مذمت کی ہے، وزارت خارجہ نے امریکی حملے کے حوالے سے واضح اور دو ٹوک بیان جاری کیا، پاکستان نے بارہا اور کھل کر ایران پر اسرائیلی حملوں کی بے باک انداز میں مذمت کی، اور اسرائیلی جارحیت کے خلاف تہران کی مکمل سیاسی، اخلاقی اور سفارتی حمایت کا اظہار کیا گیا۔

    امریکا نے ایران کی جوہری تنصیبات پر حملہ کردیا

    ذرائع کے مطابق پاکستان کسی دوسرے کی جنگ، سیاست اور فوجی تنازع میں حصہ نہیں لے گا، پاکستان کا پہلے دن سے واضح اصولی مؤقف ہے تہران کو دفاع کا مکمل حق ہے۔

    ذرائع نے کہا کہ پاکستان اپنی خودمختاری، علاقائی سالمیت کے تحفظ پر کبھی کوئی سمجھوتہ نہیں کرے گا، اور ایران تنازع کے جلد خاتمے کے لیے تمام اسٹیک ہولڈرز اور فریقین سے رابطوں میں ہے۔

    ذرائع کے مطابق تنازعات اور کشیدگی کے حل کے لیے پاکستان رابطے جاری رکھے گا، اور علاقائی عدم استحکام کے خاتمے کے لیے قبول شدہ شرائط پر امن کو موقع فراہم کرتا رہے گا۔

  • پاکستان میں سونا مزید ہزاروں روپے سستا، فی تولہ کتنے کا ہوگیا؟

    پاکستان میں سونا مزید ہزاروں روپے سستا، فی تولہ کتنے کا ہوگیا؟

    کراچی: ایران اور اسرائیل کے درمیان کشیدگی کے باعث عالمی مارکیٹ اور پاکستان میں سونے کی قیمت اتار چڑھاو کا سلسلہ جاری ہے، آج سونا مزید سستا ہوگیا۔

    آل پاکستان جیمز اینڈ جیولرز ایسوسی ایشن کے مطابق عالمی مارکیٹ میں سونے کی قیمت میں نمایاں کمی کے بعد پاکستان میں بھی سونے کی قیمت میں کمی ریکارڈ کی گئی ہے۔

    عالمی سطح پر قیمت میں گراوٹ کے بعد پاکستان میں فی تولہ سونے کی قیمت میں 2245 روپے کی کمی ہوئی ہے جس کے بعد سونا 3 لاکھ 59 ہزار 55 روپے فی تولہ ہو گیا ہے۔

    ایسوسی ایشن کے مطابق اسی طرح 10 گرام سونے کا بھاؤ  1925 روپے کم ہوکر 3 لاکھ 7 ہزار 831 روپے کا ہوگیا ہے جبکہ عالمی مارکیٹ میں سونا 20 ڈالرز کمی سے 3378 ڈالر فی اونس کا ہوگیا ہے اور چاندی کی فی تولہ قیمت 3378 روہے ہوگئی۔

    پاکستان میں آج ڈالر اور دیگر کرنسیوں کی قیمت

    واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

    اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

    پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔

  • پاکستان میں 97 فی صد فارمیسیز میں ادویات درست طریقے سے اسٹور نہیں کی جاتیں: تحقیق

    پاکستان میں 97 فی صد فارمیسیز میں ادویات درست طریقے سے اسٹور نہیں کی جاتیں: تحقیق

    کراچی: الخدمت فارمیسی سروسز کے ڈائریکٹر سید جمشید احمد نے کہا ہے کہ ایک تحقیق میں یہ بات سامنے آئی ہے کہ پاکستان میں 97 فی صد فارمیسیز میں ادویات درست طریقے سے اسٹور نہیں کی جاتیں۔

    تفصیلات کے مطابق ایک حالیہ تحقیق سے انکشاف ہوا ہے کہ پاکستان کی 50 ہزار سے زائد فارمیسیز میں سے 97 فیصد ایسی ہیں، جہاں ٹمپریچر کنٹرول انوائرمنٹ اور بایوگریڈ ریفریجریٹرز موجود نہیں ہیں، جس کے باعث ادویات کی تاثیر متاثر ہونے کا شدید خدشہ ہے۔

    ایسے میں فلاحی ادارے الخدمت فاؤنڈیشن نے فارمیسی سروسز کے معیار کو بہتر بنانے اور عام آدمی کو معیاری، سستی اور محفوظ دوا گھر کی دہلیز تک پہنچانے کے لیے فارمیسی ہوم ڈیلیوری سروس کا آغاز کیا ہے۔

    الخدمت فارمیسی ہوم ڈلیوری سروس کا افتتاح گزشتہ روز ہیڈکوارٹرز کراچی میں منعقدہ ایک تقریب میں کیا گیا، الخدمت فارمیسی سروسز کے ڈائریکٹر سید جمشید احمد نے بتایا کہ پاکستان کی صرف 3 فی صد فارمیسیز میں ٹمپریچر کنٹرولڈ ماحول موجود ہے، جب کہ ملک میں 88 فی صد فارمیسیز پر میٹرک یا انٹر پاس غیر تربیت یافتہ عملہ کام کر رہا ہے۔

    قومی پولیو مہم میں لاکھوں بچوں کے ویکسین سے محرومی کا انکشاف

    انھوں نے کہا جب دوا کو درست طریقے سے اسٹور نہ کیا گیا ہو، اور دینے والا غیر تربیت یافتہ ہو، تو دوا علاج نہیں بلکہ خطرہ بن جاتی ہے۔ انھوں نے ایک ریسرچ اسٹڈی کے حوالے سے بتایا کہ مارکیٹ میں 40 فی صد تک جعلی یا ناقص ادویات گردش کر رہی ہیں، جن کے نتیجے میں قیمتی جانیں ضائع ہو رہی ہیں۔

    عمیمہ مزمل کا کہنا تھا ہمارے ملک میں ڈرگ اسٹورز تو ہیں، لیکن فارمیسیز نہیں۔ وہاں ڈاکٹر کی لکھی دوا کو سمجھنے والا تربیت یافتہ فرد نہیں ہوتا، جس کے باعث غلط دوا دی جاتی ہے۔ الخدمت کے چیف نیٹ ورکنگ آفیسر نوید بیگ نے کہا کہ پاکستان میں کوئی فارمیسی 15 فیصد رعایت پر دوا نہیں دیتی، مگر ہم دے رہے ہیں، صرف فارمیسی ہی نہیں، بلکہ سستا ترین ایم آر آئی، معیاری ڈائیگناسٹک سروسز اور صحت سے متعلق دیگر سہولیات بھی فراہم کر رہی ہے۔

  • پاکستان کا اسلامی دنیا میں خاص مقام ہے، آیت اللہ خامنہ ای کا سوشل میڈیا پر پیغام

    پاکستان کا اسلامی دنیا میں خاص مقام ہے، آیت اللہ خامنہ ای کا سوشل میڈیا پر پیغام

    اسلام آباد: ایران کے سپریم لیڈر آیت اللہ خامنہ ای نے کہا ہے کہ پاکستان کا اسلامی دنیا میں ایک خاص مقام ہے۔

    تفصیلات کے مطابق ایرانی رہنما آیت اللہ خامنہ ای نے وزیر اعظم شہباز شریف سے ملاقات کے بعد سوشل میڈیا پر پیغام میں کہا پاکستان کا اسلامی دنیا میں خاص مقام ہے، مسئلہ فلسطین پر پاکستان کا مؤقف قابل تعریف ہے۔

    انھوں نے کہا غزہ میں صہیونی طاقت کے جرائم روکنے کے لیے ایران اور پاکستان کو مل کر کام کرنا چاہیے، ایران اور پاکستان کے برادرانہ تعلقات ہیں، امت مسلمہ کی سلامتی کا واحد راستہ مسلم اقوام کا اتحاد ہے۔

    شہباز شریف کا ٹویٹ

    دوسری طرف وزیر اعظم شہباز شریف نے سماجی رابطہ کی ویب سائٹ ایکس پر دورہ ایران کے حوالے سے پیغام میں کہا ایران کے صدر مسعود پزشکیان کے ساتھ ایک دوستانہ اور پرجوش ملاقات ہوئی، ایران کے عظیم عقائد کے حامل، سپریم لیڈر آیت اللہ سید علی خامنہ ای سے ملنے کا بھی اعزاز حاصل ہوا۔

    انھوں نے کہا خاص طور پر مسلم امہ کو درپیش موجودہ چیلنجز کے حوالے سے میں نے آیت اللہ خامنہ ای کی رائے جانی، ہم نے ملاقات میں باہمی مفادات، دو طرفہ اور علاقائی مسائل پر بھی تبادلہ خیال کیا، اور حالیہ بحران کے دوران پاکستان کے لیے ایران کے ثالثی کردار اور ان کی تشویش کے اظہار پر شکریہ ادا کیا۔ وزیر اعظم نے کہا پاکستان مسلم امہ میں ایران کے کردار کی قدر کرتا ہے۔

    پاکستان ایران کے سول جوہری پروگرام کی حمایت کرتا ہے، وزیراعظم