Tag: pakistan

امیر جماعت اسلامی پاکستان سراج الحق کا کہنا ہے کہ آصف علی زرداری اور شہباز شریف نے پی ٹی آئی حکومت گرانے میں ساتھ مانگا، ان کا ساتھ دیا اور نہ پی ٹی آئی کا، کیوں کہ یہ سب کرپٹ ہیں۔

تاندلیانوالہ میں جلسے سے خطاب میں سراج الحق نے کہا کہ عمران خان اور شہباز شریف نے اپنی حکومتوں میں لنگر خانے اور مسافر خانے بنائے، انہیں ایک اور موقع مل گیا تو پاگل خانے بنائیں گے کیوں کہ پوری قوم پاگل ہو جائے گی۔

سراج الحق نے کہا کہ پی ٹی آئی اور پی ڈی ایم کی لڑائی صرف اپنے مفاد کے لیے ہے، یہ ایک ہی طرح کے لوگ ہیں اور سب نے قوم کو دھوکا دیا، عمران خان کی 10 سال سے خیبر پختونخوا میں اور پیپلز پارٹی کی سندھ میں حکومت ہے، یہ لوگ ناکام ہوگئے اور 22 کروڑ عوام کو تباہ کر دیا۔

یہ بھی پڑھیں: بیٹھ کر مسئلہ حل نہ کیا تو مارشل لا لگ جائے گا، سراج الحق

امیر جماعت اسلامی پاکستان نے کہا کہ پاکستان کے ہر بچے پر قرض ہے، ملک میں ہر سال اربوں روپے کی کرپشن ہوتی ہے، زرعی ملک ہونے کے باوجود کسان بدحال ہے، وزیر خزانہ سب سے بڑا سود خور ہے، اس سے پہلے پی ٹی آئی اور مسلم لیگ (ن) کے وزیر خزانہ سود خور تھے۔

انہوں نے کہا کہ یہ سب لوگ عوام کو اڈیالہ جیل میں نظر آئیں گے۔

اسلام آباد: وزیر اعظم شہباز شریف نے چیئرمین پاکستان تحریک انصاف عمران خان کے حالیہ انٹرویو میں دیے گئے بیان پر اپنے ردعمل کا اظہار کر دیا۔

وزیر اعظم نے ٹوئٹر پر جاری اپنے بیان میں کہا کہ عمران خان کا حالیہ بیان پارلیمانی جمہوری نظام پر حملوں کا تسلسل ہے۔

شہباز شریف نے کہا کہ عمران خان کی سیاست کا مقصد صرف اقتدار کا حصول ہے، وہ اقتدار چاہتے ہیں چاہے اس سے ملک کو جو بھی نقصان پہنچے۔

Imran’s recent diatribe against parliamentary democracy is the latest in a series of attacks that fly in the face of how democracy functions in modern nation-states. His politics is aimed at making his way to power even if it means undermining foundations this country stands on.

— Shehbaz Sharif (@CMShehbaz) December 4, 2022

پی ٹی آئی راہنما فواد چوہدری نے وزیر اعظم کے ٹوئٹ پر ردعمل میں کہا کہ حیران ہوں یہ اپنی حکومت کو پارلیمانی جمہوریت قرار دے رہا ہے۔

فواد چوہدری نے کہا کہ یہ چور دروازے سے وزیر اعظم کی کرسی پر براجمان شخص ہے، آپ نے ایسا نظام تشکیل دیا کہ لوگوں کا جمہوریت سے اعتماد ہی ختم ہوگیا۔

انہوں نے کہا کہ پی ٹی آئی کارکنوں اور صحافیوں سے جو مظالم 7 ماہ میں ہوئے ہیں ان کا حساب ہوگا۔

حیران ہوں چور دروازے سے وزیر اعظم کی کرسی پر براجمان شخص اپنی حکومت کو پارلیمانی جمہوریت قرار دے رہا ہے،شہباز شریف صاحب آپ نے ملک ایسا نظام تشکیل دیا ہے کہ لوگوں کا جمہوریت سے اعتماد ہی ختم ہو گیا ہے،سیاسی کارکنوں،صحافیوں کے ساتھ جو مظالم ان سات ماہ میں ہوئے ہیں ان کا حساب ہو گا https://t.co/wkb9rIxlYQ

— Ch Fawad Hussain (@fawadchaudhry) December 4, 2022

یاد رہے کہ عمران خان نے گزشتہ روز نجی نیوز چینل کو انٹرویو میں کہا تھا کہ قمر جاوید باجوہ کو مدت ملازمت میں توسیع دے کر بہت بڑی غلطی کی تھی، فوج میں کبھی کسی کو ایکسٹینشن نہیں ملنی چاہیے، ہم نئے نئے اقتدار میں آئے تھے اور مسائل بہت تھے۔

عمران خان کا کہنا تھا کہ میں مضبوط پاکستان دیکھنا چاہتا ہوں تو اس کا مطلب ہے کہ میں فوج کو بھی مضبوط دیکھنا چاہتا ہوں۔

وزیر اعظم کے معاون خصوصی عطا اللہ تارڑ کا کہنا ہے کہ سابق آرمی چیف قمر جاوید باجوہ کے ریٹائر ہوتے ہی تحریک انصاف والوں نے جھوٹ اور منافقت کی انتہا کر دی۔

عطا اللہ تارڑ نے سماجی رابطے کی ویب سائٹ ٹوئٹر پر جاری اپنے ایک بیان میں کہا کہ عمران نیازی قمر جاوید باجوہ سے غیر آئینی طور پر عدم اعتماد روکنے کا تقاضا کرتے رہے۔

انہوں نے کہا کہ جب انکار ہوا تو جھوٹے الزامات پر اتر آئے، غیر آئینی مطالبے کے بدلے میں پر کشش پیشکش کی گئی، انہیں شرم آنی چاہیے۔

جنرل باجوہ کے ریٹائر ہوتے ہی تحریک انصاف والوں نے جھوٹ اور منافقت کی انتہا کر دی ہے۔ عمران نیازی جنرل باجوہ سے غیر آئینی طور پر تحریک عدم اعتماد کو روکنے کا تقاضا کرتے رہے، جب انکار ہوا تو جھوٹے الزامات پر اتر آئے۔ غیر آئینی مطالبے کے بدلے میں پر کشش پیشکش کی گئی۔ شرم آنی چاہیے

— Attaullah Tarar (@TararAttaullah) December 4, 2022

اسمبلیوں کی تحلیل کے معاملے پر پی ٹی آئی چیئرمین عمران خان کی ڈویژنل سطح پر مشاورتی ملاقاتوں کا شیڈول تبدیل کردیا گیا ہے۔

اے آر وائی نیوز کے مطابق اسمبلیوں کی تحلیل کے معاملے پر پاکستان تحریک انصاف کے چیئرمین عمران خان پارٹی میں ہر سطح پر مشاورت کر رہے ہیں اس حوالے سے ڈویژنل سطح پر بھی مشاورت کی جا رہی ہے تاہم اب ڈویژنل سطح پر مشاورتی ملاقاتوں کا شیڈول تبدیل کردیا ہے۔

عمران خان جنہیں آج سے ڈویژنل سطح پر مشاورت کا سلسلہ شروع کرنا تھا اب یہ شیڈول تبدیل ہوگیا ہے اور وہ کل سے ملاقاتوں کا آغاز کریں گے۔

اس حوالے سے آج رات پنجاب کے تمام ڈویژن کے ارکان کو شیڈول سے آگاہ کردیا جائے گا اور پنجاب اسمبلی میں پی ٹی آئی چیف وہپ کو آج ڈویژنل ملاقاتوں کا شیڈول دیا جائے گا۔

عمران خان ہر ڈویژن کے ارکان اسمبلی سے اسمبلیوں کی تحلیل پر مشاورت کریں گے۔ اس حوالے سے پارٹی چیئرمین لاہور زمان پارک میں اپنی رہائش گاہ پر موجود ہیں۔

پاکستان تحریک انصاف کے مرکزی سیکریٹری اطلاعات فواد چوہدری نے کہا ہے کہ عمران خان نے ارکان اسمبلی کو انتخابات کی تیاری کی ہدایت کی ہے۔

اے آر وائی نیوز کے مطابق پی ٹی آئی کے مرکزی رہنما اور سابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر اس حوالے سے بیان جاری کیا ہے۔

فواد چوہدری نے اپنے ٹوئٹ میں لکھا ہے کہ پارٹی چیئرمیں عمران خان نے ارکان اسمبلی کو انتخابات کی تیاری کی ہدایت کردی ہے اور ان سے اپنے حلقوں میں واپس پہنچنے کا کہا ہے۔

پی ٹی آئی رہنما نے کہا کہ اگر پی ڈی ایم انتخابات سے ایسے ہی بھاگتی رہی جیسی اب بھاگ رہی ہے تو ہم وقت ضائع کیے بغیر پنجاب اور خیبرپختونخوا میں صوبائی انتخابات کیلیے جائیں گے۔ قومی اسمبلی کے انتخابات بعد میں ہوں گے۔

عمران خان نے ممبران اسمبلی کو ہدائیت کی ہے کہ حلقوں میں واپس پہنچیں اور انتخابات کی تیاری کریں، اگر PDM انتخابات سے ایسے ہی بھاگتی رہی جیسی اب بھاگ رہی ہے تو ہم مزید وقت ضائع کئے بغیر پنجاب اور پختونخواہ کےصوبائ انٹخابات کیلئے جائینگے اور قومی اسمبلی کے انتخابات بعد میں ہوں گے

— Ch Fawad Hussain (@fawadchaudhry) December 4, 2022

پاکستان پیپلز پارٹی کے رہنما اور سابق سینیٹر مصطفیٰ نواز کھوکھر نے کہا ہے کہ معیشت بدستور بدحال ہے اور دیوالیہ ہونے کا خطرہ بڑھ گیا ہے۔

اے آر وائی نیوز کے مطابق پاکستان پیپلز پارٹی کے رہنما اور سابق سینیٹر مصطفیٰ نواز کھوکھر نے ملک کی تشویشناک معاشی صورتحال پر سماجی رابطوں کی ویب سائٹ ٹوئٹر پر اظہار خیال کیا ہے۔

سابق سینیٹر مصطفیٰ نواز کھوکھر نے اپنے ٹوئٹ میں لکھا ہے کہ ملک کی معیشت بدستور بدحال اور دیوالیہ ہونے کا خطرہ بڑھ گیا ہے۔ دوست ممالک بھی پریشان ہیں۔

ان کا کہنا تھا کہ کہا گیا تھا کہ ڈالر 200 پر آ جائے گا۔ مہنگائی کم اور آئی ایم ایف کو سیدھا کر دیں گے۔ الٹا آئی ایم ایف نے مزید ٹیکس لگانے تک اگلی قسط دینے سے ہی انکار کر دیا۔

مصطفیٰ نواز کھوکھر نے کسی کا نام لیے بغیر تنقید کرتے ہوئے کہا کہ کیا پھر صرف مفتاح کو بَلی چڑھا کر صرف وزیر بننا مقصود تھا؟

پی پی رہنما نے مزید کہا کہ اس ضمن میں صرف آج کے اخبارات ہی پر نظر ڈال لیں۔ اخباروں نے بھی بیرونی قرضوں کی ادائیگی پر مشکلات کا ذکر کیا ہے۔

اس ضمن میں صرف آج کے اخبارات ہی پر نظر ڈال لیں۔ جنگ اخبار کا صفحۂ اوّل اور انگریزی اخبار ایکسپریس پر۔ ڈان اخبار نے بھی بیرونی قرضوں کی ادائیگی پر مشکلات کا ذکر کیا ہے۔ pic.twitter.com/9C4LEs8b2R

— Mustafa Nawaz Khokhar (@mustafa_nawazk) December 4, 2022

اس سے قبل پی ڈی ایم حکومت کے سابق وزیر خزانہ مفتاح اسماعیل نے ملک کے دیوالیہ ہونے کا خطرہ خطرناک حد تک بڑھ جانے کا دعویٰ کرچکے ہیں۔

یہ بھی پڑھیں: گھر کے بھیدی مفتاح اسماعیل نے لنکا ڈھا دی

سابق وزیر خزانہ مفتاح اسماعیل نے اپنے ایک مضمون میں موجودہ وزیر اسحاق ڈار کے معیشت کے حوالے سے دعوے کو مسترد کرتے ہوئے واضح طور پر کہا ہے کہ ملک کے دیوالیہ ہونے کا خطرہ خطرناک حد تک بڑھ گیا ہے۔ اب حکومت کے پاس غلطی کی کوئی گنجائش نہیں ہے۔