Tag: pakistan

لاہور: وزیراعلیٰ پنجاب چوہدری پرویز الٰہی کا کہنا ہے کہ اپوزیشن کی عدم اعتماد اور گورنر راج کی باتیں گیدڑ بھبکیاں ثابت ہوں گی، عمران خان کے ساتھ کھڑے ہیں ہم جس کا ساتھ دیتے ہیں اس کا ساتھ نبھاتے ہیں ۔

اے آر وائی نیوز کے مطابق وزیر اعلیٰ پنجاب چوہدری پرویز الٰہی سے اسپیکر پنجاب اسمبلی سبطین خان نے ملاقات کی اس موقع پر سیاسی صورتحال، اسمبلی کے قواعد و ضوابط اور دیگر قانونی امور پر تبادلہ خیال کیا گیا۔

ملاقات میں اپوزیشن کے غیرآئینی ہتھکنڈوں کا بھرپور مقابلہ کرنے کے عزم کا بھی اعادہ کیا گیا۔

وزیراعلیٰ پنجاب چوہدری پرویز الٰہی نے کہا کہ پنجاب اسمبلی تحلیل کرنے کے لیے عمران خان کے اشارے کے منتظر ہیں، اپوزیشن والوں کے نمبر کم ہیں اور باتیں زیادہ کرتے ہیں۔

انہوں نے کہا کہ اپوزیشن کی عدم اعتماد اور گورنر راج کی باتیں گیدڑ بھبکیاں ثابت ہوں گی، 27 کلو میٹر کے وزیراعظم کے پاؤں تلے زمین سرک رہی ہے۔

چوہدری پرویز الٰہی نے کہا کہ عمران خان قوم کے حقیقی لیڈر ہیں ان جیسا رہنما مدتوں میں ملتا ہے۔

عمران خان کی قیادت میں متحد اور متفق ہیں، اسپیکر پنجاب اسمبلی

اسپیکر پنجاب اسمبلی سطبین خان نے کہا کہ چیئرمین تحریک انصاف عمران خان لیڈر ہیں اور رہیں گے ہم عمران خان کی قیادت میں متحد اور متفق ہیں۔

انہوں نے کہا کہ اسمبلی اجلاس میں متحدہ علما بورڈ پنجاب ترمیمی بل پیش کیا جائے گا اور یونیورسٹی آف قرآن اینڈ سیرت اسٹڈیز بل پر قانون سازی کی جائے گی۔

اسمبلی اور وزارت اعلیٰ عمران خان کی امانت ہے، مونس الٰہی

دوسری جانب مونس الٰہی کا کہنا تھا کہ عمران خان قوم کے حقیقی لیڈر ہیں پنجاب اسمبلی اور وزارت اعلیٰ ان کی امانت ہے، غلط فہمیاں پیدا کرنے والے ہمیشہ کی طرح ناکام ہوں گے۔

اسلام آباد: وفاقی حکومت نے خواجہ سراؤں کو بینظیر کفالت پروگرام میں شامل کرنے کا فیصلہ کرلیا ہے۔

چیئرپرسن بینظیر انکم سپورٹ پروگرام شاریہ مری نے ٹوئٹر پر جاری اپنے ویڈیو بیان میں بتایا کہ پہلے بار خواجہ سراؤں کو اس پروگرام کا حصہ بنایا جا رہا ہے۔

شازیہ مری نے کہا کہ خواجہ سرا ہمارے معاشرے کا حصہ ہیں اور ان کی دیکھ بھال حکومت کا فرض ہے، پروگرام سے مستفد ہونے کے لیے خواجہ سرا سب سے پہلے نادرا سے شناختی کارڈ لیں۔

انہوں نے بتایا کہ خواجہ سرا شناختی کارڈ اپڈیٹ کروا کر تحصیل دفاتر میں رجسٹریشن کرائیں، کامیاب اندراج پر درخواست گزار خواجہ سرا کو سہ ماہی 7 ہزار روپے ملیں گے۔

https://twitter.com/bisp_pakistan/status/1598972203541753858?s=20&t=yFJVuSTnQ9OEp4DEOOQ49A

جماعت اسلامی کراچی کے امیر حافظ نعیم الرحمٰن کا کہنا ہے کہ پاکستان پیپلز پارٹی کا مجموعی رویہ کرپشن اور نااہلی ہے۔

ادارہ نور حق میں پریس کانفرنس کرتے ہوئے حافظ نعیم الرحمٰن نے کہا کہ بلاول بھٹو اور آصف علی زرداری سے کہتا ہوں کہ کراچی کا سودا کرنا بند کرو، آپ کی جمہوریت عوام کو انصاف کیوں نہیں دیتی۔

حافظ نعیم الرحمٰن نے کہا کہ شہر میں کہیں تعمیرات نہیں ہوئی اور جو ہوئیں ان کا حال نظر آ رہا ہے، پیپلز پارٹی کی لوٹ مار کا شاہکار کراچی کی سڑکوں پر نظر آتا ہے۔

انہوں نے کہا کہ کراچی کے عوام جماعت اسلامی کا مئیر چاہتی ہیں، آپ نے اپنی ذات اور وسائل کے لیے کراچی کو بیچا، شہر کا بہت بڑا مسئلہ کے الیکٹرک مافیا ہے۔

امیر جماعت اسلامی کراچی نے یہ بھی کہا کہ ایم کیو ایم کس سے اختیارات کی بات کر رہی ہے، یہ اختیارات تو ایم کیو ایم اور پیپلز پارٹی نے مل کر چھینے، 2013 کا بلدیاتی ایکٹ آیا تو ایم کیو ایم حکومت میں تھی۔

اسلام آباد: وزیر اعظم پاکستان شہباز شریف نے خصوصی افراد کے عالمی دن کے موقع پر اپنا پیغام جاری کر دیا۔

پیغام میں وزیر اعظم شہباز شریف نے کہا کہ آج پاکستان اور دنیا بھر میں خصوصی افراد کا عالمی دن منایا جا رہا ہے، آج کے دن ہم تمام خصوصی افراد کی کوششوں اور جدوجہد کو سراہتے ہیں۔

وزیر اعظم نے کہا کہ خصوصی افراد کی کاوشیں ہم سب کے لیے ایک مثال ہیں، حکومت خصوصی افراد کو ہر شعبے میں مساوی حقوق دینے کے لیے کوشاں ہے۔

انہوں نے کہا کہ یقینی بنا رہے ہیں کہ خصوصی افراد کو تعلیم اور صحت کے حقوق میسر ہوں، یقینی بنا رہے ہیں روزگار، ٹرانسپورٹ اور ووٹ سمیت تمام حقوق میسر ہوں، خصوصی افراد کو معاشرے کا فعال شہری بنانے کے لیے اپنا کردار ادا کرتے رہیں گے۔

خیبر پختونخوا کے وزیر اعلیٰ محمود خان کا کہنا ہے کہ چیئرمین تحریک انصاف عمران خان کا اشارہ ملتے ہی استعفے دے دیں گے۔

پشاور میں ایک اجلاس کی صدارت میں وزیر اعلیٰ محمود خان نے کہا کہ عمران خان پاکستانیوں کی آخری امید ہیں، خیبر پختونخوا کی پارلیمانی پارٹی ان کے حکم کی منتظر ہے۔

محمود خان نے کہا کہ عمران خان کے حکم کا انتظار ہے، اراکین اسمبلی سمیت میری جان بھی عمران خان کے لیے حاظر ہے۔

ان کا کہنا تھا کہ حقیقی آزادی کی جنگ میں عمران خان کے ساتھ آخری سانس تک کھڑے ہیں، خیبرپختونخوا عمران خان کا گھر ہے اور وہ یہاں سے پھر کامیاب ہوں گے۔