Tag: Pakistani athlete

لاہور: پاکستانی ایتھلیٹ مصطفی فاران بیگ نے ایشین گیمز کلاسک پاور لفٹنگ میں مجموعی طور پر دو طلائی، ایک چاندی اورایک کانسی کا تمغہ جیت کر نیا ریکارڈ قائم کردیا ہے ۔

تفصیلات کے مطابق منگولیا میں منعقدہ ہونے والے ایشین گیمز میں ملک و قوم کا نام روشن کرنے والے نوجوان کھلاڑی مصطفی فاران بیگ نے ایشین گیمز کلاسک پاور لفٹنگ میں دو طلائی تمغے حاصل کیے اورڈیڈ لفٹ میں ایشین ریکارڈ قائم کر دیا۔

منگولیا میں منعقد ہونے والی پاور لفٹنگ ایشین گیمز میں پاکستان کی نمائندگی کرنے والے مصطفی بیگ واحد پاکستانی کھلاڑی ہیں ۔ یہ جوان اپنے کوچ کے ساتھ تنہا اس مقابلے میں گیا اور ریکارڈ قائم کر آیا ۔

یاد رہے کہ مقابلے میں بھارت کی جانب سے مختلف کیٹگریز میں 40 کھلاڑی ، چین کے 60 اورجاپان کے 30 کھلاڑیوں سمیت دیگر 37 ممالک کے کھلاڑیوں نے بھی حصہ لیا ہے لیکن پاور لفٹنگ ایشین گیمز میں شریک واحد پاکستانی کھلاڑی مصطفی بیگ نے ایشین ریکارڈ قائم کر دیا ۔

مصطفی فاران بیگ نے ایشین گیمز کلاسک پاور لفٹنگ میں مجموعی طور پر دو طلائی ، ایک چاندی اور ایک کانسی کا تمغہ جیت کر پہلا ایشین ریکارڈ توڑ دیا ہے۔

یاد رہے کہ اس سے قبل ایشیین گیمز میں کراٹے کی کھلاڑی نرگس حمید کانسی کا تمغہ جیت کر وطن واپس آئیں تھیں۔ا س موقع پر ان کا شاندار استقبال کیا گیا تھا ۔وہ پہلی خاتون کھلاڑی تھیں، جنھوں نے انفرادی کھیل میں‌ ایشیا کی سطح‌ پر پاکستان کے لیے میڈل حاصل کیا تھا۔