لاہور: پاکستانی فاسٹ بولر وہاب ریاض نے ٹی ٹوئنٹی سیزن کے لئے انگش کاؤنٹی سرے کے ساتھ معاہدہ کرلیاہے۔
وہاب ریاض نے آئندہ ماہ دو ٹی ٹوئنٹی میچ کے لئے انگلش کاؤنٹی سرے کے ساتھ معاہدہ کیا ہے۔ پاکستانی فاسٹ بولر کا کہنا ہے کہ ویزے میں کچھ مشکلات ہیں، امید ہے وہ جلد حل ہوجائیں گے۔
دورہ بنگلہ دیش کے بعد سری لنکا سے سیریز کھیلنی ہے، جسکے باعث سرے کے ساتھ معاہدہ مختصر رکھا گیا ہے۔
وہاب نے کہا کہ انکی پہلی ترجیح پاکستان کی نمائندگی کرنا ہے۔
نئی دہلی :لیجنڈ بلے باز سچن ٹنڈولکر بھی وہاب ریاض کے گرویدہ نکلے، ماسٹر بلاسٹر نے آسٹریلیا کے خلاف وہاب ریاض کے اسپیل کو ورلڈ کپ کا بہترین اسپیل قرار دے دیا۔
برائن لارا کے بعد دنیائے کرکٹ کے عظیم بیٹسمین سچن ٹنڈولکر بھی وہاب ریاض کی تعریف کئے بغیر نہ رہ سکے، سچن ٹنڈولکر کا کہنا ہے کہ آسٹریلیا کے خلاف وہاب ریاض کی بولنگ شاندار تھی، ورلڈ کپ میں انہوں نے ایسا اسپیل کبھی نہیں دیکھا۔
انھوں نے کہا کہ وہاب ریاض کی جتنی تعریف کی جائے وہ کم ہے۔
کرکٹ لیجنڈ نے کہا کہ وہاب کی کارکردگی وہ ابھی تک بھول نہیں پائے، وہاب ریاض نے کوارٹر فائنل میں آسٹریلیا کے خلاف شاندار بولنگ کا مظاہرہ کرتے ہوئے شین واٹسن کو ہلنے نہیں دیا تھا۔
فیصل آباد: سابق بھارتی چیف الیکشن کمشنر ڈاکٹر منوہر سنگھ بھی پاکستانی بولر وہاب ریاض کے مداح نکلے ۔
زرعی یونیورسٹی فیصل آباد کی بائیسویں تقریبِ تقسیمِ اسناد میں بھارت سابق چیف الیکشن کمشنر اور رکن راجیہ سبھا ڈاکٹر منوہر سنگھ کو اعزازی ڈگری دی گئی۔
ڈاکٹر منوہر سنگھ نے اپنے خطاب میں فاسٹ بولر وہاب ریاض کی ورلڈ کپ میں آسٹریلیا کے خلاف میچ میں شاندار کارکردگی کی تعریف کی۔
ان کا کہنا تھا کہ وہاب ریاض نے آسٹریلیا کے خلاف میچ میں نئی تاریخ رقم کر دی، وہاب ریاض کو ابھی بہت آگے جانا ہے، وہ کبھی ڈسپلن نہ چھوڑیں۔
کرکٹ کےچندبڑےبلےبازوں میں سےایک ’برائن لارا‘ وہاب ریاض کےدیوانےہوگئے۔
وہاب ریاض پر میچ فیس کا پچاس فیصد جرمانہ عائد کرنے پر برائن لارا نے آئی سی سی پر تنقید کرتے ہوئے سخت الفاظ استعمال کیے۔
آئی سی سی پر ہنستے ہوئے برائن لارا نے کہا کہ جرمانے کا فیصلہ سمجھ سے باتر ہے، شایقین کو انٹرٹین کرنا کیا وہاب کی غلطی تھی۔
برائن لارانے وہاب ریاض سے ملنے کی خواہش کا اظہار کردیا، اور وہاب کا جرمانہ بھرنے کی پیشکش بھی کردی۔
اس سے قبل برائن لارا نے ایک ٹوئٹ میں کہا تھا کہ وہاب کا بالنگ اسپیل شاندار ہے۔
Omg!!! What a spell and now a drop catch!!!
— Brian Lara (@BrianLara) March 20, 2015
It was a joy 2 watch Wahab Riaz bowling today his stats will never reveal how great a spell of fastbowling that was from d Pakistani. #CWC15 — Brian Lara (@BrianLara) March 20, 2015
دوسری جانب وہاب کی شاندار باؤلنگ کاسامنا کرنے والے شین واٹسن نےٹوئٹر پر لکھا کہ وہ خوش قسمت ہیں کہ وہاب کی باؤلنگ پر زخمی نہیں ہوئے۔
Special spell from @WahabViki the other night. Very lucky to have come out unscathed #Nohardfeelings #Respect
— Shane Watson (@ShaneRWatson33) March 22, 2015
وہاب نے بھی جوابی ٹوئٹ میں شین واٹسن کےکھیل کی تعریف کرتے ہوئے کہا کہ انہیں میچ میں بہت مزہ آیا۔ وہاب نے سیمی فائنل کے لئے شین واٹسن کو نیک خواہشات کا بھی اظہار کیا۔
It was a good battle on the feild. U played well. @ShaneRWatson33 . Wishing u best of luck for the semi’s . #Respect
— Wahab Riaz (@WahabViki) March 22, 2015
ایڈیلیڈ: آئی سی سی نے ضابطہ اخلاق کی خلاف ورزی پر پاکستانی فاسٹ بولر وہاب ریاض اور آسٹریلیا کے شین واٹسن پر جرمانہ عائد کردیا ہے۔
ایڈیلیڈ میں ورلڈ کپ کے کوارٹرفائنل میں وہاب ریاض اور شین واٹسن کے درمیان نوک جھونک پر آئی سی سی نے ایکشن لے لیا اور ضابطہ اخلاق کی خلاف ورزی پر دونوں کھلاڑیوں پر جرمانہ عائد کردیا گیا ہے۔
دونوں کھلاڑیوں پر کوڈ آف کنڈکٹ کی خلاف ورزی کا چارج لگایا گیا ہے، وہاب ریاض پر میچ فیس کا پچاس اور شین واٹسن پر پندرہ فیصد جرمانہ عائد کیا گیا ہے۔
آسٹریلیا کی بیٹنگ کے دوران شین واٹسن اور وہاب ریاض میں اشاروں کی جنگ ہوئی، جس پر آئی سی سی نے کارروائی کی، وہاب ریاض نے اپنی اسپیل کے دوران شین واٹسن کو ہلنے کا موقع بھی نہیں دیا۔
یاد رہے گزشتہ میچ میں وہاب ریاض کے میجک اسپیل نے واٹسن کو بکری بنادیا، شین واٹسن وہاب کے نشانے پر تھے اور وہاب کی تباہ کن بولنگ نے واٹسن کو حلنے نہ دیا۔
شین واٹسن وہاب کے باؤنسر سے بچتے تو وہاب کبھی تالیاں بجا کر چڑا تے تو کھبی فلائنگ کیس کرتے، وہاب ریاض اور واٹسن کے درمیان نوک جھونک نے میچ کا مزہ دوبالا کردیا۔
آئی سی سی نے واٹسن اور وہاب ریاض کے درمیان نوک جھوک کا ایکشن لیتے ہوئے کاروائی کا فیصلہ کرلیا اور دونوں کھلاڑیوں پر کوڈ آف کنڈکٹ کیخلاف ورزی پر چارج لگایا گیا۔