Tag: Pakistani cricketer shoaib malik

ممبئی: بھارتی ٹینس اسٹار ثانیہ مرزا اورپاکستانی ٹیسٹ کرکٹر شعیب ملک کے ازدواجی معاملات مصیبت میں ہے۔

بھارتی میڈیا کے مطابق ثانیہ اور شعیب ان کی شادی میں دشواری ہورہی ہے اور ثانیہ نے شادی کی انگوٹھی کے بجائے کوئی اور انگوٹھی پہنی ہوئی ہے، دوحہ میں ثانیہ  اور پارٹنر کارا بلیک نے بدھ کے روز  دوسرے راؤنڈ کا میچ جیت لیا، جہاں اس ہفتے ڈبلیوٹی ایونٹ کھیلا جارہا ہے۔

بھارتی میڈیا کے مطابق ثانیہ مرزا آج کل بالی وڈ اداکار رانا کے بہت قریب ہو رہی ہے، لیکن ثانیہ مرزا کے والد عمران مرزا نے شادی میں مصیبت کی خبروں کو مسترد کر دیا ہے۔

ثانیہ مرزا کو اقوام متحدہ کی خیر سگالی کی سفیر مقرر کیا گیا تھا، جس پر ثانیہ مرزا نے اپنے مداحوں کو ٹوئٹر پر پیغام دیا تھا کہ خواتین کو با اختیار بنانے کے لئے اقوام متحدہ کی خیر سگالی سفیر کا اعزاز دیا گیا ہے اور اب انھیں خواتین کے خلاف تشدد کیلئے لڑنا ہے ،

کچھ عرصہ قبل ثانیہ مرزا کو بھارتی ریاست تلنگانہ کا برانڈ ایمبسیڈر مقرر کیا گیا تھا۔

اس سے قبل بھی میڈیا میں پاکستانی ٹیسٹ کرکٹر شعیب ملک اور بھارتی ٹینس اسٹار ثانیہ مرزا کے اختلافات اور علیحدگی کی خبریں کئی مہینوں سے گردش کرتی رہی تھی تاہم ثانیہ مرزا نے اچانک سیالکوٹ آکر اپنے سسرال میں اور دیگر رشتے داروں کے ساتھ ایک ہفتے گزارنے کے بعد علیحدگی کی خبروں کو غلط قرار دے دیا تھا جبکہ شعیب ملک کا کہنا تھا  کہ میری اپنی اہلیہ کے ساتھ کوئی اختلافات نہیں، لیکن لڑائی اور طلاق کی خبریں میڈیا میں آئے دن پڑھنے کو ملتی ہیں۔