Tag: pakistani currency

  • پاکستانی کرنسی بحران ہائی رسک قرار

    پاکستانی کرنسی بحران ہائی رسک قرار

    اسلام آباد: جاپانی بینک نومورا نے پاکستانی کرنسی بحران کو ہائی رسک قرار دیتے ہوئے کہا کہ پاکستان سمیت 7 ممالک کی کرنسی 12 ماہ تک مستحکم نہیں۔

    تفصیلات کے مطابق جاپانی بینک نومورا نے پاکستانی کرنسی بحران کو ہائی رسک قرار دے دیا۔

    نومورا کا کہنا ہے کہ پاکستان ان 7 ممالک میں شامل ہے جن کی کرنسی 12 ماہ تک مستحکم نہیں، پاکستان، مصر، رومانیہ، سری لنکا، ترکی، جمہوریہ چیک اور ہنگری کرنسی بحران میں رہ سکتا ہے۔

    جاپانی بینک کی جانب سے کہا گیا کہ جمہوریہ چیک اور برازیل نے سب سے زیادہ خطرے میں اضافہ ریکارڈ کیا، تمام 32 مانیٹر شدہ ریاستوں کا مجموعی اسکور مئی میں 17 سو 44 سے بڑھ کر 22 سو 34 ہو گیا۔

    اس سے قبل مالیاتی اور اقتصادی اعداد و شمار اور خبروں کے پلیٹ فارم بلومبرگ نے بھی پاکستانی کرنسی کی گرواٹ پر خدشات کا اظہار کیا تھا۔

    بلومبرگ کی رپورٹ میں کہا گیا کہ پاکستان بڑھتی ضروریات کو آئی ایم ایف بیل آؤٹ سے پورا کر سکتا ہے کیونکہ پاکستان کو جون 2023 تک 33 ارب 50 کروڑ ڈالر کی ضرورت ہے اور اس کے پاس دستیاب فنانسنگ 35 ارب 90 کروڑ ڈالر کی ہوگی۔

  • بیرون ملک جانے والے مسافروں سے پاکستانی کرنسی میں چارجز وصولی کا فیصلہ

    بیرون ملک جانے والے مسافروں سے پاکستانی کرنسی میں چارجز وصولی کا فیصلہ

    کراچی : ملک بھر کے ایئرپورٹس پر بیرون ملک جانے والے مسافروں سے ڈالر کے بجائے پاکستانی کرنسی میں ایئرپورٹ چارجز وصول کیے جائیں گے، سول ایوی ایشن اتھارٹی نے باقاعدہ نوٹیفکیشن جاری کردیا۔

    تفصیلات کے مطابق سول ایوی ایشن اتھارٹی نے بیرون ملک جانے والے مسافروں کیلئے خوشخبری سنادی، سی اے اے نے فیصلہ کیا ہے کہ بیرون ملک جانے والے مسافروں سے ایئرپورٹ چارجز امریکی ڈالر نہیں بلکہ پاکستانی کرنسی میں وصول کئے جائیں گے۔

    اس سلسلے میں سول ایوی ایشن اتھارٹی نے باقاعدہ نوٹیفکیشن جاری کردیا، سول ایوی ایشن اتھارٹی کا جاری کردہ نوٹیفکیشن اے آروائی نیوز کو موصول ہوگیا۔

    اس سے قبل بیرون ملک جانے والے مسافروں سے20امریکی ڈالر ایئرپورٹ چارجز کی مد میں وصول کئے جاتے تھے، اس حوالے سے سول ایوی ایشن ذرائع کا کہنا ہے کہ امریکی ڈالر میں اتار چڑھاؤ کی وجہ سے مسافروں کو اس کا بوجھ برداشت کرنا پڑرہا تھا، اب بیرون ملک جانے والے مسافروں سے ایئرپورٹ چارجز صرف2800سو روپے وصول کئے جائیں گے۔

    سول ایوی ایشن اتھارٹی نے بیرون ملک جانے والے مسافروں کے ایئرپورٹ چارجز فکس کرنے کے حوالے سے تمام ایئرلائنوں کو آگاہ کردیا ہے کہ تمام ایئرلائنز کو سول ایوی ایشن اتھارٹی نے احکامات دیئے ہیں کہ تاحکم ثانی اس آرڈر پر عمل درآمد یقینی بنایا جائے۔

  • پاکستانی روپے کی قدر میں راتوں رات کمی، ڈالر 109 روپے تک جا پہنچا

    پاکستانی روپے کی قدر میں راتوں رات کمی، ڈالر 109 روپے تک جا پہنچا

    اسلام آباد : پاکستانی روپے کی قدر میں راتوں رات کمی ہوئی اور روپیہ کی قدر ایک دن میں تین فیصد کم ہوگئی، اوپن مارکیٹ میں ڈالر 109 روپے 50 پیسے میں فروخت ہورہا ہے۔

    روپے کی قدرمیں کمی کی وجہ سیاسی عدم استحکام یا کچھ اور، ایک روز میں پاکستانی روپے کی قیمت ڈالر کے مقابلے میں 4 روپے 20 پیسے کم ہوگئی، روپیہ سستا ہوا تو ملک پر واجب الادا قرضوں کاحجم بھی ڈھائی سو ارب روپے بڑھ گیا۔

    انٹر بینک میں ڈالر کی قدر میں ساڑھے تین روپے تک کا اضافہ ہوا، انٹر بینک میں ڈالر کی قدر ایک سو آٹھ روپے تیس پیسے تک جا پہنچی، انٹر بینک میں ڈالر کی قدر بڑھنے کے بعد اوپن مارکیٹ میں بھی روپیہ سستا ہوگیا۔

    بینکوں کے درمیان ڈالر کا لین دین107.50روپے کی بلند سطح پر پہنچ گیا۔

    اوپن مارکیٹ میں ڈالر 109 روپے 50 پیسے تک فروخت ہوا، ڈالر کے ساتھ ساتھ دیگر غیر ملکی کرنسیوں کو بھی پر لگ گئے، برطانوی پاونڈ چار روپے جبکہ یورو کی قدر میں تین روپے ساٹھ پیسے کا اضافہ ریکارڈ کیا گیا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔