بھارتی حکومت اس کے منصوبوں کو بے نقاب کرنے کیلیے پاکستانی وفد نے اقوام متحدہ میں امریکی مندوب سے ملاقات کی ہے۔
پاکستانی سفارتی مشن کے سربراہ بلاول بھٹو زرداری کی قیادت میں پارلیمانی وفد نے اقوام متحدہ میں امریکا کی قائم مقام مستقل مندوب ڈورتھی شیا سے ملاقات کی۔
چیئرمین پیپلز پارٹی بلاول بھٹو کی قیادت میں پاکستانی وفد نے امریکا کے سامنے پاکستان کا مؤقف پیش کردیا۔
اس موقع پر بلاول بھٹو کا کہنا تھا کہ بھارت پانی کو بطور ہتھیاراستعمال کرکے کروڑوں انسانوں کو سزا دینا چاہتا ہے، بھارت کا تحقیقات کے بغیر پاکستان پر الزام تراشی اور حملہ بذات خود سوالیہ نشان ہے۔
انہوں نے کہا کہ بھارتی مؤقف کو غلط ثابت کرنے کیلئے کسی ثبوت کی ضرورت نہیں، بھارتی مؤقف کو دہرا دینا ہی اس کے غلط ہونے کا ثبوت ہے۔
