روس سے تعلق رکھنے والے یو ایف سی کے سابق چیمپئن خبیب نورماگومیدوف بھی پاکستانی کھانوں کے شوقین نکلے۔
یو ایف سی کے سابق چیمپئن خبیب نورماگومیدوف نے ایک پوڈ کاسٹ میں شرکت کی جہاں انہوں نے بتایا کہ ان کی کامیابی کا راز پاکستانی کھانے ہیں۔
روسی مارشل آرٹسٹ کا کہنا ہے پاکستانی کھانے لاجواب ہیں، یہی میری کامیابی کا راز ہیں، روس سے سان فرانسسکو خصوصی پرواز لیکر جاتا ہوں تاکہ پاکستانی کھانے کھا سکوں۔
انہوں نے بتایا کہ ایک بار صرف سان فرانسسکو کے اپنے پسندیدہ پاکستانی ریسٹورنٹ ’چٹنی‘ سے کھانا کھانے کے لیے امریکا میں سستی اکانومی فلائٹ پر سوار ہوئے، لیکن عملے سے بحث کے بعد انہیں جہاز سے اتار دیا گیا تھا۔
View this post on Instagram
خبیب نے بتایا کہ ’چٹنی‘ ریسٹورنٹ رات 9 یا 10 بجے بند ہو جاتا ہے، اس لیے میں وقت پر وہاں پہنچنے کے لیے اکانومی کلاس میں سفر کرنے کا فیصلہ کیا تاہم میرا ساتھی اس پر راضی نہیں تھا۔
خیال رہے کہ خبیب نورماگومیدوف، روس کے مسلم اکثریتی علاقے داغستان سے تعلق رکھتے ہیں، انہوں نے قزاقستان میں ’ایم ایٹ‘ کے نام سے فاسٹ فوڈ چین شروع کی ہے، جو اپنے منفرد سینڈوچز کی وجہ سے شہرت رکھتی ہے۔
