Tag: pakistani from yemen reached

اسلام آباد: پی آئی اے کا خصوصی طیارہ یمن سے جبورتی پہنچنے والےایک سو چھہتر محصور پاکستانیوں کو لے کراسلام آباد پہنچ گیا ۔

اے آر وائی نیوز کی کوششیں بھی رنگ لے آئیں، یمن میں پھنسے ایک سو چھہتر پاکستانیوں کو لیکر پی آئی اے کا خصوصی طیارہ وطن واپس پہنچ گیا  عدن میں محصور ین کو پہلے یمن سے چینی بحری جہاز کے ذریعے جبوتی پہنچایا گیا، جہاں سے پی آئی اے کی خصوصی پرواز کے ذریعہ وطن واپسی ہوئی۔

یمن سے واپس لوٹنے والوں نے وطن کی سرزمیں پر قدم رکھا تو جزبات قابو میں نہ رہے، وزیر دفاع خواجہ آصف نے انکا استقبال کیا۔

خواجہ آصف نے کہا کہ سعودی حکام سے بات ہوئی ہے، آخری اگلے دو دن میں باقی پاکستانی بھی وطن لوٹ آئیں گے، یمن سے پاکستانیوں کے انخلاء کے لئے وزیرِ دفاع نے پی آئی اے کی خدمات کوبھی سراہا۔

اس موقع پر وزیردفاع نے کہا کہ مکلہ اور صنعا ایئرپورٹس آپریشنل ہوتے ہی وہاں سے بھی محصورین کو واپس لائیں گے، وزیرِاعظم نےآخری پاکستانی کو ریسکیو کرنے تک آپریشن جاری رکھنے کی ہدایت کی ہے۔

یمن کے مختلف شہروں میں اب بھی کئی پاکستانی وطن واپسی کے منتظر ہیں