نئی دہلی : بھارتی حکام نے پاکستان دشمنی میں سفارتی آداب کی دھجیاں اڑاتے ہوئے پاکستانی ہائی کمیشن میں افطار کیلئے آنے والے مہمانوں کو ہراساں کیا، پاکستان نے اس حرکت پر احتجاج کا فیصلہ کیا ہے۔
تفصیلات کے مطابق اکستانی ہائی کمیشن میں منعقدہ دعوت افطار میں آنے والے مہمانوں کو بھارتی حکام کی جانب سے ہراساں کرنے کا واقعہ پیش آیا ہے۔
بھارتی حکام نے ایک بار پھر سفارتی آداب کی دھجیاں اڑاتے ہوئے افطار کے لئے آنے والے مہمانوں سے بلاوجہ پوچھ گچھ کی اور کئی مہمانوں کو پاکستانی ہائی کمیشن جانے سےزبردستی روک دیا گیا۔
مزید پڑھیں: نئی دہلی میں پاکستانی ہائی کمیشن کے اہلکاروں کو ہراساں کرنے کا انکشاف
اس حوالے سے ذرائع کا کہنا ہے کہ بھارتی ایجنسیوں کی اس حرکت پر پاکستان نے سفارتی سطح پر بھارت سے احتجاج کرنے کا فیصلہ کیا ہے۔یاد رہے کہ اس سے قبل بھی بھارتی ایجنسیوں کی جانب سے ہائی کمیشن کی23مارچ کی تقریب میں مہمانوں کو ہراساں کیا گیا تھا۔
