Tag: pakistani students

بشکیک سے ایک اور خصوصی پرواز پاکستان پہنچ گئی لیکن کرغزستان سے وطن واپسی کے 125 خواہشمند طلبا ایئر پورٹ پر پھنس گئے۔

کرغزستان کے دارالحکومت بشکیک میں افسوسناک واقعے کے بعد پاکستانی طلبا کی وطن واپسی کا سلسلہ جاری ہے، آج بھی پی آئی اے کی خصوصی پرواز 171 طلبا کو لے کر پشاور ایئرپورٹ پہنچی ہے لیکن بشکیک سے اسلام آباد آنے والی فلائٹ  منسوخ کردی گئی ہے۔

طلبہ کا کہنا ہے کہ بشکیک سے اسلام آباد آنے والی فلائٹ  منسوخ کردی گئی ہے، ہم مناس ائیر پورٹ پر پھنس چکے ہیں نہ پاکستان آسکتے ہیں نہ واپس جاسکتے ہیں، طلبہ نے شکوہ کیا کہ متعلقہ حکام ہمارے معاملے پر سنجیدگی کا مظاہرہ نہیں کررہے۔

دوسری جانب سی اے اے ترجمان کا کہنا ہے کہ خصوصی پرواز کی آمد ورفت وزارت خارجہ کی ہدایات سے مشروط ہے، وزرات خارجہ کے شیڈول کے مطابق پروازیں آپریٹ ہوتی ہیں، سفارتخانے کی لسٹ کے مطابق ہی طلبہ کو بورڈنگ جاری کیے جارہے ہیں۔

واضح رہے کہ آج مناس سے پرواز نے 125 طلبہ کو لے کر آج  اسلام آباد کے لیے روانہ ہونا تھا۔

کرغزستان کے دارالحکومت بشکیک میں محصور پاکستانی طلبہ کے والد کا بیان سامنے آگیا۔

کرغز طلبہ نے غیرملکی طلبا و طالبات پر حملے کیے اور سوشل میڈیا پر بھی حملوں کے لیے اکسایا گیا، ہاسٹل میں لڑکوں اور لڑکیوں پر تشدد بھی کیا گیا۔

بشکیک میں 13 مئی کو بودیونی کے ہاسٹل میں مقامی اور غیرملکی طلبہ میں لڑائی ہوئی تھی، جھگڑے میں ملوث 3 غیر ملکیوں کو حراست میں لیا گیا تھا۔

کرغز میڈیا کے مطابق 17مئی کی شام چوئی کرمنجان دتکا کے علاقے میں مقامیوں نے احتجاج کیا، مقامی افراد نے جھگڑے میں ملوث غیرملکیوں کے خلاف کارروائی کا مطالبہ کیا۔

مقامی میڈیا کے مطابق حراست میں لیے گئے غیرملکیوں نے بعد میں معافی بھی مانگی لیکن مظاہرین نے منتشر ہونے سے انکار کیا اور وہ مزید تعداد میں جمع ہوگئے جس کے بعد یہ پرتشدد واقعہ پیش آیا جس میں کئی پاکستانیوں کی زخمی ہونے کی اطلات بھی ہے۔

بشکیک میں محصور طالب علم یاسر سٹھیو کے والد نے میڈیا سے گفتگو میں کہا کہ ہمارے دو بھتیجے یاسر اور آصف وہاں میڈیکل سال دوئم میں پڑ رہے ہیں، بقول ان کے بشکیک میں 14 ہزار لڑکے لڑکیاں زیر تعلیم ہیں۔

یاسر کے والد نے بتایا کہ مسئلہ وہاں کے مقامی طالب علموں اور مصر کے طالبعلموں میں ہوا تھا، کل رات  کچھ لوگوں نے پاکستانی طالب علموں کے ہاسٹل پرحملہ کیا، حملے میں کچھ پاکستانی طالب علم زخمی ہوئے ہیں۔

یاسر سٹھیو کے والد نے مزید کہا کہ بشکیک میں پاکستانی طالب علم پاکستانی سفارتخانے گئے اس کے دروازے بند تھے، سفارتخانے کے گارڈ نے کہا آپ اپنی کمپلین سفارتخانے کی ویب سائیڈ پر درج کروائیں۔

دوسری جانب الٰہ آباد کے نواحی  گاؤں گہلن ہٹھاڑ کی رہائشی طالبہ عائشہ وکیل نے بھی تحفظ فراہم کرنے کا مطالبہ کیا ہے، عائشہ نے کہا کہ ہم اپنے کمروں میں محصور ہیں، یہاں خوف کی فضا ہے۔

طالبہ عائشہ وکیل نے کہا کہ حکومت پاکستان جلد ایکشن لے، ہماری وطن واپسی کا انتظام کیا جائے، ضلع قصور سے 20 سے 25 طلبہ وطالبات یہاں پڑھ رہے ہیں، یہاں زیر تعلیم پاکستانی طلبا کو مقامی لوگوں نے تشدد کا نشانہ بیانا ہے، یہاں حالات  کنٹرول میں نہیں، ہمیں سیکیورٹی مہیا نہیں کی جارہی۔