Tag: pakistani students

اسلام آباد: آسٹریلیا کی یونیورسٹی نے ہر سال پانچ پاکستانی طلبہ کی مکمل فیس معاف کرنے کا اعلان کردیا۔

تفصیلات کے مطابق ہائیر ایجوکیشن کمیشن کے چیئرمین ڈاکٹر طارق بنوری کی اسلام آباد میں متعین آسٹریلوی ہائی کمشنر مارگاریٹ ایڈم سن سے ملاقات ہوئی جس میں دوران گریفتھ بزنس اسکول کے وائس چانسلر پرفیسر ڈیوڈ گرانٹ، آسٹریڈ ٹریڈ کمشنر پیٹر کول مین، آسٹریڈ کنٹری ڈائریکٹر اظہر شاہ سمیت دیگر حکام موجود تھے۔

دورانِ ملاقات پاکستانی طالب علموں کوسہولیات دینے کے حوالے سے تبادلہ خیال کیا گیا۔ بعد ازاں میڈیا سے گفتگو کرتے ہوئے ڈاکٹر بنوری کا کہنا تھا کہ ’آسٹریلین ہائیر ایجوکیشن انسٹی ٹیوٹ اور گریفتھ یونیورسٹی کا خیر مقدم اور شراکت داری کا حصہ بننے پر خیر مقدم کرتے ہیں‘۔

مزید پڑھیں: یونیورسٹی سائنس اینڈٹیکنالوجی بنوں میں ڈگری درخت لگانے سے مشروط

اُن کا کہنا تھا کہ  آسٹریلوی کمیشن کے توسط سے 10 یونیورسٹیوں سے رابطے میں ہیں جہاں 160 پاکستانی پی ایچ ڈی پروگرامز میں تعلیم حاصل کررہے ہیں۔

ایچ ای سی چیئرمین کا کہنا تھا کہ ہم نے آسٹریلوی وفد کو آگاہ کیا کہ پاکستان کی ترجیحات میں صرف سائنس ، ٹیکنالوجی، انجینئرنگ یا ریاضی کے مضامین شامل نہیں بلکہ ہمارے طالب علم سوشل سائنسس، انسانیت اور آرٹس کو بھی اہمیت دیتے ہیں۔

اس موقع پر انہوں نے ایج ای سی کی جانب سے پیش کی جانے والی اسکالر شپ کے بارے میں بھی تبادلہ خیال کیا۔

یہ بھی پڑھیں: پاکستان کی 2 یونیورسٹیاں ایشیا کی 100 بہترین جامعات میں شامل

آسٹریلوی ہائی کمشنر کا کہنا تھا کہ ’دونوں ممالک ہائیر ایجوکیشن کے میدان میں طویل شراکت داری قائم کی، جس کے ذریعے مختلف تحقیقات اور مواقع بھی فراہم کیے جاتے ہیں جبکہ اس کے تحت طویل اور مختصر مختلف تربیتی پروگراموں کا انعقاد بھی کیا جاتا ہے‘۔