ARYNews.tv | Urdu – Har Lamha Bakhabar

Tag: pakistani team

  • سابق آسٹریلوی کرکٹر کی پاکستانی کرکٹ ٹیم پر تنقید

    سابق آسٹریلوی کرکٹر کی پاکستانی کرکٹ ٹیم پر تنقید

    سابق آسٹریلوی کرکٹر لیسا اسٹھالیکر نے پاکستان کی ٹی ٹوئنٹی ورلڈ کپ میں کارکردگی پر شدید تنقید کی ہے۔

    سابق آسٹریلوی کرکٹر لیسا اسٹھالیکر نے ایک پروگرام میں پاکستان کی ٹی ٹوئنٹی ورلڈ کپ میں کارکردگی پر تنقید کرتے ہوئے کہا کہ پاکستان اور نیوزی لینڈ کی ٹیموں نے ورلڈکپ میں بہت مایوس کیا۔

    لیسا اسٹھالیکر نے کہا کہ پاکستان بھارت کے خلاف میچ دباؤ کی وجہ سے ہارا، اور ٹیم کی ناکامی کی وجہ سینئر کھلاڑیوں کا پرفارم نہ کرنا تھا، پاکستانی ٹیم کنڈیشنز سے بھی ہم آہنگ نہ ہوسکی۔

    لیسا اسٹھالیکر کا کہنا تھا کہ پاکستان کو ہرا کر سپر ایٹ میں کوالیفائی کرنا امریکا کی بڑی کامیابی تھی، امریکا کی پاکستان کے خلاف فتح نے نیویارک میں کرکٹ کی دھوم مچادی، باسکٹ بال کے کھلاڑیوں نے بھی امریکا کی کامیابی پر تبصرے کیے۔

  • انڈر 19 ورلڈکپ سیمی فائنل: پاکستان کا آسٹریلیا کو جیت کیلئے 180 رنز کا ہدف

    انڈر 19 ورلڈکپ سیمی فائنل: پاکستان کا آسٹریلیا کو جیت کیلئے 180 رنز کا ہدف

    آئی سی سی انڈر 19 کرکٹ ورلڈکپ کے دوسرے سیمی فائنل میں پاکستان نے آسٹریلیا کو جیت کے لیے 180 رنز کا ہدف دیا ہے۔

    آئی سی سی انڈر 19 کرکٹ ورلڈکپ جنوبی افریقا میں جاری ہے جہاں سیمی فائنل میں آسٹریلیا نے ٹاس جیت کر فیلڈنگ کا فیصلہ کیا تھا جہاں پاکستان نے کھیلتے ہوئے آسٹریلیا کو جیت کے لیے 180 رنز کا ہدف دیا ہے۔

    قومی ٹیم آسٹریلیا کے سامنے ڈھیر ہوگئی، ٹیم نے 48.5 اوورز میں 179 رنز ہی بناسکی اور پوری ٹیم پویلین لوٹ گئی، پاکستان کی جانب سے عرفات منہاس اور اذان اویس نے 52،52 رنز اسکور کیے، آسٹریلیا کی جانب سے ٹام اسٹرکر نے 6 وکٹیں حاصل کیں۔

    پاکستان ٹیم کی قیادت سعد بیگ کررہے ہیں، اس کے علاوہ ٹیم میں شاہزیب خان، شمائل حسین، اذان اویس، احمد حسن، ہارون ارشد، عرفات منہاس، عبید شاہ، محمد ذیشان، علی رضا اور نوید احمد خان شامل ہیں۔

    پاکستان انڈر19 ٹورنامنٹ میں ناقابل شکست رہا ہے، قبل ازیں قومی ٹیم نے بنگلہ دیش، آیئرلینڈ، نیوزی لینڈ، نیپال، افغانستان کو شکست دی تھی۔

    6 فروری کو بھارت نے جنوبی افریقہ کو شکست دے کر فائنل میں جگہ بنائی تھی، اگر پاکستان آسٹریلیا کےخلاف میچ جیت جاتا ہے تو پاکستان اور بھارت کے درمیان انڈر 19 ورلڈکپ کا فائنل کھیلا جائے گا۔

    واضح رہے کہ انڈر 19 کرکٹ ورلڈکپ ایونٹ کا فائنل 11 فروری کو کھیلا جائے گا۔

  • اپنا 100 فیصد دیں اور آخری بال تک لڑیں ،وزیراعظم کا پاکستان ٹیم کو مشورہ

    اپنا 100 فیصد دیں اور آخری بال تک لڑیں ،وزیراعظم کا پاکستان ٹیم کو مشورہ

    اسلام آباد : وزیراعظم عمران خان نے پاکستانی ٹیم کو مشورہ دیتے ہوئے کہا اپنا100فیصددیں،آخری بال تک لڑیں اور اپنےدماغ میں شکست کاخوف نہ آنےدیں، قوم کی دعائیں اورسپورٹ سرفراز اورٹیم کےساتھ ہیں۔

    تفصیلات کے مطابق ورلڈکپ میں ویسٹ انڈیزکیخلاف پاکستان کی بیٹنگ جاری ہے ، وزیراعظم عمران خان نے سماجی رابطے کی ویب سائٹ ٹوئٹر پر پاکستانی ٹیم کے لئے نیک خواہشات کا اظہار کرتے ہوئے کہا میرا مشورہ آج بھی پاکستان ٹیم کے لئے وہی ہے، میں نے مشورہ پلیئرز کو پہلے دیا تھا، اپنا100 فیصد دیں اور آخری بال تک لڑیں۔

    عمران خان کا کہنا تھا اپنے دماغ میں شکست کا خوف نہ آنے دیں، شکست کے خوف کو کھیل یاحکمت عملی پر اثرانداز نہ ہونےدیں، قوم کی دعائیں اور سپورٹ سرفراز اور ٹیم کے ساتھ ہیں۔

    دوسری جانب سینیٹرفیصل جاوید نے کہا ورلڈکپ میں پاکستان اپنی مہم کاآغازکرچکی ہے، پاکستان ٹیم کےلئےنیک خواہشات کااظہارکرتےہیں، ہم باصلاحیت ہیں اورانشا اللہ آپ زبردست رہیں گے، جتنی زیادہ محنت کریں گے، کامیابی ملنے پر اتنی ہی خوشی ہوگی۔

    خیال رہے قومی ٹیم نے ورلڈکپ دو ہزار انیس کے سفر کا آغاز کردیا، پاکستان ٹیم دو بار کی عالمی چیمپیئن ویسٹ انڈیز کی ٹیم سے ٹرینٹ برج میں مد مقابل ہے۔

    ویسٹ انڈیز نے ٹاس جیت کر فیلڈنگ کا فیصلہ کیا ہے، پاکستان ٹیم کی بیٹنگ جاری ہے، میچ کے آغاز پر ہی اوپنر امام الحق صرف دو رن بنا کر آوٹ ہوگئے، اب تک 35 رنز پر دو وکٹیں گر چکی ہے۔

  • پاکستان اورفلسطین کے درمیان دوستانہ میچ، فٹبال ٹیم اردن روانہ

    پاکستان اورفلسطین کے درمیان دوستانہ میچ، فٹبال ٹیم اردن روانہ

    لاہور: فلسطین کے ساتھ دوستانہ میچ کھیلنے کے لیے پاکستان فٹبال ٹیم براستہ دبئی اردن روانہ ہوگئی، پاکستانی ٹیم میچ کے لیے اردن کے راستے فلسطین جائے گی۔

    تفصیلات کے مطابق فلسطین اورپاکستان کی ٹیموں کے مابین دوستانہ میچ 16 نومبر کو کھیلا جائے گا جس کے لیے ٹیم اردن کے لیے روانہ ہوچکی ہے۔

    پاکستان فٹبال ٹیم کے اسکواڈ میں17 کھلاڑی اور 4 آفیشلز شامل ہیں، منتخب کھلاڑیوں میں یوسف اعجاز بٹ، احسان اللہ، عمر حیات، ارسلان علی، نوید احمد، ذیشان رحمان، مہدی حسن، یعقوب اعجاز، عدنان یعقوب، صدام حسین، عمیر علی، حسن بشیر، محمد علی، محمودخان، نوید رحمان اور منصور قومی فٹبال ٹیم اسکواڈ میں شامل ہیں۔

    ہیڈ کوچ جوز انتونیو ناگورا، معاون محمد حبیب، ٹرینر جوز پورٹیلا، محمد عدنان ٹیم کے ہمراہ ہیں۔

    ہیڈکوچ جوزانتونیوناگورا کا کہنا ہے کہ پاکستان ٹیم کا زیادہ سے زیادہ انٹرنیشنل میچز کھیلنا ضروری ہے، پی ایف ایف کی طرف سے کھلاڑیوں کو ہر ممکن مواقع فراہم کیے جا رہے ہیں۔

    ان کا مزید کہنا تھا کہ امید ہے ٹیم بہتری کی طرف اپنا سفر جاری رکھے گی۔ دوسری جانب صدر پی ایف ایف فیصل صالح حیات نے پاکستان ٹیم کے لیے نیک خواہشات کا اظہار کیا۔

    ان کا کہنا تھا کہ انٹرنیشنل مصروفیات کھلاڑیوں کی کارکردگی میں کردارادا کرے گی، فیڈریشن اپنے وسائل کھلاڑیوں پر خرچ کرنے پر یقین رکھتی ہے۔

  • مستقبل میں قیادت کی پیشکش ہوئی تو انکار نہیں کروں گا، یونس خان

    مستقبل میں قیادت کی پیشکش ہوئی تو انکار نہیں کروں گا، یونس خان

    ایڈیلیڈ: قومی ٹیم کے مڈل آرڈر بیٹسمین یونس خان کا کہنا ہے کہ ورلڈ کپ کے بعد انہیں کپتانی کی پیشکش ہوئی تو وہ انکار نہیں کریں گے۔

    ورلڈ کپ میں تو یونس خان ٹیم کے لئے کچھ کر نہیں سکے لیکن پھر بھی انکے ارمان ختم نہیں ہوئے، آؤٹ آف فارم یونس خان نے کپتانی کا خواب ایک بار پھر آنکھوں میں سجالیا ہے۔

    ایڈیلیڈ میں میڈیا سے گفتگو کرتے ہوئے یونس خان کا کہنا ہے کہ مستقبل میں قیادت کی پیشکش ہوئی تو وہ انکار نہیں کریں گے، انہوں نے مزید کہا کہ  اپنی زندگی میں بہت غلطیاں کی ہیں اور انسان غلطیوں سے ہی سیکھتا ہے۔ میری خواہش ہے کہ ٹیم ورلڈ کپ کے فائنل میں پہنچے اور ٹائٹل جیتے۔

    یونس خان نے کہا کہ وہ ٹیم اور ملک کے مفاد کے لئے کوئی بھی قدم اٹھانے سے گریز نہیں کرتے، اسی لئے وہ ہر پوزیشن پر کھیلنے کے لیے تیار رہتے ہیں۔

  • قومی کرکٹ ٹیم نے نیٹ پریکٹس کا آغاز کردیا

    قومی کرکٹ ٹیم نے نیٹ پریکٹس کا آغاز کردیا

    سڈنی : پاکستان کرکٹ ٹیم ورلڈ کپ کی تیاریوں کے لئے سڈنی میں نیٹ پریکٹس میں مصرو ف ہے۔ قومی ٹیم پہلا وارم اپ میچ نو فروری کو بنگلہ دیش کے خلاف کھیلے گی۔

    قومی ٹیم ان دنوں سڈنی میں بھرپور پریکٹس میں مصروف ہے۔ محمد حفیظ گھٹنے کی انجری کے سبب پریکٹس سیشن میں حصہ نہیں لے رہے ہیں۔ پے در پے شکست کے بعد کوچز کھلاڑیوں کی خامیوں کو دور کرنے کی کوششوں میں لگے ہوئے ہیں۔

    کھلاڑیوں کو بولنگ اور بیٹنگ کے ساتھ فیلڈنگ کی بھی پریکٹس کرائی جارہی ہے۔ فیلڈنگ کوچ قومی کھلاڑیوں کی جانب سے کیچز ڈراپ کرنے کی پرانی عادت کی وجہ سے کافی پریشان ہیں۔

    کھلاڑیوں کی خامیوں کے دور کرنے کے ساتھ ان کا اعتماد بحال کرنے کے لئے لیکچرز بھی دیئے جارہے ہیں۔ قومی ٹیم دو دن اور پریکٹس کرے گی جس کے بعد نو فروری کو بنگلہ دیش کے خلاف پہلا وارم میچ کھیلے گی ۔

    بارہ فروری کو انگلینڈ کے خلاف دوسرے وارم میچ کھیلا جائے گا۔ پندرہ فروری کو قومی ٹیم ورلڈ کپ کے سب سے بڑے مقابلے میں بھارت کے مدمقابل آئے گی۔

  • دو ہزارچودہ میں پاکستان ٹیسٹ کرکٹ پرایک نظر

    دو ہزارچودہ میں پاکستان ٹیسٹ کرکٹ پرایک نظر

     کراچی: پاکستان کرکٹ ٹیم نے دوہزار چودہ ٹیسٹ کرکٹ میں کیا کھویا کیا پایا۔پاکستان کرکٹ ٹیم کی رواں سال ٹیسٹ سیریز اختتام پذیر ہوگئیں۔ گرین شرٹس کی جیت کا تناسب ففٹی ففٹی رہا۔

    پاکستان نے چار سیریز کھیلیں۔ جس میں مجموعی طور پر دس میچز ہوئے۔ پاکستان نے چار جیتے، چار ہارے اور دو ڈرا رہے۔ متحدہ عرب امارات میں سری لنکا کے خلاف سیریز ایک ایک سے برابر ہوئی۔

    دورہ سری لنکا میں شاہینوں کو ناکامی کا سامنا کرنا پڑا۔ آسٹریلیا کو یو اے ای میں تیس سال بعد کلین سوئپ کیا۔ رواں سال کی آخری ٹیسٹ سیریز کیویز کے خلاف برابری پر ختم ہوئی۔

    پاکستان کے تجربہ کار بیٹسمین یونس خان بارہ سو تیرہ رنز کے ساتھ سب سے نمایاں بیٹسمین رہے۔ یونس نے چھ سنچریز کے ساتھ سب کو پیچھے چھوڑ دیا۔

    کپتان مصباح الحق نے چار سینچریز کی مدد سے آٹھ سو بیاسی رنز  بنائے۔ مصباح نے ٹیسٹ کی تیز ترین نصف سنچری اور تیز سنچری کا ریکارڈ برابر کیا۔

    بولنگ میں لیگ اسپنر یاسر شاہ نے دھوم مچائی. یاسر نے پانچ میچز میں ستائیس بیٹسمینوں کا شکار کیا,ذوالفقار بابر بھی ستائیس وکٹیں حاصل کرکے دوسرے اور جنید خان اٹھارہ وکٹوں کے ساتھ تیسرے نمبر پر رہے۔

  • پاکستان ٹیم پہلی اننگزمیں 393 رنز پر آؤٹ

    پاکستان ٹیم پہلی اننگزمیں 393 رنز پر آؤٹ

    دبئی: دبئی ٹیسٹ کے چوتھے روز نیوزی لینڈ کی پہلی اننگز کے جواب میں پاکستان ٹیم تین سو ترانوے رنز پر آؤٹ ہوگئی ہے، سرفراز احمد کی شاندار سنچری پاکستان ٹیم کو میچ میں واپس لے آئی۔

    دبئی میں کھیلے جارہے ٹیسٹ میچ کے چوتھے روز پاکستان نے اپنی پہلی نامکمل اننگز دو سو اکیاسی رنز چھ کھلاڑی آؤٹ سے دوبارہ شروع کی۔ ٹیل اینڈرز کیساتھ ملکر وکٹ کیپر سرفراز احمد نے اسکور میں اضافہ کیا اور پاکستان کو نیوزی لینڈ کیخلاف مستحکم پوزیشن میں لانے کی بھرپور کوشش کی۔

    آخری وکٹ کی شراکت میں سرفراز احمد نے راحت علی کیساتھ ملکر اسکور میں اکیاسی رنز جوڑے اور کیریئر کی تیسری سنچری بنائی۔ برینڈن میک کلم نے سرفراز احمد کو ایک سو بارہ رنز پر آؤٹ کرکے پاکستان کی اننگز تین سو ترانوے رنز پر ختم کردی۔

    پہلی اننگز میں نیوزی لینڈ کو دس رنز کی سبقت حاصل رہی۔ ٹم ساؤتھی نے تین، ٹرینٹ بولٹ اور اش سودھی نے دو دو وکٹیں حاصل کیں، نیوزی لینڈ کی دوسری اننگز جاری ہے۔

  • اوپنرزکی انجری پریشانی کی بات ہے، مصباح الحق

    اوپنرزکی انجری پریشانی کی بات ہے، مصباح الحق

    ابوظہبی: پاکستان اور نیوزی لینڈ کے درمیان سیریز کا دوسرا ٹیسٹ کل سے دبئی میں کھیلا جائے گا، پاکستان ٹیم کے کپتان مصباح الحق کا کہنا ہے کہ محمد حفیظ اور احمد شہزاد کا انجرڈ ہونا پریشانی کی بات ہے، حفیظ کی شمولیت کا فیصلہ میچ سے پہلے کیا جائے گا۔

    پاکستان ٹیم کے کپتان مصباح الحق کا کہنا ہے کہ اوپنرز بھرپور فارم میں تھے، محمد حفیظ اور احمد شہزاد کی انجری پریشانی کی بات ہے،توفیق عمر اور شان مسعود اوپنرز کے متبادل کے طور پر بہترین چوائس ہے،احمد شہزاد سر پر چوٹ لگنے سے پہلے سے ٹیسٹ سیریز باہر ہوچکے ہے۔

    دوسرے ٹیسٹ کیلئے محمد حفیظ کی شرکت بھی مشکوک ہے، مصباح الحق کا کہنا ہےکہ محمد حٖفیظ کی پلیئنگ الیون میں شمولیت کا فیصلہ میچ سے پہلے کرینگے،مصباح الحق کا کہنا ہےکہ ٹیم مکمل فارم میں ہے، جیت کےتسلسل کو برقرار رکھنے کی بھرپور کوشش کرینگے۔

  • سچن ٹنڈولکر نے پہلا میچ بھارت کے خلاف کھیلا تھا

    سچن ٹنڈولکر نے پہلا میچ بھارت کے خلاف کھیلا تھا

    ممبئی: دنیا جانتی ہے کہ ممتاز بلے بازسچن ٹنڈولکر نے اپنا پہلا میچ بھارت کی جانب سے 1989 میں پاکستان کے خلاف کھیلا تھا، لیکن کیا آپ یہ جانتے ہیں کہ انہوں نے پہلی بار بین الاقوامی کرکٹ میں شمولیت اس میچ سے بھی دو سال قبل کی تھی ، وہ بھی پاکستان کی جانب سے بھارت کے خلاف، ہے نا حیرت انگیز بات۔

    سن 1987 میں جب کہ پاکستانی ٹیم بھارت کا دورہ کررہی تھی تو ممبئی کے بربورن اسٹیڈیم میں ایک دوستانہ میچ کے دوران سچن ٹنڈولکر کو عمران خان کی ٹیم میں متبادل فیلڈر کے طورپربھیجا گیا تھا۔

    جاوید میانداد اور عبدالقادر دوپہر کے کھانے کے لئے میدان چھوڑ گئیے اور ان کی جگہ فیلڈنگ کے لئے میدان میں آگئے۔ عمران خان نے سچن کو لانگ آن پر فیلڈنگ کے لئے بھیجا اور اسی دوران کپل دیو نے انتہائی اونچا شاٹ کھیلا اور پندرہ میٹر بھاگنے کے باوجود سچن بال تک نہیں پہنچ سکے۔

    اپنی کتاب ’ پلےانگ اٹ مائی وے‘ میں ٹنڈولکر نے اس واقعے کو یاد کرتے ہوئے لکھا کہ وہ کپل کا کیچ پکڑ سکتے تھے اگر انہیں لانگ آن کے بجائےمڈ آن پر کھڑا کیا جاتا۔

    انہیں نےمزید لکھا کہ ’’میں نہیں جانتا کہ عمران خان کو یاد بھی ہے کہ نہیں کہ ایک بار میں نے پاکستان کے لئے فیلڈنگ کی تھی‘‘۔