واشنگٹن: امریکی قونصلیٹ جنرل کراچی نے ایک ٹویوٹا ایف جے کروزر کی تصاویر شیئر کی ہیں جسے مشہور پاکستانی ٹرک آرٹسٹ حیدر علی نے واشنگٹن ڈی سی میں ٹرک آرٹ کے شاہکار میں تبدیل کیاہے۔
گزشتہ چند سالوں سے پاکستانی ٹرک آرٹ نے دنیا کے مختلف علاقوں میں پذیرائی حاصل کرنا شروع کردی ہے اور پاکستانی کلچر کے اس دلچسپ نمونے کو بے پناہ سراہا جارہا ہے۔
حیدر علی کا دعویٰ ہے کہ اس کا خاندان گزشتہ 60 سال سے یہ کام انجام دے رہا ہے اور برصغیر کا یہ واحد آرٹ ہے جس میں پاکستان کا کوئی ثانی نہیں ہے۔
پاکستانی ٹرک آرٹ آرٹسٹ حیدر علی امریکا کے دورے پر ہیں جہاں وہ اس آرٹ کے چاہنے والوں کے لئے حسین شاہکار تخلیق دے رہے ہیں، انھوں نے دیکھتے ہی دیکھتے انتہائی مہارت کے ساتھ اس گاڑی کا حلیہ بدل ڈالاہے۔
حیدر علی نا صرف پوری دنیا میں اپنے فن کی ترویج کے لئے سفر کرتے ہیں بلکہ وہ اپنے فن کو امن کے پیامبر کے طور پر بھی استعمال کرتے ہیں جیساکہ انہوں نے ایک ٹرک عید کے تحفے کے طورپرتیارکرکے بھارت کو دیا۔
حیدر علی کا کراچی کے علاقے گارڈن ایسٹ اور ماری پور میں ورک شاپ ہے، وہ امریکہ، انگلینڈ، ترکی اوربھارت کا دورہ کرچکے ہیں۔
ٹرک آرٹ کسے پسند نہیں۔ کیا آپ کو معلوم ہے کہ پاکستانی ٹرک آرٹ آرٹسٹ حیدر علی امریکا کے دورے پر ہیں جہاں وہ اس آرٹ کے چاہ…
Posted by U.S. Consulate General Karachi on Sunday, August 9, 2015