حکومت نے پارلیمنٹ کے مشترکہ اجلاس میں انتخابی قوانین میں اہم ترامیم منظور کرانے کا فیصلہ کیا ہے، جس میں اوورسیز پاکستانیوں کو کو ووٹ کا حق دینے کے فیصلہ واپس لینے کی ترمیم بھی شامل ہے۔
اے آر وائی نیوز کے مطابق حکومت نے بیرون ملک مقیم پاکستانیوں کو ووٹ کا حق دینے اور آئندہ انتخابات الیکٹرونک ووٹنگ مشین سے کرانے کے سابق حکومت کے فیصلے کو رول بیک کرنے کیلیے پارلیمنٹ کے مشترکہ اجلاس میں انتخابی قوانین میں اہم ترامیم منظور کرانے کا فیصلہ کیا ہے۔
اس حوالے سے ذرائع نے اے آر وائی نیوز کو بتایا ہے کہ پارلیمنٹ کے مشترکہ اجلاس میں انتخابی قوانین میں جو اہم ترامیم منظور کرائی جائیں گی اس میں بیرون ملک مقیم پاکستانیوں سے ووٹ کا حق واپس لینے کی ترمیم بھی شامل ہے جب کہ اس کے متبادل ان کے لیے پارلیمنٹ میں نشستیں مختص کرنے کی تجویز شامل ہوگی۔آئندہ انتخابات الیکٹرانک ووٹنگ مشین سے کرانے کا سابق حکومت کا فیصلہ واپس لینے کی ترمیم بھی شامل ہے۔
ذرائع نے بتایا کہ ان ترامیم میں آئندہ انتخابات الیکٹرانک ووٹنگ مشین سے کرانے کا سابق حکومت کا فیصلہ واپس لینے کی ترمیم بھی شامل ہے۔
یہ بھی پڑھیں: کابینہ نے الیکشن ترمیم 2022 بل منظور کر لیا
واضح رہے کہ گزشتہ روز وزیراعظم کی زیر صدارت وفاقی کابینہ کے اجلاس میں الیکشن ترامیم 2022 کی منظوری دی گئی تھی۔
