ماہ رمضان میں افطار کے بعد چائے پینا زیادہ تر لوگوں کیلیے بے حد ضروری ہوتا ہے لیکن چائے کیسے اور کب پینی اور کب نہیں پینی چاہیے اس کا خیال رکھنا بھی ضروری ہے۔
افطاری کے لوازمات میں پکوڑے لازمی چیز تصور کیے جاتے ہیں جس کے بغیر دسترخوان ادھورا سا لگتا ہے۔ لیکن کیا آپ جانتے ہیں کہ پکوڑوں کے بعد چائے پینا کس قدر نقصان دہ ہے؟
اس حوالے سے ماہرین صحت کا کہنا ہے کہ چائے کے ساتھ پکوڑے کھانے سے نظام ہاضمہ متاثر ہوسکتا ہے، چونکہ تیل میں بنائے گئے پکوان پہلے ہی غیر صحت بخش مانے جاتے ہیں اور چائے کے ساتھ تو ان کا استعمال خاص طور پر ہاضمے پر منفی اثرات مرتب کرسکتا ہے۔
ماہرین صحت کے مطابق کچھ غذاؤں کو صحت بخش بنانے کیلیے احتیاطی تدابیر اختیار کی جائیں تو اس مسئلے سے محفوظ رہا جاسکتا ہے۔
مثال کے طور پر چائے میں ادرک، دارچینی اور الائچی شامل کرنے سے نہ صرف چائے کا ذائقہ بڑھتا ہے بلکہ اس سے صحت کے فوائد بھی حاصل ہوتے ہیں۔
اس کے علاوہ آپ کالی مرچ اور الائچی پاؤڈر ڈال کر چائے کو زیادہ صحت بخش بنا سکتے ہیں کیونکہ کالی مرچ جسم کو غذائی اجزا بہتر طریقے سے جذب کرنے میں مدد دیتی ہے جبکہ الائچی نہ صرف ذائقہ بہتر کرتی ہے بلکہ ہاضمے میں بھی معاون ثابت ہوتی ہے۔
ماہرین صحت کا یہ بھی کہنا ہے کہ پکوڑوں کو تلنے کے بجائے بیک یا ایئر فرائی کیا جائے تاکہ ان سے صحت مند طریقے سے لطف اندوز ہوا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
