پاکپتن: پنجاب کے شہر پاکپتن میں پولیس وردی پہن کر ڈکیتی کرنے والے گینگ کے 4 کارندے گرفتار ہو گئے۔
تفصیلات کے مطابق پاکپتن میں پولیس نے ایک ڈکیت گروہ کے چار کارندوں کو گرفتار کر لیا ہے جو پولیس کی وردی پہن کر وارداتیں کیا کرتے تھے۔
پولیس حکام کا کہنا ہے کہ ڈاکو سڑک پر پولیس کی وردیاں پہن کر گاڑیاں لوٹتے تھے، اور انھوں نے گھی کی ایک ایجنسی میں بھی واردات کی تھی، جس کی سی سی ٹی وی فوٹیج بھی سامنے آئی تھی۔
پولیس حکام کے مطابق ڈاکوؤں کی شناخت سی سی ٹی وی فوٹیج کے ذریعے کی گئی ہے، گرفتاری کے بعد ان سے نقدی، موٹر سائیکل اور چھینی ہوئی ایک کار برآمد ہوئی۔
پاکپتن : حضرت بابا فرید الدین مسعود گنج شکر کے عرس کی تقریبات جاری ہیں، بہشتی دروازہ آج شب کھولا جائے گا، دربار کے اطراف سیکورٹی سے سخت انتطامات کیے گئے ہیں۔
تفصیلات کے مطابق پاکپتن میں حضرت بابا فرید الدین مسعود گنج شکر کے 779ویں سالانہ عرس مبارک کی تقریبات عقیدت واحترام سے جاری ہیں۔
عرس کی سب سے بڑی رسم بہشتی دروازہ آج شب کھولا جائے گا۔ محکمہ اوقاف کی جانب سے تمام تر انتظامات مکمل کرلیے گئے ہیں۔ پاکپتن کے ڈپٹی کمشنر رانا شکیل اسلم اور ڈی پی او فیصل مختار نے دربار کا دورہ کیا،
رسومات میں ختم خواجہ خواجگان، رسم قوالی، شکر مکھانے اور خاص تبرک تقسیم کیے گئے اس موقع پر ملک و قوم کی سلامتی، کورونا وباء کے خاتمے اور کشمیریوں کی آزادی کے لیے خصوصی دعائیں کی گئیں۔
رواں سال کورونا وباء کے پیش نظر دربار پر عرس کی تقریبات کا انتہائی محدود انتظام کیا گیا ہے اور دوسرے شہروں سے آنے والے زائرین کو عرس تقریبات میں شرکت کی اجازت نہیں دی گئی۔
عرس کے موقع پر پاکپتن پولیس کی جانب سے سیکیورٹی کے فول پروف انتظامات کیے گئے ہیں۔ ٹاؤن ہال سے لے کر مچھلی چوک تک عارضی اور لوہے کے گیٹ لگا کر مین بازاروں اور سڑکوں کو سیل کر دیا گیا ہے جبکہ پولیس کی بھاری نفری تعینات کی گئی ہے۔
پاکپتن : برصغیر پاک و ہند کے عظیم بزرگ حضرت بابا فرید الدین گنج شکرؒ کے 779 ویں عرس کی تقریبات کا آغاز کل سے ہوگا، کورونا وائرس کے خدشات کے پیش نظر محدود تقریبات کا اہتمام کیا جارہا ہے۔
اس حوالے سے ذرائع کا کہنا ہے کہ حضرت بابا فرید کے779 ویں عرس کی باقاعدہ تقریبات کل سےشروع ہوں گی، کورونا وبا کے باعث عرس محدود طریقے پر منایا جائے گا۔
انتظامیہ کے مطابق بہشتی دروازہ 5روز کے بجائے صرف 2روز کیلئےعلامتی طور پر کھولا جائے گا، عرس کی تقریبات میں عام زائرین کو شرکت کی اجازت نہیں ہوگی۔
عرس مبارک کی تقریبات کے لئے پولیس کی جانب سے سخت سکیورٹی انتظامات کیے گئے ہیں جگہ جگہ اہلکار الرٹ کھڑے ہیں۔ کورونا ایس او پیز کے تحت پولیس اہلکار مقامی زائرین کو ہینڈ سینیٹائز کرنے کے بعد داخلے کی اجازت دے رہے ہیں۔
اس کے علاوہ عرس کے موقع پر مزار پر رش کم کرنے کیلئے دربار کی جانب جانے والے راستوں کو رکاوٹیں لگا کر بند کرنا شروع کردیا گیا ہے۔
کورونا وائرس کی چوتھی لہر کے باعث عرس مبارک کی تقریبات کو محدود کرنے کے ساتھ ساتھ دیگر شہروں سے آنے والے زائرین کو شرکت کی اجازت نہیں دی گئی ہے۔
پاکپتن : گزشتہ ماہ قتل ہونے والی خاتون کے قتل کے واقعہ کا ڈراپ سین ہوگیا، پولیس نے دو ملزمان گرفتار کرلیے جبکہ ابتدائی تحقیقات میں خاتون سے زیادتی ثابت نہ ہوسکی۔
رواں سال اکتوبر کی 31تاریخ کو مبینہ طور پر ذیادتی کے بعد قتل کی جانے والی خاتون کے قتل میں ملوث دو ملزمان کو پولیس نے گرفتار کرلیا، ایک ملزمہ پہلے ہی گرفتار ہو چکی ہے۔
پولیس کی کارروائی کے بعد گاؤں بھیلہ میں اجتماعی زیادتی کے بعد خاتون کے قتل کے واقعہ میں نیا موڑ آ گیا، اس حوالے سے ڈی پی او نجیب الرحمن کے مطابق ابتدائی تحقیقات میں خاتون سے زیادتی کا الزام ثابت ثابت نہیں ہوسکا۔
ڈی پی او پاکپتن پولیس کے مطابق واقعہ کی مزید تفتیش کے لیے نمونہ جات فرانزک لیب کو بھجوا دیئے گئے، اکتوبر کو مرکزی ملزمہ کے گھر سے خاتون کی صندوق بند لاش ملی تھی۔ ملزمان جتنے بھی چالاک کیوں نہ ہوں قانون کی گرفت سے نہیں بچ سکتے۔
واضح رہے کہ پاکپتن میں مبینہ طور پر اجتماعی زیادتی کے بعد قتل کی جانے والی خاتون کی لاش پڑوسن کے گھر میں صندوق سے برآمد ہوئی تھی۔ ملزمہ مقتولہ کو بہانے سے اپنے گھر لے کرگئی۔
پولیس کے مطابق گرفتار ملزمہ کا کہنا ہے کہ ملزمان نے پکڑے جانے کے خوف سے خاتون کو قتل کیا۔مقتولہ کے پوسٹ مارٹم کے بعد مقتولہ کے بھائی کی مدعیت میں چار افراد کیخلاف مقدمہ درج کیا گیا تھا۔
پاکپتن : حضرت بابا فریدالدین گنج شکر کے سات سو ستترویں عرس کی تقریبات پاکپتن میں اپنے عروج کو پہنچ گئیں، محافل سماع کے دوران ملک کے نامور قوال حدیہ عقیدت پیش کررہے ہیں۔
تفصیلات کے مطابق سلسلہ چشتیہ کے عظیم صوفی بزرگ حضرت بابا فرید الدین مسعود گنج شکر کے 777 ویں سالانہ عرس کی تقریبات اپنے عروج کو پہنچ گئیں۔
دنیا بھر سے آئے لاکھوں زائرین تقریبات میں شرکت کر کے فیض و برکات سمیٹ رہے ہیں۔ پندرہ لاکھ سے زائد زائرین عرس میں شرکت کے لئے پاکپتن آئَے ہیں، ان میں مسلمانوں کے ساتھ ساتھ ہندو ، سکھ اور دیگر مذاہب کے زائرین بھی شامل ہیں۔
اے آر وائی نیوز کے نمائندے امداد حسین کے مطابق اولاد گنج شکر پیر عبدالظاہر چشتی کا کہنا ہے کہ زائرین کے لیے قیام و طعام کا وسیع انتظام کیا ہے۔
عرس کی تقریبات میں محافل سماع کا انعقاد کیا گیا ہے جس میں ملک کے نامور قوال کلام پیش کررہے ہیں۔ حضرت بابا فریدالدین گنج شکر کے عرس میں لاکھوں عقیدت مند شرکت کر کے فروغ اسلام کےلیے بابا جی خدمات کو خراج عقیدت پیش کررہے ہیں۔
پاکپتن : برصغیر پاک وہند کے عظیم صوفی بزرگ حضرت بابا فرید الدین مسعود گنج شکرؒ کے سات سوستترویں سالانہ عرس کی پندرہ روزہ تقریبات کا آغاز آج سے پاکپتن میں ہورہا ہے۔
تفصیلات کے مطابق حضرت با با فرید گنج شکررحمۃ اللہ علیہ کے پندرہ روزہ عرس میں آج غسل، چادر پوشی اور دعا کی تقاریب سے آغاز ہوگا جبکہ پانچ محرم الحرام سے عاشورہ تک جنتی دروازہ کھلا رہے گا۔
عرس کے موقع پرمقامی انتظامیہ اورپولیس کی جانب سے تمام حفاظتی اقدامات مکمل کرلیے گئے ہیں،عرس کی تقاریب شرکت کیلئے اندرون اوربیرون ملک سے زائرین کی بڑی تعداد کی آمد کا سلسلہ پاکپتن میں شروع ہوگیا ہے۔
عرس میں شرکت کیلئے بھارت سے زائرین بھی پہنچ گئے ہیں جبکہ پندرہ لاکھ سے زائد زائرین عرس میں شرکت کے لئے پاکپتن آئَے ہیں، ان میں مسلمانوں کے ساتھ ساتھ ہندو ، سکھ اور دیگر مذاہب کے زائرین بھی شامل ہیں۔
عرس کے موقع پرمزار کے ارد گرد کے علاقے کو ریڈ زون قرار دے دیا گیا ہے، انتظامیہ نے سیکیورٹی کے فول پروف انتظامات کئے ہیں۔
مزار شریف کی پُرنور فضا نعرہ تکبیر اللہ اکبر اور حق فرید ؒ یا فریدؒ کے نعروں سے معطر ہے اور زائرین مزار شریف اپنی حاجات کی پوری ہونے کے لیے دعائیں کر رہے ہیں اور فاتحہ خوانی کر رہے ہیں اور چادر چڑھا رہے ہیں۔
اس موقع پرسجادہ نشین کی جانب سے ملک کی ترقی اور خوشحالی کے لیے خصوصی دعائیں مانگی جائیں گی، بہشتی دروازہ مسلسل 5 راتوں تک کھلا رہے گا جس سے عقیدت مند گزریں گے۔
پاکپتن : مسلح افراد نے بیکری پر دھاوا بول کر ہزاروں مالیت کی نقدی اور موبائل فون چھین لیے، مزاحمت پر دکان مالک کوتشدد کا نشانہ بنایا اور فرار ہوگئے۔
تفصیلات کے مطابق پاکپتن میں بیکری پر لوٹ مارکے دوران مزاحمت پر ڈاکوؤں نے تشدد کرکے مالک کو شدید زخمی کردیا، واردات کی سی سی ٹی وی فوٹیج اے آر وائی نیوز کو موصول ہوگئی۔
پاکپتن کے جنرل بس اسٹینڈ کے قریب بیکری میں دو موٹرسائیکل سوار ڈاکو داخل ہوئے، مسلح افراد نے دکان میں موجود عملے اور گاہکوں کو یرغمال بنالیا، ڈاکوؤں نے ہزاروں روپے کی نقدی اور موبائل فون لوٹ لیے۔
بیکری مالک نے مزاحمت کی تو ملزمان نے تشدد کا نشانہ بنایا اور آسانی سے فرار ہوگئے، شہر میں لوٹ مار کی وارداتوں میں اضافے کے باعث شہریوں میں عدم تحفظ کا احساس بڑھ گیا ہے۔
ورثا کا کہنا ہے کہ ملزم نے بچی کو ورغلا کر زیادتی کا نشانہ بنایا، زیادتی کے بعد ملزم نے بچی کو نشہ آور جوس پلایا، جبکہ پولیس ملزم کے خلاف کاروائی نہیں کر رہی۔
خیال رہے کہ رواں سال جنوری میں خیبر پختونخواہ کے شہر مردان میں کمسن بچی سے زیادتی کا ایک اور ہولناک واقعہ پیش آیا تھا، گوجر گڑھی کے علاقے جندر پار میں 4 سالہ بچی عاصمہ کو مبینہ طور پر زیادتی کے بعد قتل کر کے لاش کھیتوں میں پھینک دی گئی تھی۔
یاد رہے کہ جون 2015 میں شیخوپورہ کے نواحی علاقے مانانوالہ میں پینتالیس سالہ شخص شاہد عرف شادو نے مبینہ طورپرسات سالہ معصوم بچی کو اپنی ہوس کا نشانہ بناڈالا تھا۔
پاکپتن : مسیحاؤں کی مجرمانہ غفلت کے باعث مریضہ چل بسی، ڈاکٹروں کا کہنا ہے کہ ممذکورہ لڑکی اسپتال میں مردہ حالت میں لائی گئی، سی سی ٹی وی فوٹیج نے پول کھول دیا، وزیر اعلیٰ پنجاب نے واقعے کا نوٹس لے کر رپورٹ طلب کرلی۔
تفصیلات کے مطابق پاکپتن کے ڈی ایچ کیو اسپتال میں ڈاکٹروں کی غفلت نے دل کی تکلیف کی شکار مریضہ کی جان لے لی، ڈاکٹروں کا مؤقف ہے کہ مریضہ مردہ حالت میں اسپتال لائی گئی تھی، تاہم اسپتال کی سی سی ٹی وی فوٹیج نے اسپتال انتظامیہ کی غفلت کا پول کھول دیا۔
ڈی ایچ کیو اسپتال انتظامیہ نے لڑکی کے علاج کے بجائے اس کے شوہر سے شناختی کارڈ لانے پر اصرار کیا، سی سی ٹی وی فوٹیج میں دیکھا جاسکتا ہے کہ مرحومہ کو3بج کر58منٹ 20سیکنڈ پر اسپتال لایا گیا، مرحومہ کو علاج کے لئے4بج کر52منٹ پر ایمرجنسی میں لایا گیا۔
مرحومہ تقریباً ایک گھنٹہ تک اسپتال کے استقبالیہ پر تڑپتی رہی، فوٹیج کے مطابق مرحومہ کا جب علاج شروع ہوا تو تب تک وہ انتقال کر چکی تھی، مرحومہ کے شوہر سے انگوٹھا لگوانے کیلئے علاج انتقال کے بعد کا ڈرامہ کیا گیا، لڑکی کے ورثاء نے وزیراعظم اور چیف جسٹس سے نوٹس لینے کی اپیل کی ہے۔
اس سے قبل اے آر وائی نیوز پر خبر نشر ہونے کے بعد وزیر اعلیٰ پنجاب عثمان بزدار نے بروقت علاج نہ ملنے پر لڑکی کی ہلاکت کا سختی سے نوٹس لیا، انہوں نے ڈپٹی کمشنر پاکپتن کو انکوائری کرکے رپورٹ پیش کرنے کا حکم دے دیا۔
وزیراعلیٰ پنجاب نے ہدایات جاری کی ہیں کہ کل صبح9بجے تک انکوائری رپورٹ پیش کی جائے، واقعے جو بھی ذمہ دارہوا اس کے خلاف سخت کارروائی ہوگی، وزیراعلیٰ پنجاب نے جاں بحق لڑکی کے لواحقین سے تعزیت کا اظہار بھی کیا ہے۔
پاکپتن: پنجاب کے ضلع پاکپتن میں 7 سالہ معصول بچی سے زیادتی کا واقعہ سامنے آیا، متاثرہ بچی کو اسپتال منتقل کردیا گیا۔
تفصیلات کے مطابق معصول کلی کو مسلح نوجوان نے اپنی ہوس کا نشانہ بنایا، بچی کو تشویش ناک حالت میں اسپتال منتقل کیا گیا جہاں اسے طبی امداد فراہم کی جارہی ہے۔
مقامی پولیس کا کہنا ہے کہ میڈیکل رپورٹ میں بچی سے زیادتی کی تصدیق ہوچکی ہے، جبکہ واقعے کا مقدمہ درج کر کے ملزمان کی گرفتاری کے لیے چھاپے مارے جارہے ہیں۔
قبل ازیں لاہور کے علاقے بادامی باغ میں گذشتہ ہفتے آٹھ سالہ بچی سے زیادتی کی کوشش کرنے والے ملزم کو گرفتار کیا گیا تھا، بعد ازاں متاثرہ بچی کے والدین نے چیف جسٹس سے انصاف کی اپیل کی تھی۔
خیال رہے کہ اعظم نامی ملزم نے بچی کو چاکلیٹ دلانے کے بہانے زیادتی کی کوشش کی لیکن اس کی چیخ و پکار پر بھاگ کھڑا ہوا، متاثرہ بچی کے عزیز کا کہنا تھا کہ ملزم عادی مجرم ہے، گھر والے ہمیشہ پیسے دے کر معاملہ دبا دیتے ہیں۔
علاوہ ازیں گذشتہ ماہ زیادتی کے بعد قتل کی جانے والی سات سالہ معصوم بچی فضا کا قاتل عبدالرزاق لاہور ایئرپورٹ سے گرفتار کیا گیا تھا۔
واضح رہے کہ سمن آباد کے علاقہ مطفر کالونی میں دو موٹر سائیکل سواروں نے سات سالہ بچی کو دکان جاتے ہوئے اغوا کیا تھا، گھر والوں کے تلاش کرنے پر رات گئے فضا کی لاش رضا آباد کے علاقے سے ملی تھی۔
