(11 اگست 2025): پاکپتن میں ترکھنی روڈ پر سی سی ڈی پولیس اور ڈاکوؤں میں فائرنگ کا تبادلہ ہوا اس دوارن 4 ڈاکو مارے گئے۔
ترجمان سی سی ڈی کے مطابق فائرنگ کے تبادلے میں چار ڈاکو ہلاک ہوگئے، مارے گئے ڈاکوؤں سے جدید اسلحہ اور گولیاں برآمد ہوئی ہیں، ڈاکوؤں کی فائرنگ سے ایک پولیس اہلکار زخمی ہوا۔
ترجمان کا کہنا ہے کہ ڈاکو کی فائرنگ سے زخمی ہونیوالے اہلکار کو اسپتال منتقل کر دیا گیا ہے، فائرنگ کے تبادلے میں پولیس گاڑی کو نقصان پہنچا ہے۔
ترجمان سی سی ڈی (کرائم کنٹرول ڈیپارٹمنٹ) کا مزید کہنا ہے کہ ڈاکوؤں نے پاکپتن کے ترکھنی روڈ پر ناکہ لگا رکھا تھا، پولیس کو دیکھ کر فائرنگ کردی۔
https://urdu.arynews.tv/karachi-car-thieves-arrested-orangi-avlc/
دوسری جانب کراچی کے علاقہ اورنگی ٹاؤن میں اے وی ایل سی نے فائرنگ کے تبادلے میں تین کار چور گرفتار کر لئے، پولیس کے مطابق ملزمان سے دو پستول، مسروقہ کار، گاڑیوں کے تالے توڑنے والی راڈ اور چابیاں برآمد ہوئیں۔
حکام کا کہنا ہے کہ ملزمان کی شناخت امان اللہ، ندیم اور نادِر علی کے نام سے ہوئی ہے، ملزم امان اللہ دو ہزار گیارہ سے جرائم میں ملوث ہے، ملزمان کا تعلق شہر کے بڑے منظم کار چور گروہ سے ہے، ملزمان کے ساتھی عمران اور زکریا مفرور ہیں۔
جن کی گرفتاری کیلئے چھاپے مارے جا رہے ہیں۔ ملزمان جھٹ پٹ بلوچستان کے رہائشی حاجی کو چوری کی گاڑیاں فروخت کرتے تھے۔ ملزمان کے خلاف مقابلے کے مقدمات تھانہ اقبال مارکیٹ میں درج کئے گئے ہیں۔
