ARYNews.tv | Urdu – Har Lamha Bakhabar

Tag: PAKvAUS

  • راولپنڈی ٹیسٹ: کینگروز کا ‘شاہینوں’ پر جوابی حملہ

    راولپنڈی ٹیسٹ: کینگروز کا ‘شاہینوں’ پر جوابی حملہ

    کینگروز نے راولپنڈی ٹیسٹ میں پاکستان کے 476 رنز کے جواب میں پُراعتماد آغاز کیا ہے۔

    تفصیلات کے مطابق راولپنڈی ٹیسٹ میں تیسرے روز کا کھیل جاری ہے، جہاں کھانے کے وقفے تک آسٹریلیا نے بغیر کسی نقصان کے 138 رنز بنالئے ہیں۔

    کینگروز نے تیسرے دن کھیل کا آغاز پر اعتماد طریقے سے کیا اور پاکستانی بولرز کے خلاف کھل کر اسٹروک کھیلے، عثمان خواجہ 70 اور ڈیوڈ وارنر60 رنز کے ساتھ کریز پر موجود ہیں، کینگروز کو پاکستان کی برتری ختم کرنے کے لئے مزید 338 رنز درکار ہیں جبکہ اس کی تمام وکٹیں باقی

    یہ بھی پڑھیں: راولپنڈی ٹیسٹ: دوسرے دن کا کھیل خراب روشنی کے باعث جلد ختم

    اس سے قبل گذشتہ روز پاکستان نے اپنی پہلی اننگز 476 رنز چار کھلاڑیوں آؤٹ پر ڈیکلیئر کردی تھی، پاکستان کی جانب سے تجربہ کار بیٹر اظہر علی نے 185 رنز کی عمدہ اننگز کھیلی، امام الحق نے بھی راولپنڈی ٹیسٹ کو یادگار بنایا اور اپنے ٹیسٹ کیریئر میں پہلی بار 150 رنز بناڈالے، امام الحق کی انفرادی اننگز کا خاتمہ 157 رنز پر ہوا۔

    قومی ٹیم کے اوپنر بیٹر عبداللہ شفیق نے 44 رنز بنائے جبکہ کپتان بابراعظم 36 رنز بناکر رن آؤٹ ہوئے، وکٹ کیپرمحمد رضوان نےبھی29رنزکی اننگزکھیلی، آسٹریلیا کی جانب سے پیٹ کمنز،لبوشین اور نیتھن لائن نے1،1وکٹ حاصل کی تھی۔

  • پاک آسٹریلیا ٹیموں کا ‘شین وارن ‘ کو خراج عقیدت، (ویڈیو دیکھیں)

    پاک آسٹریلیا ٹیموں کا ‘شین وارن ‘ کو خراج عقیدت، (ویڈیو دیکھیں)

    راولپنڈی ٹیسٹ کے دوسرے روز کھیل کے آغاز سے قبل پاکستان اور آسٹریلیا نے گزشتہ روز انتقال کرنے والے لیجنڈ لیگ اسپنر شین وارن کو خراج عقیدت پیش کیا ہے۔

    تفصیلات کے مطابق پنڈی ٹیسٹ کے دوسرے روز کھیل کے آغاز سے قبل دونوں ٹیموں نے پشاور دھماکے اور لیجنڈ آسٹریلوی کرکٹر شین وارن کی یاد میں ایک منٹ کی خاموشی اختیار کی۔

    دونوں ٹیموں کے کھلاڑیوں نے سیاہ پٹیاں باندھ کر شین وارن کو خراج عقیدت پیش کیا اور پشاور دھماکے میں شہید ہونے والوں کے لیے دعا کی۔

    دونوں ٹیمیں شین وارن کی یاد میں بازوپر سیاہ پٹیاں باندھ کر کھیل رہی ہے، یہ مسلسل دوسرا روز ہے جب آسٹریلوی ٹیم بازوؤں پر سیاہ پٹیاں باندھ کر کھیل رہی ہیں، گذشتہ روز آسٹریلیا کے سابق وکٹ کیپر راڈنی مارش 74 برس کی عمر میں چل بسے تھے۔

    آسٹریلیا کے سابق لیگ اسپنر شین وارن گزشتہ روز تھائی لینڈ میں دل کا دورہ پڑنے سے 52 برس کی عمر میں انتقال کر گئے تھے جبکہ پشاور میں بھی قصہ خوانی بازار میں نماز جمعہ کے دوران مسجد میں ہونے والے دھماکے میں 57 افراد شہید اور 100 سے زائد زخمی ہوئے تھے۔

    پاکستان کرکٹ بورڈ نے دونوں ٹیموں کی جانب سے شین وارن کو پیش کئے گئے خراج عقیدت کی ویڈیو جاری کردی ہے۔

  • ٹیسٹ سیریز کی چمچماتی ٹرافی سے پردہ اٹھ گیا

    ٹیسٹ سیریز کی چمچماتی ٹرافی سے پردہ اٹھ گیا

    راولپنڈی: پاکستان اور آسٹریلیا کے درمیان تاریخی ٹیسٹ سیریز کی ٹرافی کی رونمائی کردی گئی ہے۔

    تفصیلات کے مطابق راولپنڈی کرکٹ اسٹیڈیم میں دونوں ٹیموں کی پریکٹس کے دوران ٹرافی کی رونمائی کی، آسٹریلوی قائد پیٹ کمنز اور کپتان قومی ٹیم بابر اعظم نے چمچماتی ٹرافی کی رونمائی کی۔

    آسٹریلیا کی ٹیم 24 سال کے طویل عرصے بعد پاکستان کے دورے پر موجود ہے، کینگروز کھلاڑیوں نے سیکیورٹی صورت حال پر بہترین قرار دیتے ہوئے کہا کہ یہاں آکر کھیلنے میں کوئی پریشانی نہیں ہے۔

    واضح رہے کہ پاکستان اور آسٹریلیا کی ٹیموں کے درمیان پہلا ٹیسٹ میچ 4 مارچ سے پنڈی اسٹیڈیم راولپنڈی میں شروع ہوگا۔

    دوسرا ٹیسٹ میچ 12 سے 16 مارچ تک نیشنل اسٹیڈیم کراچی میں میں منعقد ہوگا اور تیسرا ٹیسٹ میچ 21 سے 25 مارچ تک قذافی اسٹیڈیم لاہور میں کھیلا جائے گا۔

    اس کے علاوہ تین ون ڈے اور ایک ٹی ٹونٹی میچ پنڈی کرکٹ اسٹیڈیم راولپنڈی میں کھیلے جائیں گے، پہلا ون ڈے 29 مارچ کو، دوسرا ون ڈے 31 مارچ کواور تیسرا ون ڈے 2 اپریل کو کھیلا جائے گا جبکہ 5 اپریل کو واحد ٹی 20 راولپنڈی میں منعقد ہوگا۔

    پاکستان ٹیم کی قیادت بابراعظم کریں گے جبکہ آسٹریلوی ٹیم کو پیٹ کمنز لیڈ کریں گے۔

  • آسٹریلوی ٹیم کو پاکستان آمد پر ‘خوش آمدید’

    آسٹریلوی ٹیم کو پاکستان آمد پر ‘خوش آمدید’

    اسلام آباد: آسٹریلوی کرکٹ ٹیم چوبیس سال بعد تاریخی دورے پر پاکستان پہنچ گئی۔

    تفصیلات کے مطابق 35رکنی آسٹریلوی اسکواڈ چارٹرڈ طیارے کے ذریعے اسلام آباد پہنچا، ٹیم کے ساتھ کرکٹ آسٹریلیا کےسی ای اونک ہوکلی بھی اسلام آباد پہنچے۔

    اسکواڈ میں آسٹریلین کرکٹرز ایسوسی ایشن کےسی ای اوٹاڈ گرین برگ بھی شامل ہے، پاکستان پہنچنے پر پی سی بی ڈائریکٹر آپریشنز ذاکرخان نے اسلام آبادایئرپورٹ پرمہمان ٹیم کا استقبال کیا۔

    آسٹریلوی ٹیم کو سخت سیکیورٹی میں ایئرپورٹ سے نجی ہوٹل منتقل کیا گیا، جہاں ان کے کرونا ٹیسٹ کئے جائیں گے، کھلاڑی ایک دن روم آئیسولیشن میں رہیں گے، کرونا ٹیسٹ منفی آنے پر آسٹریلوی کھلاڑیوں کو پریکٹس کی اجازت ہوگی۔

    آسٹریلوی کرکٹ ٹیم کے کپتان پیٹ کمنز آج پریس کانفرنس کریں گے۔

    واضح رہے کہ آسٹریلیا کی ٹیم چوبیس سال کے طویل عرصے کے بعد پاکستان کا دورہ کررہی ہے، دورے کے دوران تین ٹیسٹ میچ، تین ون ڈے اور ایک ٹی ٹوئنٹی میچ کھیلا جائیگا۔

    پاکستان آسٹریلیا کے درمیان پہلا ٹیسٹ میچ 4 مارچ سے شیڈول ہے جو راولپنڈی کرکٹ اسٹیڈیم میں کھیلا جائے گا، دوسرا ٹیسٹ کراچی اور تیسرا ٹیسٹ میچ لاہور میں ہوگا۔

    راولپنڈی ٹیسٹ کے لیے سیکیورٹی انتظامات کو حتمی شکل دے دی گئی ہے۔

  • پاکستان کو شکست دے کر آسٹریلیا فائنل میں پہنچ گیا

    پاکستان کو شکست دے کر آسٹریلیا فائنل میں پہنچ گیا

    دبئی: ٹی 20 ورلڈ کپ کے دوسرے سیمی فائنل میں آسٹریلیا نے پاکستان کو پانچ وکٹوں سے شکست دے کر فائنل کے لیے کوالیفائی کرلیا۔

    تفصیلات کے مطابق دبئی میں کھیلے جانے والے دوسرے سیمی فائنل میں آسٹریلیا نے پاکستان کی جانب سے دیا جانے والا 177 رنز کا ہدف 19ویں اوور میں 5 وکٹوں کے نقصان پر حاصل کرلیا۔

    میتھیو ویڈ نے 41 اور اسٹونس نے 40 رنز کی ناقابل شکست اننگز کھیلی، ڈیوڈ وارنر 49 رنز کے ساتھ ٹاپ اسکورر رہے۔

    مچل مارش 28 رنز کے ساتھ نمایاں رہے، اسٹیو اسمتھ 5 اور گلین میکسویل 7 رنز بنا کر آؤٹ ہوئے، کپتان ایرون فنچ بغیر کوئی رن بنائے پویلین لوٹ گئے۔

    شاداب خان کی چار وکٹیں بھی پاکستان کو فتح سے ہمکنار نہ کرواسکیں، شاہین شاہ آفریدی ایک وکٹ حاصل کرسکے۔

    قبل ازیں پاکستان نے پہلے بیٹنگ کرتے ہوئے مقررہ اوورز میں 4 وکٹوں کے نقصان پر 176 رنز بنائے اور آسٹریلیا کو جیت کے لیے 177 رنز کا ہدف دیا تھا۔

    محمد رضوان نے 52 گیندوں پر 67 رنز کی اننگز کھیلی، ان کی اننگز میں 4 بلند و بالا چھکے اور تین چوکے شامل تھے، رضوان کو مچل اسٹارک نے آؤٹ کیا۔

     

    View this post on Instagram

     

    A post shared by ICC (@icc)

    کپتان بابر اعظم 39 رنز بنا کر ایڈم زمپا کو وکٹ دے بیٹھے، جارح مزاج بیٹر آصف علی بغیر کوئی رن بنائے پویلین لوٹ گئے۔

    شعیب ملک ایک رن بنا کر مچل اسٹارک کا نشانہ بنے، فخر زمان 55 رنز کی ناٹ آؤٹ اننگز کھیلی، ان کی اننگز میں چار چھکے اور تین چوکے شامل تھے۔

     

    View this post on Instagram

     

    A post shared by ICC (@icc)

    آسٹریلیا کی جانب سے مچل اسٹارک نے دو وکٹیں حاصل کیں، پیٹ کمنز اور ایڈم زمپا نے ایک، ایک وکٹ حاصل کی۔

     

    View this post on Instagram

     

    A post shared by ICC (@icc)

    اس سے قبل آسٹریلوی کپتان ‏ایرون فنچ نے ٹاس جیتا اور فیلڈنگ کو ترجیح دیتے ہوئے پاکستان کو بیٹنگ کی دعوت دی تھی۔

    Image

    گرین شرٹس نے وننگ کمبینیشن کو برقرار رکھتے ہوئے ٹیم میں کوئی تبدیلی نہیں کی ہے اور ٹیم انہی کھلاڑیوں ‏پر مشتمل ہے جو ایونٹ کے آغاز سے ترتیب دی گئی تھی۔

    کپتان نے کھلاڑیوں پر بھرپور اعتماد کا اظہار کرتے ہوئے اب تک کوئی تبدیلی نہیں کی اور اسی تسلسل کو سیمی ‏فائنل میں بھی برقرار رکھا ہے۔

    اہم میچ کے لیے آسٹریلوی ٹیم نے بھی کوئی تبدیلی نہ کرتے ہوئے وننگ کمبینیشن کو برقرار رکھا ہے۔ آسٹریلوی ٹیم میں ڈیوڈوارنر،ایرون فنچ،مچل مارش، اسٹیواسمتھ، گلین میکس ویل، میتھیوویڈ، اسٹوئنس، ایڈم زیمپا، مچل اسٹارک، پیٹ کمنز اور ہیزل ووڈ شامل ہیں۔

  • شاہد آفریدی کا سیمی فائنل سے قبل اہم بیان آگیا

    شاہد آفریدی کا سیمی فائنل سے قبل اہم بیان آگیا

    دبئی: پاکستان اور آسٹریلیا ٹی 20 ورلڈ کپ کے دوسرے سیمی فائنل میں اب سے کچھ دیر بعد مدمقابل آئیں گی۔

    تفصیلات کے مطابق ٹی 20 ورلڈ کپ میں آسٹریلیا کے خلاف سیمی فائنل سے قبل قومی ٹیم کے سابق کھلاڑی اور سیاست دان بھی قومی ٹیم کے لیے نیک خواہشات کا اظہار کررہے ہیں۔

    قومی ٹیم کے سابق کپتان شاہد خان آفریدی نے بھی سماجی رابطے کی ویب سائٹ ٹویٹر پر قومی ٹیم کے نام اہم پیغام شیئر کردیا۔

    بوم بوم آفریدی نے آسٹریلیا کے خلاف سیمی فائنل سے قبل قومی ٹیم کے لیے نیک خواہشات کا اظہار کیا۔

    شاہد آفریدی نے لکھا کہ ’میرے لیے یہ میچ فائنل کے برابر ہے، ہم نے 2010 میں آسٹریلیا کے خلاف ناقابل یقین سیمی فائنل کھیلا تھا۔

    انہوں نے لکھا کہ ’میری خواہش ہے کہ بابر اعظم اور قومی ٹیم کے دیگر کھلاڑی آج ایک قدم بہتر ہوں۔‘

    واضح رہے کہ گرین شرٹس کو 2016ء سے اب تک دبئی کے میدان میں کسی ٹی 20 میں شکست نہیں ہوئی تاہم اس بار میچ آئی سی سی ورلڈ کپ کا ناک آؤٹ معرکہ ہے اور آئی سی سی ایونٹ کے ناک آؤٹ مقابلوں میں پاکستان کا کینگروز کے خلاف ریکارڈ کوئی حوصلہ افزا نہیں۔

    دونوں ٹیمیں اس سے قبل چار مرتبہ کسی بھی فارمیٹ میں آئی سی سی ایونٹس کے ناک آؤٹ مقابلوں میں مدمقابل آئیں۔1987ء کا ورلڈ کپ سیمی فائنل، 1999ء کا ورلڈ کپ فائنل، 2010ء کا ٹی 20 ورلڈ کپ فائنل اور 2015ء ورلڈ کپ کا کوارٹر فائنل کے میچز میں آسٹریلیا ہی کامیاب ہوا ہے۔

    واضح رہے کہ ٹی ٹوئنٹی ورلڈ کپ 2021 میں پاکستان واحد ناقابل شکست ٹیم ہے اور بابر الیون نے گروپ میں تمام 5 میچز کے دوران ٹیم میں کوئی تبدیلی نہیں کی۔

  • تگڑے ہوجاؤ جوانو! راولپنڈی ایکسپریس کا کھلاڑیوں کو پیغام

    تگڑے ہوجاؤ جوانو! راولپنڈی ایکسپریس کا کھلاڑیوں کو پیغام

    کراچی: قومی ٹیم کے سابق فاسٹ بولر شعیب اختر محمد رضوان اور شعیب ملک سے متعلق خبروں پر سامنے آگئے اور اہم بیان جاری کردیا۔

    تفصیلات کے مطابق سماجی رابطے کی ویب سائٹ ٹوئٹر پر جاری اپنے ویڈیو پیغام میں راولپنڈی ایکسپریس کا کہنا تھا کہ قومی ٹیم کے کیمپ سے آنے والی خبریں اچھی نہیں ہیں، شعیب ملک اور محمد رضوان فلو کا شکار ہیں۔

    شعیب اختر نے ازراہ مذاق کہا کہ انہیں ڈرپ لگائے اور دوائیں دیں ، انہیں سیٹ کریں، مجھے قوی امید ہے کہ دونوں کھلاڑی آسٹریلیا کے خلاف ٹی ٹوئنٹی سیمی فائنل میں گرین شرٹس کا حصہ ہونگے مکمل فارم کے ساتھ کھیلیں گے، فلو ان کے آڑے نہیں آئے گا۔

    یہ بھی پڑھیں: سیمی فائنل سے قبل قومی ٹیم کے لئے بڑی خوشخبری

    قومی ٹیم کے اسپیڈ اسٹار بولر نے دونوں کھلاڑیوں کو پیغام دیا کہ تگڑے ہوجاؤ جوانو، کیونکہ آپ دونوں پاکستان کرکٹ کے لئے بہت اہم ہو۔

    شعیب اختر نے مزید کہا کہ ٹی ٹوئنٹی فارمیٹ میں پاکستان ٹیم ہمیشہ اچھی رہی، میں اس حق میں نہیں کہ اگر پاکستان ٹیم ٹی ٹوئنٹی کا فاتح بن بھی جائے تو اس سے کوئی بڑا فرق پڑجانا ہے، میرے نزدیک یہ جیت قوم کے مورال کے لئے بہت ضروری ہے۔

     

  • پاکستانی بولرز نے آسٹریلیا اے کے پرخچے اڑا دئیے

    پاکستانی بولرز نے آسٹریلیا اے کے پرخچے اڑا دئیے

    سڈنی: تین روزہ پریکٹس میچ کے دوسرے روز پاکستانی بولرز نے آسٹریلوی بیٹنگ لائن کے پرخچے اڑا دئیے، آسٹریلیا اے کی پوری ٹیم 122 رنز پر ڈھیر ہوگئی، پاکستان نے 313 رنز کی برتری حاصل کرلی۔

    تفصیلات کے مطابق پرتھ میں کھیلے جانے والے پریکٹس میچ کے دوسرے روز پاکستان کے 428 رنز کے جواب میں آسٹریلیا اے کی ٹیم 122 رنز پر ڈھیر ہوگئی، عمران خان سینئر نے 5 کھلاڑیوں کو پویلین کی راہ دکھائی، دن کے اختتام پر پاکستان نے بغیر کسی نقصان 7 رنز بنالیے ہیں۔

    دوسری اننگز میں پاکستانی بلے باز اظہر علی اور شان مسعود بالتریتب 1 اور 4 رنز کے ساتھ کریز پر موجود ہیں۔

    آسٹریلیا اے کے کیمرون بین کرافٹ 49 اور میرڈیتھ 19 رنز بنا کر نمایاں رہے، آسٹریلوی ٹیم کے 7 بلے باز ڈبل فگر میں بھی داخل نہ ہوسکے۔

    عثمان خواجہ 6، ٹریوس ہیڈ 13، کیری بغیر کوئی رن بنائے پویلین لوٹ گئے، مائیکل نیسر 2 اور رچرڈسن کو صفر پر عمران خان سینئر نے آؤٹ کیا۔

    پاکستان کے عمران خان سینئر نے آدھی آسٹریلوی ٹیم کو پویلین کی راہ دکھائی، شاہین شاہ آفریدی اور اسپنر افتخار احمد نے بھی دو، دو وکٹیں حاصل کیں۔

    اس سے قبل قومی ٹیم اپنی پہلی اننگز میں 428 رنز بنا کر آؤٹ ہوگئی تھی، بابر اعظم 157 اور اسد شفیق 119 رنز بنا کر ریٹائرڈ آؤٹ ہوئے اور دوسرے بلے بازوں کو کھیلنے کا موقع فراہم کیا۔

    افتخار احمد اور وکٹ کیپر محمد رضوان 6، 6 رنز بنا کر آؤٹ ہوئے، یاسر شاہ نے 53 رنز کی شاندار اننگز کھیلی، شاہین شاہ آفریدی 25 رنز بنا کر پویلین لوٹ گئے۔

    آسٹریلیا اے کے رچرڈسن نے تین کھلاڑیوں کو پویلین کی راہ دکھائی، مائیکل نیسر اور میرڈیتھ نے دو، دو وکٹیں حاصل کیں۔

  • پاکستان ٹیسٹ اسکواڈ کے 10 کھلاڑی 4 نومبر کو آسٹریلیا روانہ ہوں گے

    پاکستان ٹیسٹ اسکواڈ کے 10 کھلاڑی 4 نومبر کو آسٹریلیا روانہ ہوں گے

    لاہور: قومی کرکٹ ٹیم کے 10 کھلاڑی 4 نومبر کو ٹیسٹ سیریز میں شرکت کے لیے آسٹریلیا روانہ ہوں گے۔

    تفصیلات کے مطابق آسٹریلیا کے خلاف ٹیسٹ سیریز میں شرکت کے لیے قومی ٹیم کے 10 کھلاڑی 4 نومبر کو آسٹریلیا روانہ ہوں گے، پاکستان اور آسٹریلیا کے درمیان 2 ٹیسٹ میچز کی سیریز کھیلی جائے گی۔

    آسٹریلیا روانہ ہونے والے کھلاڑیوں میں کپتان اظہر علی، عابد علی، اسد شفیق، عمران خان سینئر، کاشف بھٹی، محمد عباس، نسیم شاہ، شاہین آفریدی، شان مسعود اور یاسر شاہ شامل ہیں۔

    پی سی بی کے مطابق قومی کرکٹ ٹیم کے کھلاڑی آسٹریلیا روانگی سے قبل لاہور اور کراچی میں اوپن میڈیا سیشنز میں شریک ہوں گے۔

    مزید پڑھیں: شاہینوں کی کینگروز پر جھپٹنے کی تیاریاں

    واضح رہے کہ قومی ٹی 20 کرکٹ ٹیم آسٹریلیا میں موجود ہے، دونوں ٹیموں کے درمیان پہلا ٹی 20 میچ 3 نومبر، دوسرا 5 اور تیسرا اور آخری ٹی ٹوینٹی 8 نومبر کو کھیلا جائے گا۔

    ٹی 20 کے بعد پاکستان اور آسٹریلیا کے درمیان 2 ٹیسٹ میچوں کی سیریز کھیلی جائے گی دونوں ٹیموں کے درمیان پہلا ٹیسٹ میچ 21 نومبر کو برسبین میں کھیلا جائے گا۔

    یاد رہے کہ قومی ٹیم نے گزشتہ روز پریکٹس میچ میں آسٹریلیا الیون کو باآسانی 6 وکٹوں سے شکست دی تھی۔

  • آسٹریلیا میں مثبت کرکٹ کھیلیں گے، بابر اعظم

    آسٹریلیا میں مثبت کرکٹ کھیلیں گے، بابر اعظم

    لاہور: قومی ٹی 20 کرکٹ ٹیم کے کپتان بابر اعظم نے کہا ہے کہ سری لنکا کے خلاف سیریز سے کافی کچھ سیکھا ہے، آسٹریلیا میں مثبت کرکٹ کھیلیں گے۔

    تفصیلات کے مطابق قومی ٹی 20 کرکٹ ٹیم کے کپتان بابر اعظم نے میڈیا سے گفتگو کرتے ہوئے کہا کہ نوجوان اور سینئر کھلاڑیوں کا اچھا کمبی نیشن بنارہے ہیں، کوشش کروں گا بیٹنگ کی طرح کپتانی میں بھی پرفارم کروں۔

    انہوں نے کہا کہ جیسے آسٹریلوی ٹیم جارحانہ حکمت عملی بناتی ہے ہم بھی جارحانہ کرکٹ کھیلیں گے، ٹیم کا کمبی نیشن اچھا ہے، بولنگ میں محمد عامر کے ساتھ محمد عرفان اور محمد موسیٰ بھی موجود ہیں، ہمارا بولنگ اٹیک اچھا ہے۔

    بابر اعظم نے کہا کہ عثمان قادر کو اس لیے سلیکٹ کیا گیا ہے کہ وہ آسٹریلیا میں لیگ کرکٹ کھیلے ہیں ان کو بیک اپ کے طور پر لے کرجارہے ہیں۔

    انہوں نے کہا کہ ہمارے اہم اسپنرز شاداب خان اور عماد وسیم ہی ہیں جو ہمیں آسٹریلیا میں میچ جتوائیں گے۔

    بابر اعظم کے مطابق خوش دل شاہ کی پاور ہٹنگ کافی اچھی ہے، وہ میچ کے حساب سے کھیلتے ہیں، نیشنل ٹی 20 میں بھی خوش دل شاہ نے پاور ہٹنگ سے میچ جتوایا ہے۔

    مزید پڑھیں: ون ڈے رینکنگ، محمد عامر ٹاپ ٹین بولرز میں شامل، بابر اعظم کی تیسری پوزیشن

    ٹی 20 کپتان نے کہا کہ پوری توجہ آسٹریلیا کے خلاف سیریز پر مرکوز ہے، دیگر ٹیموں کے کپتانوں کو دیکھ کر ٹیم کی قیادت کرنا سیکھ رہا ہوں۔

    بابر اعظم نے کہا کہ آسٹریلیا میں کھیلنے کا تجربہ رہا ہے، گیند باؤنس ہوتی ہے، بولنگ ہماری طاقت ہے، ذمہ داری کی وجہ سے دباؤ بڑھ جاتا ہے پھر بھی کوشش ہے اچھا کھیلوں۔

    ایک سوال کے جواب میں ٹی 20 ٹیم کے کپتان بابر اعظم نے کہا کہ ٹیم منتخب کرنا سلیکٹرز کا کام ہے۔

    بابر اعظم نے کہا کہ 3 سال سے ٹیم میں ہوں کافی چیزیں سیکھی ہیں، نیشنل ٹی 20 میں میری وجہ سے میچ نہیں ہارے تھے ہماری بولنگ کمزور تھی۔

    انہوں نے کہا کہ سرفراز احمد کی ملک کے لیے خدمات ہیں وہ اپنی پرفارمنس کی وجہ سے پریشر میں تھے۔