ARYNews.tv | Urdu – Har Lamha Bakhabar

Tag: PAKvAUS

  • آئی سی سی ٹیسٹ رینکنگ، پاکستان نے آسٹریلیا کو تیسری پوزیشن سے محروم کردیا

    آئی سی سی ٹیسٹ رینکنگ، پاکستان نے آسٹریلیا کو تیسری پوزیشن سے محروم کردیا

    دبئی: آئی سی سی نے نئی ٹیسٹ رینکنگ جاری کردی ہے، پاکستان نے آسٹریلیا کو سیریز میں شکست دے کر تیسری پوزیشن سے محروم کردیا، قومی ٹیم ساتویں نمبر پر براجمان ہے۔

    تفصیلات کے مطابق انٹرنیشنل کرکٹ کونسل (آئی سی سی) نے ٹیسٹ ریننگ جاری کردی ہے، پاکستان نے آسٹریلیا کو ٹیسٹ سیریز میں 1-0 سے شکست دے کر تیسری سے پانچویں پوزیشن پر دھکیل دیا ہے۔

    قومی ٹیم کی ریٹنگ پوائنٹس میں بہتری آئی ہے، گرین شرٹس 95 پوائنٹس کے ساتھ ساتویں نمبر پر موجود ہے۔

    رینکنگ میں بھارت بدستور پہلے، جنوبی افریقا دوسرے، انگلینڈ، تیسرے، نیوزی لینڈ کی ٹیم چوتھے، آسٹریلیا پانچویں اور سری لنکا چھٹے نمبر پر موجود ہے۔

    اسی طرح ویسٹ انڈٰیز آٹھویں، بنگلہ دیش نویں جبکہ زمبابوے کی ٹیم دسویں نمبر براجمان ہے۔

    مزید پڑھیں: ابو ظہبی ٹیسٹ: پاکستان نے آسٹریلیا کو 373 رنز سے شکست دے دی

    واضح رہے کہ پاکستان نے آسٹریلیا کو دو ٹیسٹ میچز کی سیریز میں 1-0 سے شکست دی تھی، میچ میں محمد عباس نے شاندار کارکردگی کا مظاہرہ کرتے ہوئے 10 وکٹیں حاصل کیں، عباس کو میچ اور سیریز کا بہترین کھلاڑی قرار دیا گیا۔

    قومی کرکٹ ٹیم کے کپتان سرفراز احمد نے بھی عباس کی تعریف کرتے ہوئے کہا تھا کہ محمد عباس نے شاندار کارکردگی کا مظاہرہ کیا، محمد عباس کی بولنگ سے دونوں ٹیموں میں فرق ثابت ہوا۔

    آسٹریلوی کپتان ٹم پین نے بھی محمد عباس کو ورلڈ کلاس بولر قرار دیتے ہوئے کہا کہ محمد عباس نے بہت متاثر کیا، یاسر شاہ نے بہترین بولنگ کی لیکن عباس کی جتنی تعریف کی جائے کم ہے۔

  • آسٹریلیا کے خلاف ٹی ٹوئنٹی سیریز کے لیے 15 رکنی قومی ٹیم کا اعلان

    آسٹریلیا کے خلاف ٹی ٹوئنٹی سیریز کے لیے 15 رکنی قومی ٹیم کا اعلان

    لاہور: آسٹریلیا کے خلاف ٹی ٹوئنٹی سیریز کے لیے 15 رکنی قومی ٹیم کا اعلان کردیا گیا۔

    تفصیلات کے مطابق چیف سلیکٹر انضمام الحق نے آسٹریلیا کے خلاف تین ٹی ٹوئنٹی میچز کی سیریز کے لیے 15 رکنی قومی اسکواڈ کا اعلان کردیا ہے، آل راؤنڈر عماد وسیم انجری سے مکمل صحت یابی کے بعد کم بیک کررہے ہیں۔

    پاکستان اور آسٹریلیا کے درمیان تین میچوں کی ٹی ٹوئنٹی سیریز 24 سے 28 اکتوبر تک ابوظہبی اور دبئی میں کھیلی جائے گی۔

    آسٹریلیا کے خلاف پہلے ٹیسٹ میچ میں سنچری اسکور کرنے والے آل راؤنڈر محمد حفیظ کی بھی ٹی ٹوئنٹی ٹیم میں واپسی ہوئی ہے۔

    سلیکشن کمیٹی کی جانب سے منتخب کردہ ٹیم میں کپتان سرفراز احمد ہیں، دیگر کھلاڑیوں میں فخر زمان، محمد حفیظ، صاحبزادہ فرحان، عماد وسیم، بابر اعظم، شعیب ملک، آصف علی، حسین طلعت، شاداب خان، شاہین شاہ آفریدی، عثمان شنواری، حسن علی، وقاص مقصود اور فہیم اشرف شامل ہیں۔

    چیف سلیکٹر انضمام الحق کے مطابق عماد وسیم کی فٹنس اور فارم کو مانیٹر کرنے کے بعد ان کی ٹیم میں واپسی ہوئی ہے اور وقاص مقصود کی سلیکشن ڈومیسٹک سیزن میں پرفارمنس کی وجہ سے ہوئی ہے۔

  • ابوظہبی ٹیسٹ، دوسرے روز کا کھیل ختم، پاکستان کی آسٹریلیا کے خلاف 281 رنز کی برتری

    ابوظہبی ٹیسٹ، دوسرے روز کا کھیل ختم، پاکستان کی آسٹریلیا کے خلاف 281 رنز کی برتری

    ابوظہبی: پاکستان اور آسٹریلیا کے خلاف جاری دوسرے ٹیسٹ میچ کے دوسرے روز گرین شرٹس نے دوسری اننگز میں 2 وکٹ پر 144 رنز بنالیے، قومی ٹیم کو مجموعی طور پر 281 رنز کی برتری حاصل ہوگئی ہے۔

    تفصیلات کے مطابق ابوظہبی ٹیسٹ میچ میں قومی ٹیم 282 رنز بنا کر آؤٹ ہوئی جس کے جواب میں کینگروز ٹیم 145 رنز پر ڈھیر ہوگئی، قومی ٹیم نے اپنی دوسری اننگز میں 2 وکٹوں کے نقصان پر 144 رنز بنالیے اور گرین شرٹس کی مجموعی برتری 281 رنز کی ہوگئی۔

    دوسری اننگز میں فخر زمان نے 66 رنز کی شاندار اننگز کھیلی جبکہ محمد حفیظ صرف 6 رنز بنا کر پولین لوٹ گئے، اظہر علی 54 اور حارث سہیل 17 رنز کے ساتھ کریز پر موجود ہیں۔

    آسٹریلیا کی جانب سے مچل اسٹارک اور نیتھن لائن نے ایک، ایک وکٹ حاصل کی۔

    قبل ازیں ابوظہبی ٹیسٹ کے دوسرے دن آسٹریلوی ٹیم کے کھلاڑی ایرون فنچ اور شان مارش نے 20 کے مجموعی اسکور سے اننگز کا آغاز کیا۔

    آسٹریلوی کھلاڑیوں نے ٹیم کا مجموعی اسکور 43 تک پہنچایا تو شان مارش محمد عباس کی گیند پر 3 رنز بنا کر آؤٹ ہوئے۔

    پاکستان کی جانب سے شاندار باؤلنگ کا مظاہرہ کرتے ہوئے محمد عباس نے 5 ، بلال آصف نے 3 اور  یاسر شاہ نے ایک وکٹ حاصل کی ٹریوس ہیڈ 14 اور مچل مارش 13 رنز ہی بناسکے۔

    آسٹریلیا نے2 وکٹوں کے نقصان پر20 رنز بنا لیے

    یاد رہے کہ گزشتہ روز پاکستان کی پوری ٹیم 282 رنز بنا کر پویلین لوٹ گئی تھی جس کے بعد آسٹریلوی ٹیم نے 2 وکٹوں پر 20 رنز بنائے تھے۔

    آسٹریلیا کا شان دار کم بیک، سنسنی خیز مقابلے کے بعد دبئی ٹیسٹ ڈرا

    واضح رہے کہ 2 میچز پرمشتمل سیریز کے پہلے ٹیسٹ میچ میں آسٹریلوی بلے باز عثمان خواجہ کی شاندار بیٹنگ کی بدولت میچ ڈرا ہوگیا تھا۔

  • ابوظہبی ٹیسٹ: پاکستانی ٹیم 282 رنز پر آؤٹ، آسٹریلیا نے 2 وکٹوں کے نقصان پر 20 رنز بنالیے

    ابوظہبی ٹیسٹ: پاکستانی ٹیم 282 رنز پر آؤٹ، آسٹریلیا نے 2 وکٹوں کے نقصان پر 20 رنز بنالیے

    ابوظہبی: پاکستان اور آسٹریلیا کے درمیان جاری دوسرے ٹیسٹ میچ کے پہلے روز پاکستانی ٹیم 282 رنز پر آؤٹ ہوگئی، آسٹریلیا نے 2 وکٹوں کے نقصان پر 20 رنز بنالیے۔

    تفصیلات کے مطابق پاکستان اور آسٹریلیا کے درمیان ابوظہبی میں کھیلے جانے دوسرے ٹیسٹ میچ کے پہلے روز کا کھیل ختم ہوگیا، قومی ٹیم پہلی اننگز میں 282 رنز پر آؤٹ ہوگئی، آسٹریلیا نے 2 وکٹوں کے نقصان پر 20 رنز بنالیے، دونوں وکٹیں محمد عباس نے حاصل کیں۔

    آسٹریلوی اوپنر بلے باز عثمان خواجہ 3 اور نائٹ واچ مین پیٹرسڈل 4 رنز بنا کر آؤٹ ہوئے، ایرون فنچ 13 رنز کے ساتھ کریز پر موجود ہیں۔

    پاکستان کی جانب سے محمد عباس نے شاندار بولنگ کا مظاہرہ کرتے ہوئے 2 وکٹیں حاصل کیں، ٹیسٹ کرکٹ میں عباس نے اپنی 50 وکٹیں بھی مکمل کرلی ہیں۔

    قبل ازیں  پاکستان اور آسٹریلیا کی ٹیموں کے مابین ابوظہبی کے شیخ زید اسٹیڈیم میں پانچ روز پر مشتمل دوسرے ٹیسٹ کے پہلے دن کا میچ کھیلا گیا، قومی کرکٹ ٹیم کے کپتان سرفراز احمد نے ٹاس جیت کر پہلے بیٹنگ کرنے کا فیصلہ کیا۔

    ٹیسٹ ڈیبیو کرنے والے کھلاڑی فخر زمان اور محمد حفیظ نے پاکستان کی جانب سے اننگر کا آغاز کیا تو 5 رنز کے مجموعی اسکور پرمحمد حفیط مچل اسٹارک کی گیند پرآؤٹ ہوگئے۔

    پاکستانی ٹیم نے بیٹنگ کا آغاز کیا تو شدید مشکلات کا سامنا کرنا پڑا اور 60 پر 5 کھلاڑی پویلین روانہ ہوئے، محمد حفیظ 4، اظہر 15، حارث سہیل ، اسد شفیق اور بابر اعظم بغیر کوئی رن بنائے آؤٹ ہوئے۔

    بعد ازاں کپتان سرفراز احمد اور فخرز زمان نے محتاط انداز میں ذمہ دارانہ بیٹنگ کرتے ہوئے ٹیم کی گرتی بیٹنگ لائن کو سہارا فراہم کیا، سرفراز اور فخر زمان 94 رنز کے ساتھ نمایاں بلے باز رہے جبکہ قومی ٹیم کا مڈل آرڈر بری طرح سے ناکام نظر آیا۔

    آسٹریلیا کے خلاف دوسرے ٹیسٹ کے لیے زخمی اوپنر امام الحق کی جگہ فخرزمان کو ٹیم میں شامل کیا گیا ہے۔

    پاکستان کی جانب سے میر حمزہ ڈیبیو کرنے والے کھلاڑی ہیں جنہیں وہاب ریاض کی جگہ ٹیم میں شامل کیا گیا ہے۔

    قومی کرکٹ ٹیم کے اسکواڈ میں کپتان سرفراز احمد، محمد حفیظ، فخرزمان، اظہرعلی، حارث سہیل، اسد شفیق، بابر اعظم، بلال آصف، محمد عباس، یاسر شاہ اور میرحمزہ پرمشتمل ہے۔

    دوسری جانب ٹم پین کی قیادت میں آسٹریلوی ٹیم میں کوئی تبدیلی نہیں کی گئی۔

    آسٹریلیا کا شان دار کم بیک، سنسنی خیز مقابلے کے بعد دبئی ٹیسٹ ڈرا

    واضح رہے کہ 2 میچز پرمشتمل سیریز کے پہلے ٹیسٹ میچ میں آسٹریلوی بلے باز عثمان خواجہ کی شاندار بیٹنگ کی بدولت میچ ڈرا ہوگیا تھا۔

  • آسٹریلیا کا شان دار کم بیک، سنسنی خیز مقابلے کے بعد دبئی ٹیسٹ بے نتیجہ ختم

    آسٹریلیا کا شان دار کم بیک، سنسنی خیز مقابلے کے بعد دبئی ٹیسٹ بے نتیجہ ختم

    دبئی: پاکستان اور آسٹریلیا کا ٹیسٹ میچ  سنسنی خیز مقابلے کے بعد بغیر کسی نتیجے کے ختم ہوگیا۔

    تفصیلات کے مطابق دبئی میں جاری ٹیسٹ میچ میں آسٹریلیا نے شان دار بیٹنگ کرتے ہوئے حیران کن کم بیک کیا۔

    پاکستان نےآسٹریلیاکوجیت کے لئے462 رنزکاہدف دیا تھا۔ آخری دن کے آغاز پر  پاکستان کو جیت کے لیے 7 وکٹیں، آسٹریلیا کو 326 رنز درکار تھے۔

    بہ ظاہر پاکستان کا پلڑا بھاری تھا، البتہ آسٹریلیا نے اعتماد سے بیٹنگ کی۔ عثمان خواجہ 141 رنزبناکرنمایاں رہے، آسٹریلوی کپتان ٹِم پین61 رنز بناکر ناٹ آؤٹ رہے۔  دوسری اننگز میں یاسرشاہ نے چار، محمدعباس نے تین وکٹیں حاصل کیں۔

    آخری دس اوورز میں پاکستان کو دو وکٹیں درکار تھیں، مگر آسٹریلوی بلے باز اعتماد سے بیٹنگ کرتے رہے۔  میچ کے اختتام پر آسٹریلیانے 8 وکٹوں پر 362رنزبنائے۔

    گذشتہ روز آسٹریلیا نے 462 رنز ہدف کے تعاقب کے لیے اننگز کا آغاز کیا تو اوپنرز نے اچھی شراکت قائم کی آسٹریلیا کی پہلی وکٹ 87 رنز پر گری جب ایرون فنچ 49 رنز بنا کر آؤٹ ہوئے، شان مارش اور مچل مارش بغیر کوئی رن بنائے پویلین لوٹ گئے۔

    عثمان خواجہ 50 اور ہیڈ 34 رنز کے ساتھ کریز پر موجود ہیں، پاکستان کی جانب سے محمد عباس نے شاندار بولنگ کا مظاہرہ کرتے ہوئے تین کینگروز کھلاڑیوں کو پویلین کی راہ دکھائی۔

    قبل ازیں پاکستان نے دوسری اننگز 181 رنز پر ڈکلیئر کردی ہے اور آسٹریلیا کو جیت کے لیے 462 رنز کا ہدف دیا ہے۔

    خیال رہے کہ پاکستانی ٹیم پہلی اننگ میں حارث سہیل اور محمد حفیظ کی شاندار سنچری کی بدولت 482 رنز پر آل آؤٹ ہوگئی۔

    تیسرے روز آسٹریلیا کی ٹیم 202 رنز پر ڈھیر ہوگئی، پاکستان نے کینگروز کو فالو آن نہ کروا کر خود بیٹنگ کا فیصلہ کیا تو 45 رنز پر تین وکٹیں گر گئیں، تیسرے روز کھیل کے اختتام پر قومی ٹیم نے 325 رنز کی برتری حاصل کرلی۔

    یاد رہے کہ پاکستان اور آسٹریلیا کے درمیان پہلے ٹیسٹ میچ کے لیے پاکستانی ٹیم میں امام الحق، اظہر علی، محمد حفیظ، بابر اعظم، اسد شفیق، حارث سہیل، کپتان سرفراز احمد، بلال آصف، یاسر شاہ، وہاب ریاض، محمد عباس اور میر حمزہ بطور 12 ویں کھلاڑی شامل ہیں۔

    آسٹریلوی ٹیم میں 3 کھلاڑیوں نے ڈیبیو کیا جن میں ایرون فنچ، ٹریوس ہیڈ اور مارنس لیوسکا گنی شامل ہیں۔

    آسٹریلوی ٹیم کی کپتانی ٹم پین کر رہے ہیں جبکہ شان مارش ان کے نائب کے فرائض انجام دیتے ہوئے دکھائی دیے۔ دیگر کھلاڑیوں میں ایرون فنچ، عثمان خواجہ، مچل مارش، مارنس لیوسکاگنی، ٹریوس ہیڈ، مچل اسٹارک، نیتھن لیون پیٹرسڈل اور جان ہولینڈ شامل ہیں۔

    آسٹریلیا کی بال ٹیمپرنگ کے معاملے کے بعد یہ پہلی ٹیسٹ سیریز ہے اور اسے ٹیم کے لیے کرکٹ کے میدان میں اپنی کھوئی ہوئی ساخت واپس بحال کرنے کے لیے اہم میچ سمجھا جا رہا ہے۔

  • دبئی ٹیسٹ تیسرا روز، آسٹریلیا 202 رنز پر ڈھیر، پاکستان نے تین وکٹوں پر 45 رنز بنالیے

    دبئی ٹیسٹ تیسرا روز، آسٹریلیا 202 رنز پر ڈھیر، پاکستان نے تین وکٹوں پر 45 رنز بنالیے

    دبئی: پاکستان آسٹریلیا کے درمیان پہلے ٹیسٹ میچ کے تیسرے روز آسٹریلیا کی ٹیم 202 رنز پر ڈھیر ہوگئی، پاکستان نے تین وکٹوں کے نقصان پر 45 رنز بنالیے۔

    تفصیلات کے مطابق دبئی میں جاری پہلے ٹیسٹ میچ کے تیسرے روز آسٹریلیا کی 202 رنز پر ڈھیر ہوگئی، پاکستان نے کینگروز کو فالوآن نہ کراکر خود بیٹنگ کا فیصلہ کیا تو 45 رنز پر تین وکٹیں گر گئیں، تیسرے روز کھیل کے اختتام پر قومی ٹیم نے 325 رنز کی برتری حاصل کرلی ہے۔

    گرین شرٹس نے دوسری اننگز میں بیٹنگ کا آغاز کیا تو پہلی اننگز میں سنچری بنانے والے محمد حفیظ 17 رنز بنا کر پویلین لوٹ گئے، اس کے بعد آنے والے بلے باز بلال آصف بغیر کوئی رن بنائے آؤٹ ہوئے، اظہر علی بھی صرف 4 رنز بنا کر وکٹ گنوا بیٹھے۔

    اوپنر بلے باز امام الحق اور اسد شفیق چوتھے روز اننگز کا آغاز کریں گے، امام الحق 23 رنز کے ساتھ کریز پر موجود ہیں۔

    آسٹریلیا کی جانب سے فاسٹ بولر ہولینڈ نے 2 کھلاڑیوں کی پویلین کی راہ دکھائی جبکہ اسپنر نیتھن لائن کے حصے میں ایک وکٹ آئی۔

    قبل ازیں آسٹریلیا نے کھیل تیسرے روز 30 رنز بغیر کسی نقصان پر اپنی اننگز کا آغاز کیا تو اوپنرز نے 142 رنز کی شراکت قائم کی، ایرون فنچ اور عثمان خواجہ نے نصف سنچریاں اسکور کیں، فنچ 62 اور عثمان خواجہ 85 رنزبنا کر اؤٹ ہوئے۔

    آسٹریلیا کے مڈل آرڈر بلے باز خاطر خواہ کارکردگی کا مظاہرہ نہ کرسکے شان مارچ 7 رنز بنائے جبکہ ٹریوس ہیڈ بغیر کوئی رن بنائے پویلین لوٹ گئے۔

    پاکستان کی جانب سے بلال آصف نے اپنے پہلے ہی میچ میں شاندار کارکردگی کا مظاہرہ کرتے ہوئے 6 کھلاڑیوں کو پویلین کی راہ دکھائی، فاسٹ بولر محمد عباس نے 4 وکٹیں حاصل کیں۔

    مزید پڑھیں: دبئی ٹیسٹ: قومی ٹیم 482 رنز پر آؤٹ، آسٹریلیا نے بغیر کسی نقصان کے 30 رنز بنالیے

    واضح رہے کہ ٹیسٹ میچ کے دوسرے روز قومی ٹیم اپنی پہلی اننگز میں 482 رنز بنا کر آؤٹ ہوئی تھی، حارث سہیل اور محمد حفیظ نے شاندار سنچریاں اسکور کی تھیں جبکہ اسد شفیق نے 80 رنز کی اننگز کھیلی تھی۔

    کپتان سرفراز احمد 15 رنز پر رن آؤٹ ہوئے، بلال آصف نے 12 رنز بنائے، بابر اعظم بھی 4 رنز بنا کر رن آؤٹ ہوئے، محمد عباس ایک اور یاسر شاہ تین رنز بنا کر پویلین لوٹ گئے۔

    آسٹریلیا کی جانب سے فاسٹ بولر پیٹر سدل نے تین اور نیتھن لائن نے دو کھلاڑیوں کو پویلین کی راہ دکھائی جبکہ مچل اسٹارک، اور ہولینڈ کے حصے میں ایک وکٹ آئی۔

  • دبئی ٹیسٹ: پہلے روز کا کھیل ختم، پاکستان نے 3 وکٹ پر 255 رنز بنالیے

    دبئی ٹیسٹ: پہلے روز کا کھیل ختم، پاکستان نے 3 وکٹ پر 255 رنز بنالیے

    دبئی: قومی ٹیم نے محمد حفیظ کی شاندار سنچری کی بدولت دبئی ٹیسٹ کے پہلے روز کھیل کے اختتام پر 3 وکٹ پر 255 رنز بنالیے۔

    تفصیلات کے مطابق قومی ٹیم دبئی ٹیسٹ میں محمد حفیظ کی شاندار سنچری کی بدولت پہلے روز کھیل کے اختتام پر 3 وکٹ پر 255 رنز بنالیے ہیں، حارث سہیل 15 اور نائٹ واچ مین محمد عباس ایک رن کے ساتھ کریز پر موجود ہیں۔

    پاکستان کی جانب سے محمد حفیظ نے شاندار 126 رنز کی اننگز کھیلی، امام الحق 76 رنز بنا کر آؤٹ ہوئے، اظہر علی میچ ختم ہونے سے تین اوور قبل اپنی وکٹ گنوا بیٹھے انہوں نے 18 رنز بنائے تھے۔

    آسٹریلیا کی جانب سے پیٹر سڈل، نیتھن لائن اور جے ایم ہولینڈ نے ایک، ایک وکٹ حاصل کی، آسٹریلیا کے پیسر مچل اسٹارک کے حصے میں کوئی وکٹ نہ آسکی۔

    قبل ازیں پاکستان اور آسٹریلیا کے درمیان ٹیسٹ سیریز کا پہلا میچ دبئی کرکٹ اسٹیڈیم میں کھیلا جا رہا ہے، قومی کرکٹ ٹیم کی جانب سے اننگز کا آغاز محمد حفیظ اور امام الحق نے کیا، دونوں اوپننگ بلے باز 108 کے مجموعی اسکور پرکریز پر موجود رہے۔

    آل راؤنڈر کھلاڑی محمد حفیظ نے شاندار کم بیک کیا اور  آسٹریلیا کے خلاف 126 رنز کی اننگز کھیلی۔قومی ٹیم کی دوسری وکٹ 222 کے مجموعی اسکور پر گری، دوسرے آؤٹ ہونے والے کھلاڑی محمد حفیظ تھے جنہوں نے 126 رنز کی شاندار اننگز کھیلی۔

    ٹیسٹ میچ کے لیے پاکستانی ٹیم میں امام الحق، اظہرعلی، محمد حفیظ، بابراعظم، اسد شفیق، حارث سہیل، کپتان سرفراز احمد، بلال آصف، یاسر شاہ، وہاب ریاض، محمد عباس اور میرحمزہ بطور 12 ویں کھلاڑی شامل ہیں۔

    دوسری جانب آسٹریلوی ٹیم میں 3 کھلاڑی ڈیبیو کریں گے جن میں ایرون فنچ، ٹریوس ہیڈ اور مارنس لیوسکاگنی شامل ہیں۔

    آسٹریلوی ٹیم کی کپتانی ٹم پین کررہے ہیں جبکہ شان مارش ان کے نائب کے فرائض انجام دیتے ہوئے دکھائی دیں گے جبکہ دیگر کھلاڑیوں میں ایرون فنچ، عثمان خواجہ، مچل مارش، مارنس لیوسکاگنی، ٹریوس ہیڈ، مچل اسٹارک، نیتھن لیون پیٹرسڈل اورجان ہولینڈ شامل ہیں۔

    آسٹریلیا کی بال ٹیمپرنگ کے معاملے کے بعد یہ پہلی ٹیسٹ سیریز ہے اور اسے ڈیم کے لیے کرکٹ کے میدان میں اپنی کھوئی ہوئی ساخت واپس بحال کرنے کے لیے اہم سمجھا جا رہا ہے۔

    آسٹریلوی ٹیم میں تجربہ کار اور پاکستانی ٹیم میں نئے کھلاڑی ہیں‘ سرفراز احمد

    واضح رہے کہ گزشتہ روز قومی کرکٹ ٹیم کے کپتان سرفراز کا کہنا تھا کہ آسٹریلیا کی ٹیم میں تجربہ کار کھلاڑی ہیں جبکہ پاکستان کی ٹیم نئے کھلاڑیوں پر مشتمل ہے۔

  • پاکستانی ٹیم کی تعریف کرنا ضروری تھا کیا؟ بھارتی محمد کیف پر برس پڑے

    پاکستانی ٹیم کی تعریف کرنا ضروری تھا کیا؟ بھارتی محمد کیف پر برس پڑے

    ممبئی: بھارتی کرکٹ ٹیم کے سابق کھلاڑی محمد کیف کو سہ ملکی ٹی ٹوئنٹی سیریز میں پاکستان کو کامیابی کی مبارکباد دینا مہنگا پڑ گیا، بھارتی مداحوں نے محمد کیف پر تنقید کے نشتر چلا دئیے۔

    تفصیلات کے مطابق زمبابوے میں کھیلی جانے والی ٹی ٹوئنٹی سیریز کے فائنل میچ میں آسٹریلیا کو شکست دی تو محمد کیف نے پاکستان کرکٹ ٹیم اور فخر زمان کی بیٹنگ کی تعریف کی تو بھارتی مداحوں سے رہا نہ گیا اور انہوں نے محمد کیف پر تنقید کرنا شروع کردی۔

    محمد کیف نے ٹوئٹر پر کہا تھا کہ آسٹریلیا کے خلاف ٹی ٹوئنٹی سیریز کا فائنل جیتنے پر پاکستان ٹیم کو مبارکباد، پاکستان ٹیم نے اچھے کھیل کا مظاہرہ کیا، خاص طور پر فخر زمان نے اچھی اننگز کھیلی وہ بڑے میچ کے پلیئر دکھائی دیتے ہیں۔

    محمد کیف کا یہ کہنا تھا کہ متعصب بھارتیوں کو آگ لگ گئی، ایک صارف نے لکھا کہ تم سے یہ امید نہیں تھی، جاگ گیا تمہارا پاکستانی پریم۔

    ارون پراجپاتی نے کہا کہ پاکستان کو مبارکباد دینا ضروری تھا کیا، اس کو پاکستانی پریم کہتے ہیں۔

    ایک صارف امیت سجترا نے کہا کہ آپ اپنے ٹویٹر بائیو میں سے ’پراؤڈ انڈین‘ ہٹا دو، اس پاکستانی پیار والی ٹویٹ کے لیے۔

    واضح رہے کہ چیمپئنز ٹرافی کے فائنل میچ میں فخر زمان نے سنچری اسکور کرتے ہوئے بھارت کی شکست میں اہم کردار ادا کیا تھا، آسٹریلیا کے خلاف فائنل میچ میں بھی فخر نے 91 رنز کی میچ وننگ اننگز کھیلی اور مین آف دی میچ سمیت مین آف سیریز بھی قرار پائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فائنل کے ہیرو فخر زمان دنیا کے دوسرے بہترین بلے باز بن گئے

    فائنل کے ہیرو فخر زمان دنیا کے دوسرے بہترین بلے باز بن گئے

    ہرارے: سہ ملکی ٹی ٹوینٹی سیریز میں 91 رنز کی شاندار اننگز کھیلنے والے فخر زمان کو محنت کا صلہ مل گیا، فخر نے آئی سی سی ٹی ٹوینٹی رینکنگ میں دوسری پوزیشن پر قبضہ جمالیا ہے۔

    تفصیلات کے مطابق قومی کرکٹ ٹیم کے اوپنر بلے باز فخر زمان نے اونچی چھلانگ لگاتے ہوئے آئی سی سی ٹی ٹوینٹی رینکنگ میں دوسری پوزیشن حاصل کرلی ہے، انہوں نے 44 درجے بہتری کے بعد دوسری پوزیشن پر حاصل کی۔

    فخر زمان نے گزشتہ روز کینگروز کی جیت کو ہار میں بدل دیا تھا، انہوں نے 91 رنز کی شاندار اننگز کھیلی ان کی اننگز میں تین بلند و بالا چھکے اور بارہ چوکے شامل تھے، فخر کو میچ اور سیریز کا بہترین کھلاڑی قرار دیا گیا تھا۔

    واضح رہے کہ بھارت کے خلاف چیمپئنز ٹرافی کے فائنل میچ میں سنچری بنا کر فخر زمان نے مقبولیت کی طرف پہلا قدم اُٹھایا اتوار کو ٹرائی سیریز فائنل جتوا کر فخر پورے پاکستان کا فخر بن گئے ہیں۔

    فخر زمان سال 2018 میں بھی وہ اس فارمیٹ کے ٹاپ اسکورر ہیں جبکہ ایک سال میں 500 رنز بنانے والے پہلے پاکستانی اور مجموعی طور پر وہ تیسرے کھلاڑی ہیں۔

    ویرات کوہلی نے 2010 میں 641 رنز بنائے تھے جو ایک ریکارڈ ہے، اس ریکارڈ کو توڑنے کے لیے فخر زمان کو مزید 125 رنز درکار ہیں۔

    تین ملکی سیریز میں فخر زمان نے 278 رنز بنائے تھے جو کسی بھی ٹورنامنٹ میں ایک پاکستانی کھلاڑی کا سب سے زیادہ اسکور ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • میکسویل نے سرفراز سے ہاتھ نہ ملانے پر وضاحت پیش کردی

    میکسویل نے سرفراز سے ہاتھ نہ ملانے پر وضاحت پیش کردی

    ہرارے: آسٹریلوی آل راؤنڈر گلین میکسویل نے قومی کرکٹ ٹیم کے کپتان سرفراز احمد نے ہاتھ نہ ملانے پر وضاحت پیش کردی ہے۔

    تفصیلات کے مطابق گزشتہ روز سہ ملکی ٹی ٹوئنٹی سیریز کے فائنل میچ میں کینگروز کو 6 وکٹوں سے شکست دے کر ٹرافی اپنے نام کی تھی، جب میچ ختم ہوا تو گلین میکسویل سرفراز احمد سے ہاتھ ملائے بغیر روانہ ہوگئے تھے جس پر انہیں شدید تنقید کا نشانہ بنایا جارہا تھا۔

    سوشل میڈیا پر شدید تنقید کے بعد اب گلین میکسویل نے سوشل میڈیا پر ہی پاکستان ٹیم کو جیت کی مبارکباد دی اور کہا کہ فخر زمان اور شعیب ملک نے گزشتہ روز شاندار اننگز کھیلی اور پاکستان کی جیت میں اہم کردار ادا کیا۔

    گلین میکسویل نے کہا کہ جان بوجھ کر سرفراز احمد سے ہاتھ نہ ملانے کی بات درست نہیں ہے میں سرفراز احمد کو دیکھ ہی نہیں سکا تھا، اب میں ہوٹل میں انتظار کررہا ہوں تاکہ سرفراز احمد سے ہاتھ ملاؤں اور ان کی ٹیم کو کامیابی پر مبارکباد دوں۔

    واضح رہے کہ گزشتہ روز فائنل میچ میں ہدف کے تعاقب میں جب قومی ٹیم بیٹنگ کرنے میدان میں اتری تھی تو میکسویل نے پہلے ہی اوور میں صاحبزادہ فرحان اور حسین طلعت کو پویلین کی راہ دکھادی تھی۔

    پہلے ہی اوور میں دو وکٹیں گرنے کے بعد آسٹریلیا کی جیت یقینی نظر آرہی تھی لیکن فخر زمان اور شعیب ملک کی شاندار اننگز نے جیت آسٹریلیا سے چھین لی اور سیریز اپنے نام کی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔