ARYNews.tv | Urdu – Har Lamha Bakhabar

Tag: PakVsEng

  • سرفراز احمد کا قومی ٹیم کے اعزاز میں عشائیہ، مداحوں کا ہجوم گھر کے باہر اُمڈ آیا

    سرفراز احمد کا قومی ٹیم کے اعزاز میں عشائیہ، مداحوں کا ہجوم گھر کے باہر اُمڈ آیا

    کراچی: قومی ٹیم کے سابق کپتان سرفراز احمد نے ساتھی کھلاڑیوں کے اعزاز میں عشائیہ دیا، اظہر علی، محمد رضوان، حسن علی سمیت دیگر کرکٹرز ان کے گھر پہنچے۔

    اے آر وائی نیوز کے مطابق کراچی ٹیسٹ کے اختتام کے بعد سابق کپتان سرفراز احمد نے قومی ٹیم کے اعزاز میں عشائیہ دیا، عشائیے میں کھلاڑی اور ٹیم مینجمنٹ نے اُن کی دعوت پر شرکت کی۔

    عشائیے میں اظہر علی نے فیملی کے ساتھ شرکت کی جبکہ محمد رضوان، حسن علی، فہیم اشرف، فاسٹ بولر وسیم جونیئر اور دگیر کھلاڑی بھی اس موقع پر موجود تھے۔

    سرفراز احمد کے گھر کھلاڑیوں کی آمد کی خبر کا سن کر مداحوں کا ہجوم پسندیدہ اسٹارز سے ملنے کے لیے ان کے گھر کے باہر امڈ آیا اور مداحوں نے پسندیدہ کھلاڑیوں کے ساتھ سیلیفاں بنوائیں۔

    واضح  رہے کہ انگلینڈ نے پاکستان کو پہلی بار ہوم سیریز میں کلین سویپ کیا تھا، بابر اعظم الیون تینوں ٹیسٹ میچز میں خاطر خواہ کارکردگی نہ دکھا سکی۔

    یاد رہے کہ اب سے کچھ دیر قبل نیوزی لینڈ کے خلاف ٹیسٹ سیریز کے لیے قومی اسکواڈ کا اعلان کیا گیا ہے کہ جس میں سرفراز احمد بھی شامل ہیں جبکہ حسن علی کی ٹیم میں واپسی ہوئی ہے۔

  • ’ڈکی بھائی‘ اچھا کھیلے‘

    ’ڈکی بھائی‘ اچھا کھیلے‘

    انگلش ٹیم نے پاکستان کو ٹیسٹ سیریز میں ہوم گراؤنڈ پر پہلی بار وائٹ واش کردیا۔ کراچی ٹیسٹ مہمان ٹیم نے بابر اعظم الیون کو 8 وکٹوں سے آؤٹ کلاس کردیا۔

    کراچی ٹیسٹ میں بھی پاکستان کی بیٹنگ لائن ریت کی دیوار ثابت ہوئی بابر اعظم اور سعود شکیل، آغا سلمان کی نصف سنچریوں کے علاوہ کوئی بیٹر خاطر خواہ کارکردگی نہ دکھاسکا۔

    کراچی ٹیسٹ جیتنے کے لیے انگلش ٹیم کو 167 رنز کا ہدف ملا جو انہوں نے باآسانی 2 وکٹوں کے نقصان پر حاصل کرلیا۔

    ہیری بروک کو شاندار سنچری اسکور کرنے پر میچ کا بہترین کھلاڑی قرار دیا گیا جبکہ وہ مین آف دی سیریز کے بھی حقدار قرار پائے۔

    جہاں قومی ٹیم پر سابق کرکٹرز اور شائقین کرکٹ تنقید کررہے ہیں وہیں انگلش ٹیم کی شاندار کارکردگی پر انہیں مبارک باد دینے کا سلسلہ بھی جاری ہے قومی ٹیم کے سابق کپتان سرفراز احمد نے بھی انگلش کھلاڑی کو مبارک باد دی۔

    سیریز جیتنے پر بین ڈکٹ نے سنچری کی تصویر شیئر کرتے ہوئے لکھا کہ ’تاریخی سیریز جیت لی، ٹیسٹ سیریز میں شروع سے آخر تک تمام کھلاڑیوں نے کارکردگی دکھائی، کیا ٹیم ہے؟‘

    سرفراز احمد نے بھی بین ڈکٹ کو مینشن کرتے ہوئے لکھا کہ ’اچھا کھیلے ’ڈکی بھائی‘۔‘

  • کیا بابر اعظم کی بات اظہر علی کے دل پر جالگی؟

    کیا بابر اعظم کی بات اظہر علی کے دل پر جالگی؟

    قومی ٹیم کے سابق کپتان اور ٹیسٹ کرکٹر اظہر علی جذباتی انداز میں ریٹائرمنٹ کا اعلان کردیا۔

    قومی ٹیسٹ کرکٹر اظہر علی ریٹائرمنٹ کا اعلان کرتے ہوئے آبدیدہ ہوگئے ،سابق کپتان نے 12 سال پاکستان ٹیم کی نمائندگی کی اور انگلینڈ کے خلاف کراچی ٹیسٹ ان کے کیریئر کا آخری انٹرنیشنل میچ ہوگا۔

    اظہر علی نے 2010 میں آسٹریلیا کے خلاف ٹیسٹ ڈیبیو کیا اور 9 ٹیسٹ میں ٹیم کی قیادت کی، ٹیسٹ میں ٹرپل سنچری، ڈبل سنچری سمیت 19 سنچریاں بنائیں۔

    انہوں نے ٹیسٹ کرکٹ میں 7 ہزار 97 رنز بنائے وہ ٹیسٹ کرکٹ میں سب سے زیادہ رنز بنانے والے پانچویں بیٹر ہیں۔

    سابق کپتان نے پاکستان کی جانب سے سنچریوں میں بھی پانچویں نمبر پر ہیں جبکہ وہ ٹیسٹ کرکٹ میں ٹرپل سنچری اسکور کرنے والے چوتھے پاکستانی ہیں۔

    اظہر علی کی اچانک ریٹائرمنٹ کے اعلان پر سوال یہ ہے پیدا ہوتا ہے کہ کیا انہیں قومی ٹیم کے کپتان بابر اعظم کی بات بری لگی ہے؟

    واضح رہے کہ بابر اعظم نے ملتان ٹیسٹ سے قبل کہا تھا کہ اظہر علی کو اپنے کیریئر سے متعلق فیصلہ خود کرنا ہے۔

    دوسری جانب اظہر علی نے نیوز کانفرنس کرتے ہوئے کہا کہ ’کسی کے کہنے پر ریٹائرمنٹ کا فیصلہ نہیں کیا ہے، سیریز سے قبل ہی یہ فیصلہ کرچکا تھا۔

  • بابر اعظم نے امپائر کے پاس جاکر کیا کیا؟ ویڈیو وائرل

    بابر اعظم نے امپائر کے پاس جاکر کیا کیا؟ ویڈیو وائرل

    ملتان ٹیسٹ میچ کے دوسرے روز قومی ٹیم کے کپتان بابر اعظم کی امپائر کے پاس جاکر انہی کی نقل اتارنے کی دلچسپ ویڈیو وائرل ہوگئی۔

    ملتان ٹیسٹ کے دوسرے روز قومی ٹیم اپنی پہلی اننگز میں 202 رنز پر ڈھیر ہوگئی، بابر اعظم کے 75 اور سعود شکیل کے 63 رنز کے علاوہ کوئی کھلاڑی خاطر خواہ کارکردگی نہ دکھا سکا۔

    محمد رضوان دس رنز بنا کر پویلین لوٹ گئے، فہیم اشرف نے 22 رنز بنائے جبکہ محمد نواز ایک رن بنا کر جیک لیچ کو دکٹ دے کر چلتے بنے۔

    انگلینڈ کی جانب سے جیک لیچ نے چار وکٹیں حاصل کیں جبکہ فاسٹ بولر مارک ووڈ اور جو روٹ نے دو، دو کھلاڑیوں کو پویلین کی راہ دکھائی، جیمز اینڈرسن ایک وکٹ حاصل کرسکے۔

    دوسری اننگز میں انگلش ٹیم نے کھیل کے اختتام پر 5 وکٹوں کے نقصان پر 202 رنز بنالیے ہیں، ہیرو بروک 74 اور بین اسٹوکس 16 رنز کے ساتھ کریز پر موجود ہیں۔

    دوران میچ اس وقت دلچسپ صورتحال دیکھنے میں آئے جب بابر اعظم امپائر مارس ایرسمس کے پاس گئے اور انہی کا انداز اپنانے لگے۔

    قومی ٹیم کے کپتان کی یہ ویڈیو سوشل میڈیا پر وائرل ہورہی ہے اور صارفین کی جانب سے اس پر دلچسپ تبصرے کیے جارہے ہیں۔

  • ویڈیو: ابرار احمد کی بولنگ نے علیم ڈار کو بھی چکرادیا

    ویڈیو: ابرار احمد کی بولنگ نے علیم ڈار کو بھی چکرادیا

    ملتان: انگلینڈ کے خلاف دوسرے ٹیسٹ میچ میں قومی ٹیم میں ڈیبیو کرنے والے اسپنر ابرار احمد نے امپائر علیم ڈار کو بھی چکرا دیا۔

    ملتان ٹیسٹ میں قومی ٹیم میں ڈیبیو کرنے والے اسپنر ابرار احمد آتے ہی چھا گئے انہوں نے پہلی اننگز میں 7 انگلش کھلاڑیوں کو پویلین کی راہ دکھائی۔

    ابرار احمد کی گھومتی گیندیں جہاں انگلش بیٹرز کو پریشان کرتی رہیں وہیں لیجنڈری امپائر علیم ڈار بھی دو مرتبہ دھوکا کھاگئے اور ایل بی ڈبلیو آؤٹ نہ دے سکے۔

    ویڈیو میں دیکھا جاسکتا ہے کہ علیم ڈار کی جانب سے ناٹ آؤٹ قرار دیے جانے پر کپتان بابر اعظم نے ریویو لیا تو تھرڈ امپائر نے اسے آؤٹ قرار دیا۔

     واضح رہے کہ ملتان ٹیسٹ کے پہلے روز انگلینڈ کی ٹیم پہلی اننگز میں 281 رنز بنا کر آؤٹ ہوئی جبکہ قومی ٹیم نے کھیل کے اختتام پر 2 وکٹوں کے نقصان پر 107 بنالیے ہیں۔

    امام الحق بغیر کوئی رن بنائے اینڈرسن کا نشانہ بنے جبکہ عبداللہ شفیق 14 رنز بناسکے، کپتان بابر اعظم 61 اور سعود شکیل 32 رنز کے ساتھ کریز پر موجود ہیں۔

    انگلینڈ کی جانب سے جیمز اینڈرسن اور جیک لیچ نے ایک، ایک وکٹ حاصل کی۔

  • وزیراعظم نے قومی ٹیم سے ملتان ٹیسٹ جیتنے کا وعدہ لے لیا

    وزیراعظم نے قومی ٹیم سے ملتان ٹیسٹ جیتنے کا وعدہ لے لیا

    اسلام آباد: وزیراعظم شہباز شریف نے پنڈی ٹیسٹ میں انگلینڈ سے شکست کے بعد قومی ٹیم سے ملتان ٹیسٹ جیتنے کا وعدہ لے لیا۔

    اے آر وائی نیوز کے مطابق وزیراعظم شہباز شریف نے پاکستان اور انگلینڈ کی ٹیموں کے اعزاز میں منعقدہ تقریب میں شرکت کی اس موقع پر وفاقی وزرا، سفارتکار، چیئرمین پی سی بی رمیز راجا سمیت دیگر کرکٹرز بھی موجود تھے۔

    شہباز شریف نے راولپنڈی ٹیسٹ جیتنے پر انگلش ٹیم کو مبارک باد دیتے ہوئے کہا کہ دوسرے ٹیسٹ میں پاکستان کم بیک کرے گا، امید ہے کہ قومی ٹیم دوسرے ٹیسٹ میں کامیابی حاصل کرے گی۔

    انہوں نے کہا کہ 17 سال بعد انگلش ٹیم نے پاکستان میں ٹیسٹ کرکٹ کھیلی ہے دونوں ملکوں کے درمیان کرکٹ مشترک ہے۔

    وزیراعظم نے کہا کہ بڑی قربانیوں کے بعد ملک میں امن قائم ہوا ہے، دہشت گردی کے خلاف جنگ میں فورسز اور عوام نے بڑی قربانیاں دی ہیں۔

    شہباز شریف نے کہا کہ انگلش کپتان بین اسٹوکس سیلاب متاثرین کی امداد کے لیے آگے آئیں، میں ان کا پوری قوم کی جانب سے شکریہ ادا کرتا ہوں۔ انہوں نے پاک برطانیہ دوستی زندہ باد کا نعرہ بھی لگایا۔

    صحافیوں سے غیررسمی گفتگو

    علاوہ ازیں وزیراعظم شہباز شریف نے صحافیوں سے غیررسمی گفتگو کرتے ہوئے کہا کہ پاکستان میں کھیلوں کی ترقی کے لیے کوشاں ہیں۔

    انہوں نے ڈپارٹمنٹل اسپورٹس بحالی کے حکم نامے پر عملدرآمد نہ ہونے کا نوٹس لیتے ہوئے ملٹری سیکریٹری سے رپورٹ طلب کرلی۔

  • ’ٹیم کا کوئی نہیں سوچ رہا سب اپنے لیے کھیل رہے ہیں‘

    ’ٹیم کا کوئی نہیں سوچ رہا سب اپنے لیے کھیل رہے ہیں‘

    راولپنڈی: قومی ٹیم کی انگلینڈ کے خلاف پہلے ٹیسٹ میں شکست پر وکٹ کیپر بیٹر کامران اکمل برس پڑے۔

    پنڈی ٹیسٹ میں انگلش ٹیم نے پاکستان کو 74 رنز سے شکست دے دی، بیٹنگ وکٹ پر قومی بیٹرز کی وکٹیں گرنے کا سلسلہ جاری رہا جو قومی ٹیم کی شکست کی وجہ بنا جبکہ اولی روبنسن کو میچ کا بہترین کھلاڑی قرار دیا گیا۔

    آخری سیشن میں پاکستان کو جیت کے لئے 86 جبکہ انگلینڈ کو 5 وکٹیں درکار تھیں، اس موقع پر انگلش کپتان بین اسٹوکس نے جارحانہ حکمت عملی اپناتے ہوئے پاکستانی بیٹنگ لائن قابو کیا۔

    انگلینڈ سے جیتنا ہے تو سپورٹنگ وکٹیں بنانا ہوں گی، یونس خان

    اے آر وائی نیوز سے خصوصی گفتگو کرتے ہوئے سابق کپتان و مایہ ناز بیٹر یونس خان نے کہا کہ اگر ہمیں جیتنا ہے تو سپورٹنگ وکٹیں بنانا ہوں گی۔

    انہوں نے کہا کہ ’اگر ٹیسٹ کرکٹ پروموٹ کرنا ہے اور اپنی ٹیم کو سکھانا ہے تو آپ کو سپورٹنگ پچزبنانا ہوگی کل انگلینڈ نے اننگ ڈیکلیئر کردی تو کہا جارہا ہے تو جلدی اننگ ڈیکلیئر کردی لیکن انہیں معلوم تھا کہ وہ یہ میچ جیت سکتے ہیں۔

    ٹیم کا کوئی نہیں سوچ رہا سب اپنے لیے کھیل رہے ہیں، کامران اکمل

    دوسری جانب کامران اکمل نے کہا کہ ’ٹیم کا کوئی نہیں سوچ رہا سب اپنے لیے کھیل رہے ہیں۔‘

    انہوں نے کہا کہ انگلش ٹیم نے پاکستان کو جیتنے کا موقع دیا لیکن سیدھی وکٹ اور ہوم کنڈیشن کے باوجود پاکستان کو شکست ہوئی ہے۔

    کامران اکمل نے کہا کہ ٹیم آگے جانے کے بجائے پیچھے کی جانب جارہے ہیں، ایسی پچ جس میں نہ فاسٹ بولر کو مدد مل رہی ہے اور نہ اسپنرز کو اس پر وکٹیں گنوائیں۔

  • ’انگلینڈ نے بہت اچھا کھیلا اب ہمیں سنبھل کر کھیلنا ہے‘

    ’انگلینڈ نے بہت اچھا کھیلا اب ہمیں سنبھل کر کھیلنا ہے‘

    راولپنڈی: قومی ٹیم کے اوپنر بیٹر امام الحق کا کہنا ہے کہ انگلینڈ نے بہت اچھا کھیلا ہے اب ہمیں سنبھل کر کھیلنا ہوگا۔

    پنڈی ٹیسٹ میچ کے تیسرے روز 121 رنز کی شاندار اننگز کھیلنے والے اوپنر بیٹر امام الحق نے نیوز کانفرنس کرتے ہوئے کہا کہ ابھی 6 سیشنز باقی ہیں کل کے سیشن میں کوشش کریں گے اچھا کھیلیں۔

    انہوں نے کہا کہ پچ پر تھوڑا سا بریک اور باؤنس ملا ہے ہمیں بہتری کے لیے مزید اچھا کھیلنا ہوگا۔

    امام الحق نے کہا کہ کپتان بابر اعظم کے ساتھ میچز کھیلتا ہوں جبکہ عبداللہ شفیق کے ساتھ بھی اچھا کھیلنے کا موقع ملا ہے، میں نے ڈومیسٹک کرکٹ بہت کھیلی جس سے بیٹنگ میں بہتری آئی ہے۔

    اوپنر بیٹر نے کہا کہ جب اسکور بورڈ پر 650 رنز کا مجموعہ ہو تو خود کو بچانا بھی ہوتا ہے اور کوشش کرنی ہوتی ہے کہ اسکورز بھی زیادہ ہو اور محتاط ہوکر کھیلیں۔

    واضح رہے کہ تیسرے روز پاکستان نے بابر اعظم، عبداللہ شفیق اور امام الحق کی شاندار سنچریوں کی بدولت 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں۔

    انگلینڈ کی جانب سے ول جیکز نے تین کھلاڑیوں کو پویلین کی راہ دکھائی، جیک لیچ نے دو وکٹیں حاصل کیں جبکہ جمی اینڈرسن اور روبنسن ایک، ایک وکٹ حاصل کرسکے۔

    آغا سلمان 10 اور زاہد محمود ایک رن کے ساتھ کریز پر موجود ہیں۔

  • محمد عامر کی بابر اعظم کی ’کپتانی‘ پر تنقید

    محمد عامر کی بابر اعظم کی ’کپتانی‘ پر تنقید

    آئی سی سی ٹی 20 ورلڈ کپ کے فائنل میں گزشتہ روز انگلینڈ نے پاکستان کو سنسنی خیز مقابلے کے بعد 5 وکٹوں سے شکست دے کر دوسری مرتبہ چیمپئن بننے کا اعزاز حاصل کرلیا، فاسٹ بولر سیم کرن کو میچ کا بہترین کھلاڑی قرار دیا گیا۔

    قومی ٹیم کے کپتان بابر اعظم نے فائنل میں پانچ بولرز کا استعمال کیے اور فاسٹ بولرزشاہین شاہ آفریدی، حارث رؤف، نسیم شاہ، محمد وسیم جونیئر، لیگ اسپنر شاداب خان سے اوورز کروائے۔

     

    View this post on Instagram

     

    A post shared by ICC (@icc)

    بابر اعظم کو سیمی فائنل میچ میں کیویز کے خلاف وکٹیں لینے والے آل راؤنڈر محمد نواز سے اوور نہ کروانے پر کرکٹ شائقین کی جانب سے تنقید کی جارہی ہے وہیں فاسٹ بولر محمد عامر نے بھی ان کی کپتانی پر تنقید کی ہے۔

     

    View this post on Instagram

     

    A post shared by ICC (@icc)

    فاسٹ بولر نے پورے میچ میں محمد نواز کی بولنگ پر بھروسہ نہ کرنے پر بابر اعظم پر تنقید کی۔

    محمد عامر نے کہا کہ ’ہماری بولنگ پورے ٹورنامنٹ میں بہترین رہی کوئی ہماری بولنگ پر حاوی نہیں ہوسکا لیکن میں محمد نواز کے معاملے کو نہیں سمجھ سکا۔

     

    View this post on Instagram

     

    A post shared by ICC (@icc)

    انہوں نے کہا کہ بھارت کے خلاف پہلے میچ کے بعد ڈریسنگ روم میں ایک ویڈیو بنائی گئی تھی جہاں بابر نے نواز کو بتایا تھا کہ وہ میچ ونر ہیں اس کے بعد یہ فیصلہ کرنا مشکل تھا کہ وہ بطور بیٹر کھیلے یا پر انہیں بولنگ کے لیے کھلایا گیا تھا۔

  • ٹی 20 ورلڈ کپ فائنل، دو اہم انگلش کھلاڑی فٹ ہوگئے

    ٹی 20 ورلڈ کپ فائنل، دو اہم انگلش کھلاڑی فٹ ہوگئے

    انٹرنیشنل کرکٹ کونسل (آئی سی سی) ٹی 20 ورلڈ کپ کا فائنل کل بروز اتوار پاکستان اور انگلینڈ کی ٹیموں کے درمیان کھیلا جائے گا۔

    میگا ایونٹ کے فائنل سے قبل انگلش ٹیم کے کوچ میتھیو موٹ نے کہا کہ ٹیم مینجمنٹ پاکستان کے خلاف فائنل کے لیے فاسٹ بولرز مارک ووڈ اور ڈیوڈ ملان کو ٹیم میں شامل کرنے کا ارادہ رکھتے ہیں۔

    برطانوی نشریاتی ادارے سے گفتگو کرتے ہوئے انہوں نے کہا کہ ہمارے پاس آخری میچ کے لیے زیادہ وقت نہیں ہے اس دوران ہمیں پریکٹس کرنی ہے، پلیئنگ الیون کا انتخاب میچ سے قبل کریں گے۔

    واضح رہے کہ فاسٹ بولر مارک ووڈ اور بیٹر ڈیوڈ ملان سڈنی میں سری لنکا کے خلاف سپر 12 مرحلے کے میچ کے دوران انجرڈ ہوگئے تھے۔

    دونوں کھلاڑی بھارت کے خلاف سیمی فائنل میں بھی اسکواڈ کا حصہ نہیں تھے۔ سیمی فائنل میں کرس جارڈن اور فل سالٹ کو فائنل الیون میں شامل کیا گیا تھا۔

    یادرہے کہ فاسٹ بولر مارک ووڈ ورلڈ کپ میں کے چار میچز میں 9 کھلاڑیوں کو پویلین کی راہ دکھا چکے ہیں۔

    مزید پڑھیں: بارش کی پیشگوئی، میچ کے قوانین میں تبدیلی

    دوسری جانب فائنل معرکہ بارش سے متاثر ہونے کا خدشہ ہے جس سے متعلق آئی سی سی نے قوانین میں تبدیلی کردی ہے۔

    ایونٹ ٹیکنیکل کمیٹی نے ورلڈ کپ کا فائنل فیصلہ کن بنانے کے لیے پلیئنگ کنڈیشنز میں تبدیلی کر دی ہے، اتوار کو بارش کی صورت میں میچ ادھورا رہ جائے تو میچ اگلے روز یعنی سوموار کو مکمل کیا جائے گا۔

    ریزرو ڈے والے روز یعنی پیر کو بھی میچ کا نتیجہ نہ آنے کی صورت میں کھیل کا اضافی دورانیہ 2 گھنٹوں سے بڑھا کر 4 گھنٹے کر دیا گیا ہے۔

    آئی سی سی کا کہنا ہے کہ پوری کوشش ہوگی کہ میچ اتوار کو ہی مکمل ہو جائے بارش کی صورت میں اگلے روز یعنی ریزرو ڈے پر مقابلہ 3 بجے شروع کیا جائے گا۔