Tag: Palestine

سنگاپور (31 جولائی 2025): جنوب مشرقی ایشیا کے ملک سنگاپور نے بھی فلسطینی ریاست کو تسلیم کرنے کا عندیہ دیتے ہوئے کہا ہے کہ وہ ایسا کرنے کے لیے اصولی طور پر تیار ہے۔

منگل کے روز نیویارک میں فلسطین کے بارے میں اقوام متحدہ کی اعلیٰ سطح کی کانفرنس سے خطاب کرتے ہوئے سنگاپور کی وزارت خارجہ کے نائب سیکریٹری کیون چیوک نے کہا فلسطین کو تسلیم کرنے کے اقدام کا مطلب یہ ہونا چاہیے کہ دو ریاستی حل کی طرف پیش قدمی کو فروغ ملے۔

انھوں نے کہا سنگاپور نے ہمیشہ اپنے وطن کے بارے میں فلسطینیوں کے حق کی حمایت کی ہے، جو کہ سلامتی کونسل کے متعلقہ قراردادوں کے عین مطابق ہے، فلسطین کے پرانے مسئلے کا یہی واحد پائیدار حل ہے اور ہم اس مقصد کے لیے اصولی طور پر فلسطینی ریاست کو تسلیم کرنے کے لیے تیار ہیں۔

کیا فلسطین اقوام متحدہ کی مکمل رکنیت حاصل کر سکتا ہے؟

نائب سیکریٹری کیون چیوک نے کہا ہم غزہ میں مستقل جنگ بندی کی حمایت کرتے ہیں، اور غزہ کی تعمیر نو کی کوششوں میں تعاون کے لیے بھی آمادہ ہیں، غزہ میں فوری طور پر جنگ بندی کی جائے اور ہمارا اسرائیلی حکومت سے مطالبہ ہے کہ وہ فوری طور پر ضروری انسانی امداد کی فراہمی پر عائد تمام پابندیاں ختم کرے۔

سنگاپوری عہدے دار کا یہ بھی کہنا تھا کہ وہ غزہ کے مریضوں کے علاج میں مدد کے لیے خطے میں ایک طبی ٹیم کی تعیناتی پر بھی غور کر رہے ہیں، اور چاہتے ہیں کہ مستقل جنگ بندی کے بعد غزہ کی تعمیر نو میں اپنا کردار ادا کریں۔

واضح رہے کہ اس سے قبل فرانس کے ایمانوئل میکرون، برطانیہ کے کیر اسٹارمر اور کینیڈا کے مارک کارنی نے اعلان کیا ہے کہ ان کے ممالک ستمبر میں فلسطین کو تسلیم کر لیں گے۔

برطانیہ اور فرانس کی جانب سے حمایت کے بعد فلسطینی ریاست کو عالمی سطح پر مزید تسلیم کیے جانے کے امکانات روشن ہو گئے ہیں۔

تفصیلات کے مطابق جب فرانس نے گزشتہ ہفتے اعلان کیا کہ وہ ستمبر میں فلسطینی ریاست کو تسلیم کر لے گا، اس کے بعد اقوام متحدہ میں فلسطین کی مکمل رکنیت کے امکانات نے نیا زور پکڑ لیا ہے۔

برطانوی وزیر اعظم کیئر اسٹارمر نے منگل کے روز کہا تھا کہ اگر اسرائیل نے غزہ کی صورت حال نہ بدلی تو برطانیہ ستمبر میں اقوام متحدہ کی جنرل اسمبلی میں فلسطین کو ریاست تسلیم کر لے گا، انھوں نے مطالبہ کیا تھا کہ اسرائیل غزہ میں بحران کم کرنے کے لیے سنجیدہ اقدامات کرے۔

برطانوی وزیراعظم کا ستمبر میں فلسطین کو ریاست تسلیم کرنے کا اعلان

اب یہ سلسلہ دراز ہوتا جا رہا ہے، فرانس اور برطانیہ کے بعد کینیڈا بھی فلسطینی ریاست کو تسلیم کرنے پر مشروط طور پر رضامند ہو گیا ہے، وزیر اعظم مارک کارنی نے اعلان کیا کہ کینیڈا ستمبر میں اقوام متحدہ کی جنرل اسمبلی کے اجلاس میں فلسطینی ریاست کو تسلیم کرنے کا ارادہ رکھتا ہے۔

سنگاپور نے بھی کہا ہے کہ وہ فلسطینی ریاست کو تسلیم کرنے کے لیے اصولی طور پر تیار ہے اور اہم بات یہ ہے کہ اس طرح کے اقدام سے امن اور دو ریاستی حل کی جانب پیش رفت کو فروغ دینے میں مدد ملنی چاہیے۔

فی الحال اقوام متحدہ میں فلسطینی اتھارٹی، جو فلسطینی عوام کی نمائندگی کرتی ہے، مکمل رکن نہیں بلکہ ایک ’’غیر رکن مبصر ریاست‘‘ کے طور پر موجود ہے۔ اس کے وفد کو رسمی طور پر ’’ریاستِ فلسطین‘‘ کہا جاتا ہے لیکن اسے جنرل اسمبلی میں ووٹ ڈالنے کا حق حاصل نہیں ہوتا۔

نومبر 2012 میں اقوام متحدہ کی جنرل اسمبلی نے فلسطین کو ’’مبصر‘‘ سے بڑھا کر ’’غیر رکن ریاست‘‘ کا درجہ دیا تھا، جس کے حق میں 138 ممالک نے ووٹ دیا، صرف 9 نے مخالفت کی تھی، جب کہ 41 نے رائے شماری میں حصہ نہیں لیا تھا۔ مئی 2024 میں جنرل اسمبلی نے فلسطین کو اقوام متحدہ کی مکمل رکنیت کے لیے اہل قرار دے کر ایک بڑی پیش رفت کی اور سلامتی کونسل سے اس پر مثبت غور کی سفارش کی۔

واضح رہے کہ نئی رکنیت کی خواہش مند ریاست پہلے اقوام متحدہ کے سیکریٹری جنرل کو درخواست دیتی ہے، جو یہ معاملہ سلامتی کونسل کو بھیجتے ہیں۔ پھر ایک کمیٹی اس درخواست کا جائزہ لیتی ہے۔ اگر کم از کم 9 ممالک درخواست کی حمایت کریں اور مستقل اراکین (امریکا، روس، چین، فرانس، برطانیہ) میں سے کوئی ویٹو نہ کرے، تو معاملہ جنرل اسمبلی میں جاتا ہے، جہاں 2 تہائی اکثریت درکار ہوتی ہے۔ اقوام متحدہ میں شمولیت کے لیے سلامتی کونسل اور جنرل اسمبلی دونوں کی منظوری لازمی ہے۔

رام اللہ: فسلطین میں چرچ رہنماؤں اور سفارتکاروں نے اسرائیلی آباد کاروں کے خلاف کارروائی کا مطالبہ کیا ہے۔

تفصیلات کے مطابق فلسطین میں اعلیٰ چرچ رہنماؤں اور دنیا کے مختلف ممالک کے سفارتکاروں نے مطالبہ کیا ہے کہ اسرائیلی آباد کاروں کو قانون کے کٹہرے میں لایا جائے۔

حالیہ ہفتوں میں آباد کاروں کے حملوں میں شدت آنے کے بعد چرچ کے سرکردہ رہنماؤں اور سفارت کاروں نے مقبوضہ مغربی کنارے کے مسیحی اکثریتی قصبے طیبہ کا دورہ کیا۔ برطانیہ، روس، چین، جاپان، اردن اور یورپی یونین سمیت 20 سے زائد ممالک کے نمائندے پیر کو مغربی کنارے کے گاؤں کا دورہ کرنے والے مندوبین میں شامل تھے۔

رپورٹس کے مطابق صہیونی آباد کاروں کی طرف سے طیبہ میں ایک چرچ کے قریب آگ لگانے کے واقعے کے بعد جب فلسطینی کمیونٹی نے مدد کے لیے اسرائیلی حکام کو فون کیے تو ان کی طرف سے کوئی جواب نہیں دیا گیا۔

مدرسے کے طلبہ کی فوج میں بھرتی پر یہودی مذہبی جماعت نے نیتن یاہو حکومت چھوڑ دی

مقبوضہ بیت المقدس میں چرچ رہنماؤں نے مطالبہ کیا کہ واقعے کی مکمل تحقیقات کی جائیں اور ان آبادکاروں کو جواب دہ ٹھہرایا جائے جنھیں اسرائیلی حکام کی طرف سے سہولت اور تحفظ فراہم کیا جا رہا ہے۔

آبادکاروں نے نہ صرف فلسطینی زمینوں پر مویشی چرائے بلکہ کئی گھروں کو آگ لگا دی اور علاقے میں ایک اشتعال انگیز بورڈ بھی لگایا جس پر لکھا تھا کہ تمھارا یہاں کوئی مستقبل نہیں ہے۔

الجزیرہ کی رپورٹ کے مطابق چرچ رہنما صہیونی آباد کاروں کے ان حملوں کو منظم اور نشانہ بنا کر کیے گئے حملے قرار دے رہے ہیں۔ ان کا کہنا ہے کہ آباد کار اپنے مویشیوں کو اس علاقے میں فلسطینی اراضی پر چرانے کے لیے لائے اور کئی گھروں کو آگ لگا دی۔