Tag: Palestine

واشنگٹن: امریکی صدر ڈونلڈ ٹرمپ نے اسرائیلی وحشت و بربریت کے ہاتھوں تباہ شدہ غزہ میں ملبے کی صفائی کے دوران فلسطینیوں کو انوکھا مشورہ دیا ہے کہ وہ اردن، مصر اور دیگر عرب ممالک چلے جائیں۔

امریکی صدر ڈونلڈ ٹرمپ نے کہا کہ غزہ اس وقت تباہ حال ہے، لوگ مر رہے ہیں، رہنے کے لیے مکان نہیں ہیں، عرب ممالک کے ساتھ مل کر فلسطینیوں کے لیے گھر تعمیر کیے جا سکتے ہیں جہاں وہ امن سے رہ سکیں۔

امریکی صدر نے فلسطینیوں کے امن سے رہنے کی بات ایسے وقت کی ہے جب فلسطینی اپنی رہائش گاہیں مکمل طور پر کھو چکے ہیں اور ہزاروں شہری مارے جا چکے ہیں جن میں ایک بڑی تعداد بچوں اور خواتین کی ہے۔

دوسری طرف ڈونلڈ ٹرمپ نے جو بائیڈن دور کے احکامات واپس لے کر اسرائیل کو 2 ہزار پاؤنڈ وزنی بم فراہم کرنے کا بھی حکم دے دیا ہے، اور ایک بیان میں کہا کہ اسرائیل کو جلد وہ بم فراہم کیے جائیں گے جس کی انھوں نے ادائیگی کی ہے۔

بے حسی کی مثال قائم کرتے ہوئے امریکی صدر نے کہا وہ غزہ کو ’بس صاف‘ کرنا چاہتے ہیں، اس لیے مصر اور اردن پر زور دے رہے ہیں کہ وہ ساحلی علاقوں سے مزید فلسطینیوں کو لے جائیں۔ ہفتے کے روز ایئر فورس ون میں موجود صحافیوں کے ساتھ بات کرتے ہوئے ٹرمپ نے کہا کہ ان کا اردن کے شاہ عبداللہ دوم کے ساتھ ایک دن پہلے فون پر بات ہوئی ہے، اور اتوار کو مصر کے صدر عبدالفتاح السیسی سے بھی بات کریں گے۔

اسرائیلی فوج فلسطینیوں کو شمالی غزہ جانے سے روک رہی ہے، حماس

الجزیرہ نے ٹرمپ کے اس بیان پر فلسطینیوں کی نسلی تطہیر کا خدشہ ظاہر کر دیا ہے، ٹرمپ کا کہنا تھا کہ نقل مکانی عارضی یا طویل مدتی ہو سکتی ہے، جب کہ انھوں نے اسرائیل کے لیے 2000 پاؤنڈ کے بموں پر سے روک اٹھانے کا بھی اعلان کیا ہے۔

فلسطینی اسلامی جہاد نے امریکی صدر کی تجویز کی مذمت کرتے ہوئے اسے جنگی جرائم کی حوصلہ افزائی قرار دیا۔ اور کہا کہ یہ تجویز انتہائی صہیونی دائیں بازو کے بدترین ایجنڈے کے مطابق اور فلسطینی عوام کے وجود، ان کی مرضی اور ان کے حقوق سے انکار کی پالیسی کا تسلسل ہے، تنظیم نے مصر اور اردن سے مطالبہ کیا کہ وہ اس منصوبے کو مسترد کر دیں۔

قطر کی جارج ٹاؤن یونیورسٹی میں تاریخ کے ایسوسی ایٹ پروفیسر عبداللہ العریان نے الجزیرہ کو بتایا کہ امریکی صدر کے ریمارکس کو سنجیدگی سے لیا جانا چاہیے کیوں کہ ہم نے گزشتہ ڈیڑھ سال سے یہ مخصوص مطالبہ دیکھا ہے۔ انھوں نے کہا کہ اسرائیلی حکام نے ’’جنگ کے آغاز ہی میں‘‘ فلسطینی سرزمین کے زیادہ سے زیادہ حصے کو ’’نسلی طور پر پاک‘‘ کرنے کا اشارہ دیا تھا۔

غزہ: غزہ کی وزارت صحت کے ایک اہلکار نے جمعہ کے روز یہ دردناک انکشاف کیا ہے کہ اسرائیل کی طرف سے مسلسل 16 ویں مہینے تک نسل کشی کے دوران ہاتھ اور پیر کاٹے جانے کے 4,500 کیسز ریکارڈ کیے گئے۔

ہیلتھ انفارمیشن ڈیپارٹمنٹ کے ڈائریکٹر ظہور الواحد نے تصدیق کرتے ہوئے کہا ’’ہم نے غزہ کی پٹی پر جاری اسرائیلی حملوں کے نتیجے میں 2024 کے آخر تک ساڑھے چار ہزار ہاتھ پیر کاٹے ہیں۔‘‘

ڈائریکٹر نے بتایا کہ تقریباً 800 فلسطینی بچوں کے کیسز ریکارڈ کیے گئے ہیں، جو کہ ریکارڈ شدہ قطع اعضا کے کیسز کی کل تعداد کا 18 فی صد ہیں، ان کیسز میں 540 خواتین بھی شامل ہیں جو کل تعداد کا 12 فی صد ہیں۔

ان کا کہنا تھا کہ اس دردناک اعداد و شمار سے پتا چلتا ہے کہ فلسطینی شہری کس تباہی کا سامنا کر رہے ہیں، بالخصوص سب سے زیادہ کمزور گروہ یعنی بچے اور خواتین۔ دوسری طرف ڈاکٹر اور حکومتی عہدیدار اس خدشے کا اظہار بھی کر رہے ہیں کہ قطع اعضا کی اصل تعداد اس سے کہیں زیادہ ہے، کیوں کہ غزہ کی صورت حال کے پیش نظر درست اعداد و شمار پیش کرنا مشکل ہے۔

اسرائیلی فوج کے میجر پر یہودیوں کے حملے کی ویڈیو وائرل

واضح رہے کہ 7 اکتوبر 2023 کو نسل کشی کی جنگ کے آغاز کے بعد سے، اسرائیلی فوج نے غزہ میں صحت کے مراکز کو نشانہ بنایا، اسپتالوں کو بمباری سے تباہ کیا اور محاصرے میں لیے، انھیں خالی کرنے کی دھمکیاں دیں، اور طبی سامان کے داخلے کو روکا۔

انھوں نے کہا کہ صحت کے شعبے کو بڑھتے ہوئے بحران سے بچانے کے لیے طبی اور انسانی امداد کی اشد ضرورت ہے۔

غزہ کی پٹی میں آٹھویں فلسطینی بچے کی ہائپوتھرمیا کی وجہ سے موت واقع ہو گئی ہے۔

الجزیرہ کی دل دہلا دینے والی رپورٹ کے مطابق غزہ میں خاندان سخت سردی کا سامنا کر رہے ہیں، اسرائیل نے انسانی امداد کے داخلے پر پابندی لگا رکھی ہے، بشمول کمبل اور خیمے، جس کی وجہ سے خاندانوں کو شدید سردی سے بچاؤ کے ذرائع میسر نہیں آ سکے ہیں۔

وزارت صحت کے مطابق غزہ میں سخت سردی کی وجہ سے ایک اور بچے کی موت واقع ہو گئی ہے، جس کے بعد سردی سے مرنے والے بچوں کی تعداد آٹھ ہو گئی ہے۔

بچے کی ماں نے الجزیرہ کو روتے ہوئے بتایا ’’میں یوسف کی ماں ہوں۔ میں نے اسے کھو دیا، وہ انتہائی سرد موسم کی وجہ سے مر گیا، رات کو وہ میرے پاس سویا تھا لیکن صبح میں نے اسے منجمد اور مردہ پایا۔ مجھے نہیں پتا اب میں کیا کہوں۔‘‘

ویڈیو رپورٹ میں بچے کی ماں نے مزید کہا ’’کوئی بھی میرے دکھ کو محسوس نہیں کر سکتا، دنیا میں کوئی بھی ہماری تباہ کن صورت حال کو نہیں سمجھ سکتا، یوسف بالکل ٹھیک تھا، وہ صحت مند پیدا ہوا تھا… میں نے یوسف کو ہمیشہ کے لیے کھو دیا۔‘‘

حماس اسرائیل معاہدے میں کن باتوں پر اتفاق ہوا ہے؟

واضح رہے کہ اسرائیلی فورسز نے غزہ پر گولہ باری کا سلسلہ جاری رکھا ہوا ہے، جس سے غزہ بھر میں رات بھر کم از کم 13 اور گزشتہ 24 گھنٹوں کے دوران 31 فلسطینی شہید ہو گئے ہیں۔

غزہ میں اسرائیل کی نسل کشی میں 7 اکتوبر 2023 سے اب تک کم از کم 45,805 فلسطینی شہید اور 109,064 زخمی ہو چکے ہیں۔

غزہ: اسپتال پر اسرائیلی فورسز کی وحشیانہ بمباری کے نتیجے میں زیر علاج ایک فلسطینی نوجوان زندہ جل گیا، نوجوان کی زندگی کے آخری لمحات کی ویڈیو وائرل ہو گئی ہے۔

متوفی کی شناخت 20 سالہ شعبان الدلو کے نام سے ہوئی ہے، جو اسپتال پر اسرائیلی حملے کے دوران اپنے ٹینٹ میں تھا، آگ بھڑکنے کے بعد وہ بھی زد میں آ گیا اور جل کر شہید ہو گیا۔

پیر کی صبح شہدائے الاقصیٰ اسپتال پر اسرائیلی فضائی حملہ ہوا تھا، جس سے جنگ کی وجہ سے بے گھر افراد کے پُر ہجوم خیموں میں آگ بھڑک اٹھی تھی، اور کم از کم 4 افراد شہید ہو گئے تھے اور سینکڑوں کو جلنے کے شدید زخم آئے۔

میڈیا رپورٹس کے مطابق 20 سالہ نوجوان اپنی والدہ کے ساتھ اس آگ میں جاں بحق ہو گیا تھا، وہ سافٹ ویئر انجینئرنگ کا طالب علم تھا، اور ایک مسجد پر اسرائیلی حملے میں بال بال بچ گیا تھا، الدلو غزہ کی پٹی پر اسرائیل کی جنگ کے نتیجے میں اپنے خاندان سمیت بے گھر ہو گیا تھا۔

دوسری طرف اسرائیلی فوج نے بغیر ثبوت فراہم کیے یہ دعویٰ کیا کہ اس کے پیر کے حملے میں شہریوں کے درمیان چھپے مزاحمت کاروں کو نشانہ بنایا گیا تھا، حالیہ مہینوں میں اسرائیلی فوج نے بار بار پُرہجوم پناہ گاہوں اور خیمہ بستیوں کو نشانہ بنایا اور الزام لگایا ہے کہ حماس کے مزاحمت کار انھیں حملوں کے لیے میدان کے طور پر استعمال کر رہے ہیں۔