اسلام آباد : پاناما کیس کی مشترکہ تحقیقاتی ٹیم کے دو ارکان دبئی پہنچ گئے ہیں، اراکین نے مختلف شخصیات سے ملاقاتیں کیں، جےآئی ٹی ارکان نے قطرکے ویزے کیلئے اپلائی ہی نہیں کیا تھا۔
تفصیلات کے مطابق پاناما کیس کی تحقیقات کے لیے بنائی گئی چھ رکنی جے آئی ٹی کے دو ارکان عرفان منگی اور بریگیڈیئر کامران رشید دبئی پہنچ گئے ہیں جہاں انہوں نے مختلف شخصیات سے اہم ملاقاتیں کی ہیں۔
ذرائع کا کہنا ہے کہ جے آئی ٹی کے دونوں اراکین مبینہ طور پر شریف فیملی کی جانب سے جو گلف اسٹیل کے حوالے سے بیانات اور دستاویزات جمع کروائے گئے ہیں ان کی تصدیق کیلئے دبئی گئے ہیں۔
اس حوالے سے ذرائع کا کہنا ہے کہ اراکین نے دبئی سے اہم ریکارڈ بھی حاصل کرلیا ہے، ریکارڈ کی فراہمی میں دبئی حکومت نے اہم کردار ادا کیا۔
ذرائع کے مطابق دبئی میں اسحاق ڈار اور ان کے بیٹوں کی جائیداد کا ریکارڈ بھی حاصل کرلیا گیا ہے، جےآئی ٹی نے ۔گزشتہ روز اسحاق ڈار سے دبئی جائیداد سےمتعلق سوال کیا تھا، جےآئی ٹی کے سوال پر اسحاق ڈار نےبرا بھی منایا تھا۔
جے آئی ممبران کے قطر جانے کی خبر درست نہیں
خیال رہے کہ آج مختلف چینلز پر چلنے والی جے آئی ٹی اراکین کی قطر جانے کے حوالے سے خبر درست نہیں کیونکہ جے آئی ٹی ارکان نے قطر کے ویزے کے لیے درخواست ہی نہیں دی تھی۔
مزید پڑھیں: قطری شہزادے کا پاکستان اور سفارتخانے آنے سے انکار
واضح رہے کہ قطری شہزادے حماد بن جاسم کی جانب سے ان کے پہلےخط کی تصدیق کی گئی تھی، اس کے علاوہ قطری شہزادے نے جے آئی ٹی کو قطر آکر بیان ریکارڈ کرانے کی ہامی بھر رکھی تھی تاہم انہوں نے قطرمیں پاکستانی سفارت خانے میں جا کر بیان ریکارڈ کرانے کی جے آئی ٹی کی تجویز پر عمل کرنے سےانکار کردیا تھا۔
جے آئی ٹی قطرنہ گئی توشدید تحفظات ہوں گے‘ آصف کرمانی
