Tag: panama leaks

  • پنامالیکس تحقیقات : کمیشن کا معاملہ طُول پکڑنے لگا

    پنامالیکس تحقیقات : کمیشن کا معاملہ طُول پکڑنے لگا

    اسلام آباد : پناما لیکس کی تحقیقات کون کرے گا۔ کمیشن کے قیام کا معاملہ لٹک کررہ گیا۔ حکومت کمیشن بنانے کیلئے سرگرداں ہے تو اپوزیشن جماعتوں کے اپنے اپنے مطالبے ہیں۔

    رضاربانی نےخورشیدشاہ کی تجویز ردکرتے ہوئےکمیٹی کی سربراہی سے انکار کردیا۔ پناما لیکس کی تحقیقات کامعاملہ طُول پکڑنے لگا۔

    ن لیگ،پیپلزپارٹی اور تحریک انصاف اپنی اپنی بولیاں بول رہے ہیں، نتیجہ تاحال صفر ہے۔ پانچ ججزکےانکار کے بعدجسٹس ریٹائرسرمد جلال عثمانی کمیشن کی سربراہی کے لئے راضی ہوئے تواپوزیشن نےاعتراض کردیا۔

    خوشیدشاہ نے رضاربانی کی سربراہی میں کمیٹی کی تجویزدی۔جسے چئیرمین سینیٹ نے خود ہی رد کردیا، رضا ربانی نےدو ٹوک کہہ دیا کہ وہ پاناما لیکس کے معاملے میں نہیں آنا چاہتے۔

    دوسری جانب عمران خان کی سوئی چیف جسٹس کے کمیشن پر اٹکی ہوئی ہے۔ صورتحال یہ ہے کہ تحقیقات کے لئے اپوزیشن خود کسی رائے پر متفق نہیں ہو پا رہی۔

    اس صورتحال میں سوال اٹھ رہے ہیں کہ پانامہ لیکس کی تحقیقات کب شروع ہوں گی اورتحقیقات کون کرے گا؟ کیا آف شورکمپنیوں کاشور کسے نتیجے پر پہنچ کر تھمے گا؟ یا ماضی کی طرح یہ شور کسی نئے تماشے کے شور میں دب جائے گا؟

     

  • پانامہ لیکس : سپریم کورٹ بار نے کمیشن تشکیل دینے کے فیصلے کو مسترد کردیا

    پانامہ لیکس : سپریم کورٹ بار نے کمیشن تشکیل دینے کے فیصلے کو مسترد کردیا

    لاہور : سپریم کورٹ بار نے وزیراعظم کی جانب سے پانامہ لیکس کی تحقیقات کے لئے کمیشن تشکیل دینے کے فیصلے کو مسترد کر دیا۔

    سپریم کورٹ بارنے اٹھارہ اپریل کو قوم کے سامنے لائحہ عمل دینے کا اعلان کر دیا، پانامالیکس کے معاملہ پر وکلاء برداری کی حمایت حاصل کرنے کے لئے حکومتی اور تحریک انصاف کے وفود نے سپریم کورٹ بارکے عہدیداروں سے ملاقات کی۔

    حکومتی وفد کے سربراہ وفاقی وزیر قانون زاہد حامد کاکہنا تھا کہ انکوائری کمیشن آزاد اور ریٹائرجج کی سربراہی میں ہوگا، تحریک انصاف کے رہنما شاہ محمود قریشی نے کہا کہ حاضر سروس جج کی سربراہی میں کمیشن کے قیام کے معاملے پر سیاسی جماعتوں اور وکلاء برادری کی مشاورت سے لائحہ عمل طے کیا جائے گا۔

    حکومتی اور اپوزیشن کے وفود نے سپریم کورٹ بار سے تعاون مانگا لیکن سپریم کورٹ بار نے فوری حمایت کرنے کی بجائے اٹھارہ اپریل کو فیصلے کے اعلان کا کہا ہے۔

    صدر سپریم کورٹ بار ایسوسی ایشن یرسٹر علی ظفر نے پانامہ لیکس پرلائحہ عمل طے کرنے کے لیے 18اپریل کو اجلاس طلب کرلیاہے۔

     

  • وزیرخزانہ اسحا ق ڈارکی پاناما کے حکام سے ملاقات کی تردید

    وزیرخزانہ اسحا ق ڈارکی پاناما کے حکام سے ملاقات کی تردید

    اسلام آباد : پانامہ کے وزیرخزانہ نے تہلکہ خیز دعویٰ کیا ہے کہ ان سے پاکستانی وزیر خزانہ نے ملاقات کی ہے۔ جبکہ پاکستانی وزارت خزانہ کے حکام کا کہنا ہے کہ وزیر خزانہ نے پانامہ کے کسی وزیر سے ملاقات نہیں کی۔

    تفصیلات کے مطابق لاطینی امریکا کے چھوٹے سے ملک پانامہ نے ہنگامہ کھڑا کررکھا ہے۔ اسی ملک کے وزیر نےایک اورتہلکہ خیز دعوٰی کردیا۔

    سی این این کے مشہورومعروف صحافی رچرڈ کوئسٹ نےپانامہ کےوزیر معیشت سے پوچھا کہ آپ کے پاس پانامہ پیپر پانامہ پیپرزرکرتا کون کون آیا۔

    پانامہ کے وزیرکا جواب کسی بم دھماکے سے کم نہ تھا۔ آئیون زرک نے دعوٰی کیا کہ کوئی اورنہیں پاکستانی وزیرخزانہ آئے تھے۔

    پاکستانی حکومت نے یہ دعوٰی فوری طور پرمسترد کردیا،ترجمان وزارت خزانہ نےکہا کہ وزیرخزانہ سے پاناما کے وزیرکی ملاقات کی خبربےبنیاد ہے۔

    اسحاق ڈاربیرون ملک گئےہی نہیں،انہوں نےواشنگٹن کا دورہ منسوخ کردیا۔ان کی جگہ سیکرٹری خزانہ ڈاکٹروقارمسعود گئے ہیں۔

     

  • چوروں کا مقدمہ لڑنے والے پانامہ لیکس کامقدمہ لڑرہے ہیں، خواجہ سعد رفیق

    چوروں کا مقدمہ لڑنے والے پانامہ لیکس کامقدمہ لڑرہے ہیں، خواجہ سعد رفیق

    لاہور : وفاقی وزیرریلوے خواجہ سعد رفیق نے کہا ہے کہ سپریم کورٹ کے بڑے بڑے وکیل صرف چوروں کا مقدمہ لڑتے ہیں، ان خیالات کا اظہارانہوں نے لاہورمیں میڈیا سے گفتگو کرتے ہوئے کیا۔

    خواجہ سعد رفیق نے نام لئے بغیراعتزاز احسن پرطنزکرتے ہوئے الزام لگایا کہ چوروں کا مقدمہ لڑنے والے آج پانامہ لیکس کامقدمہ لڑرہے ہیں۔انہوں نے کہا کہ پاکستان کے جس چور کا وکیل تلاش کریں گے ایک ہی نکلے گا.

    خواجہ سعد رفیق نے کہا کہ حسن اور حسین نواز پاکستان سے ایک روپیہ بھی باہر لیکر نہیں گئے۔ ان کا کہنا تھا کہ وائٹ کالر کرائم پکڑنا کوئی آسان کام نہیں ہے، وزیر اعظم وطن واپس کب آئینگے کچھ معلوم نہیں ،ایک شخص بیمار ہے ، صحت یاب ہوگا تو واپس آئے گا اندازے نہ لگائے جائیں ۔

    خواجہ سعد رفیق کا کہنا تھا کہ میری معلومات کے مطابق ابھی تک کمیشن کا سربراہ کسی کو مقرر نہیں کیا ، اپوزیشن سڑکوں کی بجائے پارلیمنٹ میں آئے اور ہم سے بات کرے۔

    خواجہ سعد رفیق نے کہا کہ عمران خان برطانیہ فرانزک ایکسپرٹ سے نہیں اپنے سالے کی انتخابی مہم چلانے گئے ہیں، 24 اپریل کو تحریک انصاف دھرنا نہیں بلکہ میوزیکل شو کرنے جارہی ہے ۔

    ایک صحافی نے کہا کہ آج ہم خواجہ سعد سے نہیں بلکہ رفیق شہید کے بیٹے سے سوال کرنا چاہتے ہیں، صحافی نے سوال کیا کہ مزدور ایک ایک ڈالر کما کر ملک میں بھیجتا ہے ، حکمرانوں کے بچے پاناما میں خفیہ اکاونٹ کھولتے ہیں۔ صحافی کا سوال سن کر خواجہ سعد رفیق پریشان ہوگئے۔

    سوال کے جواب میں خواجہ سعد رفیق کا کہنا تھا کہ جواب نہیں دینا چاہتا کوئی اور سوال ہے تو کریں ، یاد رہے کہ پی پی رہنما اعتزاز احسن ایڈووکیٹ نے ہی ماضی میں وزیراعظم کی اہلیہ کلثوم نواز کا مقدمہ بھی لڑا تھا۔

     

  • پانامہ لیکس : کمیشن کیلئے سرمد جلال عثمانی کا نام قابل قبول نہیں، خورشید شاہ

    پانامہ لیکس : کمیشن کیلئے سرمد جلال عثمانی کا نام قابل قبول نہیں، خورشید شاہ

    اسلام آباد : قومی اسمبلی میں اپوزیشن لیڈرسید خورشید شاہ نے کہا ہے کہ سرمد جلال عثمانی کی اہلیہ ن لیگ کی ہیں اس لئے ان کی سربراہی میں پانامہ لیکس کی تحقیقات کےلئے کمیشن پراعتراض ہے۔

    چیف جسٹس کی سربراہی میں کمیشن نہ بنا تو رضا ربانی کی قیادت میں پارلیمانی کمیٹی بنادی جائے

    ۔ تفصیلات کے مطابق پیپلز پارٹی کے مرکزی رہنما اور اپوزیشن لیڈرخورشید شاہ نے پانامہ لیکس کی تحقیقات کےلئے کمیشن پر سرمد جلال عثمانی کانام مسترد کردیا۔

    اسلام آباد میں صحافیوں سے گفتگو کرتے ہوئے انہوں نے کہا کہ جسٹس ریٹائرڈ سرمد جلال عثمانی قابل احترام شخصیت ہیں لیکن وہ جوڈیشل کمیشن کے سربراہ کی حیثیت سے قبول نہیں ہیں۔

    ان کا کہنا ہے کہ ایسے جج کو ہم نہیں مانتے جس کی اہلیہ ن لیگ میں ہو۔ خورشید شاہ نےکہا کہ پانامہ لیکس کی تحقیقات کےلئےصرف چیف جسٹس کی سربراہی میں کمیشن تسلیم کریں گے۔

    عمران خان کا بھی یہی مطالبہ ہے اپوزیشن لیڈر نےتجویزدی کہ عدالتی کمیشن نہیں بنتا تورضاربانی کی سربراہی میں پارلیمانی کمیٹی بنادی جائے۔

    واضح رہے کہ پانامہ لیکس کی تحقیقات کےلئے وزیراعظم نوازشریف نے کمیشن بنانے کااعلان کیا تھا۔

     

  • عمران خان کو بچپن سے وزیراعظم بننے کا شوق ہے،  خواجہ سعد رفیق

    عمران خان کو بچپن سے وزیراعظم بننے کا شوق ہے، خواجہ سعد رفیق

    ملتان : وفاقی وزیر ریلوے خواجہ سعد رفیق نے کہا ہے کہ عمران خان کو بچپن سے وزیراعظم بننے کا شوق ہے، ان کی وجہ سے کوئی جج کمیشن کا حصہ نہیں بن رہا.

    ان خیالات کا اظہار انہوں نے ملتان میں پریس کانفرنس سے خطاب کرتے ہوئے کیا،وفاقی وزیر نے پریس کانفرنس میں عمران خان کو آڑے ہاتھوں لیتے ہوئے زبان دراز بھی قرار دے دیا.

    خواجہ سعد رفیق کا کہنا تھا کہ عمران خان تو زبان دراز ہے، سب کو اپنی عزت پیاری ہے۔ ایک سوال کے جواب میں ان کا کہنا تھا کہ پانامہ لیکس کے معاملہ پر تمام سیاسی جماعتوں کو اعتماد میں لینگے۔

    سعد رفیق کا کہنا تھا کہ حسن نواز اور حسین نواز کی کمپنی کیلئے ایک پیسہ بھی پاکستان سے نہیں گیا.

     

  • آصف زرداری لندن میں نوازشریف کی رہائشگاہ کے قریب ہوٹل میں منتقل

    آصف زرداری لندن میں نوازشریف کی رہائشگاہ کے قریب ہوٹل میں منتقل

    لندن : سابق صدر آصف علی زرداری لندن میں وزیراعظم نوازشریف کی رہائشگاہ کے قریب ہوٹل میں منتقل ہو گئے ہیں ۔

    ذرائع کے مطابق آصف زرداری لندن میں وزیراعظم نوازشریف کی رہائشگاہ کی پچھلی گلی میں منتقل ہو گئے جبکہ وزیراعظم اور سابق صدر کے گھر میں صرف پانچ سو گز کافاصلہ ہے ۔

    ذرائع کا کہنا ہے کہ اگر ملاقات ہوئی تووزیراعظم آدھی رات کو خود چل کر وہاں جاسکتے ہیں، جبکہ پیپلز پارٹی کے رہنما مولابخش چانڈیو کا کہنا ہے مریض ڈاکٹرکے پاس ہی آتا ہے،انہوں نے کہا مریض کوایمرجنسی اپوائنمنٹ بھی مل سکتی ہے۔

    دوسری جانب پی ٹی آئی کے چیئرمین عمران خان لندن پہنچ گئے، ایئرپورٹ پر گفتگو کرتے ہوئے عمران خان نے کہا کہ پانامہ لیکس پر انصاف نہ ملا تو دھرنا ہوگا ۔

  • اپنے چیک اپ کیلئے لندن آیا ہوں،پانامہ لیکس کیلئے نہیں، نوازشریف

    اپنے چیک اپ کیلئے لندن آیا ہوں،پانامہ لیکس کیلئے نہیں، نوازشریف

    لندن : وزیراعظم میا ں محمد نواز شریف نے کہا ہے کہ کچھ لوگوں کا کہنا ہے کہ میں پانامہ لیکس کے معاملات ٹھیک کرنے کے لئے لندن آیا ہوں، اگر ایسا ہوتا تومیں پانامہ جاتا، میں اپنے چیک اپ کیلئے لندن آیا ہوں، ان خیالات کا اظہار انہوں نے لندن میں میڈیا سے گفتگو کرتے ہوئے کیا۔

    میاں نواز شریف کا کہنا تھا کہ مجھے سمجھ نہیں آتا مجھ پرکیاالزامات ہیں، پاناما لیکس کے حوالے سے میں نے قوم سے خطاب کرتے ہوئے اپنے خیالات کا اظہار کیا تھا۔ ہم نے ایسا کوئی کام نہیں کیا جو قانون کے خلاف ہو ،ہم پوری محنت اور دیانت داری کے ساتھ قوم کی خدمت کر رہے ہیں ،اور پاکستان میں ترقی کی رفتار کو مزید تیز کرنا چاہتے ہیں۔

    پی ٹی آئی کے چئرمین عمران خان کے حوالے سے ان کا کہنا تھا کہ ایک صاحب ہروقت موقع کی تلاش میں رہتے ہیں، حکومت تیزی سے ملکی ترقی کے لیے اپنا کام کر رہی ہے لیکن وہ ملک کی ترقی کی راہ میں رکاوٹ بنے ہوئے ہیں ،شاید انہیں ملک کی ترقی عزیز نہیں ہے۔

    ایک سوال کے جواب میں ان کا کہنا تھا کہ آصف علی زرداری سے آج تعلق کی یادنہیں آرہی ،نہ ہی ایسی مجبوری ہے کہ ان سے تعلق کی ضرورت پڑے لیکن وہ آصف علی زرداری صاحب سے اچھا تعلق رکھنا چاہتے ہیں، ان سے پرانا تعلق ہے۔ پیپلز پارٹی کے دور میں ایک دن بھی حکومت گرانے کی کوشش نہیں کی۔ کیو نکہ پاکستان ان حرکتوں کا متحمل نہیں ہو سکتا اس لئے ہم سب کو مل کر چلنا ہو گا۔

    انہوں نے کہا کہ پیپلز پارٹی کے رائے ونڈ دھرنے میں شامل نہ ہونے کے فیصلے کی قدر کرتے ہیں۔ پاکستان کی ترقی کا راستہ روکنے کی کسی کو اجازت نہیں دیں گے۔ اگر وہ موقع کی تلاش میں ہیں تو انہیں ایسا کوئی موقع نہیں ملے گا۔

    وزیراعظم کا کہنا تھا کہ ان میچور سیاست کرنے والوں کو بھی جلدی سمجھ آ جائے گی۔ کلبھوشن یادیو کی گرفتاری سے متعلق ایک سوال کا جواب دیتے ہوئے انہوں نے کہا کہ پاکستان سے بھارتی ایجنٹ پکڑا گیا ہے، یہ سلسلہ ختم ہونا چاہیئے۔ ایک دوسرے کے ملک میں مداخلت کا معاملہ ختم ہونا چاہئیے ۔پاکستان اور بھارت کو اپنے معاملات آگے بڑھانے چاہئیں۔ وزیراعظم کی تبدیلی سے متعلق سوال پر انہوں نے کہا کہ آگے آگے دیکھئے ہوتا ہے کیا۔

     

     

    PM Sharif warns against taking undue advantage… by arynews

  • نوازشریف کی لندن روانگی پاناما لیکس کا معاملہ ہے، ڈاکٹرطاہرالقادری

    نوازشریف کی لندن روانگی پاناما لیکس کا معاملہ ہے، ڈاکٹرطاہرالقادری

    لندن : پاکستان عوامی تحریک کے سربراہ ڈاکٹرطاہرالقادری نے کہا ہے کہ شریف خاندان تیس سال سے کرپشن ، ٹیکس چوری اور کالے دھن سے بیرون ملک آف شور کمپنیاں بنا رہا ہے۔

    ان خیالات کا اظہار انہوں نے وڈیو لنک کے ذریعے پریس کانفرنس سے خطاب کرتے ہوئے کیا، انہوں نے کہا کہ نواز شریف کی لندن روانگی پانامالیکس کا معاملہ ہے۔

    انہوں نے کہا کہ نوازشریف لندن سے تمام سوالات کے دستاویزی ثبوت لیکرآئیں گے۔ اوربتائیں گے کہ کتنے کتنے ملین ڈالر کس مہربان نے کس طرح دیئے،چندروز میں وزراء کے پاس نئے دلائل اوراعداد وشمارآجائیں گے۔

    طاہر القادری نے کہا کہ جو لوگ جائز کاروبار سے پیسہ بناتے ہیں انہیں آف شور کمپنیاں بنانے کی کیا ضرورت ہے۔ان کا کہنا تھا کہ ہائیڈپارک لندن میں نوازشریف کی جائیداد منظرعام پرآگئی۔

    ہائیڈ پارک کی جائیداد کے لئے ساڑھے بیالیس ملین پاؤنڈ ادائیگی کی گئی،نیوزی لینڈ کی سرکاری اسٹیل مل کاپچاس فیصد حصہ ان کا تھا، یہ بات نیوزی لینڈ کے وزیراعظم نے انیس سوچورانوےمیں بتائی تھی۔

     

  • پانامہ لیکس قومی مسئلہ ہے، کرپشن کیخلاف اکٹھا ہونا ہوگا، پرویزالٰہی

    پانامہ لیکس قومی مسئلہ ہے، کرپشن کیخلاف اکٹھا ہونا ہوگا، پرویزالٰہی

    اسلام آباد : پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ پانامہ لیکس وزیراعظم نوازشریف کے گرد گھوم رہے ہیں، یہ ایک قومی مسئلہ ہے کرپشن کیخلاف سب کو اکٹھا ہونا ہو گا۔

    اسلام آباد میں پاکستان تحریک انصاف کے سینئر رہنما جہانگیر خان ترین ایم این اے کی قیادت میں اسحاق خان خاکوانی اور عبدالعلیم خان پر مشتمل وفد سے ملاقات میں اور بعد ازاں میڈیا سے گفتگو کر رہے تھے۔

    بات چیت میں سینیٹر کامل علی آغا، طارق بشیر چیمہ ایم این اے اور محمد بشارت راجہ بھی شریک تھے۔ جہانگیر ترین نے کہا کہ شریف فیملی ارب پتی بن چکی ہے انہیں حساب دینا ہو گا.

    نوازشریف کے استعفیٰ تک جدوجہد جاری رہے گی، ن لیگی وزراء اپنے بیانات تبدیل کرتے رہتے ہیں۔ چودھری پرویزالٰہی نے کہا کہ اختلافات پس پشت ڈال کر سب کو قومی ایجنڈا پر متفق ہونا ہو گا، ہم سب قومی مسئلہ پر اکٹھے ہو رہے ہیں.

    پانامہ لیکس میں وزیراعظم نوازشریف کا کردار مشکوک ہے اس معاملہ کے حل میں تمام جماعتوں کو حصہ ڈالنا ہو گا اور مسئلہ کو منطقی انجام تک پہنچنا چاہئے۔

    انہوں نے کہا کہ پاکستان تحریک انصاف کے سینئر رہنماؤں سے مختلف امور پر مشاورت ہوئی ہے۔ جہانگیر ترین نے مزید کہا کہ سیاسی جماعتوں اور قوم کی جانب سے نوازشریف کے استعفیٰ کا مطالبہ سامنے آ رہا ہے اور انہیں ہر صورت استعفیٰ دینا ہو گا کیونکہ مسئلہ کا اور کوئی حل نہیں ہے۔

    انہوں نے چودھری پرویزالٰہی سے اظہار تشکر کرتے ہوئے کہا کہ ان سے نہایت اچھے ماحول میں بات چیت ہوئی ہم تمام سیاسی دوستوں اور جماعتوں سے روابط بڑھا رہے ہیں اس وقت سب سے بڑا مسئلہ پانامہ لیکس ہیں .

    پاکستان مسلم لیگ اور پی ٹی آئی متفق ہیں کہ ان پر ہر قسم کی تحقیقات ہونی چاہئیں اس پر عوام اور سیاسی جماعتوں کو اکٹھا ہونا ہو گا.

    اپوزیشن مل کر اسے منطقی انجام تک پہنچائے گی الیکشن کمیشن کو دئیے گئے گوشواروں میں لندن کے اپارٹمنٹس کا کوئی ذکر نہیں ہے۔