Tag: Panama

اسلام آباد: نوازشریف نے کہا ہے کہ قانون کی حکمرانی پر یقین رکھتا ہوں اور اداروں سے ٹکراؤ کا حامی نہیں اس لیے عدالتی فیصلہ تسلیم کیا،مجھے علم ہے میرے ساتھ کیا ہونے والا ہے، نااہلی فیصلے کے پیچھے چھپی سازش جلد عوام کے سامنے لاؤں گا۔

جڑواں شہروں کے تاجروں سے ملاقات میں سابق وزیراعظم نے کہا کہ پاناما کیس میں میرے خاندان کے علاوہ اور بھی لوگوں کے نام تھے مگر صرف میرے خاندان کو نشانہ بنایا گیا اور ملک کا آئین توڑنے والوں کو کوئی سزا نہیں دی گئی۔

انہوں نے کہا کہ اداروں سے ٹکراؤ کی سیاست کا حامی نہیں اور قانون کی حکمرانی پر پورا یقین رکھتا ہوں اس لیے عدالتی فیصلے کو تسلیم کیا تاہم نااہلی فیصلے کے پیچھے ایک سازش چھپی ہے جو جلد عوام کے سامنے لاؤں گا۔

نوازشریف نے کہا کہ  احتساب کے نام پر استحصال کیا گیا مگر میں کسی بھی طاقت کے سامنے جھکوں گا نہیں، عوام نے پاناما فیصلے کو قبول نہیں کیا، مجھے یہ بھی معلوم ہے کہ میرے ساتھ کیا ہونے والا ہے۔

مسلم لیگ کے صدر نے کہا کہ میرا کیس نیب بھیج کر نگرانی بھی کی جائے گی جبکہ ملک کا آئین توڑنے والوں کو کوئی سزا نہیں دی گئی، عوام نے مینڈیٹ دیا تو سب کو سویلین بالادستی کو تسلیم کرنا چاہیے۔

اسلام آباد: وفاقی وزیر داخلہ کے ترجمان نے کہا ہے کہ  چوہدری نثار علی خان ذاتی مصرفیات کی وجہ سے کابینہ کے اجلاس میں شریک نہیں ہوسکے، موجودہ صورتحال پر وزیرداخلہ آئندہ چند روز میں اپنا مؤقف پیش کریں گے۔

ترجمان وزارتِ داخلہ کی جانب سے جاری بیان میں کہا گیا ہے کہ کابینہ اجلاس میں چوہدری نثار علی خان کے بیان پر قیاس آرائیوں سے گریز کیا جائے، اجلاس میں وزیرداخلہ کی کسی سے کوئی تلخ کلامی نہیں ہوئی اور نہ انہوں نے واک آؤٹ کیا۔

وزارتِ داخلہ کے ترجمان نے کہا ہے کہ وزیر داخلہ کے بیان سے متعلق میڈیا پر چلائی جانے والی خبروں میں کوئی صداقت نہیں، چوہدری نثار علی خان ذاتی مصروفیات کی وجہ سے کابینہ کے اجلاس میں شریک نہیں ہوئے۔

پڑھیں: اگلے ہفتے نیا پاکستان بننے جا رہا ہے، عمران خان

وفاقی وزیر داخلہ کے ترجمان کہا ہے کہ کابینہ کے اجلاس میں چوہدری نثار کی عدم شرکت کو غلط رنگ دینے کی کوشش کی گئی جبکہ اس سے قبل بھی وزیر داخلہ کئی پارلیمانی اجلاسوں میں ذاتی مصروفیات کی بنا پر شرکت نہیں کرسکے تھے۔

مزید پڑھیں: وزیراعظم کواستعفیٰ دینا ہوگا، اپوزیشن جماعتوں کا مشترکہ کا مطالبہ

وزیر داخلہ کے ترجمان نے میڈیا پر چلنے والی خبروں کو بے بنیاد قرار دیتے ہوئے کہا کہ چوہدری نثار جے آئی ٹی رپورٹ آنے کے بعد کی صورتحال پر آئندہ چند روز میں اپنا واضح مؤقف پیش کریں گے۔

یاد رہے پاناما رپورٹ آنے کے بعد وزیراعظم کی زیر صدارت اہم اجلاس منعقد کیے گئے جس میں وفاقی وزراء، لیگی رہنماؤں نے شرکت کی جبکہ وفاقی وزیرداخلہ اجلاس میں شرکت نہیں  کرسکے تھے۔