ARYNews.tv | Urdu – Har Lamha Bakhabar

Tag: panda

  • جائنٹ پانڈا روس پہنچ گیا

    جائنٹ پانڈا روس پہنچ گیا

    ماسکو: چین کی پانڈا ڈپلومیسی کے تحت جائنٹ پانڈا روس کے دارالحکومت ماسکو پہنچ گیا، معصوم پانڈا کو دیکھنے کے لیے لوگوں کی بڑی تعداد امڈ آئی۔

    چینی صدر زی جن پنگ کے دورہ ماسکو کے موقع پر چین سے 2 جائنٹ پانڈا بھی ماسکو پہنچ گئے، چین کی جانب سے پانڈا ڈپلومیسی روس کے ساتھ تعلقات کو مزید بہتر کرنے کی ایک کوشش ہے۔

    چین سے لائے گئے پانڈا کی تعداد 2 ہے جن کی چڑیا گھر میں رونمائی کے موقع پر چینی صدر اور روسی صدر ولادیمیر پیوٹن بھی موجود تھے۔

    یاد رہے کہ پانڈا صرف چین میں پایا جاتا ہے جہاں اس کی معدوم ہوتی نسل کو دیکھتے ہوئے ہنگامی اقدامات اٹھائے گئے جس کے بعد اب پانڈا کی نسل مستحکم درجے پر آگئی ہے۔

    چین اب اسے امریکا سمیت دوسرے ممالک میں بھی بھیج رہا ہے جسے پانڈا ڈپلومیسی کہا جاتا ہے۔

    اس سے ایک طرف تو چین کے بین الاقوامی تعلقات خوشگوار ہوتے ہیں، دوسری جانب پانڈا کی ختم ہوتی نسل کو بھی دیگر مقامات اور آب و ہوا سے متعارف کروایا جاتا ہے تاکہ وہ مختلف موسموں سے مطابقت کرتے ہوئے اپنی نسل میں اضافہ کریں۔

  • مادہ پانڈا کو دھوکا دے کر اس کے بچے بدل دیے گئے

    مادہ پانڈا کو دھوکا دے کر اس کے بچے بدل دیے گئے

    چین میں پانڈا کے تحفظ کے لیے بنائے جانے والے ایک سینٹر میں ایک مادہ پانڈا کو بے خبر رکھ کر اس کے بچوں کی پرورش کروائی جارہی ہے۔

    چین کے شہر چنگژو میں اس مادہ پانڈا نے دراصل جڑواں بچوں کو جنم دیا ہے۔ مادہ پانڈوں کی اکثریت زیادہ تر جڑواں بچوں کو ہی جنم دیتی ہیں تاہم پیدائش کے بعد وہ ایک بچے کو لاوارث چھوڑ دیتی ہیں۔

    خیال کیا جاتا ہے کہ وہ ایسا اس لیے کرتی ہیں کیونکہ وہ بیک وقت دو بچوں کو دودھ نہیں پلا سکتیں اور نہ ان میں اتنی توانائی ہوتی ہے کہ 2 بچوں کی نگہداشت کرسکیں۔

    تاہم اس سینٹر میں کوشش کی جارہی ہے کہ پانڈا کے دونوں بچے اپنی ماں کے زیر نگہداشت ہی بڑھ سکیں۔

    اس کے لیے سینٹر کی انتظامیہ کچھ وقت کے بعد ایک بچے کو دوسرے سے بدل کر ماں کے قریب رکھ دیتی ہے۔ یوں مادہ پانڈا دونوں بچوں کو دودھ پلاتی ہے اور ان کا خیال رکھتی ہے۔

    مزے کی بات یہ ہے کہ مادہ پانڈا اب تک اس دھوکے میں ہے کہ اس کا ایک ہی بچہ ہے جسے وہ پال رہی ہے۔

    اس عمل کے لیے سینٹر کی انتظامیہ کو نہایت تحمل کا مظاہرہ کرنا پڑتا ہے۔ وہ دن میں تقریباً 10 سے 11 بار بچے بدلنے کا یہ عمل انجام دیتے ہیں۔

    سینٹر کی انتظامیہ کا یہ عمل دراصل پانڈا کی آبادی میں اضافے کے لیے کی جانے والی کوششوں کی ایک کڑی ہے۔

  • ماں کے انتظار میں نڈھال ننھے پانڈا کی تصاویر وائرل

    ماں کے انتظار میں نڈھال ننھے پانڈا کی تصاویر وائرل

    چین میں اپنی ماں کے انتظار میں نڈھال ننھے پانڈے کی تصاویر سوشل میڈیا پر وائرل ہوگئیں۔

    چین کے وولونگ پانڈا کلب کی جانب سے سماجی رابطوں کی ویب سائٹ پر پوسٹ کی جانے والی تصاویر میں ایک ننھا پانڈا دکھائی دے رہا ہے جو اپنی ماں کا انتظار کر رہا ہے۔

    پانڈا کی ماں کھانا کھانے کی غرض سے دور ہے اور پانڈا اس کا انتظار کرتا ہوا نہایت نڈھال اور نیند میں اونگھتا معلوم ہورہا ہے۔

    سماجی رابطوں کی ویب سائٹ پر مقبول ہونے کے بعد لوگوں نے اس ننھے پانڈے سے ہمدردی کا اظہار کیا اور اس کی تنہائی پر افسوس بھی کیا۔

  • نیند کے وقت پانڈا کے ننھے بچوں کی موج مستیاں

    نیند کے وقت پانڈا کے ننھے بچوں کی موج مستیاں

    بیجنگ: چین میں 7 ننھے ننھے پانڈا کے بچوں کو سونے کے لیے الگ سے جگہ مہیا کی گئی تاہم سونے کے لیے رکھے گئے یہ ڈبے دیکھ کر پانڈوں کی نیند اڑن چھو ہوگئی اور انہوں نے کھیلنا شروع کردیا۔

    ان 7 پانڈوں کو سونے کے لیے آرام دہ جگہ مہیا کرنے کی خاطر ان کے علیحدہ کمرے میں کچھ باکسز بنائے اور سوچا گیا کہ پانڈا یہاں اطمینان سے آرام کریں گے۔

    مگر جیسے ہی انہیں ان باکسز میں ڈالا گیا، انہیں لگا کہ شاید انہیں کھیلنے کے لیے یہاں رکھا گیا ہے چنانچہ انہوں نے سونے کے بجائے ایک دوسرے کے باکسز میں تاک جھانک اور موج مستی شروع کردی۔

    ہر پانڈا کی کوشش تھی کہ کسی طرح وہ اس باکس سے باہر نکل آئے۔ اس کوشش میں ایک پانڈا دوسرے پانڈا کے باکس میں گھس آیا جبکہ کونے میں موجود پانڈا اپنے باکس میں سے دھڑام سے گر پڑا۔

    پانڈوں کی معصومانہ حرکات پر مبنی یہ ویڈیو سوشل میڈیا پر بے حد وائرل ہوگئی۔

    یاد رہے کہ پانڈا صرف چین میں پایا جاتا ہے جہاں اس کی معدوم ہوتی نسل کو دیکھتے ہوئے ہنگامی اقدامات اٹھائے گئے جس کے بعد اب پانڈا کی نسل مستحکم درجے پر آگئی ہے۔

    چین اب اسے امریکا سمیت دوسرے ممالک میں بھی بھیج رہا ہے جسے پانڈا ڈپلومیسی کہا جاتا ہے۔

    اس سے ایک طرف تو چین کے بین الاقوامی تعلقات خوشگوار ہوتے ہیں، دوسری جانب پانڈا کی ختم ہوتی نسل کو بھی دیگر مقامات اور آب و ہوا سے متعارف کروایا جاتا ہے تاکہ وہ مختلف موسموں سے مطابقت کرتے ہوئے اپنی نسل میں اضافہ کریں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دادی پانڈا کی 35 ویں سالگرہ

    دادی پانڈا کی 35 ویں سالگرہ

    بیجنگ: چین میں 35 سالہ مادہ پانڈا کی سالگرہ دھوم دھام سے منائی گئی۔ اس مادہ پانڈا کے بچوں اور ان سے پیدا ہونے والے مزید بچوں کی تعداد 118 ہے۔

    جنوب مغربی چین کے شہر چونگ کنگ کے چڑیا گھر میں موجود اس مادہ پانڈا کی 35 ویں سالگرہ بہت دھوم دھام سے منائی گئی۔

    اس موقع پر پانڈا کی کیک اور اس کی پسندیدہ خوراک بمبوز یعنی بانس سے اس کی تواضع کی گئی۔ پس منظر میں ہیپی برتھ ڈے ٹو یو کا گانا بھی بجایا گیا۔

    سنہ 1982 میں پیدا ہونے والی زنگ زنگ دنیا کی طویل العمر مادہ پانڈا میں سے ایک ہونے کا اعزاز رکھتی ہے۔ اس کی اولادیں اور ان کی اولادیں امریکا، کینیڈا اور جاپان سمیت دنیا بھر کے 20 مختلف ممالک میں پرورش پا رہی ہیں۔

    سنہ 2002 میں زنگ زنگ نے 20 سال کی عمر میں حاملہ ہو کر پانڈا کی سب سے طویل العمری میں ہونے والے حمل کا ریکارڈ توڑ دیا۔ اس وقت اس نے دو جڑواں بچوں کو جنم دیا تھا۔

    چڑیا گھر کی انتظامیہ کا کہنا ہے کہ اس پانڈا کو نہایت خصوصی توجہ دی جاتی ہے اور باقاعدگی سے طبی ٹیسٹ کیے جاتے ہیں۔ تاحال اسے ایسا کوئی طبی مسئلہ نہیں جو اس کے لیے جان لیوا بن سکتا ہو۔

    یاد رہے کہ پانڈا کی مجموعی طبعی عمر 15 سے 20 سال تک ہوتی ہے۔ تاہم اگر انہیں دیکھ بھال کے ساتھ انسانی نگرانی میں رکھا جائے تو زیادہ سے زیادہ یہ 30 سال تک جی سکتے ہیں۔

    پانڈا کی یہ عمر انسانوں کی 90 سال کی عمر کے برابر ہوتی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چین میں پانڈا کے ساتھ برے سلوک پر تنازعہ

    چین میں پانڈا کے ساتھ برے سلوک پر تنازعہ

    بیجنگ: چین میں ایک پانڈا بریڈنگ سینٹر میں انتظامیہ کے افراد کی جانب سے 2 پانڈا کے ساتھ جارحانہ رویہ اپنانے پر ملک بھر میں غم و غصے کی لہر دوڑ گئی۔

    مغربی چین کے علاقے چنگ ڈو میں واقع اس بریڈنگ سینٹر سے سامنے آںے والی یہ متنازعہ ویڈیو سوشل میڈیا پر وائرل ہوچکی ہے۔

    مزید پڑھیں: وائلڈ لائف نگہبان ۔ پانڈا ڈیڈی

    ویڈیو میں دیکھا جاسکتا ہے کہ 2 معصوم پانڈا اپنے مخصوص حصے کے دورازے سے باہر نکلنے کی کوشش کر رہے ہیں اور انہیں روکنے کے لیے ان کے نگران ان سے نہایت برا سلوک کر رہے ہیں۔

    دونوں نگران ان پانڈوں کو گھسیٹتے اور اٹھا کر پھینکتے بھی دکھائی دے رہے ہیں۔

    سوشل میڈیا پر وائرل ہوجانے کے بعد لوگ ان نگرانوں کے خلاف کارروائی کا مطالبہ کر رہے ہیں۔

    ایک شخص نے تبصرہ کیا، ’اگر آپ میں صبر اور برداشت نہیں ہے تو آپ کو پانڈا کا نگران نہیں بننا چاہیئے‘۔

    یاد رہے کہ پانڈا چین کا قومی جانور ہے اور عالمی ادارہ برائے تحفظ ماحولیات آئی یو سی این نے اس جانور کو معدومی کے خطرے کا شکار جانوروں کی فہرست میں شامل کر رکھا تھا۔

    تاہم چین نے پانڈا کے تحفظ اور نسل میں اضافے کے لیے مؤثر ہنگامی اقدامات اٹھائے جس کے بعد یہ معصوم جانور اب معدومی کے خطرے سے باہر نکل آیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • چینی پانڈا کی ہالینڈ آمد

    چینی پانڈا کی ہالینڈ آمد

    یورپی ملک ہالینڈ نے اپنے چڑیا گھر کی رونق بڑھانے کے لیے چین سے پانڈا درآمد کر لیے۔ ایئرپورٹ سے چڑیا گھر تک سب ہی نے پانڈوں کا پر تپاک استقبال کیا۔

    ایمسٹر ڈیم کے چڑیا گھر کی شان بڑھانے کے لیے انتظامیہ نے چین سے 2 نایاب پانڈے زنگ یا اور وہ وین منگوائے جن کی ایک جھلک دیکھنے کے لیے بچے اور بڑے سب ہی امڈ آئے۔

    ایئرپورٹ سے چڑیا گھر تک کے راستے پر سب نے ہی پانڈو ں کا پرتپاک استقبال کیا۔ اس موقع پر بچوں نے پانڈا والی کیپ پہن کر پانڈا کی من پسند غذا فضا میں لہرا لہرا کر خوشی کا اظہار بھی کیا۔

    چڑیا گھر انتظامیہ کا کہنا ہے کہ پانڈوں کی آمد سے چڑیا گھر کی رونقیں دوبالا ہوجائیں گی۔

    یاد رہے کہ پانڈا صرف چین میں پایا جاتا ہے البتہ اسے اب امریکا سمیت دوسرے ممالک میں بھی بھیجا جارہا ہے جسے پانڈا ڈپلومیسی کہا جاتا ہے۔

    اس سے ایک طرف تو چین کے بین الاقوامی تعلقات خوشگوار ہوتے ہیں، دوسری جانب پانڈا کی ختم ہوتی نسل کو بھی دیگر مقامات اور آب و ہوا سے متعارف کروایا جاتا ہے تاکہ وہ مختلف موسموں سے مطابقت کرتے ہوئے اپنی نسل میں اضافہ کریں۔

    مزید پڑھیں: پانڈا معدومی کے خطرے کی زد سے باہر

    اس سے قبل چین نے پانڈا کے ایک جوڑے کو امریکا بھی بھجوایا تھا۔ ان کے امریکا میں پیدا ہونے والے بچوں کو جب واپس چین بھیجا گیا تو وہ ’ہوم سکنس‘ کا شکار ہوگئے اور انہیں نئے ماحول سے مطابقت کرنے میں بے حد مشکل پیش آئی۔

  • پانڈے نے سوشل ویب سائٹ فیس بک پر قبضہ جمالیا

    پانڈے نے سوشل ویب سائٹ فیس بک پر قبضہ جمالیا

    واشنگٹن: ایک بھاری بھرکم پانڈے نے سوشل ویب سائٹ فیس بک پر قبضہ جمالیا ہے، جہاں ہرکوئی سوال کررہا ہے کہ یہ پانڈا درخت سے کیوں اترنے کا نام ہی نہیں لے رہا۔

    جانور چاہے چھوٹا ہو یا بڑا زندگی کی فکر ہر ایک کو خوفزدہ کردیتی ہے، اب اس بھاری بھرکم جثے والے پانڈے کو لے لیں۔۔ جو ڈر کرپوری رات درخت پر چڑھا رہا، واشنگٹن کے چڑیا گھر کے حکام کے مطابق انھوں حفاظتی نظام کیلئے ایک گرم تار لگائی تھی جس کو اس پانڈے نے چھو لیا جس کے بعد وہ ایسا خوفزدہ ہوا کہ پوری رات درخت پر گزر دی۔

    باؤ باؤ نامی اس پانڈے کو درخت سے اتارنے کے لیے اس کی ماں کو بھی لایا لیکن وہ نیچے نہ اترا، چڑیا گھر کے حکام کا کہنا ہےکہ وہ پانڈے کو جلد ہی تحفظ کا احساس دلا کر واپس اس کے گھر میں لے آئیں گے۔