Tag: pani ki qilat

  • سندھ حکومت کراچی کے مسائل اچھی طرح سمجھتی ہے، شرجیل میمن

    سندھ حکومت کراچی کے مسائل اچھی طرح سمجھتی ہے، شرجیل میمن

    کراچی : صوبائی وزیر بلدیات شرجیل میمن کا کہنا ہے شہریوں کو پانی کی کمی کے درپیش کے حل کے لئے اقدامات کر رہے ہیں۔ پانی کی منصفانہ تقسیم کے لئے کمیٹی قائم کردی ہے۔

    تفصییلات کے مطابق سندھ کےوزیر بلدیات شرجیل انعام میمن نے کہا ہے کہ متحدہ قومی موومنٹ الزام تراشیوں کی سیاست کی بجائے تعمیری باتوں پر توجہ دے۔

    ان خیالات کا اظہار انہوں نے کراچی میں صحافیوں سے بات چیت کرتے ہوئے کیا، ایک سوال کے جواب میں شرجیل میمن نے کہا کہ فاروق ستار خود یہ بات تسلیم کر چکے ہیں کہ شہر کراچی میں پانی کی فراہمی طلب سے آدھی ہے۔

    سندھ کے وزیر بلدیات کا کہنا ہے کہ حکومت کراچی کے شہریوں کو پانی پہنچانے کیلئے تمام اقدامات بروئے کار لارہی ہے۔ پانی کی عدم فراہمی اور دیگر شکایات دور کرنے کے لئے واٹر بورڈ میں مرکز شکایات قائم کردیا گیا ہے۔

    ان کا کہنا تھا کہ حکومت کراچی کے مسائل اچھی طرح سمجھتی ہے۔کمشنر کراچی کی سربراہی میں پانی کی منصفانہ تقسیم کے لئے کمیٹی قائم کردی گئی ہے۔

    شرجیل میمن نے بتایا کہ کے فور منصوبے اور دھابیجی سے شہر کو پانی کی فراہمی میں پینسٹھ ایم جی ڈی اضافے کے منصوبوں پرکام کا آغاز کردیا گیا ہے۔

  • زرعی پانی کی قلت:وزیراعلیٰ سندھ نے نوٹس لے لیا

    زرعی پانی کی قلت:وزیراعلیٰ سندھ نے نوٹس لے لیا

    جھڈو :زرعی پانی کی قلت اور پانی چوری کی شکایات پر وزیراعلیٰ سندھ کا اچانک مٹھڑائو کینال نوکوٹ کا دورہ ،بند کمرے میں محکمہ آبپاشی کے افسران اور منتخب نمائندو ں کے ہمرا اجلاس کسی بھی زمیندار کو اجلاس میں نہیں بلایا گیا،علاقہ کے زمینداروں کا پانی چوری اور کمی کے خلاف احتجاج ،

    اطلاعات کے مطابق زرعی پانی کی کمی اور چوری کی خبریں مختلف قومی اخبارات میں شایع ہونے پر وزیر اعلیٰ سندھ سید قائم علی شاہ نے نوٹس لیتے ہوئے نوکوٹ مٹھڑائو کینال کا اچانک دورہ کیا اور سینٹر گل محمد لاٹ کی تھر فلور ملز پر بند کمرے میں آبپاشی کے افسران اور منتخب نمائندوں کے ساتھ اجلاس کیا بعد ازا صحافیوں سے گفتگو کر تے ہوئے وزیر اعلیٰ سندھ کا کہنا تھا کہ پانی کی کمی نہیں ہے لیکن آبپاشی انتظامیہ اور پولیس کی نا اہلی اور غفلت کے باعث پانی کی تقسیم درست طرح سے نہیں ہو پا رہی ہے اور ہم پانی کو ٹیل تک پہنچائیں گےy.جمڑائو اور مٹھڑائو کینال کے سلسلے میں ہم نے کا فی پیسے دیئے ہیں

    اس موقع پر وزیر اعلیٰ سندھ کا مذید کہنا تھا کہ پولیس سے عوام کا اعتماد اٹھ چکا ہے لیکن ہم پولیس سے کام لیں گے رینجرز کراچی حیدرآباد میں بہت اچھا کام کر رہی ہے رینجرز کو پا نی کی چوکیداری پر نہیں لگا سکتے اس موقع پر زمینداروں نے شدید احتجاج کر تے ہو ئے کہا کہ وزیر اعلیٰ سندھ بند کمرے میں پانی چوروں کے ساتھ اجلاس کر رہے ہیں جبکہ ہماری زمینیں تباہ ہو رہی ہیں اور وزیر اعلیٰ یہاں کے چور ایم این اے ایم پی ایز نے وزیر اعلیٰ کو ہم سے ملنے نہیں دیا جبکہ وزیر اعلیٰ سندھ سے صحافی کی جانب سے ایم این اے ایم پی اے کے پانی چوری میں ملوث ہو نے کے بارے میں سوال کر نے پر جیالے صحافیوں پر بھڑک اٹھے اور وزیر اعلیٰ سے سوالات کر نے سے روک دیا جس پر صحافیوں نے شدید احتجاج کیا